dodi1

الترجمة .... مقلا عن مصدر موثوق اهم شي في مادة الترجمة الكتاب هيكون في قطعة انجليزي وجمل قصيرة عربي الاكيد ان في نصف الامتحان من الكتاب والنصف الثاني ممكن يكون من الكتاب و ممكن يكون من برا الكتاب وقالت الدكتورة ان اول شيء نذاكره الكتاب كامل لو خلصنا الكتاب وعاوزين نذاكر حاجة تانية نذاكر التطبيقات الي عالسايت ولو خلصنا التطبيقات نترجم اشياء خارجية.

محاضرة الجرامر ليوم السبت 21/1 نقلاً من مصدر موثوق ما شرحت شي بس اتكلمت عن طريقة الامتحان والمنهج الامتحان هيكون في ال 7 محاضرات الموجودين في محاضرات مكتوبة للطباعة " ,والتطبيقات بتاعتهم هو هذا المنهج" والامتحان هيكون 40 سؤال choose كل سؤال فيهم ب نصف درجة واحنا نختار فقط والحل في ورقة الاجابة

هي يا لولو بس في امتحان ناقص منهم وقتها المكتبة قالت ان الباقي هينزل يوم الاثنين الي هو المفروض النهاردة بس طبعا مش هعرف اروح تاني

بكره اتصل بالجامعة واعرف واقولكم

انا ما عرفت رقم الجلوس س عرفت المكان رقم الجلوس هو رقم المقعد؟

ربنا يخليك يارب ويجازينا كلنا خير ويوفقنا جميعا يااااااااااااارب

والله ياحبيبتي للاسف محضرتش ماكانش ينفع عشان الشغل

العفو يا ربا اجمعين يارب وشكرا لردك على سؤالي

4shared.com/rar/pYnh8hWU/__online.html مذكرة دكتور سعد

هو وين الاقي رقم الجلوس بتاعي؟

ايوة هم دول بس كان فيه امتحان تاني بس ما لاقيته في الورق هم دول الموجودين في الورق

4shared.com/rar/yzjZzjlg/____.html نماذج امتحان د/ سعد + الاجابة

مش عارفه والله يا امل بس حاولي يعني

حبيبتي دي قطع الكمبرهنشن كلها 4shared.com/rar/MMStjqdY/term_1.html

اكتبي من الناحية الانجليزي الي هي ضهر مكان الاسم و رقم الجلوس العكس الناحية التانية ده كلام دكتور شاهيناز هي قالت عن المراقبين قالت هم مش بتوع انجليزي فمش عارفين احنا الي بنتنرفز وبنتوه في التصحيح قالت حاول قدر الامكان متنرفزش المصحح لانه اصلا طالع عينه في 3000 طالب بيصححلهم وتعبان ومش عارف يتهنا بالاجازة لانه بيصحح وقالت من الحاجات الي بتنرفز ان نكتب بالاتجاه العربي من اليمين يعني ومن الحاجات الي تنرفز الخط الصغير و اجابة اكثر من سؤال في نفس الصفحة و ان نكتب تحت بعض مش سطر وسطر لانهم بيحبو يكتبوا احيانا ملاحظات على الي احنا كتبناه ولما نكتب تحت بعض مش بيلاقوا مكان

الكالتشر الشخصيات يونت 2/5/7/9 وشرحنا داروين ومارجريت ماقالتش شي مهم كانت تقرا من المحاضرات الي عندنا الامتحان 3 اسئلة السؤال الاول 5 درجات تكلم عن المواضيع باختصار ... وتدينا 3 هيد لاينز نختار منها 2 زي مثرة Hastings battle or first roman expedition ونتكلم عنها ورغم انها قايلة في السؤال باختصار الا ان انتم اكتبوا قد ماتقدروا لان هي لما جت تحل سؤال معركة هاستنج كتبت كتييييييييييييييييير جدا وحلت كمان واحدة عن كتاب داروين السؤال الثاني .. صحح العبارات عشر عبارات كل واحدة درجة يعني السؤال من 10 السؤال الثالث 5 درجات اجب عن الاسئلة 3 اسئلة نختار 2 وقالت انها هتحاسب على سبيلنج الكلمات الي موجودة في الكتاب والمحاضرات اما لو كلمات من برا مش هتحاسب عليها وهتحاسب على بناء الجملة والكتابة الصحيحة لازم ننتبه كويس جدا لبناء الجملة ان يكون فيها فاعل + فعل + تكملة ونخلي بالنا من الكابتل لتر وفول ستوب والترقيم وهكذا واجابة السؤال الاول لازم يكون على شكل براجراف مش نقط يعني مش نقول 1 . ........ 2............... لا نعملها براجراف والسؤال الثالث ممكن براجراف وممكن نقط يراحتنا وزي دكتور شاهيناز الاسئلة بتكون نص الدرجة على المعلومة ونص على الجرامر بتاع الجملة والفورماتنج .... حاجة اخيرة البراجراف الي نكتبة يكون في زمن الماضي بس لو فيه فعل منعرفش الماضي بتاعة نحول القطعة كلها مضارع ونحط الفعل ده مضارع دا كل الي اتقال في الكالتشر وبالنسبة لورق دكتور سعد الصبح هتلاقوه هنا ان شاء الله

لالالالالالالا بالعكس دي هي بتقول بيستفزنا الي يحل من اليمين ده انجليزي ازاي انا اقرا الانجليزي بالمشتقلب حلوا زي ماهي قالت احسن

البارح الجمعة 20/1 المحاضرة الاولى كانت كمبرهنشن مشرحناش اي شي وكل المحاضرة كانت ملاحظات وتعليمات من دكتورة شاهيناز بخصوص الامتحان وهي ... 1. الامتحان قطعة من الست قطع وبيكون زي ماهو بالضبط لا زايد حرف ولا ناقص حرف وحتى نفس الاسئلة. 2. قطعة ثانية مشفنهاش نهائيا لا في الكتاب ولا التطبيقات ولا الامتحانات السابقة. 3.كل قطعة عليها 5 اسئلة وكل سؤال بدرجتين يكون المجموع 10 درجات لكل قطعة. 4. حلوا القطعتين وماتتركوا القطعة الجديدة لان ناس في السنين الي قبلنا كانوا بيحلوا القطعة الي هي مشروحة ويعتمدوا عليها وميحلوش الثانية على اساس ان ال10 درجات تنجحهم... بس هي قالت ابدا متعملوش كده لان احيانا بنكتب غلطات املائية او غلطة في الجرامر بتاع الجملة فتنقص عليها نص درجة ونشيل المادة. 5.القطعة الثانية مش عن الثورة وملهاش اي دعوة بالسياسة. 6. متنسوش تكتبوا الاسم ورقم الجلوس "بالعربي" 7. الي بيصحح الامتحان مش دكتورة شاهيناز فقط دكتورة شاهيناز بتصحح قطعة ودكتورة ثانية بتصحح القطعة الثانية وبعدين دكتور ثالث يراجع على الاثنين وبالتالي مفيش حد هيتظلم. 8. ورقة الاجابة بتكون من اليمين يعني زي كراسة العربي ... نكتب الاسم بالعربي ونبدا الحل من الناحية الثانية ... يعني الحل من الناحية الشمال زي كتاب الانجليزي بيتفتح من الناحية الشمال " ودي مهمة جدا" 9. كل سؤال بصفحة وبخط واضح و كبير واكتبوا بين سطر وسطر. 10.رتبوا الكراسة وخططوها و رقموا الاسئلة والاجوبة 11. متكتبوش السؤال الحل على طول 12. تكون اجابة السؤال اجابة كاملة يعني على سبيل المثال... How many girls are in the class? there are 20 girls in the class. مش اجابة مختصرة . 13.ابدا ماتكتبوش بقلم رصاص لازم قلم جاف ويا اما اسود يا اما ازرق وبلاش كوركتر خالص الغلط اشطبوه بخط واحد او اثنين مش اكثر. 14.متتركوش سؤال حاولوا تحلوا كل الاسئلة حتى الي متعرفوهوش خبطوا يمكن يطلع نص صح. 15. لو حبيتوا مثلا تحلوا القطعة الثانية قبل القطعة الاولى مش مشكلة بس متتركوش صفحات وتقولوا احل بيها القطعة الاولى وتبدأوا القطعة الثانية من نص الورق لا اكتبوا رقم القطعة وابداو حلو من اول صفحة في كراسة الاجابة مش مشكلة ترتيب الاسئلة بس المهم يتكتب رقم السؤال. 16.متكتبوش اي حاجة بالعربي خالص يعني الي عاوز يكتب كلمة ومش عارف معناها بلانجليزي ابدا ميكتبهاش بالعربي يا اما يدور على كلمة قريبة منها يا اما يتركها بس ميكتبش اي كلمة بالعربي داخل الكراسة نهائيا. 17. راجعوا الاجوبة اكثر من مرة وفي كل مرة تراجعوا اقراو القطعة يمكن تكونوا فهمتوها غلط. 18.كل سؤال عليه درجتين... درجة على المعلومة طلعتها من القطعة صح او لا ودرجة على اللغة يعني الجرامر والسبيلنج والفواصل والنقط والكابتل لترز ... الخ 19. متكتبش اي شيء خارجي ولا رأيك في الامتحان ولا شكرا والسلام عليكم ولا اعتراض ولا اي شي. 20. ممكن كتابة اجابتين لسؤال واحد فقط او سؤالين بالكثير والي يكتب اجابتين في اكثر من سؤالين تتحسب الاجابة الاولى فقط والدكتور مش هيقرا الاجابة الثانية اصلا. 21.لو عاوز تكتب حاجة او مسودة تقدر تكتبها في ضهر الكراسة بس متكتبش على ورقة خارجية ولا على الاسئلة. 22. اتعامل مع المراقب باحترام لانه ممكن يطلع عينك لو ضايقته ... ولا بلاش غش نهائيا . 23.القطعة ال UN SEEN مش صعبة بنفس مستوى القطع الي اتشرحت. 24.في الفاينل رفيجن القطعة بتاعت TV Channel السؤال الثاني الي هو عن التردشنال واي الدكتورة مجاوبة عليه غلط والاجابة الصح بتاعته هي القطعة رقم 1 من الموضوع. والمعلومات دي معضمها مش بس على مادة الكمبرهنشن على كل المواد

بالضبط كده انا سألت وقالوا المنهج واحد ولكن الامتحان يختلف داخل مصر عن خارجها

انا جيييييييييت

تقدري تدخلي بالبطاقة مش لازم كارنيه القراءة والفهم تذاكري الخمس قطع وانا بفضل تذاكري العبد والاسد كمان لان هي ما قالت انها محذوفه بالحرف بس لمحت على كده فمن رايي ان نذاكرها الي تقال بالنص ان الطلبة سألوها احنا مش هنحل القطعة؟؟ ردت قالت لا مافي وقت وبما اننا ماذاكرناها تبقى ايييييييييييه؟؟؟؟ وسكتت وقالت ان الامتحان قطعتين قطعة من ال 6 الي اخذناها زي ماهي بالضبط ما رح تزيد حرف ولا تنقص حرف وحتى بنفس الاسئلة وقطعة ماشفناها ومش من الكتاب ولا التطبيقات ولا امتحانات سابقة قطعة ما شفناها نهائياااااااااااااااا وما نعرف نوصللها نهائيااااااااااااااا ومش عن الثورة ولا عن السياسة وبكره اكمل لكم لاني بجد عاوزة اناااااااااااااام تصبحوا على خير

اه صح وجبت كمان شرح دكتور سعد جميلة جدا ابقى اديهالكم

بص ياسيدي انا سألت الاستعلامات وقالوا .... تديله الورق الي معاك كله .... ورقة البريد و الايصال و اوي ورق تاني اخذته من المركز + صورة من البطاقة للاحتياط وبس على كده. ياخد الورق ده ويروح بيه للمكتبة ولو قالوله اي حاجة يروح للمركز عند اي شباك وهم يعملوله اللازم وممكن تدخل الامتحان بالبطاقة مش لازم الكارنيه ده الكلام الي قالوا الراجل الي قاعد في الاستعلامات

للاسف ياجماعة انا بمتحن في السويس مارح اقدر اشوفكم وبالنسبة للي اتقال النهاردة 20/1 في المحاضرات فهقولهولكم بكره لاني تعباااااااااااااااانه وبالنسبة لورق دكتور سعد انا جبت الامتحانات "بس مش كلها لان في جزء كان ناقص في المكتبة وقالوا يوم الاثنين بس جبت الامتحانات الموجودة والي حليناها مع د.سعد وبالحلول كمان وفي محاضرة بكرة جرامر من 9 ل 11 مدرج 260 الدور الثاني

يارب يارب هههههههههههه ولا يهمك انا ما عملت غير الواجب ربنا يوفق الجميع يارب