khaled38

ربنا يخليك يارضا.اتفضل وانا لو اقدر اساعدكم من عنيا.

اعرابك رائع يامحمود بس في ملاحظة بسيطة: يؤدون لوحدها مش جملة تامة لان المفعول به هو اللي كمل معنى الجملة يعني تعرب الجملة الفعلية كلها فعل وفاعل ومفعول به والمضاف اليه وفي الاخر تقول جملة يؤدون ادوارهم جملة فعلية في محل نصب خبر امسى.

معليش يامحمود اعرابك للجملة مظهرش عندي على طول اللي ظهر الجملة بس. المهم اعرابك صح بس المفروض تعرب كلمة ادوارهم كمان وتقول جملة يؤدون ادوارهم في محل نصب خبر أمسى

فكرة كويسة للتدريب.اتفضل يامحمود اعرب الجملة وانا معاك.

ياجماعة انتم ليه بتشتتوا نفسكم؟لازم تعرفوا حاجة مهمة وهي ان الدكاترة عارفين ان ناس كتير مش بيحضروا في الجامعة زي بتوع المحافظات واللي عندهم شغل ومش فاضيين واللي في دول تانية وده معناه ان الطالب والدكتور بيلتزموا باللي في الصفحة الشخصية يعني سواء المحاضرات لنفس الدكتور او لغيره مش مشكلة المهم ان الدكتور ملتزم بالمحتوى اللي في المحاضرات اللي على صفحتك الشخصية..اللي عايز اقوله ذاكر اللي في صفحتك الشخصية من غير ماتشتت نفسك. ربنا معاكم وان شاء الله موفقين.

فعلا فيلا جميلة.عقبال فيلتك ياشاهندة يارب. وبعدين مين قالك يامان ان البصة ببلاش؟انت مسمعتش اخر الاخبار..بعد كده استخدام اي حاسة من الحواس هتدفع عليه فلوس يعني لو بصيت او شميت او لمست او حتى سمعت عن حاجة هتدفع رسوم.

ادخلي على الموضوع ده ياام اية هتلاقي كل مايخص الترم الاول /t8960-topic

ههههههههههههههههههههه..يانهى هو رقم القاعة والمقعد ده ايه ماهي دي ارقام الجلوس..مش المقعد الناس بتجلس عليه والقاعة بيجلسوا فيها.هههههههههههههههههه. ربنا معاكي وبالتوفيق للجميع

صباح الخير بتدخلي علي جدول الامتحانات على يمين الصفحة الشخصية هتلاقي لكل مادة رقم قاعة ورقم مقعد

اهلا بيكي ياسارة منورة المنتدى. بالنسبة لكلية الاداب وكونها سهلة او صعبة ده يرجع لمدى حبك للغة واستعدادك لدراستها. اما لطريقة الدراسة فهي عبارة عن 4 مستويات كل مستوى ترمين يعني 8 ترمات كل ترم خمس مواد يعني اجمالي 40 مقرر. ال 40 مقرر فيهم 8 لغة عربية و 32 لغة انجليزية. ال 8 لغة عربية نصهم تقريبا بيركز على نحو اللغة العربية والنص التاني موضوعات من الادب العربي الحديث وفي مادة مقال. ال 32 لغة انجليزية بتدرسي فيهم مداخل لعلوم اللغة واساسيات قواعد اللغة الانجليزية وبعض المواد اللي بتنمي مهارات القراءة والفهم وكتابة المقال وعدد كبير منهم بتدرسي فيه الترجمة بالتدريج لحد الترجمة الفورية. الدراسة سهلة وبسيطة والدكاترة مش بيقرروا الكتاب كله في اغلب المواد والتزامك بالمحاضرات اللي بتنزلك على صفحتك بعد التسجيل يضمنلك تقديرات عالية باذن الله. مع ارق امنياتي ليكي بالنجاح والتفوق.

ان شاء الله بالتوفيق للجميع.

شكرا يامريم

مانا فاهم بس حبيت انبهكم عشان كلمة بس اللي انتي قلتيها على الملزمة لانك كتبتيلها انها تذاكرها بس. وحبيت انبهكم عشان رد احمد كمان.واسلوب المذاكرة والتعامل مع المواد بيختلف من واحد للتاني لكن الصح ان اللغة بتعتمد على الفهم والا مكنتيش تلاقي معظم الناس مستواهم في النحو ضعيف جدا.لان لو اللغة حفظ كان كل الناس جابت امتياز في النحو والعكس دايما هو اللي بيحصل في اغلب الحالات. ربنا معاكم ومعانا ياعطر.

نصيحة مني ليكم ولكل دراس لغة: اوعوا تتعودوا على اسلوب الحفظ والتلقين في التعامل مع اللغة لان اللغة فهم وتذوق واحساس وموهبة.يعني عطر الجنة بتقول لازم تذاكري الملزمة بس والقطع اللي هتيجي.يعني هي لو ذاكرت قطع تانية مع الملزمة كنوع من التدريب هتغرق مثلا؟ولو ذاكرت قطع تانية ومذاكرتش الملزمة اصلا هتغرق برضو ولا حاجة؟المادة دي من المواد اللي بتعتمد على الفهم ثم الفهم ثم الفهم.انا شخصيا دخلت امتحان المادة دي وكانت كمان ترم تاني مش اول بدون مذاكرة كلمة واحدة ولا محاضرة واحدة ولا استعداد من اي نوع لظروف خاصة وقدرت اتعامل مع الامتحان وجبت فيه جيد.وده دليل على انها مادة فهم قبل اي حاجة.مش معنى كده انكم متذاكروش الملزمة لا ذاكروها لكن عودوا نفسكم على قراءة اي قطع بفهم مش تحفظوا قطع معينة باسئلتها وبس. والاستاذ احمد بيقول ان المادة مش بتتذاكر وانه كان بينقل الاجابة من القطعة.طيب في الترمات المتقدمة هتعتمد على نفس الطريقة؟طبعا لو اعتمدت على نفس الطريقة احب افهمك ان كلما الترمات اتقدمت كلما اتقدم مستوى الامتحانات والتعامل مع عقلية الطالب كدارس لغة ولازم يكون فاهم وعنده الموهبة اللي تخليه يقدر يتعامل مع بعض اسئلة الامتحان. دي نصيحتي وفي اللي ممكن يقبلها ويكون سعيد بيها وفي اللي لا.في كل الحالات اتمنى التوفيق للجميع.

لاشكر على واجب.هوانا عملت حاجة.احنا زملاء واتمنالك النجاح والتفوق.

المادة اسمها قراءة وفهم يعني ممكن من اسمها تستنتجي طريقة مذاكرتها وهي القراءة بتركيز بغرض فهم المضمون العام للقطعة حتى لو قابلتك كلمات صعبة حاولي تخمني معناها واقري القطعة مرة واتنين وتلاتة وبعد كده جاوبي الاسئلة حسب فهمك للقطعة وفي الاخر ترجمي الكلمات الصعبة واحفظيها وراجعي الاجوبة وقيميها. طبعا بلاش تترجمي الكلمات الصعبة قبل اجابة الاسئلة والافضل تعتمدي على نفسك في التخمين لتنمية قدرتك على استنتاج معنى الكلمة وكمان لانك في الامتحان مش هتستخدمي قاموس وهايكون اعتمادك على تخمين الكلمات الصعبة.

مبرووووووووووووووك ياكووووووووووووكي وعقباااااااااااااال مانشوووووووووووووف اطفااااااااااااااااااالك

لا شكر على واجب ومتشكر على الدعوة الحلوة دي وان شاء الله بالنجاح والتفوق ياهدى.

مش هتخسري حاجة لو ذاكرتي الخمس مواد.بس بالنسبة للملغي والمقرر طبعا انتي هتمتحني الترم اللي جاي يعني حسب الترم اللي جاي وظروفه مش الترم ده.وبكررهالك تاني ذاكري من دلوقتي افضل.على الاقل فرصة كويسة تذاكري المنهج كامل.

انا اللي بقولك ميرسي ياشاهندة على مواضيعك الكتيرة والجميلة.

امتحان كويس يامدحت بس يارب يجيلكم امتحان زيه كده يبقى حظكم حلو.

جميلة يامريم.جزاك الله خيرًا. اللهم اجعلنا من عبادك التوابين.

يظهر ان كل الترمات اللي احنا امتحناها قبل كده نظامها هايتغير الترم ده زي مابتقول عطر الجنة. اللي اعرفه على مدار تلت سنين ان في رقم مقعد ورقم قاعة خاص بكل مادة ورقم التسجيل ده رقم ثابت للدارس على مدار الترمات التمانية مالوش اي علاقة باماكن الامتحانات واللجان الا اذا كانوا بقى هايغيروا نظامهم الترم ده.والله اعلم.

بينزل تقريبا قبل الامتحان باسبوع او اقل. ايوة في ارقام جلوس كل مادة لوحدها ليها رقم مقعد ورقم قاعة.