Hussein1974

صدق الزميل العزيز حواس عندما قال:الكاتبة المبدعة،فحقا أسلوبك فى عرض فكرتك رائع،وشرف لنا انضمامك لهذا المنتدى.

يامارسيل التزمى بمحاضرات الفيديو لان الدكتورة ملتزمة بيها وبتجيب الامتحان كله منهاولو لاحظتى كلام الدكتورة عبير هتلاحظى كده.

فى غرفته بالطابق الثالث فى معهد الاورام يعلو صوت مذيع همام ليستيقظ شعب كان نيام وتتحرر فى مصرالاقلام اللهم بارك لنا في كل من قال كلمة حق نابعة من ضمير وطني نزيه. أهلا وسهلا بك أيتها الأخت العزيزة بين إخوانك،فهنيئا لمنتدانا بك وبجمبع المبدعين.

على ايه ياهبة الشكر لله.

شكرا يامريم موضوع رائع يحث الجميع على الاجتهاد والاصرار على تخطى كل مايتخيل انه صعب او مستحيل فالانسان وهبه الله قدرات هو نفسه لا يتخيلها.

اهلا بيك ياابو نوران ونورتنا ويارب الكل هنا يقدر يفيدك وبالنجاح والتوفيق وربنا يخليلك العسولة نوران.

شكرا ياسومة.موضوع فعلا فى منتهى الاهمية.

آمين يارب العالمين.

يااستاذ خالد اسماء الكتب دى كلها موجودة في قائمة المراجع المذكورة في المحاضرات المكتوبة على الصفحة الشخصية وفيها بعض الكتب للدكتور سيد البحراوى.

لا مش بتدفعى حاجة تانى هى مرة واحدة وبس.

ايوة فعلا ياكوين المادة ب 30 جنيه وكان الاول فرصة الاعتذار لحد قبل الامتحان بساعة لكن دلوقتى خلوها لحد قبل الامتحان بيوم واحد.

صباح الخير ياسوسن.بالصدفة انا كمان معايا نفس المادة بس لسة مذاكرتهاش وحضرت اول محاضرة للدكتور سيد البحراوى بس محضرتش تانى.المهم هو قال ان المحاضرات فى الجامعة هاتكون عبارة عن مناقشات فى الموضوعات وده هايتطلب من الطالب البحث والقراءة بالاستعانة بالمراجع اللى هو كاتبها فى المحاضرات المكتوبة وقال انه لازم الطالب يحسسه انه قرا عن الموضوع ويكتبله فى الامتحان باسلوبه وطبعا انا فهمت انه عاوزنا نقرا كتبه اللى هو كاتب اسماءها فى المحاضرات المكتوبة على صفحتنا. وقال اننا لو مقدرناش نقراها على الاقل نكون فاهمين الموضوعات كويس ونقدر نكتب عنها المطلوب مننا بس هو قال ان اللي هايلاقيه قارى وبيكتب كويس ده اللى هاياخد تقدير عالى. المهم الموضوعات المقررة موجودة فى المحاضرات بتاعته على صفحة الطالب وهو قال عليها فى المحاضرة وهى على مااذكر انها: زرقاء اليمامة-الحب فى المنفى-مستجاب-باب الفتوح وباذن الله اول ماهابدا اذاكر المادة او احضر محاضرة تانية ليه هاتاكدلك من الموضوعات المقررة تانى. ربنا يوفقك.

اشكرك ياسوسن على زوقك واسف للخطا فى كلمة مكررة والصح طبعا مقررة اصلى منمتش من امبارح. وعلى فكرة المادة دى معظمها نحو ولو احتاجتى حاجة فيها اسالى بدون تردد.

اهلا بيكى ياسوسن.بصى المادة دى كانت عندى التيرم اللى فات وكانت كل مواضيع المحاضرات الفيديو مكررة وعلى فكرة فيها مواضيع مش فى الكتاب زى مسرحية مكبث وكمان مكبث دى جابتها فى الامتحانات اللى فاتت كلها.

يااختي مريم هوني على نفسك الامر بسيط ولولا اني صادق معاكي كان سهل اوي ارد على سؤالك بشرح موضوع المبتدا والخبر وكمان كان اسهل عليا اني انقلك الشرح من اي مصدر طبق الاصل لكن طبعا ده مش هايقدملك اي افادة ده غير ان موضوع النقل طبق الاصل ده مش اسلوبي. ولما قلتلك يامريم انك مش هاتفهمي شرحي كنت اقصد ان مينفعش حد يطلع بمبنى بدون اساس بمعنى انك لازم الاول تفهمي النحو من الاول عشان تقدري تمشي فيه تدريجيا وتفهمي كل حاجة بتقابليها معناها ايه. وصدقيني ياعزيزتي الموضوع مش موضوع انك تعطليني او مفيش امل تفهمي ولا حاجة لا طبعا كل ما في الامر اني الايام عندي بعض الارتباك في تنظيم وقتي يعني العيب في ظروفي انا مش عندك انتي. اما بالنسبة لاجابة الاسئلة فطبعا مش مهم تعرفي الاجابة من غير ماتفهمي سببها ايه وسهل برضو اجاوبلك عليها لكن النتيجة انك هاتعرفي الاجابة وبس. وعلى فكرة كلامنا كده مش انتهى عاوزك بس الاول تشوفي الفيديوهات وقوليلي عملتي ايه.

معليش يامريم انا كنت ناوي اصبر يومين تلاتة واشرحلك كل مايتعلق بالمبتدا والخبر لكن اعذريني لازم اقولك بعد ماقريت اجاباتك على الاسئلة اللي انتي كاتباها انك لازم تفهمي النحو من الاساس خصوصا انك جاوبتي على نفس الاسئلة مرتين لاني مينفعش ارد عليكي واشرحلك موضوع مهم زي ده وفي الاخر مش هاتفهميه وهاتضطري تشكريني على الفاضي. اعذريني اني بقولك كده بس محبش تكون نتيجة تعبك لا شيء ونصيحتي ليكي انك تشوفي محاضرات الدكتور سعد عبد الرحيم تيرم اول الفيديو وتتابعي شرحه للنحو من الاساس لان بصراحة الدكتور ده ممتاز وكان بيديني النحو تيرم تاني وعجبني اسلوبه في شرحه .

وعليكم السلام ورحمة الله وبركاته. اهلا بيكى يامريم ومنورة.وبعدين فينك مش شايفينك يعنى؟يارب يكون اللى شاغلك المذاكرة. بالنسبة بقى لسؤالك فهو سؤال في موضوع واحد لكن متعدد الجوانب فياريت تسمحيلي بفرصة لتجميع افكاره عشان اقدر اشرحهولك من غير مايقع منه حاجة لاني لسة صاحي من النوم لقيته في وشي وطبعا ده موضوع مهم ويمكن لحد مانا اجمع افكاري يكون حد رد عليكي بس اوعدك اني هاشرحلك الموضوع ده لانه قبل ماتفهميه لازم تفهمي بعض الاساسيات. اما بالنسبة لاجاباتك فمفيش غير رقم3 ورقم5 هما اللي صح وعموما متقلقيش يمكن قبل نهاية التيرم تلاقي اللي يشرحلك النحو كله.

اهلا بيكى ونورتينا. مفيش مواعيد محددة للتجمع نظرا لاختلاف ظروف كل واحد بس غالبا الفترة الليلية بيكون فى اعضاء اكتر.

ياسيدي مش خسارة فيك. نعتبره احتفال بيك.

هههههههههههههههههههههههههه.ربنا يخليك ويوفقك.

انا عارف انك انسان محترم وباعزك معزة خاصة لانى شوفت اهتمامك بمساعدة زمايلك وده عجبنى وقدرته جدا وعموما خلاص ولا يهمك انا ياسيدى مش زعلان وبارحب بيك تانى وباشكرك تانى.

بالبلدى كده لو كنت عارف انك هترد عليا بصورة ضاحكة مكنتش كتبتلك رسالتى لانى رحبت بيك وعرفتك بنفسى يعنى كان اقل حاجة ترد عليا وتعرفنى بنفسك مش تحطلى صورة.

واضح أنك لم تفهم معنى رسالتي الأخيرة هذه،فأنا أعتذر لنفسي وليس لك لأنني كتبت لك رسالتي الأولى لأنني لو أعلم أنك سترد بصورة ضاحكة ماكتبتها قط.

أعتذر عزيزي لنفسي على رسالتي التي كتبتها، فقد حاولت أن أحذفها ولكن لم أستطع،فاكتفيت بتعديلها لتكون كلمة الشكر كافية لك على مجهودك،فلم أتوقع أن يكون رد فعلك على ترحيبي بك وتعريف نفسي لك هو هذه الصورة الضاحكة،فأشكرك.

Thank you.