dalia

السلام عليكم هو في الامتحان أعتقد بيقول لك السياق اللي عايز فيه المحادثة دي أو الحوار، ومفترض إنك تكتبيه من عندك إنتي علشان الدكتور يعرف إنك فهمتي الموضوع مش حفظتيه. أقترح عليكي إنك تمرني نفسك على المواقف المختلفة بجمل بسيطة ومواقف بسيطة بحيث إنك تبقي مستعدة. هما كذا موقف مش أكتر على حسب ما أنا فاكرة، ولو محتاجة مساعدة كلنا هنا ممكن نساعدك وتحت أمرك. بالتوفيق للجميع إن شاء الله

السلام عليكم ورحمة الله وبركاته وصلتني هذه الرسالة اليوم : سيتم تبديل ميعاد د/ سيد البحراوى وميعاد د/ علياء الجندى ليصبح ميعاد د/ سيد من 8 الى 9,30 وميعاد د/ علياء من 9,45 الى 11,15 وذلك غدا الموافق 11/6 فقط رجاء إبلاغ من يحضر هاتين المادتين، مع الشكر

You are more than welcome

تنبيه هام § يبدأ التسجيل لمجموعات التقوية لطلاب كلية الآداب قسم اللغة الانجليزية ويبدأ سداد الرسوم في المجموعات اعتباراً من الأربعاء الموافق 9/6/2010 وحتى يوم الثلاثاء الموافق 15/6/2010 . § يتم سداد الرسوم بمركز جامعة القاهرة للتعليم المفتوح . § الحد الأقصى للمجموعة 25 طالباً والمبلغ المقرر 100 جنيه للمقرر الواحد وسوف تبدأ المجموعات التي يكتمل عدد الدارسين بها . جدول مجموعات التقوية لبرنامج اللغة الانجليزية اسم المقرر المستوى أستاذ المادة اليوم التاريخ الساعة مجموع المحاضرات 124 2 أماني وجيه السبت 19/ 6الى 3/7 5 م 3 محاضرات 214 3 أماني وجيه السبت 19/ 6الى 3/7 6 م 3 محاضرات 213 3 رانيا الشباسى الأحد 20/6 الى 4/7 6 م 3 محاضرات 112 1 شاهيناز أمين الأحد 20، 27/6، 4/7 5 م 3 محاضرات 114 1 شاهيناز أمين الأحد 20، 27/6، 4/7 6 م 3 محاضرات 115 1 شاهيناز أمين الثلاثاء 22، 29/6، 9/7 5 م 3 محاضرات 212 3 شاهيناز أمين الثلاثاء 22، 29/6، 9/7 6 م 3 محاضرات 113 1 ريم عاطر الأثنين 21/6 الى 5/7 5 م 3 محاضرات 223 4 ريم عاطر الأثنين 21/6 الى 5/7 6 م 3 محاضرات 322 6 ريم عاطر الأثنين 21/6 الى 5/7 7 م 3 محاضرات 323 6 جيهان أنور السبت 19/6 الى 3/7 5 م 3 محاضرات 412 7 جيهان أنور السبت 19/6 الى 3/7 6 م 3 محاضرات 324 6 سماح امام الخميس 17/6 الى 1/7 5 م 2 محاضرات 314 5 سماح امام الخميس 17/6 الى 1/7 6 م 2 محاضرات 125 2 عبير عمر الأربعاء 16/ 6الى 7/7 5 م 4 محاضرات 222 4 عبير عمر الأربعاء 16/ 6الى 7/7 6 م 4 محاضرات 312 5 عبير عمر الأربعاء 16/6 الى 7/7 7 م 4 محاضرات

هل أكتب الكلام ده في موضوع تاني ولا أعمل إيه يا شباب؟

جزاك الله كل خير دايماً وكعادتك ويبارك فيك...أنا عندي إسطوانات كتيرة ومحاضرات كتير بس مش عارفة ومافيش وقت أرفعهم، أقدر أبعتهملك مثلاً؟ أنا في القاهرة وعارفة إنك مش حتيجي القاهرة قريب، فممكن نشوف طريقة أبعتهملك بيهم؟ أعتقد إن ناس كتير ممكن تستفيد من الحاجات اللي عندي دي

عايزة أحيي كل المبدعين تحية كبيرة جداً استمروا، عايزين نعرف مين تاني حيظهر غير عمر وعلاء، يمنى واضح إن إحساسها عالي جداً وأعتقد إننا حنشوف ناس تانية غيرهم

You are more than welcome

actor is a problem for the Arab learner because of the schwa at the end of the word , for we do not have the schwa sound in Arabic and the Arab learner would pronounce it with the or at the end strong months is a problem because of the constant cluster, in Arabic we have only two maximum following each other, while months has more than 3 constant cluster one after the other, so the Arab learner would pronounce it "monthez" Make is a problem for the Arab learner, for we do not have the dipthong "ei" in Arabic to pronounce it and the Arab learner will pronounce it like he would pronounce the Arabic word بيت I hope this is helpful

شكراً يا حمدي وربنا يكرمك دايماً...أنا لسه ما جربتش الروابط بس حجربها وأقولك

السلام عليكم أنا دورت على المسرحية على النت علشان أنزلها ومالقيتهاش، بعت حد دور في مكتبات القاهرة وقال إنه مالقاهاش. حد جابها يقدر يقولي جابها منين أو حد عنده فكرة ممكن نشتريها منين؟ شكراً

طب يا ريت لو حد جرب إنه يطلب من الجامعة سيديهات وبعتوهاله يرد على ستار، ربنا يسهل

بقولك إيه يا ستار، مش يمكن الحاجات اللي على قناة الجامعة هي اللي قديمة؟ يعني أتأكدي إن الدكاترة اللي سجلوا محاضرات التليفزيون هما الجداد؟

السلام عليكم طب هو أنتي سجلتي في القاهرة ولا عن طريق الوكيل في البلد اللي أنتي فيها؟ لو في وكيل في البلد اللي أنتي فيها مش يبقى أسهل لو اتصلتي بيهم؟ أنا مش عارفة، أنا بس بفكر معاكي بصوت عالي وبقترح. ربنا يوفقك ويوفقنا جميعاً

If you have to choose between your best friend and your husband and kids, choose your husband and kids...because your husband and kids will never forgive you or understand if you don't, but your best friend will

أنا أخ؟

لا مخدش بالي من دي بجد! بس أنت فاهم أنا أقصد إيه

أنا برضه عجبني العنوان بس أوعدكم أقرا المقالة إن شاء الله وبعدين أعلق ...بس كنت حفطس من الضحك لما قريت تعليق حمدي والخضة بتاعة دريم، بصراحة عندها حق

أنا متفقة مع حمدي إن الرياضة أخلاق ومع رحاب إن مش معقولة المستوى اللي وصلناله وبرضه متفقة مع أمنحتب إن الإعلام له يد في تسخين الأمور الله ينور ولا سخان أوليمبيك. عارف يا أمنحتب، المشكلة كمان إننا بسم الله ما شاء الله شعب بيسخن في ثواني، وده طبعاً من الجهل والفقر وإن الناس بتلهي نفسها في حاجة تفرغ فيها شحنات الغضب والإحباط وكل المشاكل اللي مش عارفين يحلوها

لا داعي للاعتذار يا دريم، كل واحد فينا له مشاغله وأنا اللي لازم أشكرك على اهتمامك ومشاركتك معايا شوفي، أنا معاكي طبعاً إنه ما بذلش مجهود وإنه كان بيهرب. بالنسبة للكاتب نجح في بناء الشخصية، أعتقد ذلك، يعني حسيت إن رغم الحاجات اللي ما عجبتنيش في الشخصية وإنما كان لها جذور مفهومة والشخصية تطورت وكل مرحلة كان ليها تأثير عليه بشكل ما أنا شايفة عامة الشخصيات كلها مكتوبة بأسلوب شيق وكل شخصية لها خلفية تبين لنا تصرفاتها والخط اللي هيا ماشية فيه ونفسية الشخصيات برضه كانت واضحة. عندي سؤال بقى، في رأيك الصراع اللي في القصة دي قايم على أساس إيه؟ وسؤال تاني، فين لحظة الأزمة الحقيقية أو الرئيسية في الرواية؟

عندك حق،حاجة تكسف وعيب والله...وبعدين نقول تغيير وديمقراطية وعايزين نعمل مش عارفة إيه، إحنا شعب ما ينفعش معاه غير الحكم الفرعوني...إيه التفاهة اللي بقينا فيها دي! معقولة، ونشتم في الحضري وبعدين نرفع تسعمية سما لما يصد كام جون كانوا حيهزأونا قدام العالم...يا ماما ده أحنا مالناش خير في بعض، مطلوب منا نتطور ونتقدم إزاي بس يا ربي...حسبي الله ونعم الوكيل...ده كله مخطط معمول لمسح مخ الشعب والله والشعب بسم الله ما شاء الله هو اللي بينفذ الخطة بحزافيرها ضد نفسه

تسلم إيدك يا رحاب، أنا بقعد قدام الكمبيوتر بالتسع وعشر ساعات كل يوم وبنسى كل النصايح دي...ربنا يخليكي

السلام عليكم، شكراً على التشجيع يا جميلة نبتدي يا ستي أولاً: رأيي في بطل الرواية إني تعاطفت معاه جداً مش على اللي عمله أو ما عملوش، بس لأني شفته كرمز لجيل، لأ نقول حبة أجيال عاشوا وهم كبير سنين طويلة وكانوا مصدقينه من قلبهم ودافعوا عنه بأرواحهم وأقلامهم وأفكارهم وكل حاجة، وصحيوا منه على ضربة يارب ما نعيشها ولا نشوفها، فبقوا زي اللي بيتخبطوا في كل حتة. رأيي إن الفشل اللي حس بيه بس كبرياؤه منعه من الاعتراف بالفشل والهزيمة بوظ علاقته بمراته وباللي حواليه. ولما شاف بريجيت كانت زي بريق أمل في إنه يلاقي نفسه من جديد، إنه يقدر يعيش أمل جديد، بس برضه ضاع منه علشان أوهام جديدة وقوى جديدة ماكانش عامل حسابها ثانياً، لا ما قدرش أقول إنه نموذج للرجل العربي، هو واحد من النماذج، علشاان أنا مش بشوف الرجل العربي "العصري" حتى لو ماكنش متفتح ومخه متنور بقى نموذج واحد أو حتى محدد. أحنا عندنا عجينة متلخبطة من جوة ومن برة إيشي أفكار غربية على أفكار شرقية على كوكتيل كده ما تفهميلوش، مالوش ملامح يعني، وده برضه بالنسبة للستات علشان ما حدش يفهمني غلط. أنا بشوف إن ما بقاش في هوية عربية ثالثاً ده بقى صعب شوية، بس مش عارفة، هو كان المفروض يعمل إيه؟ هو طريقته في التعبير أو الاعتراض إنه كان بيمتنع عن إنه يعمل حاجة، وحاول برضه يكتب ويعبر عن رأيه بس في النهاية استسلم، في رأيي هو ما استسلمش من الضعف وإنما من اليأس زي ما كنت بقول من الصدمة والتخبط. بس في النهاية، لا ما أعتقدش إنه عمل اللي عليه إيه رأيك بقى في إجاباتي؟ أخد كام يا دكتورة؟ أنتي كمان حتقولي رأيك طبعاً علشان نشوف وجهات النظر، مش كده؟ بس والنبي، إحياة أغلى حاجة عندك، ما تهاجمنيش قوي، بالراحة عليا علشان أنا حساسة شويتين

شكراً يا حمدي