211- قراءة وتعبير (1) - التيرم الثالث 2012 م

[أمجد1 0]

طبعا انتوا عرفتوا ان الشخصية اللي بنلعب بيها كاتب وباحث علمي من كثر القراءة
والبنت شاعرة

المهم غنوا اغنية
البنت: انا باحب الريف انا باحب الريف

الولد: وانا باحب المدينة وانا باحب المدينة

ولو تلاحظا البنت غنت قبل الولد فعشان كدة الشاعر يسبق العالم

نستنتج ان الريف ملائم للشاعر والمدينة بصخبها ملائمة للباث العلمي

المهم دخل الولد الصغير وهم بيغنوا قال الللللله ايه دة
انتي بتغني دة معبرة اوووييي وبتعبري عن الذات الانسانية
وعاطفية

ابو الولد: عاطفية ايه دة انت طلعت مابتفهمش حاجة

المهم البت انفعلت
لكن الولد قالها لا لا ما تزعليش انا عندي رغبة اسمعك وانتي بتغني

بدل الهم اللي باخده من المدرسة الفيزيا والكيميا

وحسبه عند الرومانسي انه المعبرة عن الذات الانسانية والعاطفة والانفعال والرغبة واهم من الفيزياء والكيمياء

[أمجد1 0]

أسلوب الإستفهام

حروف الإستفهام

الهمزة

للسؤال عن مضمون الجملة المثبتة

ودة خادنا مثا عليه لما الولد قعد يقرا كتب والقعدة جابتله الفشل

أيعوق العلم مجرى الحياة؟

الجواب يكون بنعم او لا
نعم للتصديق: نعم , يعوق العلم مجرى الحياة
لا للإنكار: لا , لا يعوق العلم مجرى الحياة

للسؤال عن مضمون الجملة المنفية

ودة خادنا مثال عليه لما الواد والبنت قعدوا يعايروا بعض

أليس لكل شئ معيار يقاس به؟

الجواب يكون ببلى او نعم
بلى للتصديق: بلى, لكل شئ معيار يقاس به
نعم للإنكار: نعم , ليس لكل شئ معيار يقاس به

تعيين واحد من شيئين او اكثر بإستخدام أم المعادلة

دة بنطلعه من مشهد البرواز اللي في مظهر الريف

أيحب الرومانسي الريف أم المدينة؟
يحب الرومانسي الريف

[أمجد1 0]

طريقة الكشف في المعاجم والقواميس

ارجاع الكلمة الى الصورة الفعل

فعل

يسمع : يفعل

اسمع : افعل

سماعة : فعالة

سامع : فاعل

مسموع: مفعول

استماع : افتعال

تسميع : تفعيل

عند مسح احرف الزيادة
نحصل على الوزن فعل في كل الكلمات

[أمجد1 0]

الكشف في المعجم الوسيط

الطالب عايز يدخل الفصل ومعاه كتاب في ايده المدرس قاله لا مش هادخلك الا اما تفتح الباب
وتقفل الفصل اللي جمبينا مع الفصل اللي جمبيه امشي يا معفن اقفل الفصلين زي ما فتحتهم


البحث عن كلمة
سمع
س م ع

الولد هايعمل ايه؟
هايفتح باب السين ويقفل الفصل اللي جمبينا فصل الميم مع اللي جمبيه العين

يبقى
باب السين فصل الميم مع العين

الكشف في القاموس المحيط

طبعا انتوا عارفين ان غرفة المدرسين دايما بتبقى موجودة في اخر الممر وعلى الجنب كلهاا فصول
المهم الطالب راح غرفة المدرسين وخاد منها قاموس انجليزي عشان يترجم كلمة
اصل القواميس محطوطة في غرفة المدرسين عشان المدرسين بيستعملوها

فالواد دخل الفصل بالقاموس
وهم فصلين المرادي
اولى 1 واولى 2 واخر باب بتاع غرفة المدرسين
الواد في اولى 1

دخل الفصل المدرس بيقوله امشي يا معفن روح رجع القاموس في باب غرفة المدرسين (الباب الاخير عشان غرفة المدرسين اخر حاجة) وبعدين تعالى ادخل الفصل

البحث عن كلمة
سمع
س م ع

الولد هايعمل ايه؟
هايرجع القاموس للباب الاخير بتاع غرفة المدرسين ويرجع يدخل الفصل بتاعه الاول

يبقى
باب العين فصل السين

[أمجد1 0]

ايه رأيكوا بقى؟

[أمجد1 0]

عشان محدش يتلغبط بين المجم والقاموس
افتكروها كدة
القاموس الواد راح جاب قاموس من غرفة المدرسين الموجودة في الاخر وهو اخر باب ورجع الفصل الاول
هههههه
ايه رأيك يا yascro??

[الشخصية 0]

اللة ياامجد عليك ماشاء اللة ربنا يحميك

[أمجد1 0]

والمعجم الوسيط هو هو المعجم الوجيز

ولسان العرب هو هو القاموس المحيط

[أمجد1 0]

وعشان كمان ماتتلغبطوش في لسان العرب وتقولا
اممممممم هو دة من ضمن المعاجم ولا القواميس
لا بصوا بقى

الواد لما دخل بالقاموس الفصل المدرس بيقوله انت جبته منين؟
الواد: جبته من واحد صحبي من اولى 2
المدرس: انت كداب وريني كدة

المهم المدرس لقى اسمه هو القاموس بتاعهم اللي بيستعملوه
المدرس: انا بقى هاقطع لسانك دة اللي بيكدب
مانت عربي صحيح
لسان العرب

روح يا معفن رجع القاموس غرفة المدرسين في الاخر... آخر باب

[أمجد1 0]

مفارقة بين الرومانسي العربي والغربي

في الحلقة دي ظهر ابن البنت
لو قارننا بين الولدين هانلاقي ان ابن الراجل مخلص وابن البنت كداب

الراجل: الولد دة على طول بيقولي باحبك تصدقي

البنت: لا دة منافق دة بيقولك كدة ادامك ومن وراك مابيحبكش

الولد: لا لا انا مش منافق انا جاي من عقيدة صادقة مش باوري الناس

راح فجأة الناس اللي ساكنين في المكان قعدوا يقولوا محدش كدة بيحبنا كله بيكرهنا وكان بينهم شعراء راحو قايلنلهم ايوة احنا بنكرهكم واحنا محدش بيحبنا بردوا وحصل بينهم تناقض

راح الولد الصغير ابن الراجل جاي وقالهم بس بس : انا باحبكم كلكم

وبكدة
الرومانسي المخلص يصدر عن عقيدة صادقة دون رياء والرومانسي العربي قادر على هضم التناقض بين الشاعرية وسكنى المدينة الصاخبة

[أمجد1 0]

بعد كدة عارفين ايه اللي حصل؟

دخل زمبي كتيير اوووووي قاكوا هاجمين على المكان التاني اللي هو الريف ناس ساكنة في الريف
وقلبوا الكمبيوترات والمصانع وكل حاجة والحاجت اللي كانوا مصنعينها
(وخلوا بالكوا الريف بردو كان عندهم بيوت جوة وحاجات مصنعنها)

ودة خلى ناس كتير هربت من الريف الى المدينة

لكن الشعراء قاموا باصين على المنظر وغضبوا وماسكين الكاميرات وصوروا المكان وصوروا امصانع بهوائها الخانق ورفضوا يروحوا المدينة اللي عملها الشيطان

يبقى
ادى الانقلاب الصناعي في انجلترا في القرن الثامن عشر الى هجرة الريف الى المدن ولكن غضب الشعراء وصوروا المصانع والآلات بهوائها الخانق ورفضوا حياة المدينة التي اقامها الشيطان

[أمجد1 0]

وقالوا طب احنا مش ماشين من هنا وهانبنيكل حاجة تاني
وتشبثوا للعيش في الريف

اما العرب اللي هربوا مكنوش ثابتين على رأي
اممممممممم نقعد ولا نروح المدينة نقعد ولا نروح؟؟؟
راحوا رايحين المدينة

اما العرب لم يوفقوا بين القول والعمل , الساخطون على مادية الحضارة هم الاكثر انتفاعا بنتائجها

[أمجد1 0]

وطبعا الناس اللي في الريف اللي قعدوا ماهربوش طبعا عايزين يخلوا الريف جميل
وطبعا زي مانتوا شايفين حياتة المدن الوقتي مطوةة وكل حاجة فيها منظهرا جميل في لندن وامريكا
فنستنتج ان
الأعلى صوتا في الدعوة الى جمال الريف وسكونه قد يكون هو الاعمق انغماسا في حياة المدينة

[أمجد1 0]

واخيرا
كان فيه ناس بترسم وعمالين يفكروا في جمال الريف وناس تانية زومبي والراجل والبنت اللي بنلعب بيهم وحصل تعارض

فجأة ظهر واحد فلسفي قال خدوني معاكوا انا كمان معترض

وليس هذا التعارض مقصورا على اهل الفن والادب ولا على عامة الناس بل على مستوى الفكر الفلسفي

[marina 0]

thank you

[أمجد1 0]

يبقى خلي بالكوا والله الكلام دة والمشاهد دي هاتسهلكو جداااااااااااا ونسبة كبيرة اوي في الحفظ وتذكر محتوى الدرس

احنا في الدرس خدنا كام مشهد؟؟؟

( 1 ) المشهد بتاع الولد مشغول بالبحث والقراءة والبنت بتموت الزومبي ودى ادى الى فضل الولد
والولد والبنت قعدوا يعايروا بعض

( 2 ) وفي نفس المشهد كان بيقفرقوا بين القلب والراس

( 3 ) لما االولد دخل لقى كمبيوترات كتير ولمسهم بايده

( 4 ) المشهد اللي الولد والبنت خرجوا لقوا ناس كتير وبينهم راجل ذو حكمة لحد الحتة اللي فيها الشعر

( 5 ) المشهد لما الولد ابن الراجل عمال يزق نفسه على ابوه ودة بتاع الرومانسية بمعنى الاندفاع الغريزي لحد ماراحو الغرفة

( 6 ) تكملة المشهد السابق لما بصوا على براوز المظهر الريفي

( 7 ) مفارقة بين الرومانسي الغربي والعربي لما البنت بتقول للراجل انه الولد مابيحبكش وبيضحك عليك

( 8 ) فجأة الزومبي قلب المصانع اللي في الريف


وبكرة اخر نقطة واكون خلصت الدرس

[somya 0]

امتحان 2011



اولا نبدأ بالعربي قراءة وتعبير 221


اجب عن سؤالين فقط مما ياتي
السؤال الاول صح وغلط

1 تغني الكتب عن تجارب الحياة- في رأي العقاد
2 ابرز ما ابدع طه حسين دواوينه الشعرية
3 يرى طه حسين ان الادب العربي يتقدم على الادب اليوناني
4 يرى الزيات ان الحواس جميعا تتساوى في الاحساس بالجمال
5 استعادت الفنون التشكيلية المصرية مجدها في عصر محمد على
6 ولد العقاد سنة 1889 وتوفى عام 1964
7 يرى العقاد ان اقوى عاطفة انسانية هي عاطفة الحب المتبادل بين قلبين
8 يرى طه حسين ان اللغة الفارسية مدينة للغة العربية
9 عند الزيات انه الخصائص المميزة للجمال هي الوفرة , القوة, والجمال
10 لم تتخلف المرأ المصرية عن ممارسة الفنون الجميلة

السؤال الثاني اكتب في موضوع واحد مما ياتي مع عرض وجهة نظرك
1 لماذا هويت القراءة للعقاد
2 الادب العربي ومكانته بين الاداب العالمية الكبرى لطه حسين
3 قي الجمال لاحمد حسن الزيات

السؤال الثالث اكتب في موضوع واحد مما يلي
1 ثورة 25 يناير في مصر .. المقدمات... والنتائج المتوقعة
2 تحدث عن الترجمة من حيث : ما هيتها ومهمتها وادواتها
3 الحضارة الاسلامية اهم خصائصها وملامح مستقبلها

[omnia ok 0]

مستر امجد بجد شكرا ليك جدا على الطريقه المبسطه والسهله دي حتى وانا اعده لوحدي كده اقدر افتكر انا ذاكرت ايه

بس معلش عندي سؤال وطلب رخمين شوية :D

ممكن حضرتك توضح بس انت شرحت ايه وباقي ايه على المنهج؟
يعني بس تقول عنوان الكلام اللي شرحتو دا ايه

مش عارفه فاهمني ولا لا بس حاول

عشان تساعد الناس اللي تايهه زيي :D

[أمجد1 0]

انا شرحت
درس محمد عبده والتجديد
درس ازمة العقل
ادوات الاستفهام
البحث في المعاجم

[omnia ok 0]

شكرا :D

[Gandhi 0]

روعة!!!!!

الشرح جميل جدا شكرا ليك استاذ امجد
ربنا يسرتها بقى فى الامتحانات

[RФMaйt!c_QuêN 0]

"بس ممكن اعرف هو لسه فاضل حاجات تانيه متشرحتش و مقرره علينا ولا كده خلاص استاذ امجد شرح كل حاجه ولو فاضل حاجه ياريت اعرف ايه هى"

[BeSTeM 0]

السلام عليكم
انا نزلت ال7 محاضرات اللى موجودين فى صفحتى
يا ترى اذاكر السبعه كلهم ولا فيه محاضرات ملغيه؟!!
ويا ريت حد يقولى اركز على أنهى محاضرات بالظبط او الدروس المهمه اللى اذاكرها
سورى بادىء متأخر شويه :D

[BeSTeM 0]

سورى هما 10 محاضرات مش 7
غلطه مطبعيه

[أمجد1 0]

عامة هم 4 دروس فقط

(1) محمد عبده والتجديد

(2) ازمة عقل

(3) الفكر الانساني

(4) الشعر واصول التجديد

والنحو اي حاجة في النحو ممكن تيجي...
وان شاء الله يجيبوا في الامتحان حاجات بسيطة تعرف تتحل..

[somya 0]

على فكرة يا امجد
معلومة لوجه الله

دي كانت نفس الدروس الي متحددالي اذاكرها في السنة الي فاتت

وجت لي في الامتحان
محمد عبدة والفكر الانساني أظن انه كان سؤال عن التفكير وان ربنا سخر الحيوانات لينا وكدا


عالعموم ربنا يوفقكوا
وتنجحوا ويفرحكو

وينجحني انا كمان

[RФMaйt!c_QuêN 0]

[RФMaйt!c_QuêN 0]

معلش انا عارفه انى بتقل عليك بس انا سألت ناس قالولى الشعر واصول التجديد مش مقرر علينا المقرر العرب ف الجزيره العربيه و ولاء ف الصفحه التالته كاتبه كده انا توهت كده طب حضرتك متأكد ولا ايه ؟؟!!!!!!!!

[أمجد1 0]

انا بصراحة مشعارف انا من الاخر هاذاكرهم الخمسة وخلاص

[RФMaйt!c_QuêN 0]

تصدق اريحلنا بلا وجع دماغ

[Walaa El-moataz 0]

اللى اتشرح لحد دلوقتى فى الكليه
محمد عبده
ازمه عقل
الفكر الانسانى عند ابن خلدون

وهيشرح المرة الجايه ان شاء الله درس الشعر

لكن العرب فى الجزيره ناس كانت قالت انه اتشرح الترم اللى فات مش الترم دا
فمحدش يتلخبط

[somya 0]

العرب في الجزيرة كان مقرر الترم الي فات

لكن الترم دة معرفش والله

[RФMaйt!c_QuêN 0]

شكراااااااااا ليكم كلكم على مساعدتكم لينا

[somya 0]

العفووووووو

[ashrafahmy 0]

انا اتفرجت النهارده على المراجعه النهائية على قناة الجامعه و هو راجع المحاضرة رقم 10 بس في موضوعات القراءة قرأ كله ماعدا درس ابن خلدون
بس الباقي كله قراه
ربنا معانا كلنا

[monamohsen 0]

انا امنحنت قراءه وتعبير211 بينى وانشاء الله هانزل لكم امتحان بينى اكتوبر 2012

[abo nooh 0]

ونحن بانتظارك / منى محسن

وجزاك الله خيرا

[monamohsen 0]

4shared.com/account/home.jsp?sId=zu2IWftaXq82NEKp&&fau=1&ausk=DGNgJdPM56RvFu0M&hlfid=2384545654#dir=165822778

[monamohsen 0]

If the link is ok please reply because i don't know how to upload pic of exam

[abo nooh 0]

منى لما نضغط على اللينك تفتح صفحه

ثم نضغط على تخطي الاعلان تطلع صفحه اخرى تحتاج الى اشترااكات

وهذا ما لا نعرف نتواصل به

أحيانا ينزل الاخوه الورقه بطريقه سهله

هل يمكن رفعها بطريقه اسهل

او من خلال الفيس بوك

شكرا لك كثيرا على جهدك ونفع اخوانك

[abo nooh 0]

sure it is ok



but some complex step i dont how download it ?

[abo nooh 0]

or via facebook

thanks

[monamohsen 0]

بالمرفقات الاختبار

[monamohsen 0]

i wish the exam was shown

[monamohsen 0]

امتحان دور اكتوبر 2012 بينى
اجب عن السؤالين الاتيين:
السؤال الأول:
الفرق بعيد بين من يركن إلى عقله ومن يركن إلى وجدانه، فأولهما يعلم أن أحكامه معرضة للخطأ،ولذلك تراه لا يكف عن مراجعتها، ثم هو لا يغضبه أن يظهر له فى الناس من ينبهه إلى مواضع الخطأ فى تلك الأحكام. وأما ثانيهما فلأنه واهم فى ظنه بأن إدراكه الوجدانى منزه عن الخطأ تراه يقدم إقدام الواثق, ويصم أذنيه عن نقد الناقدين ، وعندئذ قد تدهمه الدااهيه من حيث لا يحسب حسابها.
(أ‌) اشرح الفرق بين من يركن إلى عقله ومن يركن إلى وجدانه فى رأى زكى نجيب محمود.
(ب‌) استخرج من الاسطر السابقه مصدرا مؤولا ,ووضحه , واذكر موقعه من الاعراب.
( ج) أعرب ما تحته خط .
السؤال الثاني:
وحين صرح الفرزدق بأن شعره هبة من أسلافه النوابغ لم يكن يفتخر فحسب بوقوفه على الشعر القديم وعلمه به، وإنما كان أيضًا يحدد أسس العمل الفنى، ويضع مفاتيح الفن فى أيدى الناشئة من الشعراء. ولا يستطيع أحد أن يدعى أن هذه الهبة جعلت من الفرزدق تابعًا لأسلافه أو طبعة منهم، ولكنها- فى حقيقة الأمر – هى التى خلقت منه عبقرية فذة فى تاريخ شعرنا العربى...
أ ) مالذى فهمته من تصريح الفرزدق فى هذا النص؟
ب) كيف تكشف عن هذه الكلمات فى المصباح المنير :
هبة , وأسس , والناشئه ,و يستطيع, و فذة.

-------------------------


وفقكم الله الى الصواب,,,,

[monamohsen 0]

واللى متأكد من الاعراب الصحيح ياريت يفيدنا

[abo nooh 0]

بارك الله فيك نزلت الاختبار

اشكرك منى محسن

[abo nooh 0]

المشكله بان الاعراب المفروض ان الكلمات تحتها خط

وليس يوجد كلمات تحتها خط بالنص

و شكرا لك منى

[abo nooh 0]

يا ريت تحدد الكلمات المطلوب اعرابها لانها مش تحتها خط

وشكرا منى

[monamohsen 0]

كلمات الاعراب هى
يركن
الاحكام
أذنيه
حيث