ما انا بنزار

[احمد ياسين 0]

[url=http://www.ممنوع وضع روابط الفيس بوك /ahmed.yaseen1/posts/10151258878137808?comment_id=24933070¬if_t=feed_comment#][/url]

• 
  
  
  
  ما انا بنزار بس انتى بقى بلقيس
  طب ممكن تقبلينى اكون ليكى انيس
  دانتى الحياه ومافيها
  وياكى ببقى عريس
  وفى بعدك انتى سيدتك
  ببقى انسان تعيس
  انتى نور الحياه ومصباح جنتى
  انتى من الاخر روحى و يا دنيتى
  الفرح بيكى بيكمل كا البدر يوم الكمال
  والضحك بيكى بيكتر مانتى حبيبتى الامال
  والحزن يبقى ف بعدك اضعاف على اضعاف
  وان جيتى يبقى الحزن اطفال صغيره لوطاف
  مانا بنزار وفى الشعر بتعلم
  لكن فى حبك انتى استاذ ومتعلم
  اتقان كل اللغات وكمان كل الهمسات
  كل الضحك حبيبتى وكمان كل السكات
  حبك فى قلبى يزيد وكل يوم فى جديد
  مانتى مرسى سفينتى وانتى حبى الوحيد
  فى الشعر بكتب انا بقلمى على ورقه
  لكن فى حبك انتى قلبى بقى الورقه
  ما انا بنزار لكنى انا انسان
  بحتاج لشوق ديما وكمان حبه حنان
  وفى حبك انا لجاء وقلبك الاوطان
  وان كنتى يوم عصفور فهون انا اغصان
  وان كنتى يوم مجروح اكون طبيب كمان
  ياصوت بيصرخ فى القلوب يخرج الضحكه
  ياصوت ينادى فى الدروب يفرق الفرحه
  ياقلب ابيض من البيضا مليان ورود
  ياعطر يملى الكون بمسك ويعطر الوجود
  ما انا بنزار ولكنى انا ياسين
  وبعترف فى قصيده انى من المغرمين
  لا كنت يوم فارس ولا كنت يوم قائد
  لكن فى حبك انتى تجف كل القصائد
  بلقيس يا نور الشمس يا زهرة الاوطان
  يا ملاك وساكن القلب بدون اى جدران
  
  كلماتى /احمد ياسين
  
  

[KoTTa Koky 0]

احمد ياسين كتب:

• 
  مانتى مرسى سفينتى وانتى حبى الوحيد
  

مش عاجبـــــــــــــــانى الكلمة دى

[yassmin 0]

[احمد ياسين 0]

اوك نغيرها يا كوكى بدل مرسى نخليها مينا
بس ليه مش عجبكى عشاتم مرسى
شكرا يا سمينه على مرورك الكريم

[KoTTa Koky 0]

أيوة ممكن مينـــــاء

لكن مرسى ايه وبتاع ايه

فى اللى هو بيعملوا فينا دا

حسبى الله

[احمد ياسين 0]

ههههههههههههههههههههه
معلش كوكى
بكره شايل نهار يستاهل المشوار
محمد منير

[KoTTa Koky 0]

ربنا يسترها علينا من بكرة والله يا ياسين

[احمد ياسين 0]

امين يارب عايز اشوف كلمات ليكى عن الاحداث بقى ياكوكى