Jump to content
أحلى نادي لأحلى أعضاء
Search In
  • More options...
Find results that contain...
Find results in...
Save
نادي جامعة القاهرة للتعليم المفتوح
hany ell boss

إنسف معتقداتك القديمة ( تأليفى )

Recommended Posts



بسم الله الرحمن الرحيم


---------------------

سنتحدث اليوم عن موضوع من ضمن موضوعات كثيرة بإذن الله

عن بعض المعتقدات التى توارثناها .. ومشينا عليها كالعميان

وهذا الموضوع من تأليفى .. بمعنى كل حرف من رأسى .. ليس منقول ولا يحزنون

بقووول تانى .. أنا المؤلف

وحقوق الطبع محفوظة

ها ها ها

******************************

ملخص الموضوع فى الحوار الآتى :-

--------------------------------

عمك الحاج " نفخو " .. وإبنه " منفاخ "

-----------------------------

جلس يوماً الحاج " نفخو " فى الصالون

ونادى على إبنه .. " يا منفاخ " يا بنى عاوزك فى كلمتين !!

جلس " منفاخ " بين يدى أبيه .. فقال الأب يا " منفاخ " يا بنى عاوز أنصحك

علشان حاسس إنى يا بنى " هموت " قريب

فى " داهية " يا بابا .. قصدى ربنا يخليك يا بابا

بص يا بنى خد الحكمة دى من أبوك الحاج " نفخو "

( المال يا بنى .. مش كل حاجة .. المال لا يأتى بالسعادة .. إلخ )


الكل هيقول طبعا .. الحكمة دى صحيحة 100% .. وهو ده إللى إتربينا عليه


والكل أيضا هيقول يسلم لسانك يا " حاج نفخو " .. ربنا ينفخك كمان وكمان !!



*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-

أما أنا .. فلى رأى مخالف تماما لهذه المقولة .. وأنا أعتقد بل أجزم بأنها خاطئة 100%

طيب لييييييه يا عم " هانى " يا فكيك إنت ؟

أقولكم بالدليل .. مش كلام وخلاص

*
*

1 - واحد يقولى

( مش كل حاجة تقدر تشتريها بالفلوس )

الرد
***

أقدر بفضل الله ..

ممكن أعمل المستحيل .. بفلوسى

ممكن أعمل بطاقة رقم قومى " مزورة " .. بفلوسى

ممكن أطلع من أى قضية متهم فيها .. بفلوسى

ممكن أطلع شهادة " وفاة " لشخص حى يرزق .. بفلوسى

ممكن أدخل شخص برىء السجن .. بفلوسى

ممكن آخد شهادة أحسن كلية فى مصر من غير ما أروح ولا أمتحن .. بفلوسى

ممكن أشتغل دكتور وأدرس فى أفضل كلية فى مصر .. بفلوسى

ممكن أطلع فى أحسن قناة فضائية فى برنامج لوحدى .. بفلوسى

ممكن أتصاحب على أحسن فنانين فى الوطن العربى .. بفلوسى

***********************************

كفاية أمثلة ولا تحبوا أكملكم .. مستعد أقولكم آلاف الأشياء إللى ممكن أشتريها

بفلووووسى وطبعا أكيد عارفين إزاااااى

**********************************

2 - واحد يقولى

( طيب تقدر تشترى السعادة .. بفلوسك ؟ )

الرد
****

آه .. أقدر بعون الله

إزاااااااااااى بس إنت " هتألف بقى يا عم " هانوءه " !!


طيب أنا قاعد قرفان دلوقتى ومتضايق .. وعندى حالة " ملل "


* مش ممكن أسافر " لبيت الله الحرام " أعمل عمره بالطيارة على السريع كدة

وأزور النبى صلى الله عليه وسلم .. وأقعد شوية فى أقرب فندق للمسجد الحرام فى مكة وأرجع تانى مصر

فى الوقت إللى أحدده أنا .. وبشروطى أنا .. وعلى مزاجى أنــــــــا

بفلووووووووووووسى

* طيب فرضنا إنى مش متدين .. مثلا مثلا .. وعاوز أفرفش كدة وأنبسط

هروح أقعد مع " نانسى " شوية .. أو" هيفاء " .. أو مع " سمية الخشاب "

بفلوووووووسى

وطبعا هعيش أحلى لحظات حياتى .. أوعى تقولى هتفضل عندك ملل .. مستحيل

قاعد فى وسط الصحبة الحلوة دى .. وتقولى لسه حاسس بملل .. مستحيل طبعا

رووووح موت أحسنلك بقى !!

ممكن أروح أقعد مع أبو تريكة .. أو عالم فاضل .. أو أى واحد فى العالم لو حتى فى أمريكا

أو فرنسا .. أو فى بلد الواء الواء

بفلووووووووووووسى

وهكـــــــــــــــــذا يا نجم ممكن أسعد نفسى بأى طريقة وفى أى وقت أنا عاوزه ومع أى حد ييجى فى دماغى

برده بفلوووووووووسى

***************************************************

3 - واحد يقولى

( هتعمل إيه مثلا لو عندك مرض ما " لا قدر الله " ومعاك المال

هل هتنفعك فلوسك يا حلو ؟ )


الرد
***

آه .. طبعا هتنفعنى جداااااااااااااااااا

إزاااااااااااااى يا بنى حيرتنى معاك .. كل حاجة ليها رد عندك

يا عم " هانوءه " ؟؟


أقولك يا غالى .. بتعرف تعد ؟ ولا أعد لك أنــــا :-


* هتغنينى عن سؤال اللئيم

* هتخلينى أتعالج فى أحسن مستشفيات العالم

بفلوووووسى

* هجيب " كونسلتو" دكاترة يباتوا معايا ليل نهار فى الفيلا.. ويشرفوا على علاجى

بفلوووووسى

* هجيب خدم وحشم .. علشان يخدمونى فى كل حتة بروحها

* هرتاح نفسيا .. على الأقل عندى أكل وشرب وفلوس .. مش هشحت من حد يعنى ومش هحتاج للشغل

* هشترى طيارة تودينى أى حتة عاوز أروحها فى العالم .. وأنا نايم على سريرى

* هعمل كل حاجة بالريموت كنترول فى الفيلا إللى عايش فيها علشان " أنا مريض " ومش

هعرف أتحرك كل شوية

* هتصدق على الفقراء .. وأزوج الغير قادر على الزواج .. وأبنى مسجد .. وأسد ديون الفقراء

.. إلخ من أوجه الخير

كل ده بفلووووووسى


يوووووووووووووووو مستعد أعدلك لغاية السنة إللى جاية .. بس الصفحة مش هتكفى .


**************************************************************


وأخيراً .. شوية أشياء كدة لم أتكلم عنها لعدم إتساع المقام أكثر من هذا

* الماء .. بالفلوس .. مثل ( شركة المياه الحكومية " وصل الماية يعنى " .. والماء المعدنى فى القطاع الخاص )

* الهواء .. بفلوس .. لو عجلة العربية نامت .. بتروح تنفخها بـ ( الفلوس )

وأنبوبة الأكسجين فى المستشفى .. بالفلوس

* 99,9 % من حالات عدم الزواج .. سببها الفلوس .. كحال الشباب فى أيامنا هذه

* 99,9 % من المشاكل الزوجية .. سببها الفلوس .. ألم تقرأ آلاف المرات الحادث الآتى :-

( يلقى بزوجته من الطابق الخامس لمطالبتها له بمصروف البيت ... تقتل زوجها لعدم صرفه عليها

.. إنتحر الزوج لعدم مقدرته على الإنفاق على زوجته وأولاده ... هرب الزوج وترك أسرته بدون كفيل


برده ممكن أقولك 10000 حادثة

* الفقر يقتل الحب .. الرجل يسعى ليل ونهار لكسب لقمة العيش .. وينسى إحتياجات زوجته .. فالرجل يعمل حوالى 12 ساعة يوميا .. فهل تتخيل حضرتك إنه يأتى بالليل ليجلس مع زوجته للحديث حتى 5 دقائق على بعض .. ده وهو بيتعشى بينام على روحه .. وعنيه حمرا زى الدم .. وسنة ورا سنة .. يموت الحب بينهم وذلك لأن الرجل لا يسقى قلب زوجته بالحب قولا وعملا

كالفلاح .. لابد له من أن يروى الأرض ويتابع الزرع يوما بعد يوم .

******************************************************

عيبى إنى واقعى جدا .. ومش بقول الحكم وخلااااااص .. كله بالدليل زى ما إنتم شايفين أهووو

* ومرة أخرى .. الموضوع كله من أوله لآخره من دماغى أنـــــــــــــــا

وقاعد بكتب فيه والله حوالى .. ساعتين متواصلين

*******************************************************

فلذلك لا تبخل عليّ بالرد ..


قال الشاعر عن المال

هو اللسان لمن أراد فصاحةً .. وهو السيف لمن أرادَ قتالاً


وقال أهل العلم أيضا

لولا الدليل .. لقال من شاء ما شاء

وأنا أتيت بالدليل على صدق معتقدى ..

وأطالبكم أيضاً بالدليل لو خالفتم وجهة نظرى هذه




؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟











Share this post


Link to post
Share on other sites
ههههههههههههههههههه دانت محتاج بقى للفنوس السحرى او خاتم سليمان لو لقيت اى حاجه من دول وبقى معاك كميه الفوس اللى تعيشك ملك كده امانه عليك ابقى ادينى 15 جنيه سلف طبعااا افك بيهم ازمتى وهبقى ارجعهملك متخافش

المهم بس متنسناش واحنا كمان ساعتها مش هننساك هنفضل ندعي عليك
قصدى ندعيلك ربنا يزيدك طبعااا

Share this post


Link to post
Share on other sites
انامعاك ياهاني وكلامك صح بدليل ان ربنا ذكر المال في القران وانه زينة الحياة الدنيا هو والبنون بس برضو لازم نفهم يانجم النجوم ان في ناس كتير فقيرة وعندها رضا لان الرضا بالمقسوم عبادة يعني مثلا اللي مش هايعيش العيشة اللي انت بتقول عليها دى يعمل ايه يعنى؟يتنحر بقى لا طبعا.

بص ياهاني اللي معاه اهلا وسهلا يعيش ويبسط نفسه ويبسط غيره ويأدي فروض ربنا وكده واللي ممعهوش تفتكر يعني مش هيلاقي كل ده؟لا طبعا هيلاقيه بس فين؟في الجنة يانجم لان مفيش اسرع من قطار العمر.

يبقى اللي معاه قلنا يعيش مفيش مشاكل واللي ممعهوش يصبر ويرضى وربنا هايديله اكتر واكتر في الجنة

وربنا يباركلنا في ارزاقنا وولادنا.

Share this post


Link to post
Share on other sites

شكرا ياكوين.منورة بتعليقاتك وارائك وكلامك.ادخل اقرالك هنا واخرج الاقي في حتة تانية ادخل واخرج الاقي في حتة تالتة.بصراحة مالية المنتدي بنورك.

Share this post


Link to post
Share on other sites

فين ده ال لجاة ال.ده انا بقالي كذا يوم بادخل باستمرار مش بلاقيكي غير قليل.

عموما شكرا ياكوين بس برضو انتي اللي منورة.

Share this post


Link to post
Share on other sites
ههههههههههههههه لا بقى انت اللى منور

وعادى انا بدخل كتير بس ممكن يوم كامل افضل قاعده على المنتدى طول اليوم ويوم مفتحش

Share this post


Link to post
Share on other sites
عموما انا هاقولك وامري لله.النتيجة باذن الله هاتظهر اول الشهر واحتمال بعد كده واحتمال قبل كده. والف مبروك مقدما.

ايدك بقى على حلاوة الاخبار الحلوة دى.

Share this post


Link to post
Share on other sites

كلامك حلو يا هانى وفعلا كول حاجه ممكن تشتريها بالفلوس بس .. تعالى بقى
انت ممكن تشترى السرير بفلوسك بس متقدرش تشترى صحتك بفلوسك زى مبتقول والدليل على كده ان فى امراض عجز عنها الطب حتى الان وفى علاج كمسكن فقط وليس علاج أنت ممكن فعلا تشترى كل حاجه بفلوسك بس فى ناس معاها فلوس بس مبتخلفش يعنى مش ممكن تشترى الابن او البنت هتقولى يشوفله يتيم فى ملجأ مهما شعر معاه بالسعاده مفتكرش هتساوى بسعادته مع ضناه يعنى فى ناس معاها ملاين ونفسها تدفع الملايين ديه وتستلف كمان بس تسمع كلمه بابا او ماما كول واحد ربنا بيديلو حقه فى الحياه 24 قيراط بس مختلفه فى التوزيع يعنى مثلا واحد معاه الصحه وفقير وواحد تانى معاه المرض وغنى وهكذا

Share this post


Link to post
Share on other sites
وعلى فكره انا مبقتش عايزاها تظهر خليهلهم مش عايزاها خلاص مش ناقصه وجع دماغ بقى براحتهم خالص

Share this post


Link to post
Share on other sites

طيب تعرفي لو طلعت النتيجة ودخلتي شفتيها تبقي مش اد كلامك .

Share this post


Link to post
Share on other sites
عموما خلينا في موضوع هاني عشان ميزعلش.

عندك حق يارضا.برضو وجهة نظرك صح ومقنعة

واضح ان موضوعك ياهاني هايخلي ناس كتير تتكلم كلام كويس.

شكلك هاتشتهر يانجم.

Share this post


Link to post
Share on other sites

انا معااك ياا هاني بس الفلووس الكتير كمان هم وحمل كبير لأنه هايتسأل عن كل مليم جابه من فين وصرفه في ايه انا شاايفه قلة الفلووس راحه لنفووس حلوو السجع ده هههههه b.smile وبعدين النفس طمااعه واللي بيجري ورى الفووس هايفضل طوول عمره يجري وراها وينسى صحته وأهله وهايركز على الفلوس ومن رضى بقليله عااش ملك ومرتااح

Share this post


Link to post
Share on other sites

أنا متشكر لكم جميعا .. على ردودكم الجميلة دى

كوين .. حسين .. مان رضا ..هبه ..ثانك يو يا جماعة

وأنا متفق معاكم والله .. بس أنا قصدى من الموضوع إن المال أهم سبب فى السعادة ( وجهه نظرى )

ولما تبقى عاوز تتزوج ومش عارف تجهز نفسك .. ساعتها هتقول فين هانى دلوقتى علشان أبوس " راسه وأتأسفله علشان كان

راجل مفيش منه إتنين .. المهم لو ربنا أعطانا المال ممكن نسعد بيه أنفسنا

المال لا يسبب السعادة ... كلاااااااااااااام حمضااااااااان آخر حاجة

****************************************

كوين " خانو " بالتركى يعنى لو إنى مش عارف معناها

طالبه منى ( 15 جنيه ) .. ولا ( 15 ألف جنيه ) لحسن تكون غلطة مطبعية ولا حاجة

*****************************************

" حسين أورلى أوغلو " برده بالتركى ومش عارف معناها .. أنا معاك

لو كنا فقراء نرضى .. ولو أغنانا الله يبقى نرضى .. فى الحالتين نرضى بصفاء نفس ..( وخصوصا فى التانية دى ) .هههههههههههههههههه

******************************************

إلى " مان رضا " بص يا مان .. أنا برده معاك ولكن ... عارف إن فى أمراض عجز عنها الطب

بس متنساش برده إن هناك فقراء وعندهم برده نفس المرض .. ومش لاقيين علاج علشان الفلوووووس

ولو لا قدر الله إبن واحد مننا مريض وهوفقير .. إحساسه هيبقى إيه لو شايف إبنه بيتعذب أمامه ومش عارف ينقذه بسبب الفلوس ؟؟

حتى لو مرضه ملوش علاج .. وإنت غنى هتحس إنك عملت كل إللى بوسعك لإنقاذ إبنك من المرض .. وهذا الوضع

أفضل 1000 مرة من يكون إبنك مريض وإنت عاجز بسبب الفقر

الفلوووووووووووس ولا شىء غير الفلوس

*******************************************

إلى الأخت العزيزة " هبه " ...كلامك 10/10 تسلم إيدك

بس أنا بقول لو فرضنا إن ربنا أغنانا بالحلال الطيب .. يبقى ساعتها الفلوس نعمة كبيرة

وخصوصا لو جعلنا منها جزء للفقراء والمحتاجين واليتامى

******************************************

فى المجمل .. الآراء واحدة مع الإختلاف فى بعض التفاصيل الخفيفة



وأخيرا المعلم " هانى " بيصبح ويمسى على الناس الحلوة إللى جات الفرح

وسمعنى أحلى سلااااااااااام يا كبييييير

وإللى بيحبنا " يضرب نــــــــــار "

Share this post


Link to post
Share on other sites

مفيش حد قال ان الفلوس مش مهمة وانه حابب يعيش فقير

المال نعمة من ربنا أذا احسن استغلالها

وقد يكون نقمة اذا استغليته فيما يغضب الله او لظلم الناس

لكنه بالتاكيد لا يضمن لك السعادة

الامر يتوقف علي المعيار الذي تقيس به الامور


قد يضمن لك حياة فيها الكثير من الرفاهية والراحه

اعلي معدلات الانتحار تجدها في الدول الاعلي دخلا في العالم

والتي تتاح فيها كل ملذات الحياة بدون اي ضوابط اخلاقية

السعادة احساس داخلي ناتج عن شعور بالرضا عن نفسك وعن ما لديك في في حياتك


وده مش كلام فلسفة وكلام كتب

دي حقيقة لا تقبل الشك او الجدل


Share this post


Link to post
Share on other sites
HAMDY كتب:


مفيش حد قال ان الفلوس مش مهمة وانه حابب يعيش فقير

المال نعمة من ربنا أذا احسن استغلالها

وقد يكون نقمة اذا استغليته فيما يغضب الله او لظلم الناس

لكنه بالتاكيد لا يضمن لك السعادة

الامر يتوقف علي المعيار الذي تقيس به الامور


قد يضمن لك حياة فيها الكثير من الرفاهية والراحه

اعلي معدلات الانتحار تجدها في الدول الاعلي دخلا في العالم

والتي تتاح فيها كل ملذات الحياة بدون اي ضوابط اخلاقية

السعادة احساس داخلي ناتج عن شعور بالرضا عن نفسك وعن ما لديك في في حياتك


وده مش كلام فلسفة وكلام كتب

دي حقيقة لا تقبل الشك او الجدل





رأيى أنه يضمن لى السعادة بنسبة 90% على الأفل

أما المعيار الذى أقيس به الأمور .. فهو المعيار عند 95% من الناس على كوكب الأرض

أما زيادة معدلات الإنتحار فى الدول الأعلى دخلا فالسبب هو

أن المال فقط هو ما يقودهم .. أما نحن فعندنا يختلف الأمر

عندنا وازع دينى .. بجانب المال .. وشتان ما بين الأمرين

السعادة احساس داخلي ناتج عن شعور بالرضا عن نفسك وعن ما لديك في في حياتك

كلام صحيح .. بس للأسف موضة قديمة جدا .. إندثرت منذ آلاف السنين


ولا يوجد لها أثر الآن .. يعنى كلااااااااااام كتب



إذاَ رأيى يزداد يقيناً بأن المــــــــــــــــــــــــال هو المصدر الأقوى والأساسى للسعـــــــــاـدة



الفلووووس .. الفلووووس .. أحلى حاجة فى الدنيا ..

يا سلااااااااااااااااااام لو الواحد يقع على شوال دولارات



آه ه ه ه ه يا قلبى يا نا

Share this post


Link to post
Share on other sites
موضوع جميل اخي هاني الفلوس طبعا مهمة جدااااااا

بس برضه في حاجات منقدرش نشتريها بالفلوس ولا بكنوز الدنيا كلها

بفلوسك تقدر تشتري المنصب بس متقدرش تشتري الاحترام
بفلوسك تقدر تشتري العلاج ولكن متقدرش تشتري الصحة
بفلوسك تقدر تشتري الدم ولكن لا يمكنك ان تشتري الحياة
بفلوسك تقدر تشتري الاكل ولكن لايمكنك شراء النفس
تقدر تشتري راحة البال بفلوسك؟؟
تقدر تشتري حب الناس ليك بفلوسك؟؟

في ناس معاها فلوس كتيييييييير بس مش سعيدة ولا مرتاحة البال واهم حاجة تكون مرتاح البال

Share this post


Link to post
Share on other sites
*maryam كتب:
موضوع جميل اخي هاني الفلوس طبعا مهمة جدااااااا

بس برضه في حاجات منقدرش نشتريها بالفلوس ولا بكنوز الدنيا كلها

بفلوسك تقدر تشتري المنصب بس متقدرش تشتري الاحترام
بفلوسك تقدر تشتري العلاج ولكن متقدرش تشتري الصحة
بفلوسك تقدر تشتري الدم ولكن لا يمكنك ان تشتري الحياة
بفلوسك تقدر تشتري الاكل ولكن لايمكنك شراء النفس
تقدر تشتري راحة البال بفلوسك؟؟
تقدر تشتري حب الناس ليك بفلوسك؟؟

في ناس معاها فلوس كتيييييييير بس مش سعيدة ولا مرتاحة البال واهم حاجة تكون مرتاح البال


شابوه

Share this post


Link to post
Share on other sites
*maryam كتب:
موضوع جميل اخي هاني الفلوس طبعا مهمة جدااااااا

بس برضه في حاجات منقدرش نشتريها بالفلوس ولا بكنوز الدنيا كلها



بفلوسك تقدر تشتري المنصب بس متقدرش تشتري الاحترام

· أشتريه طبعا .. ممكن أدخل أنا مطعم شيك جدا وبفلوسى ممكن أخلى صاحب المطعم شخصيا " يخدم " على التريبزة بتعتى

· وأنا بركن العربية بتعتى فى الشارع .. السايس بيضرب لى تعظيم سلام .. ويحترمنى ( يا بيه .. وسيادتك .. إلخ ) بفلوسى

· لما أزور حد لأول مرة فى مكتبه .. السكرتير هيقوم يقف ويقولى تحت أمرك يا بيه .. أأمر !! مع إنه أول مرة يشوفنى

بس غصب عنه لازم هيحترمنى .. بفلوسى .. علشان باين عليا غنى .. فلازم هيحترمنى .. على رأى اللمبى " الجنيه غلب الكارنيه "


بفلوسك تقدر تشتري العلاج ولكن متقدرش تشتري الصحة

· لو مقدرتش أشترى الصحة .. أشترى الناس إللى تخدمنى كأنى عندى الصحة بالضبط

· الخدامين والسفرجيه .. وألف من يخدمنى بفلوسى .. وكل إللى أنا عوزه .. كل إللى حولى هيخدمونى

· وهسافر أحسن دول العالم للعلاج .. وممكن يأتى الشفاء بإذن الله .. وأنا كدة بأخذ بالأسباب وذلك بالذهاب لأفضل الأطباء بحثا عن الشقاء


بفلوسك تقدر تشتري الدم ولكن لا يمكنك ان تشتري الحياة

· لما أعالج نفسى بأحسن العقاقير الطبية يبقى كدة بشترى الحياة

· باخد بالأسباب وبتعالج عند أحسن دكاترة فى الدنيا .. يبقى بشترى الحياة

· لما يشرف على تحاليل الدم ونظافته أمهر الدكاترة يبقى أنا كدة بشترى الحياة


بفلوسك تقدر تشتري الاكل ولكن لايمكنك شراء النفس

· بأة يعنى معقولة يكون أمامى " ديك رومى " .. ولا " خرووف مشوى " آه يانا ياما .. ومش هيجينى نفس !!

· ولو فرضنا .. كفاية إنى باكل أحسن أكل فى الدنيا .. ميجيش مغص لبطنى بعدها .. مثل الطعمية ههههههههههه

· هأكل معايا الفقراء .. علشان ربنا يجبلى النفس دى .. .. هدعى ربنا يجبلى النفس علشان آكل الكباب والريش

· المهم يعنى هجيب أبوها بأى شكل


تقدر تشتري راحة البال بفلوسك؟؟

· طبعا أشترى أبوها .. لما يكون ورايا دين عند حد .. وأنا فقير ومش عارف أسده .. يبقى هجيب منين راحة البال ؟؟

· لما إبنى مريض ومش عارف أعالجة علشان فقير .. يبقى هجيب راحة البال منين ؟؟

· عليا قضية ومتهم فيها .. ومش عارف آخد براءة .. أو أوكل محامى كبير علشان يدافع عنى .. يبقى هجيب راحة البال منين ؟؟

· يبقى الحـــــــل فى الفلوووووس بلا شـــــــــك


تقدر تشتري حب الناس ليك بفلوسك؟؟

· طبعاااااااااااااااا .. بالهدايا القيمة .. كما قال النبى صلى الله عليه وسلم

" تهادوا .. تحابوا " .. .. والهدية بفلووس .. ولما أجيب لحضرتك عقد فلصو بـ 2 جنيه .. غير لما أجيب عقد بـ 10000 جنيه !

في ناس معاها فلوس كتيييييييير بس مش سعيدة ولا مرتاحة البال واهم حاجة تكون مرتاح البال

· فين الناس دوووول ؟؟

ممكن تقوليلى أسمائهم إيه ؟؟ .. فى نااااس ... فى نااااااااس

وخلااااااص .. إنما فين الناس دول .. عنونهم إيه .. أسمائهم إيه ؟ .... كلااااااااااااام فى كلااااااااااااااااام .. وما أسهل الكلام



· الفلووووس .. صدقوووونى .. دى أحسن حاجة فى الدنيا كلها

أغلب الكلام بتاع حضرتكم .. كلااام كتب .. ليس له واقع بالمرة

كلام عن المدينة الفاضلة

Share this post


Link to post
Share on other sites
اخي هاني مش ده الاحترام اللي اقصده احترام الناس لك هو انك تعامل الناس بتواضع وليس بكبرياء مش تخلي الناس كلها تبوس ايدك عشان انت غني الاحترام هو لانك تجري ورا مصالح الناس بجد ويحترموك والاحترام اللي بتقول عليه ده احترام مصلحة يعني يحترموك عشان عايزين حاجة منك او عشان متأذهومش يعني مش اللي احترام اللي بجد ما هو ممكن من وراك يفضل يدعي عليك او يتكلم عنك مش كويس ده كدا يبقى احترام

ثانيا الصحة دي بتاعة ربنا وكلنا بنحمد ربنا عليها لكن اللي تعبان وهو غني حتى لو المرض اللي عنده ليه علاج وجاب كل العلاج وصرف ملايين عليه طيب ما هو ممكن ربنا ما يشفهوش يفضل كدا حتى لو عمل ايه يبقى ازاي بقى تقدر تشتري الصحة والشفاء طبعا بإذن الله وليس مجرد انك معاك فلوس يبقى كدا اشتريت صحتك


بالنسبة لحب الناس غلبتني فيها بس برضه الهدية بقيمتها مش بثمنها

اقولك مين الناس دول الناس دي اللي مستقوية على خلق ربنا ومغرورة وشايفين نفسهم
لو حد متهم في قضية وبرئ ومش معاه فلوس لمحامي يدافع عنه ربنا هو اللي هيدافع عنه وهينصفه وهيخرج براءة من غير محامين لو هو ظالم وجاب محامين الدنيا كلها ممكن يطلع منها بس هيروح من ربنا فين

ولو ابنك مريض ومش لاقي فلوس تعالجه بيها ربنا هو الشافي من غير فلوس اهم حاجة الايمان بالله مش اكتر

الفكرة هي ازاي تستخدم فلوسك بطريقة صح وانا عند رأيي السعادة لا تقدر ان تشتريها بفلوس الدنيا

وفي النهاية بشكرك على المناقشة دي اخي هاني والاختلاف في الرأي لا يفسد للود قضية

Share this post


Link to post
Share on other sites
hussein1974 كتب:
رائع يامريم.معنديش اى كلام اقوله غير كده.


ربنا يكرمك اخي حسين

باركولي يا جماعة النتيجة ظهرت ونجحت ربنا يتمم نجاحي على خير Smile

Share this post


Link to post
Share on other sites
الف مبروك يامريم.كده عديتي اكتر من نص الطريق.باذن الله تكملي الشفوي على خير.

Share this post


Link to post
Share on other sites
يا عم هانى أنت بتقول أن :-
بفلوسك تقدر تشتري المنصب .. تقدر تشتري حب الناس ليك
أنت كده حاطط إيدك فى بقهم علشان تبقى عمهم
انت فعلا تقدر تشترى حبهم بس حب صورى امامك بس وهوه جواه نازل حقد عليك
انت فعلا ممكن تشترى المنصب بس صورى امامك بس والدليل على كده انت لو شوفت ظابط ( قبل الثوره المفروض طبعا وبس ) تعطى له كل الاحترام وممكن كمان تعطى له سلام عسكرى كمان ويا سلام بقى لو دخلت القسم انا مش هقولك طبعا انت عارف على اللى بيحصل وبكده يبقى جبرك على الاحترام بمنصبه وانت من جواك عاوز تديلو بال... النار طبعا
لو مقدرتش أشترى الصحة .. أشترى الناس إللى تخدمنى كأنى عندى الصحة بالضبط
ده انت حظك نار معايا النتيجه على حظك مكتوب فيها اليوم .. الصحه لا تقدر بثمن
بفلوسك تقدر تشتري الاكل ولكن لايمكنك شراء النفس
يا سيدى لو معندكش نفس تبقى تتصل بى وانا هقوم بالواجب
انا معاك ان الفلوس حلوه وكويسه وجميله بس فعلا المشكله ان فى حاجات لايمكن شراءها بالفلوس فعلا ومش فلسفه لان بالفلوس ممكن تحقق احلامك اللى بتحلهما واللى مبتحلمهاش و أنصحك بمشاهده فيلم جرى الوحوش وقولى رأيك عن الفلوس بعدها
يا رب تقع على شواااااااااااااااال مليان دولارات ..... مزوره وساعتها تروح فى ابو زعبل
بس تبقى تشوفلى معاك 10 جنيه دولارات أخوك مزنوق

Share this post


Link to post
Share on other sites



عزيزي / هاني
أنا معك في بعض ما تقوله وبعض النقاط لا أتفق معك فيها
فللأسف الشديد حياتنا أصبحت مبنية على المظاهر وجمع المال
ومش مهم هو منين وإزاي المهم إني أكون معايا فلوس
!!!المهم أكون بيه ومش زي صاحبنا منحوس

والزمن إللي إحنا فيه دا معادش فيه فانوس سحري
زي ما قالت كوين
ولا حتى مصباح علاء الدين تدعكه ويطلعلك جني
وتقوله عاوز فلوس
ولو حتى طلعلك جني وقالك شبيك لبيك
لا في يوم هيبقى عبدك أو حتى بين إيديك
وكله بيدور على مصلحته بس يا صاحبي
(( إلا من رحم ربي ))
ومن غير الفلوس صحيح مش هنعرف نعمل حاجات كتير
بس عمر الفلوس ما كانت كل حاجه
فمثلاً نقدر بالفلوس نشتري بيت
بس ممكن نشتري بيها عيله ؟؟
ممكن نشتري بالفلوس ساعة
بس ممكن نشتري بيها وقت نزود بيه عمرنا ؟؟
ممكن نشتري منصب
بس مش ممكن نشتري إحترام الناس ؟؟
وماتقوليش ممكن والدليل على ذلك مش بعيد علينا
عندك حسني مبارك شوف منصبه كان إيه !! و
هل هو قدر يشتري إحترام الناس
ممكن كمان نشتري بالفلوس سرير
زي ما قال رضا
بس نقدر نشتري الراحه والنوم ؟؟
ممكن نشتري بالفلوس كتاب
بس ممكن نشتري بيها العلم ؟؟
ممكن نشتري بالفلوس الدواء
بس مش ممكن نشتري بيها الصحة
لإن الصحة من عند الله
وكل حاجه من عند الله
حتى الفلوس من عند الله
**********
فالسعادة احساس داخلي ناتج عن الشعور بالرضا عن نفسك وعن ما لديك في حياتك
زي ما قال حمدي
**********
في ناس معاها فلوس كتييييير
بس مش سعيدة ولا مرتاحة البال واهم حاجة تكون مرتاح البال
زي ما قالت مريم
**********
فالمال والبنون زينة الحياة الدنيا صحيح
زي ما قال
حسين
ولكن الباقيات الصالحات خير عند ربك ثواباً وخير أملا
وقال الله تعالى " المال والبنون زينة الحياة الدنيا والباقيات الصالحات خير عند ربك ثواباً وخير أملا

والسعادة مش بالفلوس يا هاني
السعادة بالقناعة ، الرضا ، راحة البال
صدقني يا صاحبي
لو عندك الثلاثة دول هتكون أغنى أغنياء العالم
وعمرك بالفلوس ما تقدر تشتري الثلاثة دول
**********
تقدر تشتري القناعة
يعني لو عندك مليون جنيه عمرك ما هتفكر في 2 مليون
**********
تقدر تشتري الرضا
حتى وإن لم أوفق في أن أتزوج في الدنيا
فهذا هو رزقي وهذا هو ما كتبه الله لي
فيكفيني الرضا بما قسمه الله لي

فقال الله تعالى " ولا تتمنوا ما فضل الله به بعضكم على بعض للرجال نصيب مما اكتسبوا وللنساء نصيب مما اكتسبن واسألوا الله من فضله إن الله كان بكل شئ عليماً " و
====
تقدر تشتري راحة البال
وماتقوليش
طبعا أشترى أبوها .. لما يكون ورايا دين عند حد .. وأنا فقير ومش عارف أسده .. يبقى هجيب منين راحة البال ؟؟
لإن حتى لو عليا دين وعندي ثقة في ربنا بإنه هيقويني
ويعطيني بالعمل المال إللي أسد بيه الدين إللي عليا
يبأه هيكون عندي راحة البال

وقال علي رضي الله عنه وأرضاه
>
:
· لما إبنى مريض ومش عارف أعالجة علشان فقير .. يبقى هجيب راحة البال منين ؟؟
برده هجيب راحة البال بالثقة في الله
فالله قادر أن يشفيه

· عليا قضية ومتهم فيها .. ومش عارف آخد براءة .. أو أوكل محامى كبير علشان يدافع عنى .. يبقى هجيب راحة البال منين ؟؟
برده راحة بالي بثقتي في الله
فالله قادر على حصولي على برائتي
حتى لو سجنت ظلم فيكفيني أنني برئ أمام الله
فالله قادر على كل شئ


· يبقى الحـــــــل مش فى الفلوووووس بلا شـــــــــك

عكس ما قلت يا هاني

وما اخذ الله منك إلا ليعطيك وما اعطاك إلا ليأخذ منك


[center]
[/center]
[/center][/size]






Share this post


Link to post
Share on other sites
*maryam كتب:
اخي هاني مش ده الاحترام اللي اقصده احترام الناس لك هو انك تعامل الناس بتواضع وليس بكبرياء مش تخلي الناس كلها تبوس ايدك عشان انت غني الاحترام هو لانك تجري ورا مصالح الناس بجد ويحترموك والاحترام اللي بتقول عليه ده احترام مصلحة يعني يحترموك عشان عايزين حاجة منك او عشان متأذهومش يعني مش اللي احترام اللي بجد ما هو ممكن من وراك يفضل يدعي عليك او يتكلم عنك مش كويس ده كدا يبقى احترام

ثانيا الصحة دي بتاعة ربنا وكلنا بنحمد ربنا عليها لكن اللي تعبان وهو غني حتى لو المرض اللي عنده ليه علاج وجاب كل العلاج وصرف ملايين عليه طيب ما هو ممكن ربنا ما يشفهوش يفضل كدا حتى لو عمل ايه يبقى ازاي بقى تقدر تشتري الصحة والشفاء طبعا بإذن الله وليس مجرد انك معاك فلوس يبقى كدا اشتريت صحتك


بالنسبة لحب الناس غلبتني فيها بس برضه الهدية بقيمتها مش بثمنها

اقولك مين الناس دول الناس دي اللي مستقوية على خلق ربنا ومغرورة وشايفين نفسهم
لو حد متهم في قضية وبرئ ومش معاه فلوس لمحامي يدافع عنه ربنا هو اللي هيدافع عنه وهينصفه وهيخرج براءة من غير محامين لو هو ظالم وجاب محامين الدنيا كلها ممكن يطلع منها بس هيروح من ربنا فين

ولو ابنك مريض ومش لاقي فلوس تعالجه بيها ربنا هو الشافي من غير فلوس اهم حاجة الايمان بالله مش اكتر

الفكرة هي ازاي تستخدم فلوسك بطريقة صح وانا عند رأيي السعادة لا تقدر ان تشتريها بفلوس الدنيا

وفي النهاية بشكرك على المناقشة دي اخي هاني والاختلاف في الرأي لا يفسد للود قضية



الاختلاف في الرأي لا يفسد للود قضية

Share this post


Link to post
Share on other sites
man_reda كتب:

يا عم هانى أنت بتقول أن :-
بفلوسك تقدر تشتري المنصب .. تقدر تشتري حب الناس ليك
أنت كده حاطط إيدك فى بقهم علشان تبقى عمهم
انت فعلا تقدر تشترى حبهم بس حب صورى امامك بس وهوه جواه نازل حقد عليك
انت فعلا ممكن تشترى المنصب بس صورى امامك بس والدليل على كده انت لو شوفت ظابط ( قبل الثوره المفروض طبعا وبس ) تعطى له كل الاحترام وممكن كمان تعطى له سلام عسكرى كمان ويا سلام بقى لو دخلت القسم انا مش هقولك طبعا انت عارف على اللى بيحصل وبكده يبقى جبرك على الاحترام بمنصبه وانت من جواك عاوز تديلو بال... النار طبعا
لو مقدرتش أشترى الصحة .. أشترى الناس إللى تخدمنى كأنى عندى الصحة بالضبط
ده انت حظك نار معايا النتيجه على حظك مكتوب فيها اليوم .. الصحه لا تقدر بثمن
بفلوسك تقدر تشتري الاكل ولكن لايمكنك شراء النفس
يا سيدى لو معندكش نفس تبقى تتصل بى وانا هقوم بالواجب
انا معاك ان الفلوس حلوه وكويسه وجميله بس فعلا المشكله ان فى حاجات لايمكن شراءها بالفلوس فعلا ومش فلسفه لان بالفلوس ممكن تحقق احلامك اللى بتحلهما واللى مبتحلمهاش و أنصحك بمشاهده فيلم جرى الوحوش وقولى رأيك عن الفلوس بعدها
يا رب تقع على شواااااااااااااااال مليان دولارات ..... مزوره وساعتها تروح فى ابو زعبل
بس تبقى تشوفلى معاك 10 جنيه دولارات أخوك مزنوق




الاختلاف في الرأي لا يفسد للود قضية

حتى لو رحت أبو زعبل .. هدخل فى الزنزانة " دش " وتلفزيون " إل سى دى " .. ولاب توب .. ونت

بلفوووووسى برده .. ولا هتقولى مش هتعرف كمااااان ؟؟

* أما بخصوص 10 دولارات السلفة

عاوزهم من المزورين .. ولا من الأصلى ..؟

Share this post


Link to post
Share on other sites

شكلك كدا انت صاحب فكرة برنامج بفلووووووووسي هههههه Smile

Share this post


Link to post
Share on other sites
محمد سعيد جويلي كتب:




· يبقى الحـــــــل مش فى الفلوووووس بلا شـــــــــك

عكس ما قلت يا هاني




الإختلاف فى الرأى لا يفسد للود قضية

وبرده .. مختلف معاكم .. وشكلنا مش هنتفق فى الموضوع ده

بس منافسة حلوة بينا .. ولكن ليست عادلة

عشرة أشخاص .. ضد شخص واحد

يا ظلمــــــــــة !!

إنتم مفترييييين

إيدى وجعتنى من كثرة الرد عليكم " مش ملاحق " .. نقطة نقطة .. وبند بند .. لما نفوخى ورم



Share this post


Link to post
Share on other sites
اه وعلى فكره ياهانى انا الصراحه كنت عايزه 15 جنيه بس انا غيرت رأيي خلاص انا عايزه 15 ألف بقيت

ولا اقولك خايهم 150 ألف ولا اقولك 250 ولا اقولك ...

Share this post


Link to post
Share on other sites

بتضحكوا يا " مرمر " إنتى .. " وكوين " .. آه طبعا

وأنا كمان فرحااان معاكم علشان خاطر " مرمر " بس .. علشان نجحت

وإللى بيحبنا .. يضرب ناااااااااار

Share this post


Link to post
Share on other sites
RФMaйt!c_QuêN كتب:

اه وعلى فكره ياهانى انا الصراحه كنت عايزه 15 جنيه بس انا غيرت رأيي خلاص انا عايزه 15 ألف بقيت

ولا اقولك خايهم 150 ألف ولا اقولك 250 ولا اقولك ...


يا بنتى ولا يهمك .. خدى وعبى زى ما إنتى عاوزه

طيب إيه رأيك .. هديكى مليون جنيه .. مش مصر .. كمان إسترلينى

+ شهر فى شرم الشيخ فى فندق 7 نجوم

إنتى والأسرة .. شاملة الأكل والشرب .. " أوبن بوفيه "

كفاية عليكى كدة لحسن أكون مسرف

وربنا قال " إن المسرفين كانوا إخوان الشياطين "


Share this post


Link to post
Share on other sites
hany ell boss كتب:
بتضحكوا يا " مرمر " إنتى .. " وكوين " .. آه طبعا

وأنا كمان فرحااان معاكم علشان خاطر " مرمر " بس .. علشان نجحت

وإللى بيحبنا .. يضرب ناااااااااار






Share this post


Link to post
Share on other sites
hany ell boss كتب:
RФMaйt!c_QuêN كتب:


اه وعلى فكره ياهانى انا الصراحه كنت عايزه 15 جنيه بس انا غيرت رأيي خلاص انا عايزه 15 ألف بقيت

ولا اقولك خايهم 150 ألف ولا اقولك 250 ولا اقولك ...


يا بنتى ولا يهمك .. خدى وعبى زى ما إنتى عاوزه

طيب إيه رأيك .. هديكى مليون جنيه .. مش مصر .. كمان إسترلينى

+ شهر فى شرم الشيخ فى فندق 7 نجوم

إنتى والأسرة .. شاملة الأكل والشرب .. " أوبن بوفيه "

كفاية عليكى كدة لحسن أكون مسرف

وربنا قال " إن المسرفين كانوا إخوان الشياطين "






لا كده حلو اوووى رضاااا
بس كده موعدكش انى ارجعهملك تانى بقى

Share this post


Link to post
Share on other sites
RФMaйt!c_QuêN كتب:
hany ell boss كتب:
..









بقول يضرب نار .. مش " أر بى جى " .. هههههههههه

Share this post


Link to post
Share on other sites

ههههههههههههههههه كلكوا عليا ولا ايه bsmile

بتوزع فلوس من ورايا noo خيانة

Share this post


Link to post
Share on other sites
شكراااااااااااا اخي محمد يارب يتمم فرحتي على خير ربنا يوفقنا جميعا

Share this post


Link to post
Share on other sites
ياااااااااااااااااارب ربنا يخليك اخي محمد واتمنى التوفيق للجميع

Share this post


Link to post
Share on other sites
*maryam كتب:
ههههههههههههههههه كلكوا عليا ولا ايه

بتوزع فلوس من ورايا خيانة



ولا يكون عندك أى فكر .. آدى كمان شيك بمليون دولار .. لمريومة

+ شهر فى الغردقة .. إنتى والأسرة الكريمة

وبرده أكل وشرب .. وعصائر مجانا


مســــــــــــــــــاء الجمال

Share this post


Link to post
Share on other sites
hany ell boss كتب:
*maryam كتب:
ههههههههههههههههه كلكوا عليا ولا ايه

بتوزع فلوس من ورايا خيانة



ولا يكون عندك أى فكر .. آدى كمان شيك بمليون دولار .. لمريومة

+ شهر فى الغردقة .. إنتى والأسرة الكريمة

وبرده أكل وشرب .. وعصائر مجانا


مســــــــــــــــــاء الجمال


ايه الكرم ده كله اخي هاني بس انا متواضعة وهاخد مليون ونص دولار بس وكاش توتو على كبوتو + اللي قلته كله طبعا وكويس الصيف داخل جيت في وقتك وبعد اذنك هاخد كوين ومشتاقة للجنة معايا

خلينا بقى نتكلم بجد لو معاك الفلوس دي كلها فعلا هتعمل بيها ايه ؟؟


Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!

Register a new account

Sign in

Already have an account? Sign in here.

Sign In Now

×
×
  • Create New...

Important Information

We have placed cookies on your device to help make this website better. You can adjust your cookie settings, otherwise we'll assume you're okay to continue.