khaled38

فكرة ممتازة ياعربي...لكن في فكرة تانية كنت اتكلمت فيها مع الزميلة ريما في موضوع ماجستير اداب انجليزى وهي ان مجموعة مننا تتجمع وتقابل مدير المركز او توصل الامر للمجلس الاعلى للجامعات وتطلب منه موضوع الدراسات العليا وممكن نضيف ليه موضوع مسمى الشهادة..لازم المطلبين دول نطالب بيهم بكذا طريقة..يعنى بالاميل ماشى وبالمواجهة ماشى وباى طريقة ماشى.المهم اننا بنطالب بحق مشروع ولجميع الدارسين بالتعليم المفتوح.

واضح أنك أنت الذي تردد جمل وشعارات لا تفهم معناها بدليل أنك لا تفهم ما تقرأ وحتى ماتكتب،ياأستاذ يامحترم،يامهذب،يامن تعي كل شيء، ونحن لانعي مثل حضرتك،عندما قلت لسيادتك هل كنت تعتصم أيام النظام السابق،أو تهاجم النظام،أو تهاجم الناس وتهينهم لم أقصد أنك وقتها كنت منتسبًا للتعليم المفتوح،وإنما قصدت في كل المجالات،،ألم تكن مظلومًا في أي مجال أخر؟أم لم تشعر بأي ظلم إلا عندما دخلت التعليم المفتوح؟ الذل والإهانة واحتقار الذات يامحترم هو ألا يكون لك شخصية مستقلة وفكر خاص بشخصيتك هذه،وأن تردد أفكار الأخرين دون وعي أو حتى تمييز.الذل والإهانة هو توجيه الإتهامات للناس دون أدلة وأنت لا تعرفهم لمجرد أن تبدو أمام الأخرين بطلا ،شجاعًا وأنت من يستحق هذه الإتهامات لأنك لم تقم بهذه الاعتصامات إلا لتظهر كبطل يطالب بحقوقه وإلا لما شغلك مشاركة غيرك معك أو لا لأن المؤمن بقضيته لا يهمه إذا شاركه غيره أو لا فهو يظن بالله خيرًا،وأن الله سينصره وإن كان بمفرده. اقرأ آراء الزملاء وآراء الناس المنتسبين للتعليم المفتوح وسترى هل أنا غير متابع للأحداث أم لا،فأنا كان رأيي أن أهم مطلبين هما الدراسات العليا،ومسمى شهادة التخرج،أما غير ذلك فلا مجال له لدارسي التعليم المفتوح فموضوع الرسوم الجميع يعلم أنها عادلة جدًا بالمقارنة بأي جامعة خاصة ،أو حتى معهد خاص،وموضوع التحويل لانتساب موجه قد فُتِحَ بالفعل لمن هم يجوز لهم التحويل،أما من يستغل الثورة ليطالب بمطلب خاص به ويحاول أن يجمع الناس معه ليساندوه في تحقيق مطلبه الخاص وإلا هانهم ووجه لهم الإتهامات فليس له إلا نفسه يلومها ويحاول تقويمها لتكون نفسًا سوية خالية من أي أنانية أو عقد.

مش حلوة كلمة تكسرك دي...الانسان القوي مفيش حاجة تقدر تكسره..ركزي في دراستك وخلي عندك حسن ظن بالله واكيد ربنا هايوفقك ويكتبلك مستقبل مشرق.

عندك حق ياعربي اكيد هايكون في تغيير في يوم من الايام ولازم نسعى بس المهم نعرف ايه هي اهدافنا ومطالبنا عشان نركز عليها....انا رايي اول مطلب الدراسات العليا وثاني مطلب مسمى الشهادة اما موضوع المصاريف انا شايفها عادلة لاننا بناخد بيهم خدمات ومظنش انهم هايوافقوا عليه..وموضوع التحويل لانتساب موجه فده يخص فئة بسيطة وهي طلبة الثانوية العامة الحديثة وهما فتحوه ليهم بالفعل يعني لازم نركز كلنا على مطلب الدراسات العليا ومسمى شهادة التخرج...في انتظار ارائكم وافكاركم..مع ارق امنياتي للجميع بالنجاح والتفوق.

يااعلامية هوني على نفسك ومفيش حاجة مستاهلة عياط بالعكس لازم تكونى مبسوطة لان ربنا اتاحلك الفرصة انك تحققي حاجة لنفسك كبديل لهدفك الاساسي اللى ربنا ماارادش انه يتحقق...ومتقلقيش المستقبل بايده هو واذا كنتى دلوقتي اعلامية قيد التنفيذ بكرة تبقى اعلامية مع الشغل والنفاذ...ومش بعيد تكملي دراساتك وفي يوم من الايام تكوني دكتورة في تخصصك وساعتها هتحسي انك حققتي اكتر من هدفك الاساسي بكتير..انسي الماضي وركزي في بكرة عشان تقدري تحققي اللي انتي نفسك متتخيليش انك ممكن تحققيه...ربنا يوفقك.

يانورا لما بترجمي الكلمة من القاموس بتلاقي الكلمة الواحدة ليها معاني كتير لكن بتختاري المعنى اللي بيناسب السياق اللي الكلمة فيه..يمكن تكوني بترجمي الكلمات حسب ذاكرتك ومش بالمعنى المطلوب في السياق عشان كده لازم ترجعي للقاموس لما تلاقي المعنى مش متركب زي مانتي بتقولي...ومفيش داعي للاحباط بالعكس مع الاستمرار هتلاقي مذاكرة اللغة شيقة جدا وكل ماهتفهمي حاجة هتلاقي الاحباط ده اتحول للعكس.

يمكن تكون فى مستشفى قريبة مننا او نعرف حد فى المستشفى او نقدر نساعدها..هو فى حد يساعد حد من غير مايعرف عنه حاجة؟هى بياناتها سر؟

هى فى مستشفى ايه؟هاتى كل بياناتها.

من الواضح أن أسلوب الهجوم العنيف والتعدي بالألفاظ المهينة على الناس أصبح سمة هذا العصر بين الناس،وليت ذلك على أساس،وإنما بلا أي سبب. ألم تتخيل ياأستاذ هاني أن هناك من الناس من لديه ما يعيقه عن حضور الاعتصام،وأن هناك منهم من هوغير مقتنع بأسباب الاعتصام وأظن أن كل شخص من حقه أن يقتنع بآراء الآخرين أو لا يقتنع بها. وإذا كان من لم يحضر الاعتصام ناس عاشت 30 سنة مذلولة ساكتة عن الحق فأصبحت نفوسهم مطبوعة بغلاف الذل والإهانة والسكوت عن الحق كما قلت....فماذا كنت تفعل أنت في ظل هذا النظام؟أكنت تعتصم وتطالب بحقوقك؟أكنت تهاجم النظام كما تهاجمه اليوم؟أكنت تهاجم الناس وتهينهم كما تهينهم اليوم؟ إن لم تكن تفعل ذلك فلتوجه لنفسك نفس الإهانات. انا لم أشارك في الاعتصام ولكن شاركت برد في اليوم السابع يتعلق بالدراسات العليا التي من وجهة نظري أهم مطلب،وأظن الدراسات العليا تهم جميع طلبة التعليم المفتوح،الناس الذين توجه لهم الإهانة منتمون للتعليم المفتوح وليست المشاركة هي أن أنزل الشارع فحسب،ولكن كل منا يستطيع أن يشارك بالطريقة الميسرة له،فهناك من يشارك بنزوله الشارع ،وهناك من يشارك بقلمه،وهناك من يشارك بقلبه ودعواته،وهناك من هو غير مقتنع أصلا وليس عليه لوم ولا حرج. لنحترم بعض ونكف عن هذا الأسلوب لأن الجميع لديهم ألسنة وأقلام،فلتنطق هذه الألسنة بالخير والأدب،ولتكتب هذه الأقلام ما يسعد الناس وينشر الاحترام بينهم.

هى صاحبتك عندها ايه بالظبط يمكن نقدر نساعدك مساعدة اكبر من كيس الدم او الفلوس؟

ربنا يشفيها..طيب المفروض يكون ليها رقم تليفون عشان لو حد حب يبعتلها دم او فلوس

ياعزيزتي اطمني لازم كده وده طبيعي انك تلاقي احقاد وضغائن..وعموما التعليقات معظمها في صفنا والردود ممتازة بس المهم النتيجة وقرارات المسئولين.

حلوة يااحمد..بس اوعى تكون تجربة شخصية..هههههههههههههههه

برافو عليكي يافروح..راي سديد وانا بايده لان فعلا موضوع الرسوم ده من وجهة نظري انا كمان صعب يتقبل والمفروض المطالب تركز على الاهم ثم المهم واهم مطلبين فعلا هما الدراسات العليا ومسمى الشهادة..ونتمنى يكون في استجابة من المسئولين ونتيجة فعلية.

ربنا يبارك فيك ويوفقك ان شاء الله السنة الجاية ويكتبلك التفوق الدائم

ايوة يافروح.. وبعدين المقرر كده بسيط جدا ده الدكتور زكريا حذف معظم الكتاب وكمان الامتحان بيكون بسيط لان عدد الكلمات المطلوب حفظها حوالي 80 كلمة مثلا او اكتر وهتلاقي نفسك عارفة منهم كتير يعنى ان شاء الله تجيبي الدرجة النهائية. ومستنيكي ترديهالي في الافراح...ههههههههههههههههههههههههههه.

بصي يافروح المقرر في الترم كان كالاتي: 1-الوحدة الاولى 2- الوحدة التانية لحد كلمة developing foetus 3- الوحدة الثامنة لحد كلمة Wiped out 4- الوحدة العاشرة لحد كلمة tooth decay مع حفظ كلمات الوحدات الاربعة كلها وشكل الامتحان كالاتي: قطعة من الوحدات الاربعة عليها 10 درجات 20 كلمة من الوحدات الاربعة تترجميها من انجليزى لعربي عليهم 10 درجات مع ارق امنياتي التفوق ان شاء الله

الف مبروك ياابوجودي وعقبال مانهنيك بتفوقك في الماجستير ومن بعده الدكتوراه..وياريت متحرمناش من مشاركتك في المنتدى عشان نطمن على مسيرتك في الدراسة وعشان كمان تفيد الجميع بخبرتك كدارس دراسات عليا زي الزميل محمد اللي كتب الموضوع وافاد الجميع واللي بنتمنى ليه حظ اوفر في المرة الجاية وزي الزميلة ريما اللي افادتنا افادة عظيمة بمعلوماتها....مع ارق امنياتي بالنجاح والتفوق ليك انت وريما.

عليكم السلام ورحمة الله وبركاته اهلا وسهلا بيكى ياعاشقة مصر ويشرفنا وجودك معانا صديقة واخت

ماشاء الله..انا ملاحظ ان طلبة الترم الاول المرة دي كلهم حماس وبيحبوا اللغة..احساسي بيقول اننا الترم ده هنشوف نتائج مبهرة في الترم الاول..اتمنى كده واتمنى التفوق للجميع بكل الترمات بكل الكليات.

ياريت اضافة مطلب مهم جدا الى باقي المطالب وهو: السماح لخريجي التعليم المفتوح بجميع الكليات بتكملة الدراسات العليا من ماجستير ودكتوراه بجميع الكليات في مصر زي خريجي الكليات النظامية بالظبط.

مفيش اي كلام اقدر اعبر بيه عن مدى شكري وامتناني ليكي...انتي فعلا وضحتي كل حاجة ربنا يكتبلك النجاح والتفوق

سؤال تاني:هل اختبارات القبول بالدبلومة بجامعة القاهرة تعادل نفس مستوى اختبارات القبول بتمهيدي الماجستير بجامعة حلوان؟ او بمعنى تاني اختبارات القبول بالدبلومة بجامعة القاهرة عبارة عن ايه بالظبط؟ معليش استحملينا يمكن اجاباتك على اسئلتنا تكون اسس ترسم طريق اجيال كتير من بعدك.

ما شاء الله على مشوارك المشرف ياريما..ربنا معاكي ويوفقك..من كلامك اقدر استخلص ان من السنة اللي فاتت اصبحت الدبلومة من جامعة القاهرة بمثابة تمهيدي ماجستير وان اللي يحصل عليها من حقه يحضر ماجستير في جامعة القاهرة وبالتبعية بعد كده يحضر دكتوراه في جامعة القاهرة..معنى كده ان مفيش اختبارات قبول للتمهيدي زي جامعة حلوان..من هنا اقدر احدد شروط تحضير الماجستير بجامعة القاهرة كالتالي: 1-ليسانس اداب ترجمة تعليم مفتوح بتقدير جيد على الاقل 2-دبلومة ترجمة بجامعة القاهرة مدتها سنة بتقدير جيد على الاقل ده استنتاجي وتحليلي لكلامك فياريت لو في اي خطا او تعديل منك عليه توضحيه عشان نحدد نقط للجميع تكون واضحة وبسيطة.

الف مبروك ياريما القبول وباذن الله الى الامام دائما الى اعلى الدرجات باعلى التقديرات...باشكرك جدا على اهتمامك بالرد وعلى مشاركتك معانا و على الرغم من قبولك بتمهيدى الماجستير الا انك مهتمة بمشكلة هامة جدا تخص باقى زملائك....ليا طلب عندك بما انك تم قبولك بحمد الله ارجو الا تنقطع مشاركتك معانا هنا وان تمدينا بكل جديد وتمدي يد العون للجميع ولكل واحد بيتمنى اللحاق بقطار الدراسات العليا.وكمان ياريت تكون في طريقة للتواصل المباشر معاكي انتي والاستاذ محمد تقريبا كاتب الموضوع ده الاصلي نتمنى ليه وليكي التوفيق والسداد ان شاء الله.