أسامة1

الامتحان سهل جدا جدا ويقدر طالب الثانويه العامه متوسط المستوى انه يحله بسهوله لكن لازم تبقى مستعده للى بعد الامتحان اللى هو الدراسه لأن دراسة اللغه محتاجه مجهود وصبر وممارسه وحبك للغه نفسها كمان واليكى بعض القواميس الأون لاين الرائعه: http://www.google.com/dictionary قاموس مزدوج اللغه حتى لو الكلمه مش موجوده فيه بيجيب لك معلومات عنها من ع الويب. http://www.araby.com/Dictionary قاموس مزدوج http://www.thefreedictionary.com/ قاموس انجليزى انجليزى ناطق باللهجتين الأمريكيه والبريطانيه. http://www.onelook.com/ الأقوى على الاطلاق http://www.urbandictionary.com/ قاموس لترجمة الكلمات العاميه عامة يا أخت مريم انتى فى الوقت الحالى مش هتحتاجى من القواميس دى كلها غير الأول او التانى وربما التالت .

موضوع تسليك البلاعات ده خطير جدا ويدل على انها بتكوى وتهرى الكبد بتاع الناس لو فعلا بتسلك البلاعات. عامة انا اتعقدت من المياه الغازيه وبشرب فيروز اناناس والحمد لله وياريت يا جماعه اللى عنده النقرس زيى انا كده يبعد عن اى حاجه لونها اسود او غامق زى البيبسى والشاى وما شابه ذلك.

انت فظيع والله يا حمدى واوقات بحس انك مجموعه من الأدباء والشعراء والفلاسفه والمفكرين انضموا كلهم لبعض وكونوا شخص واحد عشان كده بحس انك هيئه او مؤسسه أدبيه انعقدت بكاملها مش مجرد شخص واحد.

أنا متفق معاك يا حمدى فى معظم اللى قلته لكن اختلاف العلماء رغم انه رحمه زى ما انت قلت وخصوصا ان المفروض ان الاختلاف فى الفروع لكن الاختلاف دلوئتى بقى شكله غريب يعنى مثلا لو شفت برنامج دينى زى عما يتسائلون وممكن يكون فى اتنين علماء او تلاته ويجى حد من المشاهدين يسأل عن مسأله فقهيه تلاقى العلماء بيتحدوا بعض بشده فى ارائهم المختلفين فيها ويخلوا المشاهد صاحب السؤال يا عينى يعيش فى حالة توهان مش عارف يمشى ورا انهى شيخ او شيخه فيهم.هنا الاختلاف خد شكل تانى ومبقاش اختلاف عادى وبقى فى كل كبيره وصغيره وعمل ارتباك وحيره للناس.

عامة يا جماعه هو كده كده البيبسى مضر جدا خصوصا للكبد وهو مش بيهضم زى ما الناس فاكره لكنه بيسحب الأكل بسرعه من الأمعاء وهو ناقص هضم عشان كده الواحد بيحس بالراحه وده كلام احد الأطباء على احدى القنوات الفضائيه وكده كده احنا المفروض نقاطع على قد ما نقدر منتجات اى دوله بتدعم اسرائيل اما موضوع تضارب فتاوى علماء المسلمين فده بدء يحصل من بعد سقوط الخلافه الاسلاميه مباشرة لأن زمان كان علماء الأمه كلهم الكبار بيتفقوا ع الفتوى وبعد كده يقروها انما من بعد سقوط الخلافه ما بقاش فى ترابط او توحد بينهم لكن احنا نقدر ناخد برأى جمهور العلماء وآراء العلماء الكبار امثال الدكتور يوسف القرضاوى مثلا وفتاوى الشيخ عطيه صقر هو والشيخ الشعراوى مثلا الله يرحمهم.

انا من وجهة نظرى ان الكلمات اللى احنا اتعودنا نقولها بلغات اجنبيه من ايام الطفوله وطلعنا لقينا الناس بتقولها كده مفيش مشاكل منها وخصوصا ان تغييرها مش سهل انما اللى طول عمره بينطق كلمات معينه بالعربى زى شكرا مثلا ويجى مره واحده يخليها مرسيه ال يعنى الواد عشان يبقى مودرن يبقى هو ده اللى مش كويس فعلا ويضايق. طبعا الكلمات الأجنبيه اللى بنستخدمها فى مصر من زمان كتيييير زى الكلمات الفرنسيه تليفزيون اللى المفروض بالعربى اسمه مرياء او تلفاز وزى دريكسيون اللى هى عجلة القياده وفيتيس اللى هو ناقل السرعات وزى كرواسون..... والكلمات التركيه زى أجزاخانه اللى هى بالعربى صيدليه وشاويش اللى هو بالعربى رقيب وصول اللى بالعربى مساعد وافندم اللى ليها معانى متعدده فى التركيه...... اما الفارسيه فى حياتنا زى كلمة أستاذ اللى هى بالعربى معلم ودئيه اللى هى يعنى الحله الصغيره .... وفى الانجليزيه برضو كلمة جراج اللى هو بالعربى مرآب وغيرهم وغيرهم من الكلمات المتعدده من عدة لغات وآسف ع الاطاله.

طب على كده خريجى التعليم المفتوح مسموح لهم انهم يعملوا دراسات عليا بطريقه نظاميه؟

كلامك مظبوط يا فتحى واوافقك بنسبة 100% اذا كان على مصر فهى معترف بيها لأن النقابات المهنيه نفسها بتعترف بيها والدليل على كده الناس اللى اتخرجوا من كلية الحقوق تعليم مفتوح ومسجلين نفسهم فى نقابة المحامين ومعاهم كارنيه النقابه وشغالين عادى زيهم زى الانتظام انما بصراحه الدول العربيه معنديش عنها فكره لكن ممكن موضوع الاعتراف ده يختلف من دوله لدوله واحب اضيف ان فى بعض الدول العربيه مش بتعترف بشهادات جامعات معينه فى مصر حتى لو انتظام ومن ضمن الدول دى السودان!! وكمان احنا برضو يا جماعه ممكن نحاول ناخد كورسات ترجمه فى اماكن محترمه كدعم لشهادتنا

many thanks for u our great sister

الله يخليك يا علاء.. انت واحشنى والله واتمنى اشوفك فى الجامعه تانى

عجبنى اوى الرد بتاع برناردشو الأولانى

ربما

انا برضو على فكره عندى التهاب شديد فى الجيوب الأنفيه والدكتور كتب لى على قطره بتتعمل فى صيدليه معينه من حبة البركه بس جميله. بصى لما تيجى تغلى ميه عشان تشربى شاى مثلا استنشقى البخار اللى طالع منها وقت الغليان وبعد كده وطى فى الأرض فى وضع السجود.

هههههههههههههههه ست ذكيه ومطيعه

شكرا يا علاء على المعلومات الجميله دى

اللهم ارحمها يارب العالمين اللهم ادخلها الجنه دون سابقة عذاب ولا مناقشة حساب اللهم ارحم اموات المسلمين

جزاك الله خيرا على الموقع الجميل

نسيت اقول لكوا تاخدوا بالكم من اخطاء الجرامر او السبيلينج فى الماده دى او فى اى ماده غيرها لأن النوعيه دى من الأخطاء بتنقص من الدرجات حتى لو اجابة السؤال صح

70% ده شىء كويس وعلى فكره اوقات السؤال بيبقى ليه كذا طريقة اجابه فى الماده دى بالذات بمعنى ان ممكن يكون فى كذا اجابه وكلهم صح . ربنا يوفقك ويوفقنا جميعا

العفو يا ايمى وانا تحت امرك فى اى حاجه تانيه

بصى يا ايمى انتى وامانى رغم انى مش عارف اشرحها لكم هنا كويس بس باختصار الفكره الرئيسيه اللى هى الجمله او الجملتين اللى بيدور حوليهم الموضوع كله شوفوا الموضوع بيدور حولين ايه وهتلاقى فى جمل معينه كده ممكن تطلعى منها الفكره الرئيسيه والموضوع يا جماعه مش صعب حاولوا بس تشوفوا امتحانات محلوله وتحلوها بنفسكوا وبعد كده تقارنوا اجاباتكم بالاجابات الموجوده

لا يحزنك إنك فشلت مادمت تحاول الوقوف على قدميك من جديد

عَيْشُ يَوْمٍ واحد كالأسد خَيْرٌ من عيش مئة سنة كالنعامة

اذا اعطيتنى سمكه اطعمتنى يوما .. واذا علمتنى الصيد .. اطعمتنى العمر كله أنيس منصور

كونى جميله اذا استطعت.. وعاقله اذا اردت..ولكن محترمه فى كل الأحوال! أنيس منصور