gina mikhail

متشكرة اوى يا لميس و معلش استحملينى هكتب حاجات كتير اليومين دول علشان من خلالها يقدر كل اللى عندة مشكلة فى النحو يلم اكبر قدر من المعلومات بسرعة و صدقينى انا قبل ما اكتب الجمل بكون اعربتها لوحدى الاول بس مبحبش اكتب الاجابة علشان بخاف لو فيها حاجة غلط يحصل لخبطة للناس اللى معندهاش وقت للمذاكرة و عايزة الاجابة السليمة علطول بس هحاول اكتب اللى انا متأكدة منة بس اعرب انصر اخاك ظالما او مظلوما

اعرب كونوا مجتهدين فى دراستكم

شكرا يا عطر على مجهودك ربنا يوفقك و يحققلك كل احلامك

خدو بالكم من مادة القراءة يا ترم اول انا امتحنها بينى و مكنتش حلوة خالص

متشكرة يا عطر على الاعراب انا كمان حليتها كدة و بكدة اكون ضمنت كمان نص درجة هيييييييييييييييييييييييييييييييييييييييييييييييييييييييييييييييييييييي

اعرب الجملة الاتية و اذكر نوع الخبر شوقى شعره متميز

بصى يا دودى تابعى الاسئلة اللى انا بكتبها على الصفحة و الاجابة اللى بيكتبها حسين ولميس صدقينى هتفيدك اوى . و انا هحاول احل جزء من السؤال معاكى بس طبعا كلامى مش اكيد صح و لازم نتأكد من حسين و لميس مثال لجمع بالالف و التاء مرفوع حضرت المدرسات المدرسات : فاعل مرفوع و علامة رفعة الضمه الظاهرة يا رب يكون صح !!!!!!!!!!!

كنت عايزه اعرف هو كتاب الكلتشر كله مقرر علينا ولا لا و كمان ايه المقرر علينا من كتاب النحو لان فى حاجات تانيه فى الكتاب زى التشبيه و الاستعاره و اسءله غير النحو فهل ده بيجى منه فى الامتحان

شكرا ليكى يا لميس احنا فعلا بنبقى محتاجين نشوف نماذج للاعراب علشان نتعلم منها

متشكرة جدا يا حسين على الحل و الحمد لله انا حلتها زى ما انت حليتها وبكدة انا ضمنت نص درجة فى النحو و دلوقتى انا بحتفل بالدرجة دى و جبت كل الالات الموسيقية اللى عندى و قاعدة بطبل و بغنى و عاملة دوشة رهيبة فى العمارة

يا ريت حد يجاوب علشان اعرف جاوبت صح ولا غلط فى الامتحان اعتقد والله اعلم انها كلها اللي بالفتحه لانها بدل عن الاهداف فتاخذ اعربها والاهداف مفعول به منصوب بالفتحه شكرا يا raga على مشاركتك فى حل السؤال

يا ريت حد يجاوب علشان اعرف جاوبت صح ولا غلط فى الامتحان

متشكرة جدا يا لميس و بجد حلوة فكرة الدفتر دى انا فعلا محتاجة اعمل كدة و على فكرة انا من النوع اللى بيفضل يحاول لحد ما يوصل

نحو 111 بينى : اخترالاجابة الصحيحة مما بين الاقواس مع التعليل لاجابتك اصبت الاهداف ---------------- (كلَها اللام عليها شدة فوقيها فتحة - كلُها اللام عليها شدة فوقيها ضمة - كلها و اللام بتاعتها عليها فتحة فوقيها شدة ) هى طبعا فى الامتحان مكتوبة بالتشكيل بس لكن انا مش عارفة اكتب التشكيل على الكمبيوتر صح

جملة إجتهاده متميز تعرب نعت جمله أسميه والضمير المتصل (الهاء) عائد على المنعوت النكره وهو ( طالب) فى محل رفع شروط النعت فى الجمله الأسميه والفعليه يأتي النّعتُ جملةً اسميةً أو فعليةً، عندئذٍ يجبُ أنْ تحتويَ على ضميرٍ متّصلٍ أو منفصلٍ يعودُ على المنعوتِ، على أنْ يكونَ المنعوتُ نكرةً، شروط الحال فى الجمله الأسميه والفعليه عندما تقع الحال جملة اسمية أول فعلية فإنها يجب أن تسبق باسمٍ معرفة أي أن يكون صاحبها اسماً معروفاً وأن تكون جملة خبرية وأن لا تبدأ بما يدل على الاستقبال مثل (حرف السين أو سوف) وأن تحتوي على رابط يربط الحال بصاحبه الفرق بين الجملة الحالية وجملة الصفة ( النَّعت ) تذكَّر القاعدة : الجمل بعد النكرات صفات وبعد المعارف أحوال .. علامات الجملة الحالية : 1- تقع بعد اسم معرفة 2- قد تأتي بعد واو الحال 3- تكون دائماً جواباً لكلمة كيف ؟؟ 4- دائماً نقول ( جملة فعلية أو اسمية ) في محل نصب حال صفات واو الحال : 1- واو الحال لا تأتي في أول الكلام بل في وسطه . 2- تسبقها جملة فعلية وتتبعها جملة اسمية 3- تكون بمعنى إذ 4- الاسم بعدها غالباً مبتدأ مثال : دخلنا المدينةَ و ( الليلُ مقمرٌ ) الإعراب : جملة اسمية في محل نصب حال . علامات جملة الصفة : 1- تقع بعد اسم نكرة دائماً 2- يمكن أن تكون في محل رفع صفة : ( هي فتاةٌ تساعدُ أمّها ) 3- يمكن أن تكون في محل نصب صفة : ( قرأتُ كتاباً يبحثُ في التَّاريخ ) 4- يمكن أن تكون في محل جر صفة : ( التقيتُ بشابٍ يكتبُ شعراً ) وذلك حسب موقع الاسم النكرة الذي يسبق جملة الصفة .. ( من الإعراب ) ما شاء الله عليك يا اوتوميكس متشكرة على الاجابة المفصلة دى . و بكدة هبقى انا حليت اول واحدة غلط لانى عملتها حال !!!!!!!!!!!!!!!!!!!! فى حد عندة رأى تانى ؟

امتحان النحو 111 بينى اختر الاجابة الصحيحة من بين الاقواس مع التعليل لاختيارك حضر طالب اجتهاده متميز ( جملة اجتهادة متميز ) تعرب : ( نعت - حال - خبر ) ياريت الكل يشارك و اهم حاجة التعليل الله يخليكوا

بصي ياجينا مش مهم اننا نقع احيانا مادام في ظروف منعتنا من الاجتهاد حتى لو كنا قصرنا المهم منفقدش الثقة في نفسنا ونبقى عارفين اننا اد النجاح والتفوق يعني انتي متقوليش على نفسك فاشلة لان الفاشل هو اللي حاول واجتهد وتعب وظروفه كانت مهيأة للتفوق وفي الاخر محققش أي نجاح لكن اللي قصر او منعته ظروفه يبقى مش فاشل ولازم تكوني واثقة في نفسك لاني شايفك مستواكي ممتاز ومش معنى اني بحكم على مستواكي اني افضل منك اكيد لا بس ده رأيي.ان شاء الله ادامك الترمات كتير وربنا يوفقك وميكونش عندك اي ظروف صحية تاني.ومش لازم ترفعي الامتحان ممكن تكتبي الاسئلة وخلاص والناس تشارك في حلها. انا متشكرة جدا يا حسين على تشجيعك و متشكرة لكل الزملاء على اهتمامهم و متقلقوش عليا انا ياما فشلت و ياما نجحت بس اهم حاجة ان اننا دايما نقدر نرمى ورا ضهرنا اى مشاكل او اى فشل و نقول نقطة و من اول السطر . المهم طمنا عليك يا حسين اخبار الامتحانات معاك اية يا رب تكون سهلة وتجيب امتياز

اه قبل ما انسى ياريت تخلوا بالكو و تذاكروا شوية لانى حاسة ان فى اتجاة لزيادة صعوبة الامتحانات و مش انا لوحدى اللى حاسة بكدة

انا بشكر كل الناس اللى بتواسينى فى فشلى و بعد الفشل الساحق اللى انا حققتة فى النحو احب اكون اول المغامرين فى حل امتحان الترم التانى واستحملوا بقى اللى هيجرالكو انا هحل اول واحدة انا : ضمير مبنى على الفتح فى محل رفع مبتدأ و الاسم التانى مش عارفاة اة نسيت اقولكم انى امتحنت انهاردة ال comprehension 112 و بردو محلتش كويس بس دة بسبب ظروف صحية اثرت على تركيزى فى اللجنة هروح بقى اشوف هرفع لكم الامتحانات ازاى

مش هو دة الامتحان اللى انا امتحنتة . انتو متأكدين ان دة امتحان المادة 111 ترم بينى ؟

ازيكم وحشتونى انا انهاردة امتحنت نحو 111 ترم بينى و صحيح انا محلتش كويس و ممكن بالكتير اجيب مقبول بس انا مش زعلانة علشانا انا كنت متوقعة دة انا عايزة اشكر حسين و لميس و عطر على كل المساعدات و بردو اللى حصل دة مش هيخلينى ابطل احط اسئلة على الصفحة علشان كلنا نتعلم انا هحاول بكرة ارفع الامتحان مش عارفة ازاى بس هحاول

صباح الخير عليكم وحشتونى جدا رجعتلكم تانى بالدوشة بتعتى قولولى بقى لما يكون السؤال كدة يبقى عايزنى اعربة ولا اكتب الاجابة بالتشكيل بس 1. صام المسلم رمضان. ( ابن الفعل للمجهول مع ضبط الفعل ونائب الفاعل و لما يقولى اضبط بالشكل يعنى اعمل اية معلش استحملونى انا امتحانى بكرة و النحو بقى سلطة فى دماغى

ممتـــــــــــــــــــــــــــاز جينا.. إيه التطورات دي بس بصراحة مش متأكدة من إعراب بغيا، مستنيين أستاذ حسين، لكن باقي الإعراب ممتاز الحاجة التانية.. الظرف هو نفسه المفعول فيه، من اسمه مفعول في ( المكان أو الزمان ) الفلاني بالتوفيق يا جميل وإلى الامام دائما متشكرة جدا يا لميس على متابعتك رغم انك مشغولة

طب بما ان محدش هيساعدنى فى الاعراب هعرب انا و قولولى صح ولا غلط ج‌. أعرب ما تحته خط فيما يأتي:- 1. ( فأتبعهم فرعون وجنوده بغياً وعدوا) 2. ( فشربوا منه إلا قليلا) 3. تختفي بعض الحشرات شتاء فرعون : فاعل مرفوع و علامة رفعة الضمة بغيا : حال منصوب و علامة نصبة الفتحة الظاهرة قلىلا : مستثنى منصوب و علامة نصبة الفتحة الظاهرة شتاء : ظرف زمان منصوب و علامة نصبة الفتحة الظاهرة --- ولا اقول مفعول فية منصوب اية اللخبطة دى

ج‌. أعرب ما تحته خط فيما يأتي:- 1. ( فأتبعهم فرعون وجنوده بغياً وعدوا) 2. ( فشربوا منه إلا قليلا) 3. تختفي بعض الحشرات شتاء