زينـب علـي

ميرسي كتير ياعطر الجنه ربنا يبارك فعمرك ياحبيبتي ,,

انا ترجمتلك الجمله الاولى والتانيه في الطريق ارتفعت أسعار المواد الغذائية والطاقة في معظم بلدان العالم the prices of trophic materials and energy have risen in most countries of the world وياريت ياجماعه لو في تعليق ع الترجمه قولولي

الدكتورة شرحت القطع رقم 1-2-3-10-13-18 بس للعلم مفيش حاجة هتيجى من الكتاب يعنى الكتاب مجرد تدريب على الترجمة مش اكتر بس انا شفت الامتحانات اللى نازلة على صفحة الجامعة كان فيها من الكتاب. طيب هى الدكتورة قالت انها مش حتجيب اى حاجة من الكتاب؟ طيب اذاكر منين؟ أخي انتا حاول تتدرب على كَم القطع اللي عندك وتختبر نفسك دايما بالتدريب بحيث انك تدخل الامتحان وانتا مهيأ انك تترجم أي قطعه تواجهك وأكيد ان شاء الله مش هتكون القطع اللي في الامتحان صعبه بحيث انها هتكون فمستوى الترم الاول وقدراتهم وحاول تحفظ كلمات كتير دايما لأن الموضوع هيبقى اسهل عليك أن شاء الله وبالتوفيق

ممكن ياعطر تديني اسم الجروب اللي ع الفيس او تديني اللينك بتاعه ^_^ ميرسي

حبيبتي لازم تحسي كدا عشان انتي لسا فأول ترم ,, يعني محتاج منك تمرين شويا وعدم يأس وصبر الحاجه التاني بقا انتي مش مجبوره تعتمدي اعتماد كلي على ترجمه القطعه الي مترجمينها عندك انتي تقدري تترجمي وبطريقتك بحيث انك لما تشوفي ان ترجمتك صح مش لازم تعتمدي ع اللي موجوده لان كل واحد ليه طريقه معينه في الترجمه لازم لما هتمحي طريقتك وتعتمدي على طريقت الكتاب اكيد هتحسي بالاحباط انتي بس ركزي ع الزمن بتاع الجمله لما تيجي تترجمي لازم مش تلخبطي في الزمن ,, وحاولي تحفظي كلمات كتير على قد ماتقدري عشان كل ماكانت عندك حصيله كلمات كل ماهتسهل عليكي حبيبتي ودايما لما تترجمي من انجلش لعربي تبدأي بالفعل ولما تترجمي من عربي لأنجلش تبدأي بالاسم ممكن الكلام دا يبقى صعب عليكي بس مع التدريبات هتبتدي تتوضحلك كل حاجه وبالتوفيق حبيبتي

ياجماعه ياخواتي انا عاوزه تغيرولي لينك التحميل بتاع اللينكين دول بليز عشان عجزت معاه ومش راضي يحمل 4shared.com/rar/Q98RyrAM/New_folder.html? 4shared.com/office/07hZZ3Um/dryden.html?

تمام عطوره ,, ميرسي ياحبيبتي فهمت قصدك Laura easaبالنسبه ل اتمنى تقوليلي ايه القطع اللي جتلك في الامتحان بتاع الكومبريهنشن بقا

ماشي حاضر ,, شكرا ليكم كتيييير عطر وأ/ محمود ,, بجد شكرا

طب رسوني على بر حسبنا الله ونعم الوكيل في المسؤول اللي مدينا الصفحه ومدينا المحاضرات القديمه دي ,, قوليلي ازاكر ايه بالظبط في الماده دي وامري لله

حبيبتي عطر الجنه اخبارك ايه .. انا عاوزه استفسر منك هوا ليه رقم 5 كلتاهما ليه مش كلتيهما مش هيا مفعول به منصوب بالياء علشانها مثنى ؟ ولاايه لحسن شكلي بوظت الدنيا

بشكركم كتييييييييييييييييييير على المساعده الجميله دي وربنا يوفقكم ويسهلكم يارب ,,

انا بشكر حضرتك على اهتمامك وردك ,, وكمان ع التلخصيصات اللي كتبتها ,, ولكن انا ليا تعقيب على مادة الكالتشر انا الدكتوره شاهيناز هيا اللي بتدرسني الماده دي ع المحاضرات التلفزيونيه وهيا قالت المقرر عليكم 5 يونت من الجزء الاول و4 يونت من الجزء التاني وهما شارلز داروين ومارجريت ثاتشر وشكسبير واليوت وشرحتهم هما بس وراجعتلنا عليهم هما بس وحلت معانا اسئلتهم وقالت الامتحان هييجي منهم هما بس وكمان دروس التحميل كانت بس اللي انا حددتهم لحضرتك ,, دا غير اني لقيت حضرتك كاتب مقرر تاني غير اللي عندنا وكمان لقيت رد من الاعضاء هنا في اللينك دا غير كلامي أو كلام حضرتك تقدر تتابع الردود من عند سؤال أ/ امجد عن الملغي أو المقرر وردود مارينا والاعضاء اللي تحتهم لخبطتني اتفضل /t3555-topic

سلام الله عليكم اخواني واخواتي انا كنت حابه ابعت رساله خاصه واسأل فيها المدير علشان ا ستفسر منه بس مش ليا الفرصه بإرسال اي رسائل لأن عدد مساهماتي قليل .. انا حابه اعرف المقرر اللي على الدارسين فمصر وتعليم مفتوح هوا هوا نفسه المقرر على المغتربين ؟؟ يعني مثلا لما ييجي دكتور يحدد ملزمه معينه او جزئيه معينه ليكم تبقا لينا احنا كمان ؟ .. لنو ناس كتير بيقولو مالكوش دعوه بالمحافظات اللي فمصر !! اللي شككني فدا علشان المعيد اللي بييدرسني فماده معينه مثلا مش بيدرسكو نفس الماده يعني مثلا عندك الكومبريهنشن بتدرسكو الدكتوره شاهيناز ولكن احنا بيدرسنا دكتور تاني فالخوف تبقى الاسئله غير والي مقرره المعيد دا غير اللي مقرره المعيد دا فاهمين قصدي ؟؟؟ .. وكمان عاوزه اسأل على حاجه انتو في البدايه قلتو انو المقرر فمادة الكالتشر ال6 يونت في الجزء الاول و4 يونت من الجزء التاني .. وبعدين فوجئت انو رجعتو تقولو بس الاربع يونت ! فتهت واتلخبطت ومش عارفه ازاكر ايه بالظبط اتمنى تساعدوني وترسوني على بر علشان يوم الثلاثاء دا اختباري الكومبريهنشن ومش عارفه اذاكر ايه بالظبط وانا ترم اول اداب انجلش ..

السلام عليكم بشكر كل اللي بيتعاونو معانا وبيساعدونا كتير انا بس عاوزه اللينك تبع حل الاسئله بتاعت القطع اللي في مادة الكومبريهينشن ^_^

عطر الجنه ^_^ تعباكي انا عارفه بس معلش استحمليني ^_^ بصي بقا اللينك اللي حطيتيه بتاع الاجوبه تبع الكومبريهنشن مش راضي يحمل معايا >< 4shared.com/file/M3mviHhI/___14712.html? ينفع تساعديني وتحطيه ع موقع اسهل في التحميل ^^

تمام حاضر ,, ميرسي لذوقك كتير بجد وانا اول مايبقى عندي سؤال او استفسار هجيلك واسألك وانتي ربنا هيكرمك بإذن الله علشان المساعده الجميله اللي بتعمليها ربنا يحميكي دوم

طب تمام والله انا عاوزاكي بقا تقفي جنب اختك كدا وتقوليلي ايه المقرر فكل ماده ولو في ملازم لأي ماده ابعتيهالي عشان خاطري والله حايسه قوي ونفسي تساعديني وغير كدا هما الله يهديهم مش باعتين ايييي حاجه او ملزمه ع الصفحه الشخصيه وهبقى شاكره ليكي كتيييييير

ايوا ياعطر الجنه بس انا مش فمصر وتعليم مفتوح يعني الي محددينه الدكاتره لينا غير اللي متحدد للي بيداومو فـمصر وخايفه تكون ملزمة الريدنج اللي موجوده في الموضوع بتاع المدير تبقى غير او حاجه

انتو بتعرفو دا ازاي هههههه اشكركم ع الافاده وياريت حد يقولي ماده الترجمة ايه المقرر اللي علينا في الامتحان ترم اول بردو اشكركم

جزاك الله كل خير ع الكلام دا

انا فاهمه قصدك كويس ياحبيبتي وعارفه دا وهيا زي ماقلت مسأله وقت وهبقى مش محتاجه لكل دا ان شاء الله بشكرك كتييييييييير

أ/ احمد بشكر حضرتك على ردك كتير وربنا يوفقنا كلنا يارب

عطر الجنه ,, لايميني عليها الله يخليكي صوريهالي ولا ابعتي اللينك ولا قوليلي اجيبها منين انا مش في مصر ولو عندك اي ملخصات لأي مواد تانيه ترم اول ياريت تساعديني وانا اشكرك كتييييييير ع الكلام دا والله انا كنت حامله الهم بشكل مش تتخيليه ........... خالد انا مقدره كلام حضرتك كويس قوي وفاهمه قصدك ومبسوطه كتير بالنصائح تبع حضرتك والله بس هيا مسأله الوقت يعني عشان اعدي منها وانا اكيد خارجا عن دا بتمرن لوحدي ع اللغه لان في النهايه دي شهاده مش هنستفاد منها حاجه لو احنا فعلا مش متقنين اللغه لاننا هنتوظف بلغتنا مش بشهادتنا وانا عارفه الكلام دا كويس والله بس انا اقصد عشان الوقت مابقاش خالص وانا ف ترم اول وحايسه لوحدي ف هيا مسألة وقت وهتلاقيني اتعودت ع الوضع ومش بتعب من مزاكرة الماده وانا بشكرك كتير على كلام حضرتك دا والله افادني جدا ............

تمام ,, انا بشكر حضرتك كتير ع النصائح دي ,, وانا بإذن الله هبقى اعمل كدا وهبقى اقولكم الأخبار شكرا كتير