hany ell boss

ياااااااااه معقولة دى " التصنت " عيب !! غريبة أووووى الموضوع ده .. أنا كنت فاكره من حسن الخلق !! * ما هو طبعا يعنى ( عيب .. وحرااااام كمان ) .. هتقوليلى ولما إنت عارف إنه كدة بتعمله ليه ؟؟ * الإجابة هى موضوع حلقتنا الجاية من برنامج " لكى يا سيدتى " أنا بسأل عن القصة .. مين المخطأ ومين المجنى عليه ؟ مش حاجة تانية

فكرتنى "ببن على " فهمتكم .. فهمتكم " .. * تمام يا نجم .. برافو يا ريت جد يساعدنا ..

[quote عموما باين عليك يا هاني شاب فضولي شويتين,, في الكلام أو المظهر أو غيره, وده أمــــر مخزي ,, ربنا يهدي شباب المسلمين[/quote] صح أنا فضولى بس فى " الخباثة " يعنى فى الخفاء .. أنا إللهو الخفى أما فى موضوع الكلام والمظهر .. بصراحة عندك حق .. فى شباب كتير أوووى شكلهم مش رجالة خاااالص .. عيال مايصة آخر حاجة أموت وأعرف العيال دى هتتزوج إزاااااااااااااااااااااى ؟؟

يا باشا إنت عندك حق .. غلط التصنت بس أنا مش بعملها غير فى الحاجات إللى بتجذبنى .. بجانب شىء مهم أوووووى أنا بحب أتعلم جدا من تجارب الآخرين علشان كدة تلاقينى ديما .. عينى بتلاحظ النملة وهى ماشية بتعرج ولا ماشية سليمة .. عنيها طبيعية ولا حولة كله تحت السيطرة يعنى

إيه يا جماعة ...................... أنا وقعت فى صحراء يا ريت حد يدلنى حتى ولو بمعلومة صغيرة عن طلبى

[/quote] شكراً جزيلاً هاني ...... صحيح بلد العجايب[/quote] هههههههههههههههه

تفسير جميل .. وموجز بجد أول مرة أسمعه .. بس فعلا أفادك الله كما أفدتنا

بلمع الأوكر .. عندنا فى مصر .. بمعنى بتصنت على الكلام من غير الطرف التانى ما يعرف إنى بسمعه . مش عاوز أقولهالك بس ياللا بقى .. بتجسس عليهم من غير ما يعرفوا إنى بتجسس عليهم . مع إن كلمة " بتجسس " دى قوية أوووى على ودنى .. بس قولتهالك علشان تستوعبها يا نجم

السلام عليكم ورحمة الله وبركاته إخوانى الأعزاء أنا كل يوم بركب " مترو الأنفاق " من محطة جمال عبد الناصر .. إتجاه المرج " الجديدة " عامل إشتراك سنوى .. علشان كدة كل يوم بركبه ( أسرع .. و .. أأمن ) .. المهم كل يوم بقابل حكايات ... فى منها .. مضحك .. ومنها يبكى .. ومنها رومانسي .. إلخ فقررت أحكى لكم موقف من المواقف التى رأيتها بنفسى بس بشرط كل واحد قرأ القصة دى يعلق عليها .. ويقول رأيه فيها من وجهه نظره .. على بركة الله نبدأ ... القصة ------ * أنا ( هانى ) شاب روش شوية حاطط السماعة فى ودنى وبسمع " الهضبة " ومعلى الصوت على الآخر " وبغنى بقى .. بناديك تعالى " ومستنى المترو على المحطة المهم كانت حوالى الساعة 3 قبل العصر .. رأيت شاب وفتاه يجلسون على الكراسى وباين من الجلسة بتعتهم إنهم متعصبين شوية "بيتخنقوا يعنى " .. المهم قولت فى نفسى يا واد يا " هانى " روح أقعد جنبهم وأسمع بيقولوا إيه ؟ وبالفعل روحت جنبهم ووطيت الصوت فى السماعة خااااالص .. وعملت نفسى بسمع الأغانى .. وروحت " ملمع الأوكر " على طوووول .. بمعنى رميت ودنى معاهم " مصيبة أنا ... صح " .. يخرب بيتى تقريبا كدة من طريقة الكلام وكدة .. إنهم مخطوبين لبعض ... المهم سمعت الحوار كالآتى * الشاب : " بصوت حنون " يا حبيبتى بس لو تقوليلى زعلانة من إيه ؟ ** الفتاه : " بصوت نرفزة " أهو زعلانة وخلاص * الشاب : " بصوت رقيق " طيب أنا لازم أعرف علشان أعرف أصلحك ؟ ** الفتاه : " بغيظ " شوف إنت عملت إيه غلط * الشاب : " بصوت طيب رقيق " مش عارف يا حبيبتى والله .. طيب إدينى خيط بس أعرف منه الغلط ؟ الفتاه : ...... سكوت تاااااااام ... مع نظرة أنثى الأسد للفريسة .. ( يا ماااااااااااااااااه * الشاب : مش فاكر زعلتك فى إيه يا روحى .. دا أنا حتى لسه جايب لك الموبايل هدية من كام يوم ** الفتاه : الموبايل أهووو خدوه .. إنت هتذلنى بيه * الشاب : " بصوت مليء بالمصداقية " أبدا والله .. أنا بقولك بس إنى بعاملك كويس ومش بزعلك .. ده قصدى ( فى هذا الوقت جااااااااء المترو .. راحت الفتاه تركت الشاب " خطيبها " وإتجهت نحو عربة السيدات وأرادت أن تركب .. فقام الشاب ووقف وأخذ ينادى عليها ) يا منى يا منى .. كدة تسيبينى وتمشى .. وهى ولا معبراه ورايحة تركب .. شكلى وحش قصاد الناس وهى ولا هنا " كأنها الملكة نفرتيتى " .. راح الشاب يا عينى فضل واقف ينظر إليها .. نظرة الظلم من حبيبته ( وأنا كمااااااان بنظر إليها .. بس بغيظ والله .. كنت عاوز أديها كلمتين فى جنابها البعيدة ) المهم معرفتشى تركب من شدة زحام عربة السيدات .. راحت رجعت مرة أخرى إلى الكرسى إللى كانت قاعدة عليه بجانب الشاب " خطيبها " .. ثم بدأ الحوار الآتى :- الشاب : كدة تخلى شكلى وحش قصاد الناس ؟ الفتاه : هو كده بقى الشاب : يا حبيبتى لو تقوليلى بس زعلانة من إييييه ؟ ( بصراحة أنا إللى قرفت من خطيبها ده .. بسبب إنه " طرى أوووى " مش راجل يعنى كدة ) كنت عاوز أقوله " يا واد إسترجل شوية .. ميت نيلة على الرجالة " السيس " دى .. أووووف رحمتك يااااارب المهم نروح للمشهد تانى .. راح جاء المترو مرة أخرى .. وحدث مثل ما حدث فى المرة السابقة .. ** يا منى .. برده كدة هتسبينى .. راحت منى رفعت يدها " شوحت " بيدها يعنى .. إستهزاءاً بس المرة دى .. عرفت تدخل عربة السيدات .. وأنا روحت راكب برده لأ طبعا مش فى عربة السيدات يا ناااصح .. إنت وهو ..:-) - أنا ركبت فى العربة اللى جنبها .. ورأيت الشاب واقف بجانب الكراسى إللى على المحطة ينظر لخطيبته فى عربة السيدات إلى أن أغلق السائق أبواب المترو .. وأخذ ينظر إليها .. وعيناه كأن بها دموع وذهول من موقفها هذا . -------------------------------------------------------------------------------- بصراحة الواد صعب عليا جدا .. بس بصراحة يستاهل .. ( طرى أوووى ) وشخصيته ضعيفة أووووى أما البنت شخصيتها .. متجبرة .. وقوية .. وقلبها جااامد بنت اللذينا .. إيه رأيكم فى القصة .. بجد كل كلمة كانت فى القصة حدثت بالفعل .. وأنا كنت " بلمع الأوكر " ** أنا كنت الطرف التالت .. اللهو الخفى .. ههههههههههه رأيى فى الشاب و خطيبته .. صح ولا أنا متحامل عليهم شوية ؟؟؟ * مستنى رأيكم يا أصدقائى الكرام

آه يا بن النصحة ..

يااااااااارب يا خويا ياااااارب

ربنا يكرمك .. وأتمنى ألاقى الحل

أنا بعمل بحكمة يتعامل بها الأمن " المباحث " دائما ( أن المفاجأة نصف المكسب ) .. أو 50% من نجاحك مع المجرم فى المفاجأة . * آه يا باشا عملتها كتيييير أووووى حكاية ( دب .. أى ) دى ..هههههههههههههههه كل مرة تنجح والحمد لله .. خايف مرة تخيب وأروح فيها مع واحد مبيرحمشى .. وهو ساعتها إللى هيعمل معايا ( دب ... أى ) ههههههههههههههههههههههههه

بص يا كبير أنا رأيى الآتى :- ------------------ 1 ) لو المعاكسة كلمة وخلاص .. يبقى تنفض ولا كأنك سمعت حاجة . ولا تهتم . 2 ) لو المعاكسة وصلت لتحرش " لفظا أو تلامس " .. يبقى ضرب مباشرة " ويا ريت على القفا " ( دب .. أى ) بتعمل أحلى شغل بصراحة .. هتلاقيه يتخض منك ويخاف جدا حتى لو " بجح " معاك . * كل ده فى حالة إن البنت تستاهل ولا متستهلشى يا كبير - بمعنى لو هى لابسة " من غير هدوم " + طريقتها فى المشى أو الكلام خليعة .. يبقى لا تتدخل فى الموضوع من قريب ولا من بعيد . - ولو شفتها من وجهه نظرك محترمة .. يبقى أدخل ولا يهمك ووو ( دب .. أى ) زى ما قولتلك فوق كدة . * قال صلى الله عليه وسلم من مات دون عرضه فهو شهيد .. وإنت بدافع عن عرض أختك .. يبقى ولا يهمك من الموت نفسه . وساعتها هتبقى راجل من غير ما تشرب " بيريل " ..:-)

lor=Red]] يا ريت حد يرد عليا فى الموضوع ده .. وخصوصا من أهل الخبرة ------------------------------------------- أنا دلوقتى داخل على الترم " الثالث " إن شاء الله .. و بإذن الله هختار " المحاسبة " مركز جامعة القاهرة للتعليم المفتوح - كلية تجارة * كنت عاوز أستفسر عن كتب خارجية موجزة " سؤال وجواب " شاملة المنهج كله بس بإختصار مثل " ملازم المراجعة النهائية " إللى هى التوقعات إللى بتنزل قبل الإمتحانات " مثل ملازم الصقر والفيروز " بس تكون شاملة المنهج كله ( يعنى كل موضوع مسألة واحدة وحلها ) وفقط . أو ( س . ج ) فى المواد إللى فيها " رغى " كلام من غير مسائل يعنى .. بحيث يسهل علي المذاكرة بسهولة بدون تعقيد .. وخصوصا إن شكل الكتب " مرعب " جدا بحس إنى لازم " أنكش " شعرى وأبقى عامل زى " فيثاغورث " علشان أذاكر وأفهم !!! ** يا ريت تكونوا فهمتوا قصدى .. وطلبى . يا ريت إللى يعرف لا يبخل علينا وجزاه الله كل خير ... آمييييييين [/size]

هولع فى الكارت وفى إللى باعهولى ... بس بعد ما بدله بالقلبظ

الله يكرمك يا رب .. على الكلام الجميل ده وسأعمل بنصيحتك الغالية .. وفعلا أنا أشعر بالألفة والمحبة بيننا من أول لحظة وربنا يديم المحبة بينا ياااااااااااااارب .. آميييييين

ربنا يخليكى ومرورك أسعدنى والله

ربنا يكرمك يا كبير .. معلشى شوية مشاغل كدة بجد والله .. أحببتكم جدا فى يومين فقط من الإشتراك فى المنتدى سبح ـــــان اللــــــــــــه

[b]محمود سعيد77 .. [/b][b].man_reda .. [/b][b]hussein1974 [/b][b]hawas .. [/b][b]HAMDY .. [/b][b]sally90 متشكر جدا لكم والله .. على الردود الجميلة دى وفعلا يا إخوانى ( أجمل حاجة فى الدنيا هى .. الحب ) [/b]

تسلم يا غالى .. thanks

ربنا يخليكى .. زادنى شرف مرورك الجميل

تسلم يا كبير .. كلك ذوق

أنا بقى يا كبير .. عاوز أتكلم أنا كمان :- * حلم فاشل ........ الحب ( فاشل عندى آخر حاجة ) . * حلم تحقق ..... شغال فى نفس المجال إللى بحبه ( بفضل الله وحده ) . * حلم عام ...... تصبح بلدى " مصر " من أقوى ( 5 ) دول عالميا فى كل شىء . * حلم خاص .... أمسك رئيس مجلس إدارة الشركة إللى شغال فيها فى يوم من الأيام . * حلم روحانى ... أن يختم الله لى خاتمة السعادة كالموت " شهيدا " .

أكتب خواطرى عن الحب .. لم أجربه ولكنى رأيت قصص حب كثيرة فى حياتى .. أصدقائى من الرجال والنساء ..وتابعت الحب يكبر بينهم .. فأرجو منكم يا إخوانى أن تعيشوا معى الكلمات .. فلنبدأ معا .. * الحب .. آه من تلك الكلمة كلما سمعتها إنخطف قلبى وأرتعشت يدى ..هل تعلمون ماهو الحب ؟؟ .. هل تعلمون حال المحب ؟؟ أنا عرفته من حال المحبين المقربين لى .. إذا كنت جائعا وتذكرت حبيبك .. شبعت - وإذا كنت حزين وتذكرت حبيبك .. فرحت - الدنيا كلها تراها بعيون حبيبك - عندما ترى حبيبك يخف ألمك وتنشط جوارحك ويخفق قلبك .. وتشعر بأنك لا ترى غيره ولا تسمع سواه .. ** آه من الحب .. إذا كنت وحدك بالليل والناس نيام .. وسكنت الأصوات لا تسمع شيئا فى الكون .. صمت تام بالليل .. هل تعلم أن هذا وقت المحبين .. هل تعلم أن هذا ميعاد الدموع والشوق واللهفة .. إنه ميعاد السهر والتفكير فى الحبيب .. عندما تتكلم فى أى موضوع لابد أن تذكره فيه .. عندما ترى الشىء الجميل تقول حبيبى أجمل .. تطرب لصوته .. ولسماع كلامه .. ** حبيبك يهون عليك مصائب الدنيا .. ويجعلك تصبر على مالا تطيق الصبر عليه .. إنه الحب .. أجمل مخلوق خلقه الله فى حياة الإنسان ( هذا رأيى دائما ) . ** هل رأيتم مدى خسارتى فى أننى لم أعش قصة حب .. ليتنى كنت من المحبين العاشقين . أعلم أن هناك حرقة فى القلب .. ومرض قد يصيب المحبين من الغدر أو الخيانة .. إلخ .. ولكن لذة الحب أقوى وأمتع من أى عذاب .. ** كنت فى الماضى قد قرأت بيتين من الشعر لـ " قيس " ولم أفهمهما إلا عندما كبرت .. وكنت ساعتها أتسائل .. ( قيس ده مجنون ولا إيه ...؟ ) .. طلعت أنا إللى المجنون :-) -*- عندما كبرت ليلى وكبر قيس .. وأصبحا بالغين وظهر حبهما عند الأهل والأصحاب والجيران .. جاء أهل " ليلى " .. ونقلوها إلى مكان لا يعلمه أحد .. فبحث عنها " قيس " ولم يجدها .. ثم تلا تلك البيتين : أمر على الديــار ديــار ليلى *** أقبل ذا الجــدار وذا الجــدار وما حب الديار شغفن قلـبى *** ولكن حب من سكـن الديـار ( بيقول يعنى بلف وأدور على ليلى فى المدينة كلها .. وأنا بلف تذكرت أنها قعدت عند تلك الحائط .. فذهب يقبل الحائط .. وتقابلنا عند تلك الشجرة فذهب يقبل الشجرة .. وبيقول لا أحب البيوت والجدران ولكن .. أحب من سكن ولمس تلك الديار ) . يااااااااااااااه خبر .. للدرجة دى .. ؟؟ إنه الحب . -------------------------------------------------------------------- آسف لطول الكلمات .. وكثرة العبارات .. والعبرات هل رأيتم كم خسرت وكم خسر من لم يحب !! .. أتمنى أن تكونوا قد إستمتعتم بهذا الموضوع الذى يهتم به كل فرد فى الحياة .. ملحوظة :- ------- كل كلمة كانت من رأسى .. ولم أنقل كلمة واحدة من أحد .. هذه خواطرى .. وشكرا لكم ... تحيـــــــــــاتى HaNoO أخوكم