hany ell boss

آمين يا رب العالمين ....

الله يبارك فيك يا " جلجل " .. ولا شكر على واجب إحنا إخوات دعواتك لى بالتوفيق

أنا اليوم إمتحنت " إختبار القبول " فى كلية دار العلوم جامعة القاهرة تعليم مفتوح .. والحمد لله ناجح وعرفت النتيجة فى وقتها . ولكن الأيام إللى فاتت كنت أبحث عن ( طريقة الإختبار- وكيفية الأسئلة - وصعبة أم سهلة - و ما زمن الإختبار .... إلخ ) وللأسف لم أجد فى النت كله شىء يشفى غليلى .. كلها مثل بعضها صفحة يتناقلها كل المواقع دون جديد . فقلت لابد أن أفيد بتجربتى إخوانى .. ربما بحث أخ عن تلك المعلومات فى يوم من الأيام ودعا لى بحسن الخاتمة إذاكنت حي وبالرحمة إن كنت فى عداد الموتى ..... ** نتوكل على الله ونشرح خطوة خطوة من اول ما تدخل للتقديم فى الكلية إلى ظهور نتيجة الإختبار .. شرط أن تدعو لى بحسن الخاتمة ... إتفقنا يا نجم إنت وهو 1 - بتذهب إلى مقر التعليم المفتوح جامعة القاهرة أمام باب كلية تجارة . 2 - بتدخل برجلك اليمين لو بالشمال هتبقى بداية غير موفقة على شباك التقديم . 3 - هتقول للموظف عاوز أقدم فى كلية دار علوم لو سمحت يا برنس .. هتدفع 50 جنيه وهيديك إستمارة فيها ميعاد الإختبار ( اليوم - الساعة ) .. لازم تحضر قبل الميعاد بنصف ساعة على الأقل . 4 - يوم الحضور هتدخل المقر الرئيسى إللى فيه شبابيك التقديم إللى أخدت منه الإستمارة .. هتصعد تانى دور فى غرفة تسمى ( المسرح ) .. متخفشى مش هتشوف ممثلين ولا حاجة 5 - هتدخل وهتقعد بأولوية الحضور .. وخلى بالك برده الإختبار بأولوية الحضور .. يعنى إللى هيجى بدرى هيمتحن بدرى .. هيجى شاب روش كدة وهيلم منكم الإستمارات .. هيلم حوالى 12 إستمارة . 6 - هيقولكم ( الواد الروش ) إللى أخدت منه الإستمارة ييجى ورايا .. تروح نازل معاه يا برنس للدور الأرضى تانى . 7 - هتدخل على غرفة بها كمبيوترز كتير .. تقريباً على أد الإستمارات الـ 12 .. وهتقعد أمام كمبيوتر وهيقولك طلع البطاقة لو سمحت ( متخفشى مش تحريات ولا حاجة ) .. وبرده هيديك الإستمارة تانى . 8 - هيلف على الحاضرين واحد واحد ويفتح له برنامج صغير موجود على الديسك توب فيه الأسئلة .. والأسئلة عبارة عن إختيارات فقط . 9 - هتلاقى واجهه البرنامج بتقولك دخل ( رقم الإستمارة ) و ( الرقم القومى لبطاقتك الشخصية ) الـ 14 رقم كلهم . راجع عليهم كويس علشان متنساش رقم أو تكتب رقم غلط . 10 - هتلاقى " زر " مكتوب عليه فى الأسفل ( بدء الأسئلة ) .. أضغط عليه وتوكل على الله وجاوب 11 - الأختبار مدته 15 دقيقة كحد أقصى ... هتلاقى " تايمر " فى برنامج الأسئلة إللى بتحل فيه من فوق ومتخفشى مدة الإختبار هتكفى إن شاء الله وزيادة .. أنا راجعت كمان مرتين بفضل الله . 12 - كل كمبيوتر فيه إختبار مختلف عن الكمبيوتر إللى جنبه .. يعنى " نو غش " 13 - الإختبار عبارة عن 21 سؤال إختيارات .. مثال للتوضيح :- نجيب محفوظ صاحب قصة : * قصر الشوق * مصرع كليوباترا *قنديل أم هاشم وهتعلم بالماوس على الإجابة الصحيحة .. ( قصر الشوق طبعاً ) 14 - درجة النجاح هى ( 8 ) درجات .. يعنى أقل حاجة تنجحك هى ( 8 ) درجات من ( 21 ) . 15 - بعدما تحل و تراجع هتلاقى .. ( زر) تحت مكتوب عليه ( إنهاء الأسئلة ) إضغط عليه .. بس خلى بالك أوعى تغلط وتضغط عليه و إنت لسه بتحل علشان البرنامج هيتقفل وممنوع تفتحه تانى .. يعنى فى نهاية الإجابة فقط .. والإنتهاء من الإجابة تماما و خلصت يعنى ..... يبقى تضغط عليها يا نجم . 16 - أنا أول ما ضغطت عليه .. لقيته طلع لى رسالة وقالى ( ناجح ) مجموع ( 14 ) من ( 21 ) . راح الواد الروش إياه قالى مبروك ناجح . سبحان الله على طول كدة إيشى خيال يا ناس ( تحط الإجابة من هنا .. تظهرلك النتيجة من هنا ) وده قمة الإعجاز العلمى ( باسم يوسف ) . 17 - وبس كدة خلاص فنيتو ....... ربنا يوفقكم .. وأتمنى أن تكونوا قد إستفدتم .. و أى سؤال أنا تحت أمركم ...... * ملحوظة :- لا تنسى الدعاء لى بظهر الغيب بحسن الخاتمة ..

متشكر جدا يا كبير ........ ربنا يخليك و هعمل بنصيحتك إن شاء الله

السؤال من يوم ......... 1/3/2014 24.......................... مشاهدة الردود ............................. 0

إخوانى الكرام .. السلام عليكم ورحمة الله وبركاته أود الإجابة على الأسئلة الآتية من فضلكم :- ----------------------------------- 1 - أنا فى كلية تجارة تيرم تانى .. هل يحق لى التحويل إلى كلية دار العلوم ؟ 2 - هل خطوات التسجيل فى الكلية الجديدة تختلف بالنسبة لى عن التسجيل أول مرة ؟ 3 - هل يسمح لى بتقديم طلب التحويل من خلال صفحتى الشخصية من بيتى ؟ 4 - هل أنتظر فتح باب التسجيل أم يمكن أن أحول من الآن كما قلت من خلال صفحتى الشخصية ؟ 5 - هل هناك أى إختلافات ستحدث عند التحويل أم ستجرى الأمور عادية ؟ 6 - هل نتيجة المقابلة تظهر سريعاً أم تحتاج وقت كبير مثل إمتحانات التيرم ؟ بارك الله فيكم .. أرجو الرد بسرعة حتى ألحق المذاكرة للأستعداد للمقابلة إن كان هناك تحويل كما سألت .

ولا يكون عندك أى فكر .. آدى كمان شيك بمليون دولار .. لمريومة + شهر فى الغردقة .. إنتى والأسرة الكريمة وبرده أكل وشرب .. وعصائر مجانا مســــــــــــــــــاء الجمال

بقول يضرب نار .. مش " أر بى جى " .. هههههههههه

يا بنتى ولا يهمك .. خدى وعبى زى ما إنتى عاوزه طيب إيه رأيك .. هديكى مليون جنيه .. مش مصر .. كمان إسترلينى + شهر فى شرم الشيخ فى فندق 7 نجوم إنتى والأسرة .. شاملة الأكل والشرب .. " أوبن بوفيه " كفاية عليكى كدة لحسن أكون مسرف وربنا قال " إن المسرفين كانوا إخوان الشياطين "

بتضحكوا يا " مرمر " إنتى .. " وكوين " .. آه طبعا وأنا كمان فرحااان معاكم علشان خاطر " مرمر " بس .. علشان نجحت وإللى بيحبنا .. يضرب ناااااااااار

الإختلاف فى الرأى لا يفسد للود قضية وبرده .. مختلف معاكم .. وشكلنا مش هنتفق فى الموضوع ده بس منافسة حلوة بينا .. ولكن ليست عادلة عشرة أشخاص .. ضد شخص واحد يا ظلمــــــــــة !! إنتم مفترييييين إيدى وجعتنى من كثرة الرد عليكم " مش ملاحق " .. نقطة نقطة .. وبند بند .. لما نفوخى ورم

الاختلاف في الرأي لا يفسد للود قضية حتى لو رحت أبو زعبل .. هدخل فى الزنزانة " دش " وتلفزيون " إل سى دى " .. ولاب توب .. ونت بلفوووووسى برده .. ولا هتقولى مش هتعرف كمااااان ؟؟ * أما بخصوص 10 دولارات السلفة عاوزهم من المزورين .. ولا من الأصلى ..؟

الاختلاف في الرأي لا يفسد للود قضية

ألف مبرووووك يا " مرمر " .. ودى زغروتة كبيرة جدااااااااااااااااااااااا لولى لولى لولى لوى لولى

رأيى أنه يضمن لى السعادة بنسبة 90% على الأفل أما المعيار الذى أقيس به الأمور .. فهو المعيار عند 95% من الناس على كوكب الأرض أما زيادة معدلات الإنتحار فى الدول الأعلى دخلا فالسبب هو أن المال فقط هو ما يقودهم .. أما نحن فعندنا يختلف الأمر عندنا وازع دينى .. بجانب المال .. وشتان ما بين الأمرين السعادة احساس داخلي ناتج عن شعور بالرضا عن نفسك وعن ما لديك في في حياتك كلام صحيح .. بس للأسف موضة قديمة جدا .. إندثرت منذ آلاف السنين ولا يوجد لها أثر الآن .. يعنى كلااااااااااام كتب إذاَ رأيى يزداد يقيناً بأن المــــــــــــــــــــــــال هو المصدر الأقوى والأساسى للسعـــــــــاـدة الفلووووس .. الفلووووس .. أحلى حاجة فى الدنيا .. يا سلااااااااااااااااااام لو الواحد يقع على شوال دولارات آه ه ه ه ه يا قلبى يا نا

أنا متشكر لكم جميعا .. على ردودكم الجميلة دى كوين .. حسين .. مان رضا ..هبه ..ثانك يو يا جماعة وأنا متفق معاكم والله .. بس أنا قصدى من الموضوع إن المال أهم سبب فى السعادة ( وجهه نظرى ) ولما تبقى عاوز تتزوج ومش عارف تجهز نفسك .. ساعتها هتقول فين هانى دلوقتى علشان أبوس " راسه وأتأسفله علشان كان راجل مفيش منه إتنين .. المهم لو ربنا أعطانا المال ممكن نسعد بيه أنفسنا المال لا يسبب السعادة ... كلاااااااااااااام حمضااااااااان آخر حاجة **************************************** كوين " خانو " بالتركى يعنى لو إنى مش عارف معناها طالبه منى ( 15 جنيه ) .. ولا ( 15 ألف جنيه ) لحسن تكون غلطة مطبعية ولا حاجة ***************************************** " حسين أورلى أوغلو " برده بالتركى ومش عارف معناها .. أنا معاك لو كنا فقراء نرضى .. ولو أغنانا الله يبقى نرضى .. فى الحالتين نرضى بصفاء نفس ..( وخصوصا فى التانية دى ) .هههههههههههههههههه ****************************************** إلى " مان رضا " بص يا مان .. أنا برده معاك ولكن ... عارف إن فى أمراض عجز عنها الطب بس متنساش برده إن هناك فقراء وعندهم برده نفس المرض .. ومش لاقيين علاج علشان الفلوووووس ولو لا قدر الله إبن واحد مننا مريض وهوفقير .. إحساسه هيبقى إيه لو شايف إبنه بيتعذب أمامه ومش عارف ينقذه بسبب الفلوس ؟؟ حتى لو مرضه ملوش علاج .. وإنت غنى هتحس إنك عملت كل إللى بوسعك لإنقاذ إبنك من المرض .. وهذا الوضع أفضل 1000 مرة من يكون إبنك مريض وإنت عاجز بسبب الفقر الفلوووووووووووس ولا شىء غير الفلوس ******************************************* إلى الأخت العزيزة " هبه " ...كلامك 10/10 تسلم إيدك بس أنا بقول لو فرضنا إن ربنا أغنانا بالحلال الطيب .. يبقى ساعتها الفلوس نعمة كبيرة وخصوصا لو جعلنا منها جزء للفقراء والمحتاجين واليتامى ****************************************** فى المجمل .. الآراء واحدة مع الإختلاف فى بعض التفاصيل الخفيفة وأخيرا المعلم " هانى " بيصبح ويمسى على الناس الحلوة إللى جات الفرح وسمعنى أحلى سلااااااااااام يا كبييييير وإللى بيحبنا " يضرب نــــــــــار "

بسم الله الرحمن الرحيم --------------------- سنتحدث اليوم عن موضوع من ضمن موضوعات كثيرة بإذن الله عن بعض المعتقدات التى توارثناها .. ومشينا عليها كالعميان وهذا الموضوع من تأليفى .. بمعنى كل حرف من رأسى .. ليس منقول ولا يحزنون بقووول تانى .. أنا المؤلف وحقوق الطبع محفوظة ها ها ها ****************************** ملخص الموضوع فى الحوار الآتى :- -------------------------------- عمك الحاج " نفخو " .. وإبنه " منفاخ " ----------------------------- جلس يوماً الحاج " نفخو " فى الصالون ونادى على إبنه .. " يا منفاخ " يا بنى عاوزك فى كلمتين !! جلس " منفاخ " بين يدى أبيه .. فقال الأب يا " منفاخ " يا بنى عاوز أنصحك علشان حاسس إنى يا بنى " هموت " قريب فى " داهية " يا بابا .. قصدى ربنا يخليك يا بابا بص يا بنى خد الحكمة دى من أبوك الحاج " نفخو " ( المال يا بنى .. مش كل حاجة .. المال لا يأتى بالسعادة .. إلخ ) الكل هيقول طبعا .. الحكمة دى صحيحة 100% .. وهو ده إللى إتربينا عليه والكل أيضا هيقول يسلم لسانك يا " حاج نفخو " .. ربنا ينفخك كمان وكمان !! *-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*- أما أنا .. فلى رأى مخالف تماما لهذه المقولة .. وأنا أعتقد بل أجزم بأنها خاطئة 100% طيب لييييييه يا عم " هانى " يا فكيك إنت ؟ أقولكم بالدليل .. مش كلام وخلاص * * 1 - واحد يقولى ( مش كل حاجة تقدر تشتريها بالفلوس ) الرد *** أقدر بفضل الله .. ممكن أعمل المستحيل .. بفلوسى ممكن أعمل بطاقة رقم قومى " مزورة " .. بفلوسى ممكن أطلع من أى قضية متهم فيها .. بفلوسى ممكن أطلع شهادة " وفاة " لشخص حى يرزق .. بفلوسى ممكن أدخل شخص برىء السجن .. بفلوسى ممكن آخد شهادة أحسن كلية فى مصر من غير ما أروح ولا أمتحن .. بفلوسى ممكن أشتغل دكتور وأدرس فى أفضل كلية فى مصر .. بفلوسى ممكن أطلع فى أحسن قناة فضائية فى برنامج لوحدى .. بفلوسى ممكن أتصاحب على أحسن فنانين فى الوطن العربى .. بفلوسى *********************************** كفاية أمثلة ولا تحبوا أكملكم .. مستعد أقولكم آلاف الأشياء إللى ممكن أشتريها بفلووووسى وطبعا أكيد عارفين إزاااااى ********************************** 2 - واحد يقولى ( طيب تقدر تشترى السعادة .. بفلوسك ؟ ) الرد **** آه .. أقدر بعون الله إزاااااااااااى بس إنت " هتألف بقى يا عم " هانوءه " !! طيب أنا قاعد قرفان دلوقتى ومتضايق .. وعندى حالة " ملل " * مش ممكن أسافر " لبيت الله الحرام " أعمل عمره بالطيارة على السريع كدة وأزور النبى صلى الله عليه وسلم .. وأقعد شوية فى أقرب فندق للمسجد الحرام فى مكة وأرجع تانى مصر فى الوقت إللى أحدده أنا .. وبشروطى أنا .. وعلى مزاجى أنــــــــا بفلووووووووووووسى * طيب فرضنا إنى مش متدين .. مثلا مثلا .. وعاوز أفرفش كدة وأنبسط هروح أقعد مع " نانسى " شوية .. أو" هيفاء " .. أو مع " سمية الخشاب " بفلوووووووسى وطبعا هعيش أحلى لحظات حياتى .. أوعى تقولى هتفضل عندك ملل .. مستحيل قاعد فى وسط الصحبة الحلوة دى .. وتقولى لسه حاسس بملل .. مستحيل طبعا رووووح موت أحسنلك بقى !! ممكن أروح أقعد مع أبو تريكة .. أو عالم فاضل .. أو أى واحد فى العالم لو حتى فى أمريكا أو فرنسا .. أو فى بلد الواء الواء بفلووووووووووووسى وهكـــــــــــــــــذا يا نجم ممكن أسعد نفسى بأى طريقة وفى أى وقت أنا عاوزه ومع أى حد ييجى فى دماغى برده بفلوووووووووسى *************************************************** 3 - واحد يقولى ( هتعمل إيه مثلا لو عندك مرض ما " لا قدر الله " ومعاك المال هل هتنفعك فلوسك يا حلو ؟ ) الرد *** آه .. طبعا هتنفعنى جداااااااااااااااااا إزاااااااااااااى يا بنى حيرتنى معاك .. كل حاجة ليها رد عندك يا عم " هانوءه " ؟؟ أقولك يا غالى .. بتعرف تعد ؟ ولا أعد لك أنــــا :- * هتغنينى عن سؤال اللئيم * هتخلينى أتعالج فى أحسن مستشفيات العالم بفلوووووسى * هجيب " كونسلتو" دكاترة يباتوا معايا ليل نهار فى الفيلا.. ويشرفوا على علاجى بفلوووووسى * هجيب خدم وحشم .. علشان يخدمونى فى كل حتة بروحها * هرتاح نفسيا .. على الأقل عندى أكل وشرب وفلوس .. مش هشحت من حد يعنى ومش هحتاج للشغل * هشترى طيارة تودينى أى حتة عاوز أروحها فى العالم .. وأنا نايم على سريرى * هعمل كل حاجة بالريموت كنترول فى الفيلا إللى عايش فيها علشان " أنا مريض " ومش هعرف أتحرك كل شوية * هتصدق على الفقراء .. وأزوج الغير قادر على الزواج .. وأبنى مسجد .. وأسد ديون الفقراء .. إلخ من أوجه الخير كل ده بفلووووووسى يوووووووووووووووو مستعد أعدلك لغاية السنة إللى جاية .. بس الصفحة مش هتكفى . ************************************************************** وأخيراً .. شوية أشياء كدة لم أتكلم عنها لعدم إتساع المقام أكثر من هذا * الماء .. بالفلوس .. مثل ( شركة المياه الحكومية " وصل الماية يعنى " .. والماء المعدنى فى القطاع الخاص ) * الهواء .. بفلوس .. لو عجلة العربية نامت .. بتروح تنفخها بـ ( الفلوس ) وأنبوبة الأكسجين فى المستشفى .. بالفلوس * 99,9 % من حالات عدم الزواج .. سببها الفلوس .. كحال الشباب فى أيامنا هذه * 99,9 % من المشاكل الزوجية .. سببها الفلوس .. ألم تقرأ آلاف المرات الحادث الآتى :- ( يلقى بزوجته من الطابق الخامس لمطالبتها له بمصروف البيت ... تقتل زوجها لعدم صرفه عليها .. إنتحر الزوج لعدم مقدرته على الإنفاق على زوجته وأولاده ... هرب الزوج وترك أسرته بدون كفيل برده ممكن أقولك 10000 حادثة * الفقر يقتل الحب .. الرجل يسعى ليل ونهار لكسب لقمة العيش .. وينسى إحتياجات زوجته .. فالرجل يعمل حوالى 12 ساعة يوميا .. فهل تتخيل حضرتك إنه يأتى بالليل ليجلس مع زوجته للحديث حتى 5 دقائق على بعض .. ده وهو بيتعشى بينام على روحه .. وعنيه حمرا زى الدم .. وسنة ورا سنة .. يموت الحب بينهم وذلك لأن الرجل لا يسقى قلب زوجته بالحب قولا وعملا كالفلاح .. لابد له من أن يروى الأرض ويتابع الزرع يوما بعد يوم . ****************************************************** عيبى إنى واقعى جدا .. ومش بقول الحكم وخلااااااص .. كله بالدليل زى ما إنتم شايفين أهووو * ومرة أخرى .. الموضوع كله من أوله لآخره من دماغى أنـــــــــــــــا وقاعد بكتب فيه والله حوالى .. ساعتين متواصلين ******************************************************* فلذلك لا تبخل عليّ بالرد .. قال الشاعر عن المال هو اللسان لمن أراد فصاحةً .. وهو السيف لمن أرادَ قتالاً وقال أهل العلم أيضا لولا الدليل .. لقال من شاء ما شاء وأنا أتيت بالدليل على صدق معتقدى .. وأطالبكم أيضاً بالدليل لو خالفتم وجهة نظرى هذه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طيب ياجماعة كده يبقا هاني بيعترف انه متميز في مجال القرصنه محدش يدوس علي اي روابط يحطها هاني هههههههههههههههههههههههههههه مش هعترف برده يا حمدى

هههههههههههههه فكرنى الموقف ده .. بفيلم بتاع أحمد حلمى ومحمد لطفى لما راحوا يقابلوا البنات .. راح أحمد حلمى شافهم من ظهرهم وقالهم مش إنتم إللى رقمكم 2577864 ..؟ راحوا نظروا له .. وطلعوا " غفر " .. فكانت الصدمة الدامية ههههههههههههههههههههههههههههههههه ----------------------------------------------- أما بخصوص القصة حدثت والله العظيم مع صاحبة زميلتى فى العمل وكان الرجل " مصرى " يعمل فى السعودية .. وهى كانت من " إمبابة " وقويت علاقتهم يوم بعد يوم على النت .. ثم بالتليفونات بالليل وهو لم يرها أبداااااااااا .. صوت فقط .. وكلما نزل أجازة للقاهرة لزيارة أهله تغلق تليفونها لغاية لما يسافر السعودية تانى .. وذلك لأنها "سمراء ومش جميلة " .. فكانت خائفة من ردة فعله إلى أن قررت مقابلته فى إحدى زياراته فى القاهرة .. وأخذت تستعد لهذا اليوم قبلها بحوالى 3 شهور كوافير .. وبرفانات .. وكريمات تفتيح ... إلخ وعندما ألتقوا ببعض .. قال لها : لم تقولى لى أنك سمراء ثم إنتهت المقابلة .. وزهد فيها .. وقال لها كل واحد مننا فى إتجاه مختلف وكانت بداية إنحراف تلك الفتاة إلى طريق الرزيلة .. والتنقل بين أحضان الشباب حتى تثبت لنفسها أنها مرغوبة .. وأنها جذابة وجميلة .. وهى الآن مازالت على طريق الإنحراف والسبب حبها الشديد للشاب السابق .. وتركه لها بسبب عدم جمالها

عجبتك أوووى كدة .... هههههههههههههههه

فعلا هناك الكثير ينخدعون بالوسامة .. وقد تصبح حياتهم جحيم وذلك لأن هناك أشخاص أصحاب وسامة عالية .. ولكن أيضا أصحاب طباع رديئة والشكل مع الوقت يتغير .. فلا يبقى إلا الطبع جزاك الله خيرا يا أخى الكريم

حدثت معى .. مع صديق لى كان شاااااطر جدااااااااااا فى اللغة الإنجليزية ( كنا فى الإعدادية ) .. بس بموقف مختلف كان الأستاذ يشرح الدرس ( قواعد .. وكلمات .. وخلافه ) فإذا بصديقى حسام يقول له يا أستاذ .. حضرتك أخطأت .. هذه القاعدة هنا .. وهذه القاعدة هناك فنظر الأستاذ قليلا على السبورة .. وقااال أحسنت يا حسام .. برافو ومسح الأستاذ القاعدة وكتبها من جديد ------------------------------------ عيال شاطرة من يومها .. مش زينا كل إمتحان نبقى مرعوبين وبطننا بتوجعنا .. وبنحلم بكوابيس كل ده علشان النتيجة

قصة جميلة ومعبرة جدا .. تسلم إيدك بجد يجب علي كل فرد فينا أن يكون له هدفين :- 1 - هدف فى الحياة ( وظيفة .. مال .. زواج .. إلخ ) 2 - هدف فى الآخرة ( العمل الصالح .. وتمنى حسن الخاتمة .. ودخول الجنة ) ------------------------------------------------- وقد حثنا النبى صلى الله عليه وسلم على أن ندعوا بالآتى " اللهم أصلح لنا دنيانا التى فيها حياتنا .. وأصلح لنا آخرتنا التى إليها معادنا "