lamees

ciscoocean هلت الأنوار والله، حمدلله على السلامة أنا فاكرة أول ما سجلت في المنتدى كنت انت و ATOMIX أكثر ثنائي متواجد وطبعا *maryam اللي وحشتنا صحبتها وبجد كلي امتنان لذوقك وكلامك الجميل دا، على حد سواء بالنسبة ليا ولكل من شكرتهم في كلامك، وحقيقي هم يستاهلوا الشكر وأهلا بك دائما .. حاضراً وغائباً

أستاذ Hussein ! كل يوم بتبهرني فعلا معاك حق طبعا، بس إزاي انا كتبت ماضي بالياء؟! على فكرة أنا دائما أكتبها ماض، بس واو الحال دي اللي نسيتها فعلا شكرا جزيلا على التذكير، وربنا يكرمك يا رب وبجد أنا سعيدة بمتابعتك والله، وعلى فكرة أنا مكنش حد بيغلبني في النحو إلا مامتي لا مدرسين ولا مدرسات ولا طالبات، بس عوامل الزمن وللمرة التانية بجد بشكرك لأني بجد بعشق التعليم لما بيقى على أصوله، وحضرتك بأسلوبك وذوقك بتوصلني للدرجة دي من الاستمتاع بالتعلم، وبضم صوتي لصوتك طبعا

تحت امرك يا جميل ولا يهمك وعلى فكرة أنا رديت عليك قبل كدا بس شكلي نسيت أحمل الرد ههههههههههههههه ربنا يستر!! المهم يا جميل، كنت عاوزة أقولك: متقيديش نفسك بمنهج تخلصيه اثناء الكورس، الأفضل من كل دا تختاري بعض المواضيع وتخلي المدرسة تتكلم معاك فيهم، اللغة محادثة ومحاكاة أكثر منها دراسة .... وأتمنالك كل التوفيق وبالمناسبة دي في أحد الاعضاء أو المشرفين كان طرح مبادرة التحدث باللغة الإنجليزية أثناء الرد في المنتدى بحيث نستفيد أكثر... وبصراحة عجباني المباردة دي وحابة أجددها فإيه رأيكم ؟! بس محتاجين حد يكون perfect في اللغة الإنجليزية يتابعنا ويصححلنا على قد وقته طبعا وممكن يكون أكثر من واحد، مين موافق ؟! تصويــــــــــــــــــــــــــــــــــــــــــــــــــــــــــــــــــــــــــــــــت

ليه بس دا أبسط حاجة في النحو الإعراب: بصي يا ستي: زرْتُ: فعل ماضي مبني على السكون (من نطقه) لإتصاله بتاء الفاعل ( زرت أنا ) وتاء الفاعل: ضمير متصل مبني على الضم (من نطقه) في محل رفع فاعل أخي: مفعول به منصوب وعلامة نصبه الفتحة المقدرة ( ليه مش أعربناها على إنها اسم من الأسماء الخمسة؟ عشان أضيفت لياء المتكلم فإن أضيفت لياء المتكلم أعربت بالحركات المقدرة ) ياء المتكلم: ضمير متصل مبني على السكون (من نطقه) في محل جر مضاف إليه وهو: الواو حرف عطف مبني على الفتح. هو: ضمير منفصل مبني على الفتح في محل رفع مبتدأ. مريض: خبر المبتدا مرفوع وعلامة رفعه الضمة الظاهرة على آخره. والجملة الإسمية من المبتدأ والخبر في محل نصب حال. إذا نوع الحال: جملة إسمية

إيه الكلام الكبير دا .. كنت عاوزة أعلق على بعض النقاط اللي عاجبني لقيتهم كلهم عاجبني شكرا جزيلا على اهتمامك

إزيكم يا حلوين ؟! دا ملخص: لأنواع التنوين زي ما وعدتكم، اتمنى أكون وفقت فيه إن شاء الله يارب وأي استفسار تحت امركم، وأي تغيير هقولكم إن شاء الله. بعد حذف الملف يمكنكم تحميله على هذا الرابط: mediafire.com view/?zufcrsn6bti7169

نصحتي لك يا noura لو عاوزة تتعلمي تتكلمي إنجليزي بجد بجد، يبقى خدي كورسات الجامعة الامريكية، شهرين وهتنطلقي. ميزة الكورسات الحالية في الجامعة الأمريكية، إن مبقاش عندهم منهج ماشيين عليه وخلاص. بقى دلوقتي أكثر الكورس كلام، بتروحي عشان تتكلمي تخيلي الكورس كله مثلا عبارة عن 3 دروس، وطول الكورس بتتكلموا عن الثلاث دروس بطرق مختلفة يعني مثلا اخدنا درس عن المدن، بنفضل أسبوع أو اكثر نتكلم كل يوم عن حاجة مرة عن المدن بشكل عام وأهمها وكدا ومرة عن المدن اللي زرتيها، وتحكيلنا مثلا إيه عجبك وإيه مش عجبك ومرة عن مدينتك انتي، اللي عشتي فيها وكدا ومرة عن المدينة اللي بتحلمي بيها وبعدين نآخد امتحان كل دا بالكلام :: كلام في كلام في كلام، لحد ما تلاقي الموضوع بقى عادي من غير ما تحسي أنا جربت كورساااااااااااااااااااااات كثيييييييييييييييييييير فعلا ودي اكثر حاجة عجبتي بجد، كفاية دمها الخفيف .. طول ما انت بتدرسي بتضحكي طبعا ومع التحاقك بكلية آداب، هتساعدك زي ما انت قولتي ان يبقى عندك حصيلة لغوية، أبسط حاجة تأهلك في إمتحان تحديد المستوى إنك تبدئي بالمستوى الأعلى. معلش على الإطالة وأتمنالك التوفيق.

كلها تنوين تمكين ماعدا كلمة سوافرًا لأنها صيغة منتهى الجموع وهي من صيغ الممنوع من الصرف،ولكنها هنا منونة لضرورة الوزن الشعري. الله الله يا أستاذ Hussein ،، معاك حق فاتتني خالص .. حضرتك عارف بأه ... آخر مرة ذاكرت الممنوع من الصرف وأنا في ثانوي .. يعني من 10 سنين الحمد لله إنها جاءت على قد كدا شكرا على التنبيه اللطيف دا ومعلش يا إيمي على الغلطة دي .. أستاذ Hussein معاه حق يا حبيبتى إنتى كتر خيرك و الله و شكرا ليكى و للاستاذ حسين .. ربنا يفتح عليكم و يزدكم علم تسلمي يا إيمي متحرمش من ذوقك أبدا بس المهم بعد كل دا تبقي عرفتي الإجابة الصح إجابة أستاذ حسين، تمام التمام وأي خدمة أنا وأستاذ حسين موجوديين بعد اذن أستاذ حسين طبعا

كلها تنوين تمكين ماعدا كلمة سوافرًا لأنها صيغة منتهى الجموع وهي من صيغ الممنوع من الصرف،ولكنها هنا منونة لضرورة الوزن الشعري. الله الله يا أستاذ Hussein ،، معاك حق فاتتني خالص .. حضرتك عارف بأه ... آخر مرة ذاكرت الممنوع من الصرف وأنا في ثانوي .. يعني من 10 سنين الحمد لله إنها جاءت على قد كدا شكرا على التنبيه اللطيف دا ومعلش يا إيمي على الغلطة دي .. أستاذ Hussein معاه حق

لميس بجد ربنا يباركلك يارب ويجازيكى خير على مجهودك وتسلم ايدك ونستناكى بقى فى باقى المحاضرات شفتى الطمع تسلمي يا نهى .. أي خدمة يا جميل إن شاء الله كل ما نآخد محاضرة .. ألخصها وانزلها بإذن الله يا معيـــــــــــــــــــــن

تسلمي يا ياسمين .. متحرمش منك أبدا كله بتشجيع ودعم أعضاء المنتدى .. إن شااء الله دايما يارب متجمعين

حمدلله على السلامه يا أستاذه لميس وجزاكى الله خيرآ على مساعدتك لزملائك ومبروك عليكى وسام النشاط .... الوسام ده من الترم اللى فات بس انتى مكنتيش بتدخلى المنتدى الا على فترات .... كان الله فى عونك وفى عون الجميع وبالتوفيق والنجاح الله يسلمك يا ATOMIX .. تسلم وبصراحة فاجئتوني بالوسام .. متحرمش منكم أبدا وإن كان الفضل لله ثم لأعضاء المنتدى كلهم على تشجيعهم الدائم والمستمر. ربنا يوفقكم كلكم ومن نجاح لنجاح إن شاء الله

رقد:فعل ماض مبنى ع الفتح المريض:فاعل مرفوع وعلامة رفعه الضمة الظاهرة يتألم : فعل مضارع مرفوع وعلامة رفعه الضمه الفاعل ضمير مستتر تقديره هو يعود ع المريض الجملة الفعلية من الفعل والفاعل فى محل نصب حال نوع الحال: جملة فعلية ســـــبقتيني

الإعراب: رقدَ: فعل ماض مبني وعلامة بنائه الفتحة الظاهرة على آخره المريضُ: فاعل مرفوع وعلامة رفعه الضمة الظاهرة على آخره يتألم: فعل مضارع مرفوع وعلامة رفعه الضمة الظاهرة على آخره، والفاعل ضمير مستتر تقديره هو، والجملة الفعلية من الفعل والفاعل في محل نصب حال إذا: نوع الحال جملة فعلية .

[quote="عطر الجنة"] مدرسةٌ، شعباً، روضٌ، سوافراً،وازعٍ : جميعها تنوين تمكين لأنها أسماء معربة بغض النظر هي جمع أو مفرد طالما معربة فهي تنوين تمكين . وإن شاء الله أنزلكم تلخيص مبسط خالص لأنواع التنوين .. انهاردة أو بكرة بالكثير ان شاء الله

حمد الله على السلامة يا لميس و ربنا يكون فى العون و شكرا يا قمر على المحاضرة المرتبة دى تفتح النفس على مذاكرة المادة الظيظة دى الله يسلمك يارب .. أي خدمة يا إيمي يلا شيدي حيلك .. وكل ما هلخص محاضرة هنزلها ان شاء الله ويارب أنجز المرة دي

الله يسلمك يا ياسمين يارب

صباح الخيرات !! مبروك لكل الناجحين واللي انتقلوا للترم التاني.. وعقبال الليسانس ان شاء الله معلش اعذروني اني بتواصل معاكم فترة وبعدين أقطع كدا.. البيت والعيال في وقت الامتحانات = (ميكس) صعب والله المستعان بس كنت بتابع المنتدى دايما.. وبداية قوية من عطر الجنة و ATOMEX ، يسلم مجهودكم ويارب دايما وبمناسبة المذاكرة أنا لخصت أول محاضرة تلفزيونية في الجرامر(2)، يعني اللي معندوش وقت يشوف المحاضرة يقدر يذاكر الملخص دا وبعد كدا يحل الـ Exercises، هتلاقوني كاتبة كل حاجة قالتها الدكتورة في الملخص، أتمنى يعجبكم بعد حذف الملف يمكنكم تحميله من هذا الرابط: mediafire.com view/?2eib6unqhxa9uf9

هههههههههههههههههههه عرفت المعلومة دي وأنا في ثانوي ورجعت نسيتها وكل ما افكر أدور عليها أنسى .. أخيرا عرفتهها تاني .. شكرا لك

تسلمي يا مريم على تعبك ومجهودك .. منتحرمش منك أبدا يا جميل .. وإلى الامام دائما ..

تنبيـــــــــــــــــــه معلش يا جماعة .. كنت عاوزة أنبه الطلبة والطالبات اللي بيذاكروا من ملزمتي ( ملزمة لميس ) كما اطلق عليها أخي ciscoocean .. طبعا وكلي امتنان لنيل شرف مذاكرتكم من ملزمتي .. لكن ...... الحكاية : ان الملزمة لازم تذاكروها من الوورد لأنها لما بيتعمل لها تحويل ( convert ) إلى الـ PDF >> بتتغير بعض الحاجات في الملزمة .. تخلي اللي يذاكر منها يذاكر غلط .. وبالتالي .. أنا نزلتها على الرابط دا زي ما كتبتها .. word 2003 >> mediafire.com ?2m4ygrckwcbk4xj ومعلش أنا والله حاولت أكتبها على word 2007 .. بس مش راضي يشتغل معايا .. وبالتوفيق للجميع إن شاء الله ..

تنبيـــــــــــــــــــه معلش يا جماعة .. كنت عاوزة أنبه الطلبة والطالبات اللي بيذاكروا من ملزمتي ( ملزمة لميس ) كما اطلق عليها أخي ciscoocean .. طبعا وكلي امتنان لنيل شرف مذاكرتكم من ملزمتي .. لكن ...... الحكاية : ان الملزمة لازم تذاكروها من الوورد لأنها لما بيتعمل لها تحويل ( convert ) إلى الـ PDF >> بتتغير بعض الحاجات في الملزمة .. تخلي اللي يذاكر منها يذاكر غلط .. وبالتالي .. أنا نزلتها على الرابط دا زي ما كتبتها .. word 2003 >> mediafire.com ?2m4ygrckwcbk4xj ومعلش أنا والله حاولت أكتبها على word 2007 .. بس مش راضي يشتغل معايا .. وبالتوفيق للجميع إن شاء الله ..

الشكر لله يا medhate .. وشكرا على المجاملة الرقيقة دي .. وبمناسبة التنسيق .. أنا حملت الملزمة اللي كتبتها على الرابط دا .. mediafire.com ?2m4ygrckwcbk4xj وحملتها وورد 2003 .. أرجوا انك لو هتذاكر منها تذاكر من الملفات دي لأن الملفات اللي اتعمل ليها تحويل ( convert ) لـ PDF .. حصل فيها بعض التغيرات اللي أثرت في صحة الملزمة .. وربنا يوفقك والجميع إن شاء الله ..

ربنا يخليكى يا لميس و يارب إمتياز إحنا و كل الموجودين أنا محمل كل الجرامر اللى موجود على الصفحة الخاصة على بى على اللينك G R A M M A R بالنسبة لللينك اللى انتى رفعتى عليه مادة النحو ...أنا فعلا حملته و محتار صراحة انى اعمل فيه اى شئ لانى اولا بستخدم OFFICE 2007 و أصلا التغيير موجود عندى لانى عارف ان فيه اختلاف كبير بين 2003 و 2007 ف على العموم خلى الناس تحمل عادى من اللينك الخاص بيكى لان انتى اكيد شايفة الموضوع مختلف لانك انتى شغالة ب 2003 ...ف يا ريت تعرفى الناس انهم يستخدموا 2003 او الاحسن انك تحاولى تستخدمى 2007 لان على ما اظن دة اللى متداول حاليا و انا ححاول اشوف لينك ل2007 عشان تشتغلى عليه. و أخيرا و ليس آخرا أنا لست بأستاذ . CISCOOCEAN ربنا يبارك فيك يا ......... ciscoocean ( مع حفظ الألقاب ) ، ولا تزعل نفسك . اما بالنسبة للملزمة فانا بعتذر عن الشتات اللي سببته لحضرتك .. وكل المهم يبقى اللي بيذاكر فاهم المكتوب .. وإن شاء الله هكتب تنبيه على النقطة دي .. أما بالنسبة لوورد 2003 فأنا والله نفسي أستخدم وورد 2007 بس حملته وكل مرة يطلب مني أكتب حاجة زي رقم السيريال كدا .. ومش عارفة أستخدمه عشان كدا . عموما .. لو ملف ملزمة لميس اللي نزلته فتح عندك بنفس الشكل اللي أنا محملاه يبقى كويس .. عشان لو حبيت تذاكر منه يبقى الكلام صح .. وان شاء الله أنزل الرابط على المنتدى .. وهكتب التنويه اللي حضرتك قلتلي عليه قبل كدا .. وبجد شكرا على محاضرات الجرامر .. ربنا يوفقك .. تسلم يا ciscoocean .. وربنا يحققلك كل ما تتمنى إن شاء الله ..

الجــــــــــــــــــــــــــــــــــــــــــزء الثاني :