احمد ياسين

شكرا نور نورتى التوبيك

بشكركم جميعا

يارتنى ارجع تانى عيل اشوف حاجه فى بترينه اروح واجرى عليها واقول لابويا انا عايزها وابكى بعينى واريل واصحى بدرى على الشارع انداى صحبى نلعب كوره ونخسر بس نستنا وننزل تانى بعد الفور ونلعب بلى فى الشارع وشيك على العالى وخلويص ونجرى ناخد من عم احمد تمر وعرقصوص فى الكيس طفولتى كانت لذيذه بجد وفيها شقوه لابعد حد وعمرى ما قبلنى مطب ولا كرسه ولا اى سد يارتنى ارجع تانى عيال علشان احس الحريه واشوف الدنيا زى زمان بالونها الطبيعيه بتشوجنى كتير جدا يا فصلى فى ابتدائيه وحصه الرسم والالعاب وكام اغنيه وطنيه ويوحشنى كمان صوت امى وهى بتنادى ويوحشنى طابور الصبح وانا بغنى مع اصحابى بلادى بلادى وتوحشنا كمان ستى ورطوش فى باب بتنا وتوحشنى كمان عجله لعبت بيها فى حارتنا تصدق انى لما بشوف صورتى ببكى واتالم وبندم انى مذكرتش ومفلحتش وعرفت ان ابويا ليه كان بيقولى اتعلم بتوحشنى كمان ياما ليالى العيد ورمضان وبكار ورشيده وصحبى مينا وعمى سعيد بيوحشنى بوجى وطمطم وبمب وصوريخ رمضان بجد خلاص انا نفسى اكون عيال علشان انا بقيت طئهان ياريتنى ارجع تانى عيال ومعرفش رئيسى مين وينهبنى ما ينهبنى اهم حاجه اكون عيال مسلم مصرى انا وامين كلماتى/ ياسين

جميله شاهنده هوايس عربى جميل اعجبنى

شكرا يا خالد اسعدنى مرورك

شكرا يا شيماء

[center]دا الدنيا وشوش مليانه رطوش وجراح وخدوش اسعارها رخصيه الحقلك وش بكام ملطوش فى الدنيا فى بشر كتير بالف والف وش وش اصيل بشوش عمره ما يعرف يغش ووش بالف لون ووش ميتعشرش ووش ديما يهاجم زى اسماك القرش وفى وش لونه اسمر لكن مليان طيابه ووش تانى ابيض لكن جواه عصابه وفى وش ديما صريح فى عيون الناس ابيح ووش عايشها ميت من ظلم الناس جريح ووش على طول بيضحك وعمره مايجرح حد ووش وسط الزنقه يوقف جنبك بجد وفى وش بيضحك قدامك ومن ورا منك يغلط وينم وان شافك يوم رايح تنجح من ورا منك يحقد ويزم دا الدنيا وشوش مليانه رطوش وجراح وخدوش اسعارها رخصيه الحقلك وش بكام ملطوش كلماتى/ احمد ياسين [/center]

جميله يا عبير تسلمى انتى ممكن تكتبى قصص قصيره هتبقى هايله تقبلى مرورى

برافو عليك اشكرك بشده

نعم اقصد مسؤل صديقى عفوا خطاء املائى اسعدنلا مرورك

KoTTa Koky صديقتى العزيزه انا عارف انك بتهزارى وانا كمان بهزار والله شوفتى بقى انتى اللى فهمتينى غلط سورى انا بقى ههههههههه

بشكرك يا نور اسعدنى مرورك

بشكرك KoTTa Koky على ردك الغير لائق لكنه عطر بورد الياسيمن

بشكرك ياخالد اعجبنى مرورك الكريم

[center]نص فاشل بس قادر انى اغير فى العقول ايو فاشل بس لسه جو منى نص مسؤل نص قابل للنجاح نص قادر على الفلاح نص شقيان من الصباح نص نفسو فى يوم يرتاح نص فاشل بس قادر انى اغير فى القلوب نص ساكن فى الحوارى والمساجد والدروب نص عايش فى الكنايس نص خالى من العيوب نص كل يوم يصلى نص نفسو فى يوم يتوب نص فاشل بس عايش وسط الناس بالف سيط نص طيب قلبو ابيض نص سهل ومش حويط نص حلمه قد علمه نص نفسو يكون كبير نص فاشل بس بردو نص عايش نص امير نص ااقوى من الرصاص عمر حلمه فى يوم ما مات نص عمره فى يوم ما عاش جوا لحظات السكات نص فاشل بس لسه جوا منى نص تانى مش بيقبل المظالم نص طيب مش انانى نص يعشق صوت الناس نص يعشق الاغانى نص مليان بالغموض بس فيه جواه امانى نص فاشل بس قادر انى ابقى وانى اكون حد احسن جوا البشر وكمان جوا العيون كلماتى /احمد ياسين [/center]

بشكرك ياصديقى على متابعتك واهتمامك انا فى كليه اعلام الترم الاول لسه ببداء اكون فى حروفى يعنى بشكرك مره تانى على حسن اهتمامك ومتابعتك ويارب اكون بوصلك الفكره بسهوله ويسر

الحكمه من كده انهم كترو اوى وبقو سلعه ليها زباين كتير وانا بحزن لما بشوف الحجات دى جو بلدى انتى مش بتحزن ولا ايه

[center]اكتب هذه الكلمات لفتاة الليل عسى ان تتوب عن ما تفعل لائننى ابكى كلما ارى فتاه ليل امام عينى فى الطرقات كا سلعه تباع على الارصفه رغم تكريم الله ليه بتاج الحريه احمد ياسين البسى برقع حياه واوعى تنسى انك فتاه مدى ايدك مره واحده وامسكى توء النجاه متقوليش مش قادره اعيش حالى صعب مفيش فلوس واوعى تقبلى تبقى جاريه ف زمان مليان وحوش لسه فى ف الدنيا خير لسه فيه بشر كتير كله طيبه وقلبو كبير بس حاولى انتى التغير متقوليش سر انحرافك هو ظلم الناس ليكى فى غيرك راضين بحالهم بس مدى انتى اديكى مجتمع ظالم ولكن انتى ظالمه انتى كمان اصلك انتى بعتى جسدك وقولتى انك فى الامان حاولى يوم انك تتوبى واحلمى يوم بالجنان دانتى حره اتخلقتى ليه بقيتى انسان جبان ادعى ربك وتوبى بس دلوقتى اكيد واوعى تنسى ان موتك يبقى اقرب من الوريد نفسى اشوفك واحده طاهره وابقى بيكى فى يوم سعيد البسى برقع حياه توبى لله من جديد كلماتى/ احمد ياسين[/center]

مبدعه والله تسلمى ايدك اديتنى درس على الماشى فى الحب علم علينا جميعا تقبلى مرورى بعطر زهره الناردى

بشكركم اخواتى اتمنى ان تنوال اعجبكم اسعدنى مروركم الكريم

بلئه نفسى وسط زحمه بلئه نفسى وسط حارة بلئه نفسى فى بيت صغير ويدوب جدرانه منهاره بلئه نفسى فى اوضه ضلمه على كنبه نايم مش فى قصر كبير وفى البسين وعايم بالئه نفسى وسط جيره تخاف عليا واودها بلئه نفسى قدام بنت مش جميله واحبها بلئه نفسى وسط صحبه من زمان بشتقلها بلئه نفسى وسط اسره انا ابقى واحد منها بلئه نفسى على السطوح وسط كركبنا القديمه بلئه نفسى وسط حارة مش كبيره لكن عظيمه ربونى فيها اهلها وعلمونى احبها وعلمونى اخف عليها مهما يكبر عمرها بلئه نفسى لما نفسى تشتق تبقى لوحدها بلئه نفسى لما نفسى تقول لبلدى بحبها كلماتى / احمد ياسين

جميله الكلامات ولكن الزواج سنت الحياه اختلف معاكى فى هذا الرى وااقولك لازم يبقى فى عريس عشان من غيرو العمر تعيس دا اجمل شىء والله فى الدنيا لما يكون ليكى انيس تضحكو حبه وحبا خصام وحباه غلاسه وحبا تعاسا وحبة شوق وسط الكلام هو هيبقى عشانك سور يحمى مدنتك وهيبقى الولد الامور اللى دايب فى سعدتك وانتى هتبقى ليه حنيا جنه جوا الدنيا داهيا يبقى مابينكم فى اولاد ساره وحسام ومى وعماد اصل دى سنه الحياه ولازم يبقى فى اجتهاد اوعى تقولى مش عايزه عريس احسن بكره يبقى تعيس احمد ياسين

شكرا ساره اسعدنى مرورك

بشكرك هاجر اسعدنى مرورك

بياع طرب تحت الطلب نهوندى او عادى لو عجب شغال عواد والعود ديما ويايا يسافر لبلد تلئينى على قهوه بدناندن او حتا على ضف النيل او فوق سطوح على دكه واغنى عينى يا ليل العود ده اصله سلطانه وصوتو زى الناس بيقول كلام من جو مليان دفى واحساس فى الفرحه ديما ويايا ويرقص الددروب وفى الحزن بردو مصحبنى ويبكى فى القلوب بياع طرب تحت الطلب على اى لون تلئينى ابيع لون الغرام ويا الشجن لون الورود يوم الربيع بيتى بسيط لكن لى سيط يدينى قصر وسط الملوك لكن الطرب فى زمانا ده بيخالى صحبو صعلوق كلماتى / ياسين بياع طرب تحت الطلب نهوندى او عادى لو عجب شغال عواد والعود ديما ويايا يسافر لبلد تلئينى على قهوه بدناندن او حتا على ضف النيل او فوق سطوح على دكه واغنى عينى يا ليل العود ده اصله سلطانه وصوتو زى الناس بيقول كلام من جو مليان دفى واحساس فى الفرحه ديما ويايا ويرقص الددروب وفى الحزن بردو مصحبنى ويبكى فى القلوب بياع طرب تحت الطلب على اى لون تلئينى ابيع لون الغرام ويا الشجن لون الورود يوم الربيع بيتى بسيط لكن لى سيط يدينى قصر وسط الملوك لكن الطرب فى زمانا ده بيخالى صحبو صعلوق كلماتى / ياسين