khaled38

..تصدقي اول مرة اقراها..انتي كده هطمعي الستات فينا...ههههههههههههههه

كلية الاداب ليها تكملة في جامعة حلوان اما جامعة القاهرة مش عارفين اذا كان فيها ولالا لان في زميلة قالت ان فيها دبلومة تؤهل للماجستير وفي ناس قالوا لا مفيش غير دبلومة بس لكن ماجستير لا لكن على اقل تقدير في دبلومة في جامعة القاهرة اما جامعة حلوان فيها ماجستير ولكن بعد اجتياز اختبار يؤهل لتمهيدي الماجستير ويقال ان شرط ان يكون النجاح في اختبار القبول بنسبة 80%.

تابعي المنتدى وان شاء الله نفيدك قريب

على فكرة دي حقيقة ان امتحانات المواد الثقافية كانت بتيجى على الاجزاء التاريخية وفي وحدات معينة بس مش عارف هل النظام ده هايتغير ولا هايفضل. الله اعلم.

متقلقش جوة مصر هو هو برة مصر نفس المقررات.

لا إله إلا الله.

ايوة يامريم الفعل المضارع اللي اوله همزة بتدل على ضمير المتكلم أنا بتكون همزة قطع مقلتش الماضي لكن انتي دخلتي المضارع في الماضي.هو انتي لما بتنطقي الفعل أغضى أو أغضت في الابيات اللي فوق بتنطقيهم ازاي؟ده حتى باينين من نطقهم وتشكيلهم انهم افعال ماضية. انا حاولت اديكي لمحة فنية للتمييز بين المضارع والامر اللي اولهم الف ومشتقين من نفس الفعل الثلاثي ومجبتش سيرة الماضي.

ربنا يباركلك فيها ياسما وتقدري تعلميها بطريقة صح لان للاسف مدرسين كتير دلوقتي اسلوبهم في التعليم غلط.وربنا يوفقك في دراستك انتي وجميع الزملاء.

يامريم انا مقلتش ان أغدو مضارع لان همزته قطع انا حاولت اديكي نقطة فنية تميزي بيها بين الفعل المضارع وفعل الامر اللي اولهم الف ومشتقين من فعل ثلاثي واحد وضربتلك مثل بالفعل لعب ده ماض ثلاثي المضارع للمتكلم منه ألعب والامر منه العب.ايه علاقة ده بقى بالفعل الماضي ماهو أغضي وأغضت افعال ماضية وهمزتهم قطع ايه المشكلة.

هنا أغضى وأغضت وابتسى وابتست اجابتك فيهم صح يامريم كل واحد فيهم فعل ماض مبني على الفتح بس مفيش حاجة اسمها الفتح المقدر قولي مبني على الفتح وبس.

وبعدين في حاجة مهمة جدا في الاعراب قبل دراسة اي قاعدة لان النحو مش حفظ قواعد. وهي معنى الكلام يعني لو فهمتي معنى الكلام هتحددي اعراب اي كلمة لان الاعراب هو انك تحددي وظيفة الكلمة في الجملة ايه وعشان تحددي وظيفة الكلمة لازم تفهمي معنى الجملة.

بصي يامريم هاقولك حاجة بسيطة تعرفي بيها الفرق بين الفعل المضارع والامر اللي بيبدا بالف وهي ان الفعل المضارع همزته قطع اما فعل الامر همزته وصل يعني ألعب تبقى مضارع والعب تبقى امر. أغدو هنا مضارع وباينة جدا لسببين اول سبب انها همزتها قطع وتاني سبب انها لو امر كانت هاتبقى اغد مش اغدو لان فعل الامر المعتل الاخر يبنى على حذف حرف العلة.

ما شاء الله عليكِ يالميس...بجد اسلوبك رائع..لو كل طالب عمل زيك كده الكل هنا هيجيب ممتاز..ربنا يوفقك ويوفق الجميع.

روعة يااحمد..بجد روعة وجميلة اوى

حوار بين رجل وامرأة موضوع جميل جدا يااعلامية

الف شكر يامريم على موضوعك الرائع والف شكر ليك يامحمود على اضافتك

جميلة فعلا ياشاهندة..اشكرك على حسن اختيارك

ولا يهمك كلامك واضح وبنقراه كويس. هوني على نفسك وان شاء الله المشكلة تتحل وتكملي دراساتك زي مانتي عايزة.ان شاء الله بكرة يكون احسن من امبارح والمسئولين يحطوا خطط لحل جميع المشاكل التعليمية باذن الله ويحلولنا المشكلة دي في اسرع وقت.

هو انتي لسة عارفة المعلومة دي؟وبتقوليها باستغراب اوي.ماهو معروف من زمان ان بلدنا ولا بيهمها طالب العلم ولا بتوفرله اي امكانيات وبتسهل لاي حد انه يحصل على شهادة وخلاص بدليل مستوى الثانوية العامة اللي موجود. الدولة بتقول لطالب الثانوية العامة عايز تجيب مجموع طيب ياحبيبي ادي الامتحانات سهلة وجيب المجموع اللي انت عايزه وتلاقي ناس جايبة 100% وهما مستواهم يجيب 60% وتقوله عايز تدخل كلية طيب ياحبيبي ادخل وبعد كده تلاقي اللي يفشل في الكلية او اللي يجيب مقبول بعد مايقعد في الكلية سنين او اللي يتخرج وهو مش فاهم هو اتعلم ايه ولا يفقه شيء في تخصصه. مش فاهم لحد امتى هايفضل التعليم كده؟اللي عايز ياخد شهادة ياخدها وفي الاخر يفضلوا الناس دي على ناس اختارت المجال اللي بتحبه بنفسها وكمان اجتهدت فيه وحققت تقديرات ويحرموهم من ابسط حق ليهم وهو انهم يكملوا دراساتهم العليا ويدوا الحق ده لنفس الطلبة اللي هما من الاساس بيجيبولهم امتحانات ثانوية عامة محدش يقدر يميز منها الطالب المتفوق من اللي مستواه بسيط. انا مش بقول كده حقدا ولا تقليل من طلبة الثانوية العامة ولكن اذا كنت انت ياللي مسئول عن المنظومة التعليمية بتسهل الامر على طلبة الثانوية العامة في النجاح والتفوق كمان وبتسهله الحصول على مؤهل عالي وكمان بتسهله تكملة الدراسات العليا فمن باب اولى تدي ابسط حق للناس اللي اختارت المجال ده بنفسها واللي انتم نفسكم وفرتولهم حاجة اسمها تعليم مفتوح عشان يكملوا فيه دراساتهم والا يبقى فعلا التعليم المفتوح ماهو الا خدعة للحصول على المال من ناس بيحلموا يكملوا دراساتهم اللي اتحرموا منها لاي ظروف او اي اسباب.

انا رأيي ماداموا بيعملوا امتحانات للقبول في تمهيدي ماجستير يبقى امتحان القبول ده يعتبر مرحلة فاصلة بين الليسانس والماجستير ومادام الامتحان ده مرحلة فاصلة يبقى المفروض الجميع يدخله واللي يثبت فيه كفاءته يبقى هو اللي يستحق بمعنى انهم مادام عملوا امتحان قبول يبقى الفيصل هو الامتحان ده والا مكنوش عملوه من الاساس وكانوا خدوا اعلى التقديرات في الكليات النظامية وخلاص.

ان شاء الله نشوف نتايج الجلسة ايه وبعدها نتكلم هنا تاني وربنا يوفقنا جميعا.

انا اللي حرق دمي جدا اني دخلت قبل كده موقع كلية الالسن لقيتها بتقبل جميع كليات الاداب في مصر ولما تيجي تسالي يقولولك ماعدا تعليم مفتوح.طيب الحل ايه بقى عشان الكليات دي تنفذ القانون؟يعني الاسلوب اللي كانوا بيمارسوه بعض الفئات لزبادة مرتباتهم او تثبيتهم في وظايفهم او تنفيذ اي مطالب كان كويس؟للاسف اللي لاحظناه ان معظم الناس دي مطالبهم اتحققت. المشكلة بتاعتنا انك لما بتروحي تقدمي دراسات عليا بيكون عدد المتقدمين من التعليم المفتوح قليل وكمان اللي اصلا بيدخلوا تعليم مفتوح وعايزين يكملوا دراسات عليا قليلين ده غير ان في منهم السلبيين اللي مش بيطالبوا بحقهم يعني في الاخر الموضوع هايرسي على عدد بسيط ممكن يستفزه الاستهتار بمستقبلنا ده.

خلاص يبقى اعملي زي خريجي الجامعات الاجنبية وجيبي شهادة من الاعلى للجامعات ان شهادتك معادلة لكلية الاداب وبيها تقدمي في اي كلية ومحدش يقدر يتكلم ولو الاعلى للجامعات تعنت او ادارة الكلية يبقى ده تعسف متفق عليه منهم وساعتها لازم يبقى لكل الدارسين بالتعليم المفتوح وقفة قوية لتطبيق القانون.