حلقة دراسية ترم ثاني آداب E دور يوليو 2013 ( الجزء الأول)

[ciscoocean 0]

تسلمى يا عطر على مجهودك ... المحاضرات أتنشرت خلاص و كله تمام

[gina mikhail 0]

gina mikhail كتب:

نحو 111 بينى :

اخترالاجابة الصحيحة مما بين الاقواس مع التعليل لاجابتك

اصبت الاهداف ---------------- (كلَها اللام عليها شدة فوقيها فتحة - كلُها اللام عليها شدة فوقيها ضمة - كلها و اللام بتاعتها عليها فتحة فوقيها شدة )

هى طبعا فى الامتحان مكتوبة بالتشكيل بس لكن انا مش عارفة اكتب التشكيل على الكمبيوتر صح

يا ريت حد يجاوب علشان اعرف جاوبت صح ولا غلط فى الامتحان

[عطر الجنة 0]

dodyrefaie كتب:

شكرا يا عطر كتر خيرك هي الاسئله اللي انتي كتباها دي في المالتشر هي الاسئله المهمه اللي الدكتوره قالت عليها انها بتحبها و بتجبها في الامتحان

العفو حبيبتى لا شكر على واجب
ايوة الاسئلة دى الدكتورة قالت بتجيب منها وهتلاقيها ف التطبيقات

[عطر الجنة 0]

ciscoocean كتب:

تسلمى يا عطر على مجهودك ... المحاضرات أتنشرت خلاص و كله تمام

الله يسلمك احمد وربنا يجعله فى ميزان حسناتك

[raja s m 0]

gina mikhail كتب:

gina mikhail كتب:

نحو 111 بينى :

اخترالاجابة الصحيحة مما بين الاقواس مع التعليل لاجابتك

اصبت الاهداف ---------------- (كلَها اللام عليها شدة فوقيها فتحة - كلُها اللام عليها شدة فوقيها ضمة - كلها و اللام بتاعتها عليها فتحة فوقيها شدة )

هى طبعا فى الامتحان مكتوبة بالتشكيل بس لكن انا مش عارفة اكتب التشكيل على الكمبيوتر صح

يا ريت حد يجاوب علشان اعرف جاوبت صح ولا غلط فى الامتحان

اعتقد والله اعلم انها كلها اللي بالفتحه لانها بدل عن الاهداف فتاخذ اعربها والاهداف مفعول به منصوب بالفتحه

[Hussein1974 0]

في الاختيار التالت ياجينا اللي تحت الشدة كسرة مش فتحة.والاختيار الصح هو الأول كلَّها بالفتحة لأنها توكيد معنوي لكلمة الأهداف والتوكيد يتبع المؤكد وبما أن المؤكد مفعول به منصوب يبقى التوكيد منصوب.

[raja s m 0]

Hussein1974 كتب:

في الاختيار التالت ياجينا اللي تحت الشدة كسرة مش فتحة.والاختيار الصح هو الأول كلَّها بالفتحة لأنها توكيد معنوي لكلمة الأهداف والتوكيد يتبع المؤكد وبما أن المؤكد مفعول به منصوب يبقى التوكيد منصوب.

هو التوكيد بنفس معنى البدل ولا انا غلطانه

[lamees 0]

نهى مجدى كتب:

lamees كتب:

اقتباس :

الدكتورة دى ملهاش حل على طول تايهة مش بتحضر هتدينى ايه وبتيجى ترتجل الشرح وبتوهنا معاها المفروض انها شرحت passive

بما ان الدكتورة شرحت المحاضرة الثالثة وتوهتنا

فاسمحولي انزلكم تلخيص المحاضرة الثالثة من محاضرات الجرامر

أتمنى تعجبكم واي سؤال تحت أمركم

تسلم اديكى على التلخيص
وربنا يجعله فى ميزان حسناتك

تسلمي يا نهى
متحرمش منك يا جميل

dodyrefaie كتب:

شكرا يا لميس جزاك الله الجنه

جزانا وإياكم يا دودي
تسلمي يا قمر

[lamees 0]

السلام عليكم ورحمة الله وبركاته

إزيكم يا جماعة عاملين إيه ؟!

أنا عن نفسي مش متفائلة، حاسة بدربكة

على العموم.. ربنا يسهلها إن شاء الله

دا ملخص النحو لحد ما شرح الدكتور الأسبوع اللي فات وطبعا حذفت منه الجزء اللي قالت عطر الجنة ان الدكتور مش هيجيبه في الامتحان.. وبكدا يبقى خلصنا المحاضرة الخامسة و ماشيين مع الدكتور

اقتباس :

الجزء الخاص بالشبه الوضعى والمعنوى وغيره لن ياتى ف الامتحان
والدكتور شرح كل الاسماء المبنية وبكدة نكون اخدنا 5 محاضرات والاسبوع الجاى ان شاء الله هناخد المحاضرة السادسة

أتمنى يعجبكم وطبعا أي سؤال تحت أمركم

[dodyrefaie 0]

صباح الفل حد حل امتحان النحو البيني احسن انا محتاسه فيه عالاخر

[lamees 0]

dodyrefaie كتب:

صباح الفل حد حل امتحان النحو البيني احسن انا محتاسه فيه عالاخر

حلي للسؤال الأول في الامتحان البيني لمادة النحو على مستوى النص، وحلي يحتمل الخطأ والصواب، ومحتاج مراجعة من Hussein مشكورا طبعا

مبدئيا أنا هكتب الحل وجنبه اسم الملخص اللي ممكن ترجعوا ليه وتراجعوا كل نقطة مش فاكرينها ... أوك

السؤال الأول:

1- اسمين مبنيين وبين علامة بنائهما: ( هتلاقوها في الملخص بتاعي باسم:أنواع الأسماء المبنية )

أناْ: ضمير متكلم مبني وعلامة بنائه السكون الظاهر على آخره
حيثُ: ظرف زمان مبني وعلامة بنائه الضمة الظاهرة على آخره

2- فعلا مضارعا معربا وآخر مبنيا: ( هتلاقوها في الملخص بتاعي باسم: المبني والمعرب- الفعل المضارع )

الفعل المضارع المعرب: أقولُ
الفعل المضارع المبني: يجلْنَ

3- فعل ماضي مبني على السكون مبينا السبب: ( هتلاقوها في الملخص بتاعي باسم: المبني والمعرب- الفعل الماضي )

الفعل الماضي المبني:أردْنَ
السبب: لأن الفعل الماضي يبنى على السكون إذا اتصلت به نون النسوة

4- فعل أمر مبني على حذف النون مبينا السبب: ( هتلاقوها في الملخص بتاعي باسم: المبني والمعرب- فعل الأمر )

فعل الأمر المبني على حذف النون: توسطوُا
السبب: لاتصاله بواو الجماعة وهي أحد ضمائر الرفع الساكنة، وفعل الامر يبنى على حذف النون إذا اتصلت به ضمائر الرفع الساكنة ( ألف الاثنين، واو الجماعة، ياء المخاطبة)

5- اسما معربا بعلامة فرعية منصوبا: ( الملخص دا لسه مش نزلته لأن الدكتور لسه مش شرحه اللي عاوزه يقولي )

البناتِ: مفعول به منصوب وعلامة نصبه الكسرة لأنه جمع مؤنث سالم ويمكن القول (لأنه جمع بالألف والتاء المزيدتين)

6- اسما معربا بعلامة فرعية مجرورا: ( الملخص دا لسه مش نزلته لأن الدكتور لسه مش شرحه اللي عاوزه يقولي )

الحالتين: اسم مجرور بفي وعلامة جره الياء لأنه مثنى.

7- اسم إن في محل نصب: ( الملخص دا لسه مش نزلته لأن الدكتور لسه مش شرحه اللي عاوزه يقولي )

إنها: الهاء: ضمير متصل مبني على السكون في محل نصب اسم إن ( إن الفضيلةَ في الموقفين لهن خير وثاق )

8- مبتدأ: ( الملخص دا لسه مش نزلته لأن الدكتور لسه مش شرحه اللي عاوزه يقولي )

الشرُّ: مبتدأ مرفوع وعلامة رفعه الضمة الظاهرة على آخره

9- خبر شبه جملة: ( الملخص دا لسه مش نزلته لأن الدكتور لسه مش شرحه اللي عاوزه يقولي )

في التقييدِ: شبه جملة في محل رفع خبر

[dodyrefaie 0]

شكرا يا لميس كتر خيرك جزاك الل الجنه و تجيبي امتيازان شا الله كنت عاوزه بس اسال حاجههو يدرجن اعرابها ايه

[lamees 0]

dodyrefaie كتب:

شكرا يا لميس كتر خيرك جزاك الل الجنه و تجيبي امتيازان شا الله كنت عاوزه بس اسال حاجه هو يدرجن اعرابها ايه

أي خدمة يا جميل

يدرجْنَ: فعل مضارع مبني وعلامة بنائه السكون لاتصاله بنون النسوة في محل رفع
وقلنا في محل رفع لأن الأصل في الفعل المضارع انه ييجي معرب
ونون النسوة: ضمير مبني وعلامة بنائه الفتحة الظاهرة في محل رفع فاعل

[lamees 0]

ودا حل السؤال الثاني في الإمتحان البيني لمادة النحو على مستوى النص،، أتمنى ان شاء الله يكون صح

السؤال الثاني:

1- مثال لاسم مجرور بالتبعية:
مررت بصديق عزيز.
عزيزٍ: صفة مجرورة ( الصفة تتبع الموصوف والموصوف مجرور)

2- مثال لاسم من الأسماء الخمسة منصوب:
زرتُ أخاك.
أخاك: مفعول به منصوب وعلامة نصبه الألف لانه من الأسماء الخمسة

3- مثال لمثنى ( مش باين في الصورة باقي السؤال )
اشتريت قلمين.
قلمين: مفعول به منصوب وعلامة نصبه الياء لأنه مثنى

4- خبر جملة فعلية:
الشمس يسعدني اشراقها.
يسعدني اشراقها: خبر جملة فعلية

5- ممنوع من الصرف مجرور بالكسرة:
مررت بالرجل العطشانِ.
العطشانِ: اسم ممنوع من الصرف لأنه مختوم بألف ونون، إذا فالمفترض أن يجر بالفتحة ولكنه جر بالكسرة لدخول (أل) التعريف عليه

6- ملحق بجمع المذكر السالم مرفوع:
قوله تعالى: " المال والبنون زينة الحياة الدنيا"
البنون: ملحق بجمع المذكر السالم لأن بنية مفرده (ابن) لم تسلم عند الجمع، أي تغير المفرد عند الجمع فلم نكتف بإضافة الواو والنون فقط
وهنا جاءت بنون معطوفة على مرفوع وبالتالي فهي مرفوعة

[dodyrefaie 0]

شكرا يا لميس كتر خيرك ممهما قلت مش هوفيكي حقك في ميزان حسناتك ان شا الله بس هو لاما يطلب منى امثل لحاجه زاي السوال التاني اكتب الجمله بس و لا اكتب التعليل كمان و كتر خيرك شكراااااااااااااااااااااااااااااااااااااااااااااااااااا

[gege kh 0]

عطر ولميس بجد الشكر قليل على مجهودكم
جزاكم الله جنته امييين

[gina mikhail 0]

raja s m كتب:

gina mikhail كتب:

gina mikhail كتب:

نحو 111 بينى :

اخترالاجابة الصحيحة مما بين الاقواس مع التعليل لاجابتك

اصبت الاهداف ---------------- (كلَها اللام عليها شدة فوقيها فتحة - كلُها اللام عليها شدة فوقيها ضمة - كلها و اللام بتاعتها عليها فتحة فوقيها شدة )

هى طبعا فى الامتحان مكتوبة بالتشكيل بس لكن انا مش عارفة اكتب التشكيل على الكمبيوتر صح

يا ريت حد يجاوب علشان اعرف جاوبت صح ولا غلط فى الامتحان

اعتقد والله اعلم انها كلها اللي بالفتحه لانها بدل عن الاهداف فتاخذ اعربها والاهداف مفعول به منصوب بالفتحه

شكرا يا raga على مشاركتك فى حل السؤال

[gina mikhail 0]

Hussein1974 كتب:

في الاختيار التالت ياجينا اللي تحت الشدة كسرة مش فتحة.والاختيار الصح هو الأول كلَّها بالفتحة لأنها توكيد معنوي لكلمة الأهداف والتوكيد يتبع المؤكد وبما أن المؤكد مفعول به منصوب يبقى التوكيد منصوب.

متشكرة جدا يا حسين على الحل و الحمد لله انا حلتها زى ما انت حليتها وبكدة انا ضمنت نص درجة فى النحو و دلوقتى انا بحتفل بالدرجة دى و جبت كل الالات الموسيقية اللى عندى و قاعدة بطبل و بغنى و عاملة دوشة رهيبة فى العمارة

[gina mikhail 0]

شكرا ليكى يا لميس احنا فعلا بنبقى محتاجين نشوف نماذج للاعراب علشان نتعلم منها

[lamees 0]

gege kh كتب:

عطر ولميس بجد الشكر قليل على مجهودكم
جزاكم الله جنته امييين

دا أقل واجب يا جميل
ولا يهمك أبدا .. تحت أمرك

[lamees 0]

dodyrefaie كتب:

شكرا يا لميس كتر خيرك ممهما قلت مش هوفيكي حقك في ميزان حسناتك ان شا الله بس هو لاما يطلب منى امثل لحاجه زاي السوال التاني اكتب الجمله بس و لا اكتب التعليل كمان و كتر خيرك شكراااااااااااااااااااااااااااااااااااااااااااااااااااا

الله يكرمك يا دودي .. متحرمش من دعواتك أبدا


بالنسبة لسؤالك، فطبعا المطلوب التمثيل فقط.. لأنك طالما عرفتي تمثلي صح يبقى انت فاهمة والدكتور فهم انك فاهمة

- دا مختارين شوية أمثلة ؟!! -

بصراحة الأمثلة االمطلوبة في الامتحان دا عاوزة فعلا تركيز ومش أي حد هيعرف يجاوب عليها غير فعلا اللي مذاكر

[lamees 0]

gina mikhail كتب:

شكرا ليكى يا لميس احنا فعلا بنبقى محتاجين نشوف نماذج للاعراب علشان نتعلم منها

العفو يا جينا

علشان كدا قلتلك اعملي نموذج الاعراب الخاص بك ..

صدقيني مش هتحتاجي مذاكرة بعدها غير بسيط قوي

ولو حابة تنزلي جمل نعربها وتحفظيها وتبقي ترجعي لها .. أوك

وتحت أمرك في أي حاجة

[lamees 0]

اقتباس :

خلصنا المحاضرة الرابعة كلها وحلينا تطبيقات وقالت انها هتدينا محاضرة بدل اللى اعتذرت عنها هتكون يوم السبت 15/6

ورجعتلكم تاني بملخص الجرامر للمحاضرة الرابعة اللي نوعا ما سهلة

وبكدا نبقى ماشيين مع الدكتورة في المذاكرة

ربنا يعينا جميعا

وأي خدمة تحت أمركم

[gina mikhail 0]

كنت عايزه اعرف هو كتاب الكلتشر كله مقرر علينا ولا لا و كمان ايه المقرر علينا من كتاب النحو لان فى حاجات تانيه فى الكتاب زى التشبيه و الاستعاره و اسءله غير النحو فهل ده بيجى منه فى الامتحان

[gege kh 0]

شكرا يا لميس على الملخص
ربنا ينجحك وينجحنا جميعاا

يا جينا الكالتشر كله مقرر علينا يعنى ال7 محاضرات
اما النحو اعتقد المحاضرات 9، 10 ، 11 مش مقرر علينا
وبرده ياريت اللى عنده علم يقولنا

[Hussein1974 0]

مجهود أكتر من رائع يالميس في مساعدة غيرك وطبعا كل إجاباتك ممتازة.أتمنالك النجاح والتفوق وطبعا أتمناه للجميع.ربنا يوفقكم.

[medhate 0]

السلام عليكم ؟؟
انا عاجز عن الشكر للمجهود الرائع للأستاذة لميس ؟؟؟
مع تمنياتي بالتوفيق والتفوق

[عطر الجنة 0]

gina mikhail كتب:

كنت عايزه اعرف هو كتاب الكلتشر كله مقرر علينا ولا لا و كمان ايه المقرر علينا من كتاب النحو لان فى حاجات تانيه فى الكتاب زى التشبيه و الاستعاره و اسءله غير النحو فهل ده بيجى منه فى الامتحان

الكالتشر قالت مقرر علينا 7 محاضرات و7 تطبيقات والنحو احنا ملناش دعوة بالكتاب اصلا المقرر علينا محاضرات الصفحة بس

[عطر الجنة 0]

lamees كتب:

اقتباس :

خلصنا المحاضرة الرابعة كلها وحلينا تطبيقات وقالت انها هتدينا محاضرة بدل اللى اعتذرت عنها هتكون يوم السبت 15/6

ورجعتلكم تاني بملخص الجرامر للمحاضرة الرابعة اللي نوعا ما سهلة

وبكدا نبقى ماشيين مع الدكتورة في المذاكرة

ربنا يعينا جميعا

وأي خدمة تحت أمركم

تسلم ايدك يا جميل وربنا يجازيكى كل خير

[benno 0]

السلام عليكم لو سمحتم اى حد فى المنتدى يرفع لى نماذج اجابات امتحانات ترم ثانى جميع المواد ان امكن انا محتاجاهم ضرورى و بسرعة وخاصة نحو عربى و نحو انجليزى وجزاكم الله كل خير
benno

[dodajannaomar 0]

يا جماعة ارجوكم حد يفهمنى فعلا التطبيقات بس هى اللى نذاكر منها ولا كمان المحاضرات لانى لااستطيع الحضور

[dodajannaomar 0]

من فضلكم ياجماعة يا ريت لو حد عنده نماذج لقطع الكومبرهنشن اللى اديتها الدكتورة

[عطر الجنة 0]

dodajannaomar كتب:

يا جماعة ارجوكم حد يفهمنى فعلا التطبيقات بس هى اللى نذاكر منها ولا كمان المحاضرات لانى لااستطيع الحضور

حضرتك بتسالى عن مادة ايه؟

[عطر الجنة 0]

dodajannaomar كتب:

من فضلكم ياجماعة يا ريت لو حد عنده نماذج لقطع الكومبرهنشن اللى اديتها الدكتورة

القطع دى موجودة ف الكتاب وف محاضرات الصفحة وهى فى الكتاب صفحة رقم 17- 23- 27- 38 -55

[dodajannaomar 0]

[quote="عطر الجنة"]

dodajannaomar كتب:

يا جماعة ارجوكم حد يفهمنى فعلا التطبيقات بس هى اللى نذاكر منها ولا كمان المحاضرات لانى لااستطيع الحضور

حضرتك بتسالى عن مادة ايه ? الكلتشر

[dodajannaomar 0]

[quote="عطر الجنة"]

dodajannaomar كتب:

من فضلكم ياجماعة يا ريت لو حد عنده نماذج لقطع الكومبرهنشن اللى اديتها الدكتورة

القطع دى موجودة ف الكتاب وف محاضرات الصفحة وهى فى الكتاب صفحة رقم 17- 23- 27- 38 -55
فى ملزمة وزعتها الدكتورة فى المحاضرات
وجزاكى الله خيرا ياريت لو انتى بتحضرى ترسلى لى رقم هاتفك او ايميليك او ارسل لىكى رقمى لانى لااعرف اى حد من الكلىة وبسبب البيت والعيال لااستطيع الحضور

[shahyAhmed 0]

ارجو منك ياعطر انك ترفعى ملزمه الكومريهنشن ال الدكتورة وزعتها فى المحاضرة وكمان اعيزة اعرف عن البراجراف الى حانعملوا فى اللامتحان او نماذج مشابه لى

[dodyrefaie 0]

صباح الخير لو سمحتو ممكن حد يكتب لي امثله علي جمع بالالف و التاء مرفوع و منصوب و مجرور و ملحق بجمع المذكر منصوب بس لو سمحتو يا ريت امثله سهله لاني خلاص مش قادره افهم هحاول احفظ و شكرااااااااااااااااااااااااااااااا

[fula free 0]

السلام عليكم و كل عام و أنتم بكل خير أعزائى

يا ريت ندخل الموقع دة قــــواعـــد اللغة الــعــربــيــــة و سوف نرى مع بعض الامثلة و الشرح المفسر بوضوح قواعد اللغة العربية و سيكون هناك تبسيط إن شاء الله

بالتوفيق ....و دمـــــ تـــــم
من الترم الاول
انا قلت افكركم به

[نهى مجدى 0]

فين يا جماعة الملزمة اللى قلتوا الدكتور ادتهالكوا فيها براجرافات اللى خدتوها اخر محاضر وحد يعرف يا جماعة هى ممكن تكون بتتباع فى مكتبة عند الكلية ولا لا

[عادل الجمل 0]

ياجماعة هو مين هايحضر بكره ان شاء الله المحاضرات

[gina mikhail 0]

dodyrefaie كتب:

صباح الخير لو سمحتو ممكن حد يكتب لي امثله علي جمع بالالف و التاء مرفوع و منصوب و مجرور و ملحق بجمع المذكر منصوب بس لو سمحتو يا ريت امثله سهله لاني خلاص مش قادره افهم هحاول احفظ و شكرااااااااااااااااااااااااااااااا

بصى يا دودى تابعى الاسئلة اللى انا بكتبها على الصفحة و الاجابة اللى بيكتبها حسين ولميس صدقينى هتفيدك اوى . و انا هحاول احل جزء من السؤال معاكى بس طبعا كلامى مش اكيد صح و لازم نتأكد من حسين و لميس

مثال لجمع بالالف و التاء مرفوع

حضرت المدرسات

المدرسات : فاعل مرفوع و علامة رفعة الضمه الظاهرة

يا رب يكون صح !!!!!!!!!!!

[gina mikhail 0]

اعرب الجملة الاتية و اذكر نوع الخبر

شوقى شعره متميز

[عطر الجنة 0]

نهى مجدى كتب:

فين يا جماعة الملزمة اللى قلتوا الدكتور ادتهالكوا فيها براجرافات اللى خدتوها اخر محاضر وحد يعرف يا جماعة هى ممكن تكون بتتباع فى مكتبة عند الكلية ولا لا

اتفضلى
4shared.com/photo/5A7zHPVI/Image1.html


4shared.com/photo/5AEjkI7S/Image2.html

[عطر الجنة 0]

shahyAhmed كتب:

ارجو منك ياعطر انك ترفعى ملزمه الكومريهنشن ال الدكتورة وزعتها فى المحاضرة وكمان اعيزة اعرف عن البراجراف الى حانعملوا فى اللامتحان او نماذج مشابه لى

اتفضلى

mediafire.com view/?2qlyhy7nh47qas2

[عطر الجنة 0]

عادل الجمل كتب:

ياجماعة هو مين هايحضر بكره ان شاء الله المحاضرات

ان شاء الله انا هاحضر فى حاجة حضرتك عاوزها؟

[عطر الجنة 0]

gina mikhail كتب:

اعرب الجملة الاتية و اذكر نوع الخبر

شوقى شعره متميز

شوقى: مبتدأ مرفوع وعلامة رفعه الضمة المقدرة
شعره: شعر مبتدأ ثان مرفوع وعلامة رفعه الضمة الظاهرة
الهاء ضمير مبنى فى محل جر مضاف اليه وهى ضمير ربط يعود على المبتدا الاول
متميز: خبر المبتدا الثانى مرفوع وعلامة رفعه الضمة الظاهرة
الجملة الاسمية من المبتدأ الثانى والخبر فى محل رفع خبر المبتدأ الاول
اذن الخبر هنا جملة اسمية

[Ahmed elnadi 0]

المادة الرابعة القراءة والفهم دى على 3 لينكات
الاول mediafire.com ?nn3ua217c3qo2sy
الثانى mediafire.com ?bfb8j9cphrdtcmv
التالت mediafire.com ?gcjgspuj3odf57c

لو سمحت ياعطر الجنة اللينكات مش شغااالة
وبشكرك على المجهوود الكبييير

[nour elgannah 0]

لو سمحتوا بكرة فية محاضرات شغالة عادى ولا اتلغت ؟؟؟

[عادل الجمل 0]

عطر الجنة كتب:

عادل الجمل كتب:

ياجماعة هو مين هايحضر بكره ان شاء الله المحاضرات

ان شاء الله انا هاحضر فى حاجة حضرتك عاوزها؟

عايز اعرف الملازم بتتباع فين انا رايح ان شاء الله يوم. السبت وجزاكى الله خيرا