gina mikhail

ازيك يا عطر و انا بشكر ربنا ان انت مشرفة ترم تانى و مش عارفة لية الناس كلها اتجهت للفيس بوك مع انى اعتقد ان المنتدى كان افضل فى المساعدة على التحصيل العلمى و متابعة الاخبار لان الفيس بوستاتة مش ثابتة . و كنت عايزة اعرف هى دكتورة الريدينج بتاعة ترم تانى السنة دى هى نفس دكتورة ترم تانى السنة اللى فاتت ولا اتغيرت و مادة الترجمة بردو

التسجيل متاح الان ، ولم يعلن بعد عن موعد انتهاء التسجيل . متشكرة جدا

يا جماعة انا لسة مسجلتش و عايزة اعرف اخر معاد للتسجيل ؟

لا شكر على و اجب يا جماعة و كنت اتمنى اقدر اساعد اكتر من كدة . انا الترم دة هكون لسة فى ترم تانى علشان انا امتحنت مادتين بس و الحمد لله تقديرهم ممتاز بس بردو هبقى ازوركم فى ترم تالت حد يعرف اخبار التسجيل و مواعيدة ؟

الف مبروك

متشكرة او ى يا جماعة

حد يعرف التسجيل فى المركز بدأ ولا لسة ؟

كنت عايزة احملكتاب الترجمة و الجرامر بتوع ترم تانى يا ريت لو فى لينك حد ينزلة

متشكرة على تشجيعك يا استاذ رضا و شكرا ليكيى يا ايمى على القطع الجميلة دى بجد انا استفدت منها جدا و يا ريت الكل يشارك معانا علشان نتعلم اكتر من خبرات بعض

لطالما كان عمل المرأه قضية مثيرة للجدل فى المجتمعات المحافظه خاصة فى العالم العربى . فمازالت المرأه مهمشه و ينظر اليها ككائن مكمل فى العالم الذكورى . ففى مصر و العديد من الدول الاخرى يسعى الرجال و النساء لشغل الوظائف و لكن يتم تفضيل الرجال لشغلها . رغم ان المرأة تتساوى مع الرجل فى القدرات و تستحق ان تحصل على نفس الفرص . و تظل المرأه التى تشغل منصبا مهما مبهمة بالنسبة للرجل العادى ، فهل ستلتزم بقواعد اللعبه ، و هل تعرف حقا ما هى هذة القواعد ، ام انها ستضيع الجميع ؟ لذلك يراقبها الرجل بعناية و يلاحظ اخطائها . و يتساءل عما اذا كانت ستظهر علامات السلوك العاطفى او ستنفجر فى البكاء . انا لا اعرف ما اذا كان الرجل يبكى اقل من المرأه و لكن من الثابت انة تقريبا كل النساء اللاتى يشغلن منصبا تنفيذيا شعرن بالدموع تنهمر منهن فى بعض الاحيان . و يرتعب بعض الرجال من فكرة وجود زميلة تبكى لدرجة انهم لن يعطوها ترقية فى العمل اذا حدث ذلك . فقيام الرجل بترقية امرأه الى مناصب هامة او تنفيذيه هو بالنسبة له بمثابة توظيف اجنبيا للقيام بالوظيفة . فقد يكونوا مناسبين للوظيفة و لكن كيف تتأكد من ذلك ؟ فهل ستحصل المرأه للشركة على المزيد من الطلبات ام انها ستتسبب فى انخفاض المبيعات ؟ و هل صحيح ان الامور اخذه فى التغيير بدخول المزيد من النساء فى الحرف لكن المواقف هى التى لا تتغير بسهولة مما يؤدى الى وضع العقبات باستمرار فى طريقهن . هههههههه دى اصعب من اللى قبلها بس ادينا بنحاول و بنتعلم

ان الاتصال الوثيق بالغرب قد يشكل خطرا على الهوية العربية . فمثلا اذا كان لشاب ما علاقة بشخص من الغرب ، و فى ظل الاعتقاد السائد بان الغرب هو مركز الحضارة ، بالطبع سيصدق الشاب العربى كل ما يقولة له الطرف الاخر دون ادنى تفكير . و لقد ظهرت النتائج الخطيرة لمثل هذة العلاقات فى السنوات القليلة الماضية و تمثلت فى ظهور ظاهرة جديدة فى المجتمع المصرى فى منتصف التسعينات عندما ظهر بعض الاولاد يطلقون على انفسهم ساتانيكس او الشيطانيين و هم قد تبنوا معتقدات تشكيكية حول الله من خلال اصدقائهم عبر الانترنت هى بصراحة قطعة صعبة ويا ريت لو حد تانى يحاول يترجمها معانا

ممكن يا جماعة حد ينزل امتحان الريدينج و الترجمة علشان انا الترم اللى جاى هكون لسة فى ترم تانى بردو لكن هبقى اجى اسلم عليكم بردو و عايزة اشكر عطر الجنة و لميس و اوتوميكس و حسين على مساعدتكم لية و بجد من غيركم كان هيبقى فى حاجات كتير اوى صعبة و بتمنالكم النجاح و التوفيق ليكم و لكل اللى امتحنوا ترم تانى و مبروك مقدما و اشوفكم و انتو ترم تالت ان شاء الله

انا كويسة الحمد لله بس انا مكنش عندى امتحان انهاردة علشان انا مسجلة مادتين بس هما النحو و الثقافية لكن كنت بطمن عليكم . المهم انت عامل اية

ازيكم يا جماعة وحشتونى اوى اية اخباركم فى حد امتحن انهاردة ولا مكنش عندكم امتحان و اية الاخبار بالنسبة للجامعة والوصول ليها سهل ولا اية

كل سنة و انتو طيبين بمناسبة شهر رمضان و انشاء الله هيكون احلى رمضان مر على مصر