*maryam

وعليكم السلام ورحمة الله وبركاته اهلا بحضرتك اخي elbanna ولا شكر على واجب الشكر لله

يا جماعة لسة ما قلوش على الملغي اعتقد النحو هما العشر محاضرات بس لسة هنبقى نسأل يوم الجمعة الدكتور اذا في ملغي ولا لا وياريت المادة دي بالذات يكون فيها دروس ملغية اتمنى بصراحة دكتورة المادة الثقافية هتقولنا على الملغي الجمعة اللي بعد اللي جاية وانا تقريبا عرفت المقرر وقلتهولكو ا بس لسة هنتأكد وتقريبا هي اخر جمعة وبعد كدا يوم حد وخلاص كل مادة ناقصلها محضرتين وانا بحضر دايما وان شاء الله اي جديد هبلغكم بيه وربنا يوفقنا جميعا بإذن الله

لا يا مريم المراجعه دى نزلت قبل الامتحان بيومين تقريبا فراقبى صفحتك ايام الامتحانات عشان بينزلوا حاجات لاخر لحظه اوك يا جميل شكرا انك نبهتيني

شكرا اخي هيثم تم التحميل ياريت والله الدكتورة تعملنا مراجعة كدا ايه ده ده حل الامتحان كله في الملف التاني للمراجعة معقولة كانت متديالهم اجابة الامتحان ولا ده بعد ما امتحنوا عشان يراجعوا

يا خبر ابيض طريقة الامتحان دي اصعب من الامتحانات التانية الترجمة كانت اسهل هما جايين على حظى وبيصعبوه

بارك الله فيكي يا أمولا بس اللينك ده مش بيحمل معايا لما دوست تنزيل الان بيقولي سجل دخول عشان اعرف احمله؟؟؟؟

ربنا يرحمه يا امل ويرحم كل اموات المسلمين انا بابا توفي في رمضان اللي فات كنت هموت من الصدمة واكيد الموت كان اريحلي كان نفسي اموت قبل اللحظة دي انا اصلا من الحالة اللي كنت فيها مش مصدقة اني لسة عايشة ربنا بيبتلي الانسان وينزل عليه الصبر لتحمل المصائب والا كنا متنا يا أمل ويا سارة لان ربنا رحيم قوي بعباده مكناش متوقعين انه يوصل لمرحلة انه ممكن يموت فيها الصدمة كانت صعبة قوي كانت تموت طبعا البيت من غير اب ملوش معنى والحياة من غير اب صعبة قوي بس نعمل ايه دي سنة الحياة وكل واحد عمره مكتوب قبل ما يتولد ولازم نرضى بقضاء ربنا عشان ربنا يرضى عنا يااااااااااارب ملناش غيرك صبرنا يا الله

وعليكم السلام ايه انا مسمعتهاش بتقول نكتب موضوع هي قالت كدا فعلا؟؟ اللي سمعته ان مش هييجي ترجمة دي الترجمة ارحم من كتابة موضوع

قلبتي عليا المواجع يا سارة لا حول ولا قوة الا بالله

على فكرة يا جماعة دكتورة المادة الثقافية قلتلنا ان مش هييجي في الامتحان ترجمة الامتحان هيبقى مختلف عن الترم اللي فات والمحاضرة اللي جاية هتقولنا طريقة الامتحان والملغي ربنا يسترها ويوفقنا جميعا يااااااااارب

يااااااااااااااااااااارب ملناش غيرك

وعليكم السلام ورحمة الله وبركاته اهلا بيكي يا سما امبارح في الكومبرهينشن خدنا قطعة اتفاقية جينيف والكالتشر خدنا النورمان

مــا أجـمـل أن تـقــول يارب قــــد أذنبــــــــــتُ .. قــــد أخطــــــــأتُ .. قــــد أســــــــــأتُ .. قــــد قصـــــــرتُ .. فـيـقـول لك الله جل في علاه : يــا عبـــــــــــدي .. قـد عفــــــــــوتُ .. قـد صفحـــــــتُ .. قـد غفـــــــــرتُ .. قـد رحمــــــــتُ .. { نَبِّئْ عِبَادِي أَنِّي أَنَا الْغَفُورُ الرَّحِيمُ } ما أجمل أن تقول : " يـــــــا رب " كم من نعمة أنعمت بها عليّ قلّ لك عندها شكري فلم تحرمني وكم من بلية ابتليتني بها قلّ عندها صبري فلم تخذلني كم من معصية رأيتني عليها سترتني ولم تفضحني فيقول لك الله جل في علاه : " لو لم تذنبوا لذهب الله بكم ولجاء بقوم يذنبون ثم يستغفرون فيغفر لهم " فما أجمل أن تقول : " يـــــــا رب " إن عفوك عن ذنوبي وتجاوزك عن خطيئاتي وسترك على قبيح أعمالي أطمعني أن أسألك ما لا أستوجبه مما قصرت فيه أدعوك آمنٌ وأسألك مستأنسٌ فإنك المحسن إليّ وأنا المسيء إلى نفسي تتودد إليّ بنعمك وأتبغض إليك بالمعاصي ولكن الثقة بك حملتني على الجراءة عليك فجد بفضلك وإحسناك عليّ فقد قال رسولك الكريم عليه الصلاة والسلام : "فوالله لا يملّ الله حتى تملــّوا " فما أجمل أن تقول : " يـــــــا رب " اغفر لي ما مضى من ذنوبي واعصمني فيما بقي من عمري وارزقني أعمالا زاكية ترضى بها عني وتب علي يا أرحم الراحمين اللهم آمين كم أخجلتني ياالله عندما قلت: ليس عندي أحد....فقال تعال: نحن اقرب أليك من حبل الوريد قلت: أعطني أملاً يارب ... فقال تعالي: أن مع العسر يسرا قلت: كيف لأاحلامي أن تتحقق .... فقال تعالي: أدعوني أستجب لكم اللهم أغفر لنا ياغافر الذنوب وارحمنا يارحيم وادخلنا فسيح جناتك أذا لم يكن لديك أنسان يستحق ان تفتح له قلبك فكن علي يقين ان هناك رب يستحق ان تفتح له يديك بالدعاء فكل شي في هده الدنيا...اما ان يتركك او ان تتركه إلا... الله..ان اقبلت اليه اغناك... وان تركته ناداك فقل في أعماق قلبك ياربــــــــــــــــــــــــــ ــــــــــــــــ كلمتــــــــــــــــــــــــين فيـــــــــــــــــــهم الـــــــــــــــــــــــخلاصه ليس هناك شيطان..... يتوب وليس هناك ملاك ....بذنوب لكن بين الأتنين إنسان يذنب ويتوب من الفيس

اه جوة الجامعة يعني حضرتك بتخرج من المركز وتعدي الشارع الناحية التانية هتلاقي باب الجامعة بتدخل منه وتمشي يمين جنب السور على طول لحد ما تلاقي كلية دار علوم ولو سألت هيدلوك ولا شكر على واجب

العفو حبيبتي هو بصراحة اذا حبيت النحو هفهمه بس انا عشان مش حباه فا بذاكره بالعافية يعني لازم تحبي المادة اللي بتذاكريها عشان تقدري تفهميها فا انا بحاول فعلا الجرامر لازم تكوني فاهمة الجملة عشان تقدري تجاوبي ربنا يسترها ويعديها على خير ان شاء الله خلينا نسبها على الله وكل شئ هيبقى تمام بإذن الله معقولة مفيش ترم بيني ليكم ربنا معاكم يااااااااارب ومعانا كلنا

اه فعلا عندك حق بس عشان حضرتك مش بتحضر لكن احنا حفظنا خلاص المحاضرة دي فين والمحاضرة دي فين انا اول محاضرة للكالتشر دخلت مدرج غلط وفضلت قاعدة فيه ييجي 5 دقائق وبعد كدا شكيت فا قلت اسأل لاقتني قاعدة مع ترم تاني وبعد كدا طلعت مدرج تاني قلت هو ده فا دخلت وقعدت برضه شوية قلت اسأل احتياطي لاقتهم بيقولولي احنا ترم تامن فرحت طبعا قلت الله ده انا وصلت اهو وقربت اتخرج هههههههه بس حفظنا خلاص مرة واحدة حصل تغيير في المواعيد روحنا المحاضرة الساعة 1 بعد ما حضرناها لاقيناهم بيقولوا مفيش محاضرات تانية المحاضرة التانية كانت الساعة 8 الصبح اتصدمنا طبعا لانهم غيروا الجدول نفس اليوم الصبح بس محصلش تغيير تاني الحمد الله وعلى فكرة الجرامر بيبقى في الجامعة في كلية علوم مش في المبنى حضرته مرة واحدة تقريبا ولا 2

وعليكم السلام ورحمة الله وبركاته اهلا بيكي يار نا الترم البيني ده اللي بين الترمات يعني مثلا اللي مش واخد المواد كلها وعايز يمتحن باقي المواد قبل الترم الجديد ممكن يذاكرهم ويمتحنهم ما بين الترم على اساس يدخل الترم اللي بعده مش واخد معاه مواد من الترم اللي فات بصراحة يا رنا انا عن نفسي المادة اللي بعاني منها هي النحو العربي هو الدكتور كويس وكل حاجة بس مشكلته انه مش بيعيد حاجة ومش بيدي فرصة لحد يسأل بس ان شاء الله هيتفهم اما الجرامر الدكتورة هدى مش بتشرح في المحاضرة وانا معتمدة على ورق المحاضرات والفيديوهات وهو بعمل اللي عليا كنت عاملة جدول للمذاكرة على اساس اخلص المنهج قبل الامتحانات بفترة بس للأسف امبارح الجدول باظ اليوم ضاع امبارح من غير مذاكرة هو الموضوع عايز تنظيم وقت ربنا يوفقك ويوفقنا جميعا وندخل الامتحان واحنا مرتاحين

جزاك الله خيرا اخي جمال الف شكر على هذا الدعاء الجميل اااامين ياااااارب ويوفقك يارب ويوفق كل الطلبة والطالبات ويقدرني على مساعدتهم اخي k.salem الف شكر ( خير الناس انفعهم للناس ) (ومن كان في حاجة اخيه كان الله في حاجته) يارب يقدرني واقدر اساعد الطلبة كلهم بحاول على قد ماقدر

لا الجرامر للدكتورة هدى عياد الجمعة اللي بعد اللي جاية الساعة 1 وعلى فكرة هي مش بتشرح حضرتلها محاضرة واحدة وقالتلنا انا مش هشرح والمحاضرات دي للي عنده سؤال فقط والشرح في الفيديوهات على صفحتكم اتفضل اخي ده جدول ترم اول وتاني جيه معاه

محاضرة الكالتشر الساعة 8 ل 9 ونص في المدرج رقم 363 محاصرة الكمبرهينشن الساعة 1 ل 2 ونص في المدرج رقم 160

اللهم أمين يااااااااااااااااااااااارب لا اله الا انت سبحانك اني كنت من الظالمين

اهلا بحضرتك يوم الجمعة اللي جاية ان شاء الله هتلاقي الملزمة مع الطلبة لاننا بناخد منها في المحاضرة مش موجودة في المكتبة ولا في اي مكان غير مع الطلبة لان الدكتورة هي اللي عملاها وصورناها منها

وعليكم السلام ورحمة الله وبركاته الامتحانات 4 / 7 وده الجدول تجارة http://www.ou.cu.edu.eg/NewsDetails.aspx?NewNumber=284 محاضرات الفيديو موجودة على صفحتك حمليها واسمعيها وشوفي ورق المحاضرات والتطبيقات وحاولي نظمي نفسك في المذاكرة لكي تنتهي من مذاكرة المنهج قبل موعد الامتحان وربنا يوفقك ويوفق الجميع

السلام عليكم احنا خدنا unit1: ancient england unit4: Roman invasion unit 5 : Anglo Saxon England اه ذكري من ورق المحاضرات