Hamdy Tawfik-manar9

انتم سمحوا لكم تسمعوا اكتر من مرة ولا هي مرة واحدة

hinar رائع ذلك البيت التي كتبتيه.. ولو اني لا استوعب كيف يشكو من الرضا :| داليا تصدقي انها هتبقي اغنيه جميله فعلا بس علشان القافيه ممكن اقترح اضافة كلمه في الاخر متشمتشي فيا عزالي ياغزالي :D ...ايه رايك ؟؟؟ ماشاء اكتر شيء افخر بيه في هذا المنتدي هن اديباتنا المبدعات

الي توتا عدم اعتماد بعض الجامعات شهادتنا لتحضير الدراسات العليا ده مش معنا ه ان الشهادة مش معترف بيها لان الداسات العليا تحكمها لوائح داخلية لكل كلية لازم تبقي دقيقة في اختيار الالفاظ...امال جهبذ في القانون ازاي الاعتراف من عدمه بتحكمه شروط اخري اهمها اعتماد وزارة التعليم العالي لها او المجلس الاعلي للجامعات وحتي معلومة ان جامعة القاهرة مش بتقبل شهادتنا لدراسة الماجستير اشك فيها وارهنك علي الحكايه دي .. تراهني

شكرا يااميره وان شاء الله الالف يكون عن قريب جدا

ياسلام وبالذات احمد ... مفيش حمدي بلد بتاعة شهادات صحيح :D

ههههههههههههههههههههههههههه شكرا علي التنويه العظيم ده ياساره بس مين العضو اللي سال علشان نخبطه مخالفة علي السريع ياله ترجع لنا بالسلامه ياباشا ظافر غانم ان شاء الله

يعني انتم ملتحقيين بالتعليم المفتوح ومش عارفيين الشهادة معترف بيها ام لا طبعا زي ماقالت رانيا الشهادة معترف بيها من المجلس الاعلي للجامعات والشهادة تقدر توثقها من الخارجيه وتقدر تغير مؤهلك في البطاقه الشخصيه لو مؤهلك متوسط بعد الحصول عليها والشهادة زي اي شهادة نظاميه في داخل مصر ده كلام اكيد بنسبة 100% وعلي ضمانتي الشخصيه انا بالنسبه لكلام الزميله توتا فهي يظهر عندها لبس في فهم بعض الامور ( لامؤاخذه ياتوتا ) فيه نقطتين مهمين يمكن هما اللي بيخلوا الناس تردد هذالكلام الدراسات العليا..حيث ان كل كليه لها القوانين واللوائح الخاصه بيها فممكن سيادتك مثلا تروح جامعة المنصورة تحضر دراسات عليا فيقولك اننا مش بنقبل بتوع التعليم المفتوح ( ده مثال افترضته فقط ) ده مش معناه ان شهادتك مش معترف بيها لكن دي لوائح داخليه للجامعه ممكن نقابه معينه ترفض انضمام خريجين التعليم المفتوح اليها ..ده برده مش معناه ان شهادتك مش معترف بيها ... دي امور تنظيميه هتتتغير مع الوقت لكن النقطة التانيه والاهم :هي النظرة السلبيه من قطاعات كبيره من الناس الي خريج التعليم المفتوح والغريبه اننا نردد احنا كمان هذا الكلام فيه ناس متخيله ان التعليم المفتوح ده شهادة مقابل فلوس وخلاص ...نظرة بالتاكيد هتتغير مع الوقت عارفيين قضيه رجل الاعمال الشهير المتهم بقتل احدي الفنانات التي تنظر في المحاكم حاليا في احدي الجلسات استعانت المحكمه بخبير فني في الاصوات من اتحاد الاذاعه والتلفزيون لتحليل بعض المكالمات الصوتيه المتعلقه بالقضيه ..والراجل الخبير قال انه فعلا صوت المتهم محامي المتهم علشان يشكك في كفاءه الخبير قال ده خريج اعلام من التعليم المفتوح وضجت القاعه بالضحك . . رغم ان الراجل بقاله 20 سنه في شغلته ومتفرقش هو شهادته ايه قصدي اقولكم ان النظرة السلبيه بيخلقها الناس بكلامهم وثقافتهم ومحتاجه وقت علشان تتغير فبلاش نردد كلام ينزل من اسهمنا من غير مانتاكد من صحته

انا كنت بتكلم مع زميلي احمد عبد الحليم معانا في التيرم الثامن فرع المنصورة والحقيقه فكرني بحاجه مهمه وهو ان ثلات قطع من الاربعه التي جاءت في امتحان النيرم السابع كانت من الاسطوانه المرفقه مع الكتب واحتمال الامر يتكرر التيرم ده لكن للاسف انا ماستلمتش الاسطوانه دي وانا بستلم الكتب لانها مكنتش موجوده وقالولي هتيجي بعد فترة ومرحتش استلمتها فتحديدا انا كنت بسال علي الاسطوانه دي هانتظر توتا يمكن يكون عندها الاسطوانه

ياتري فيه حد عنده اي محاضرات تلفزيونيه لتلك المادة

ده ملف تورنت ...مفيش رابط مباشر هو ده اسمه Doctor Yourself - Natural Healing That Works هادور علي رابط مباشر يبقي اسهل في التحميل

ايه هيا مضادات الاكسده اللي اقوي من الفيتامينات ؟؟ عموما هو فيه مناهج كتير في علاج الامراض منها المايكروبويتك وهو العلاج عن طريق الغذاء وناس بتقول انها فعلا اتعالجت من السرطان بهذه الطريقه لكن ربنا وحده يعلم مدي مصداقية هذا الكلام

ده طلع مكمل غذائي يا مايكل علي حد علمي تناول المكملات الغذائيه لازم يبقي تحت اشراف طبيب خصوصا للجنس اللطيف لان فيه بعض الانواع بتقوي الجزء العضلي علي حساب اجزاء اخري لذلك دايما لاعبي كمال الاجسام بيستخدموا مكملات عذائية علشان العضلات تنمو بشكل اكبر لمن اراد الاستزاده في هذا الموضوع عن المكملات الغذائيه يمكنه الرجوع الي الروابط التاليه المكمِّلات الغذائية.. مضار وفوائد أنواع المكملات الغذائية وطريقة تناولها ===========

طيب وحد يكره الطاقه يامايكل وخصوصا لو بــ 12 جنيه بس بس اه لو بلغت عنك لشركة فايزر انك بتعمل دعايه لمنتج بيدي طاقه بـ 12 جنيه فقط كانوا زمانهم رفعوا عليك قضيه وبيعوك اللي وراك واللي قدامك لانك ممكن توقف حالهم بالطريقه دي :D

شكرا ياساره علي الاشعار الجميله

موضوع free radicals وتترجم بالعربية حسب النشرات الطبية الي الشوارد الحرة موضوع مهم جدا رغم ان الناس هنا نادرا اما تلاقي حدبتكلم عليه...بس ماشاء الله واضح ان مايكل ثقافته موسوعيه علي حسب معلوماتي المتواضعه الشوار الحرة هي احد النظريات العلميه اللي بيحاولوا يفسروا بيها حدوث كثير من الامراض وخصوصا تلك الامراض التي تسمي بالامراض المناعيه والامراض المناعيه هي الامراض التي ترتبط بحدوث خلل في الجهاز المناعي لدي الانسان وهي في الغالب امراض غير معروفة السبب علي وجه التحديد مثل مرض السكري واغلب الامراض الجلديه وبالطبع اخطر امراض العصر وهو السرطان والفكرة ان هذه الشوارد الحرة هي نتاج طبيعي لعملية المتثيل الغذائي في الجسم وتنتج بكميات معقوله في الحالات الطبيعية ويستطيع الجسم التعامل معها لكن عندما تنتج بكميات كبيرة يحدث انها تهاجم الجهاز المناعي للانسان وتتعامل معه علي انه جسم غريب مما يؤدي الي اختلات في عمل الجهاز المناعي الذي يعد بمثابة حائط الدفاع الاول للانسان مما يؤددي الي حدوث تلك الامراض واكثر الاشياء نجاعة في التقليل من اثار تلك الشوار الحرة هي مايطلق عليه مضادات الاكسدة وكذلك البيتا كاروتين والمقصود بمضادات الاكسدة هي مجموعه من الفيتامينات الموجوده في اللاغذية الطبيعية وخصوصا الخضار والفاكهه واشهر انواع الفيتامينات المضادة للاكسده هو فيتامين هـ او E بالانجليزية وكذلك فيتامين ا A ومجموعة فيتامينات ب ومركبات الاوميجا ثري الموجودة في اسماك واعشاب البحر وبعض انواع الزيوت والبيتا كاروتين وهو منتج طبيعي موجود في الخضروات وخصوصا الجزر ولان تناول الغذاء المتكامل قد يكون امر صعب علي كثير من الناس فيفضل الكثير من الناس تعاطيها علي هيئة اقراص او كبسولات وينصح الاطباء في الولايات المتحدة بحسب ماقرات في بعض المقالات كل من تخطي حاجز الاربعين عاما بتناول مضادات الاكسدة لان انتاجها يزيد لاسباب غير معروفه مع التقدم في العمر لكن لايتبغي ان نفرط في تناول تلك الفيتامينات بشكل عشوائي ودون متابعة الطبيب لان الزيادة فيها قد يكون لها مخاطر ايضا علي صحة الانسان هذه بعض المعلومات التي لدي احببت ان اثري بها الموضوع ... وشكرا يامايكل علي اثارة هذا المواضيع المميزة والشكر موصول للاخت سارة كاتبة الموضوع ولكل الزملاء المشاركيين

الاقلاع عن التدخين مسالة ارادة وقرار داخلي زي مالزملاء قالوا انا حاولت الاقلاع عن التدخين اكتر من مرة وفشلت واعتقد ان السبب اني مكنتش صادق مع نفسي في قراري بالاقلاع اعتقد انها كانت محاولات لترضية الذات واقناع نفسي اني حاولت اعمل حاجه العملية نفسيه داخليه في المقام الاول ..احيانا الواحد بيكون محتاج حافز قوي ولو ان التخلص من مضار التدخين الرهيبه المفروض يكون حافز قوي في حد ذاته بس هو فيه نقطة غايبه عن بعض الناس انا شخصيا عرفها لاني مريت بيها ان احيانا فيه بعض الاعراض الي بيسموها الاعراض الانسحابيه بتحصل لما مدخن يقلع عن التدخين فجاة بكون مؤلمه جدا وبتحصل عادة المدخن الشره heavy smoker اللي زي حالاتي انا شخصيا اكبر مده اقلعت فيه كانت 3 اسابيع البعض ممكن يضحك ويعتبرها مدة بسيطه لكن هيا مكتش بسيطه ابدا بالنسبه لي بس قعدت شهر كامل اتعالج من اثار الامتناع عن التدخين رغم اني رجعت بعد 3 اسابيع الاعراض اللي كانت عندي هي الام رهيبه في المعدة تم تشخيصها علي انها بدايات قرحه وصداع دائم مستمر لاتنفع معه اي علاجات او مهدئات وارق دائم وعدم القدرة علي التوم واحيانا العكس وهو النوم لفترات طويله جدا ده طبعا غير العصبيه والنرفزه علي اتفه الاشياء ووجود اصدقاء مدخنين حوليك بيحول الامر الي عذاب بس رغم كل ده اعتقد لو فيه اراده وقرار حقيقي بالامتناع كان الواحد قدر يتجاوز كل ده انا ناوي ان شاء الله في شهر رمضان السنه دي احاول مرة تانيه وبفكر اجرب فكرة احمد في استبدال السجاير بالشيشه رغم ان الشيشه دي موضوع رخم قوي لاني لست من هواة الجلوس علي المقاهي والكافتيريات وكمان محبش اجيب شيشه في البيت لاني كده هاحس اني بيقيت معلم خلاص :D مفيش واحد يخترع لنا ميني شيشه الواحد يشيلها معاه زي علبة السجاير كده وتبقي متوفرة عند الطلب.. هيبقي اختراع عظيم :D

وانا بقول المنتدي منور لييه دا ايه المفاجات الحلوه دي عامله ايه ؟ طمينينا. اخبار الامتحانات معاك ايه يا توتا

دخلت النهارده علي صفحتي الدراسيه علشان احمل امتحانات تلك الماده وجدت اربع امتحانات فقط قلت مش مشكله ...اهووو برده احسن من مفيش وبعد ماحملت الامتحانات فتحتهم وكانت المفاجاه ...ان الامتحانات فاضيه اي نعم وللله ... ورقه فاضيه اصل انتم مش واخدين بالكم ... ده امتحان شفوي فطبيعي ان ورقة الامتحان تكون فاضيه فالراجل الموظف المسئول عمل اللي عليه ...صور الوقه الفاضيه ورفعها علي الموقع وبكده يبقي عمل شغله ووسدد خانة شغله ...وطبعا مفيش حد بيتابع انا اتخنقت من البلد دي ... وقلة الضمير والاستهبال اللي فيها وكل امتحانات وانتم طيبيبن انا قلت بس افضفض معاكم اصلي مليش نفس اذاكر

عندي بعض محاضرا ت وتطبيقات تلفزيونيه 323 discourse analysis ساحاول رفعهم بعد الامتحانات بس ربنا يسهل والنت يضبط معايا

ايه الغيبه الطويله دي يازعيم افتقدناك والله حمد الله علي السلامه يامايكل وبالتوفيق في الامتحانات ان شاء الله

جزاك الله خيرا

ملخص فيه مجموعه من الاسئله واجابتها في الجزء الخاص بــ THE COOPERATIVE PRINCIPLE & IMPLICATURE وطبعا لازم سؤال بيجي منه في الامتحان حمله من هنـــــــاا

مشكور يااحمد علي مساعداتك القيمه ........جعلها الله في ميزان حسناتك وبالتوفيق ان شاء الله

الخبر معناه ان مركز التعليم المفتوح اصبح مركز معتمد لتقديم امتحانات شهادة icdl في الحاسب الالي من الجهة المانحة للشهادة وهي منظمة اليونسكو بمعني اخر الخبر ليس له اي علاقه بدراستنا او شهادتنا من قريب او بعيد ده شغل بيزنس مش اكتر علشان يجيبوا فلوس للمركز لمزيد عن المعلومات عن شهادة icdl يمكنك الرجوع لهذا الموضوع /montada-f10/topic-t898.htm ====================

يوجد علي موقع الجامعة 7 محاضرات تلفزيونيه لشرح الدروس المقرره وكذلك ثلاث محاضرات ملتميديا للتطبيقات والتدريبات انا حاليا اقوم بتحميل محاضرات التدريبات والتطبيقات الثلاثه لاني اعتقد انهم مهمين جدا لان هذه المادة تعتمد بشكل اكبر علي الفهم اكتر من الحفظ