moka koka

انتي ساعدتيني كتير اوي يا مارينا و يا ريت تساعديني في الموضوع ده كمان انا دفعة سنه 2011 و دخلت زراعه تعليم مفتوح دلوقتي انا حابة اغير التخصص لحقوق .. و بلاقي في صفحتي خاصية اسمها (( طلب تغيير تخصص )) فياترى هل في عوائق في الموضوع ؟؟ و ايه المطلوب ؟؟ و ينفع اصلا ولا لا ؟؟؟؟ و كمان حاجة دلوقتي بما ان حقوق بينطبق عليها الانتساب الموجه هل ده معناه انهم هيحسبوا الحضور و الغياب؟؟؟؟؟؟؟ و ردي عليا بسرعه الله يخليكي

ميرسي ع ردك منا اصلا مش هسجل في المواد الي مأجلاهم انا بس قدمت فيهم عذر و دفعت للعذر يعني انا اساسا متسجلة في المواد التالتة مش هروح اسجل فيهم و كمان حاجة انا عايزة انزل مادة من التيرم التاني انا كل ده في التيرم الاول من سنه اولى يعني مجموع المواد يكون خمسه ( تلاتة مقدمة عذر ليهم ) + ( واحدة رسبت فيها ) + ( واحدة جديدة من التيرم التاني ) فهل ينفع انزل مادة جديدة من التيرم التاني؟؟ مع العلم ان معنديش مواد متجزئه يعني ملهاش تكملة في التيرم التاني ؟؟ و انتي متاكدة 100 % بخصوص المادة الى رسبت فيها هتكون في شهر يناير مع الباقي ؟؟ اصلها مش نازلة عندي في الموقع لكن التلاتة الى قدمتلهم عذر نازلين ,, يا ريت تفيديني ضروري لان ده هيحدد موعد سفري

انا وسام مقيمة في الامارات بدرس زراعة لسه تيرم اول و هموت و اتعرف على بنت في زراعة ملقتش غير بنتين في دفعتي و مقدرتش اتعرف عليهم

الامتحانات في عجمان مبقاش في الشارقة و حاول تقصر في الكلام مع فتحي الشرقاوي لانه بيتضايق بسرعه والله الواحد بيسألو وهو خايف ليضربو ههههههههههههه

هو مش امتحان الحاسب الالي يعتبر من الامتحان العملي ؟؟ ازاي في امتحان حاسب الي في دول الخليج اذا انا عندي امتحان عملي لاني كلية زراعة و قالولي لازم امتحن العملي في مصر؟؟

ازيك يا مارينا انا عارفة اني تعبتك باسئلتي انا دلوقتي نجحت في مادتين من المواد التلاتة الي امتحنتهم و رسبت في مادة و زي ما قلتلك قبل كده انا اساسا كنت مأجلة 3 مواد قبل كده و همتحنهم ع شهر يناير ان شاء الله بس بخصوص المادة الي سقطت فيها لقيتهم كاتبين ع الموقع ان امتحانات الدور التاني للى راسبين في مقرر او اتنين ع شهر 10 وانا عايزة امتحن كل المواد سوا مينفعش امتحن المادة الى رسبت فيها مع المواد الى كنت مأجلاهم كلهم في شهريناير ؟؟

طيب اوك فهمت قصدك طب بخصوص امتحان العملي ارجوكي قوليلي ايه نظامه لاني مش هقدر اسافر تاني في الوقت الحالي

شكرا على اجابتك انا دلوقتي نزلت و امتحنت 3 مواد و اجلت 3 بالنسبة لل 3 الى اتاجلو دول هاخدهم مع مواد التيرم التاني بقى ولا ايه ؟؟ و بخصوص الامتحان العملى انا دخلت الموقع و لقيتهم منزلين جدول للامتحان العملي انا اصلا مخلصتش الست مواد الى عليا و معرفش حاجة عن الامتحان العملي يعني المفروض انزل تاني امتحن الامتحان العملي ولا ايه؟؟

السلام عليكم انا سنه اولى انا قدمت طلب عذر بدون اسباب التيرم الاول للست مواد المهم انا عايزة اقدم عذر مرة تانية للتيرم التاني بس قالولى انه ينفع اقدم عذر لاربع مواد بس فانا قررت اقدم عذر للاربع مواد و ممتحنش الاتنين التانيين و هعتبر راسبة فيهم سؤالي بقى دلوقت لما هيتأجلو الاربع مواد لشهر يناير هيعيدولي المادتين الي رسبت فيهم ؟؟ ولا هتروح عليا السنه كلها لاني شيلت مادتين ؟؟ و يا ريت لو في طريقة امتحن التيرمين في تيرم واحد حد يقولي عليها و شكرا بس يا ريت تجاوبو على كل اسئلتي

ميرسي انك رديتي عليا انا لسه مذاكرتش و ربنا يستر

بعد السلام والتحيه اخواني الاعزاء كان عندي استفسار اقدر كطالبة فى سنه اولى اني امتحن التيرم الاول والتيرم التاني الاتنين مع بعض فى شهر 7 ع سبيل المثال يا ريت حد يفيدني مش زي المرة الى فاتت -_-" وشكرا

طب انا سنه اولى فصل اول ومش عارفة ايه الى ادرسو بالظبط كل سي دي فيه وحدتين بس هل ادرس الوحدتين دول وخلاص انا عايزة اعرف اذاكر ايه