shahnda

السلام عليكم ، انا زاكرت الماده دي وتابعت الامتحانات السابقه طبعا حسب كلام الناس اللي بعت رسايل للمركز وبلغوهم ان الماده 160 المقرر فيها المحاضرات والتطبيقات فقط دا شئ كويس خاصتا ان اخر امتحان لسنه 2013 يناير كان عن الجزئيه دي فقط فعلا لكن امتحان 2012 كان في الامتحان جزئين لدكتورين انا بصراحه خايفه مش ازاكر الجزئيه دي ويجي منها في الامتحان خاصتا ان كمثال/ ماده اللغه اللي كانت في الترم الاول الدكتوره قالت الامتحان مش من الكتاب ولكن جت اسئله ونقاط ماخوذه من الكتاب ومحدش عرفها لاننا اعتمدنا علي المحاضرات من بره بس /// اناحددت الاجزاء اللي جت منها اسئله في سنه 2012 وماقبلها حددتها في الكتاب وهزاكرها ياريت تقولولي هتعملو ايه وياتري هتكتفو بالجزئيه اللي قالو عليها ولا ايه؟ اناعامتا ممكن انزل ارقام الصفح اللي فيها اسئله جت في امتحانات 2012 وهي سهله جدا الجزئيات دي مش هتاخد ساعتين منكم ناوين علي ايه؟ هتزكروها معايا ولا لا؟

انا خلصت الجزء الخاص بالماده المحاضرات المكتوبه كلها وبصيت في امتحانات السابقه وحلولها ولاقيت اجزاء موجوده في امتحان قبل الاخير في الترم بتاعنا عباره عن في جزئين لدكتورين مختلفين الجزء الاول هو اللي خاص بمزاكره المحاضرات المكتوبه والتاني خاص باجزاء في الكتاب انا حددتها علي حسب الامتحانات السابقه وتكرارها فيها وهحط الصفح ليكم عشان تتابعو وتزاكروها محدش ضامن الامتحان هايجي ازاي وكمان الامتحان دور 2013 جاي لدكتور واحد بس اناهزاكر كله ووقت ميقولو امقرر والمحذوف هكون مخسرتش حاجه خاصتا ان الوقت دلوقتي في ايدي اكتر لو اتاخرت عن كد في مزاكره حاجه وركنتها

ازيكم جميعا،،، انا هبدء انهــارده 2-6-2013 مذاكره من نار لما اشوف مين هيبدء ونلحق نخلص المواد كلها ونراجعها قبل يوم 20 عشان بعد اليوم ده هنبدي نذاكر في اول ماده انا هقوم دلوقتي هبدء في ماده 160 وهاجي اقولكم ذاكرت ايه واي اسئله علي الجزء اللي ذاكرتو وربنا معانا جميعا وطبعا هذاكر الماده من المحاضرات المكتوبه اللي حملتها من صفحتي علي النت واللي طبعتها في مركز كمبيوتر علشان مش عندي طابعه وهتسهل عليا المذاكره كد سلامي

ان شاء الله علي خير جميعا

عامتا الموضوع في النهايه انا شايفه ان الامتحانات بردو مش بتخرج كتير عن اللي موجود في صفحاتنا الشخصيه وانا قارنت بين الامتحانات الاخيره كلها وبين المحاضرات علي المركز يعني الاسئله كلها من المضمون ده حتي لما اشتريت محاضرات من بره لاحظتها بردو الموضوع بس محتاج تنظيم شويه وكله هيكون تمام

وحشتنينا ياقمر طبعا حمدلله بسلامتك

هههههههههههههه اها لا واضح ان الترم ده فعلا مختلف والناس مش مركزه خالص مالص ربنا يستر

ماده 180 كانت دايما امتحاناتها اجب عن خمسه فقط من سته عباره عن 6 اسئله شرح بدون اي انواع اخري لشكل السؤال صح او خطا او مقارنه او غيرو لكن في امتحان يناير 2013 شكل الامتحان اتغير وبقي عباره عن تلات اسئله السؤال الاول ---------- حدد مدي صحه او خطأ العبارات الاتيه السؤال الثاني ----------- قارن بين كل من (اختار ثلاثه من اربعه ) السؤال الثالث -------- اشرح بايجاز يكتفي بثلاثه من اربعه \ \ بيتهيألي ده ممكن هيكون شكل الامتحان الترم اللي احنا فيه بردو وان شاء الله موفقين جميعا ان شاء الله والله اعلم سلامي

والله انا هنا اهو وقليل لما احضر الموضوع متساوي الفكره في التعليم المفتوح ان مفيش حضور كتير ودا اللي بيخلي ناس كتيره تاخد النظام ده زعلانين ليه بقي دلوقتي هههه ربنا معاكم وهيعدي الترم علي خير

هى القطعه الانجلش مش ظاهره عندى بس الكلمات والترجمه العربي وبس

موفقين جميعا ان شاء الله

ربنا معاكى حبيبتى وبالتوفيق

هههههههه تفائلي ياقلبي

الحمدلله عقبال الباقي يارب بالتوفيييييييق

امين يارب حبيبتي تسلمى

هههههههههههه خير ماعملتى

شكرا

ان شاء الله ناجحين

شكرا جدا علي الاخبار

حبيبتي زاكري من المحاضرات المكتوبه اللي حملتيها هي دي ان شاء الله هتيجي الامتحان منها وقريب هنزل اسئله امتحانات واجوبتها وهتاكدلك ان الامتحان من الحاجات دي بالتوفيق

بس مش عارفه حبيبتي انا حتي مش ههعرف ارفعهم بس ان شاء الله هتابع معاكم هنا اسئله الماده واجوبتها هنقول فين وهتسهل المزاكره عليك لان اكيد الاجوبه اما في الكتاب او المحاضرات اللي هتحمليها من صفحتك مش هتخرج منها خالص وان شاء الله هبدء مزاكره من بكره في مادتين 160 و 170 وهتابع هنا واكتب الاسئله وامااكن اجوبتها

ازيكم جميعا //// ماده 150 ماده سهله وفي نفس الوقت صعبه سهله علي اللي لغته كويسه وصعبه علي اللي بالنسباله الانجليزي مشكله الموضوع محتاج هدوء وحفظ كلمات كتيره وترجمه قطع كتييييره علشان نقدر نستفيد ومش نضيع ماده من ايدينا بالنسبه لشكل امتحان الماده،،، اخر امتحانات 2013 يناير كان الامتحان،،، ----- 1- الامتحان جزئين 2- كل جزء عباره عن سؤالين ترجمه لقطعتين 3- القطعتين اللي في الاول بيكونو قطع عامه والقطعتين اللي في الاخر بيكونو غالبا اخبار سياسيه 4- مع كل قطعه بيكون في بعض الكلمات مترجمه لتسهيل ترجمه القطعه والباقي عليك وطبعا عارفين كلنا ان الترجمه في الماده دي بتكون علي شكلين ترجمه اوليه وترجمه نهائيه الترجمه النهائيه هي بتكون علي شكل اعاده صياغه وتظبيط الكلام بأسلوب جميل ومفهوم مش رص كلام وخلاص بالحرف \ \ لكـــــــــن\\ بس في حل الامتحان اللي معايا الاجابه فيها الترجمه النهائيه بس يعني هنشوف في الاخر ملاحظات الاساتذه ايه بخصوص طريقه الحل وبالتوفيق للجميع

السلام عليكم انهارده اشتريت المحاضرات اللي في المكتبه من قدام الكليه في مناهج البحث ولانها ماده ملخبطه في الفيديوهات والمحاضرات المكتوبه وحتي رد المركز ملخبط ناس كتيره هنطابق المحاضرات مع اللي علي صفحتنا الشخصيه ونقدر نجمع المهنج ونزاكر زي الناس اللي بيحضرو تابعو معايا وهنا هكتبلكم اي تفاصيل بخصوص المحاضرات وهنشوف نزاكر ايه بظبط من غير ما نقلق ان شاء الله _____________________ اول محاضره معايا والتانيه والتلاته وبكره ان شاء الله هبداء ازاكر الماده دي وهكتب التفاصيل هنا ونزاكر سوا ونتابع سوا واي جديد حد يعرفه يريت يضيفه هنا بخصوص ماده 170 سلامي بالتوفيق للجميع ملاحظه الامتحانات السابقه وحلولها معايا وهنتابع دايما فيها معاكم وهنزل الاسئله ونعرف الاجوبه ان شاء الله سلامي

السلام عليكم ازيكم جميعا انهارده كنت في الجامعه واشتريت محاضرات كزا ماده عشان اتاكد من اللي علي صفحتي الشخصيه واللي بيتشرح في الكليه والحمدلله متطابقين لحد كبير في ماده 160 اللغه الاعلاميه واول محاضره معايا بتتكلم عن الاسلوب الصحفي وكتب الاسلوب ودا فعلا اللي في المحاضرات المكتوبه اللي حملتها من صفحتي وان شاء الله اي اخبار هنزل تاني وابلغكم اذا في اختلافات بالتوفيق للجميع ملاحظه انا اشتريت الامتحانات السابقه وحلولها بكل المواد وهنزل قريب اسئله لكل ماده ونشوف اجوبتها سوا وربنا يوفق الجميع سلامي

طبعا كله قلقان وان مفيش اخبار جديده لكن نقدر ناخد خطوات كويسه في كل ماده من غير خوف يعني مثلا ماده 150 انا بصيت في الفيديوهات والمحاضرات وزاكرتها وبدرب نفسي علي الترجمه من الكتاب يعنى مسبتش حاجه مبصيتش فيها ماده 160 بزاكرها من المحاضرات المكتوبه لانها غير الكتاب يعني مفيش قدامنا غير المحاضرات المكتوبه حاليا ماده 170 فيها جزء كد وجزء كد انا بصيت في كل الفيديوهات في اجزاء من الكتاب واجزاء تتزاكر من المحاضرات المكتوبه يعني نقدر نلمها كويس ماده 180 كويسه وسهله جدا والفيديوهات مظبوطه مع الكتاب وهزاكرها من الكتاب زي ما اتشرحت في الفيديوهات ماده 190 لسه مش فتحتها خالص بس قريب ان شاء الله يكون في اخبار عنها وبالتوفيق للجميع