اذهب الي المحتوي
أحلى نادي لأحلى أعضاء
البحث في
  • المزيد من الخيارات...
عرض النتائج التي تحتوي على:
إيجاد النتائج في:

مجموعة عامة  ·  24130 اعضاء

حفظ
نادي جامعة القاهرة للتعليم المفتوح
أمجد1

211- قراءة وتعبير (1) - التيرم الثالث 2012 م

Recommended Posts

لكل اللي حابب يمشي على نفس النظام دة
كل يوم خلال الأسبوع هاذاكر نقطتين من نقاط الكاتب


بحيث أن نخلص الكلام دة كله نهاية الأسبوع قبل المادتين الجايين بتوع الجمعة الجاي إن شاء الله

الأستاذ دكتور محمد أمين

أهم معالم شخصيته

1- طلعه
كان كثير التطلع والإطلاع

2- واعيا
يدرك ما يطلع عليه أو يتطلع إليه

3- حر الفكر
لا قيد يمنعه من إعمال عقله

4- واسع الأفق
يرى من التصورات أبعد مما يراه غيره

5- محيطا بأهم ما تنتجه قرائح المفكرين الغربيين


أهم مجالات إهتمامه

1- نشر العدالة الإجتماعية بين الطبقات
2- نشر الثقافة بين الفقراء
3- الإصلاح السياسي
4- الإصلاح الديني


وعشان انتو اتأخرتوا في وضع اللي اتشرح في الجامعة فامذاكرتش حاجة يوم الجمعة ولا السبت
فاهنذاكر تلات نقط

أبرز صورة لشخصيته

1- المجدد والمناضل
الذي برز وفي نفسه الشوق إلى نصرة الحق أينما كان

2- ثورة مشبوبة على الباطل والجمود والفساد والإستبداد

شارك هذه المشاركه


رابط المشاركه
شارك
جزاني الله واياك يا حمدي

في لعبة على الكمبيوتر وعلى الجهاز اللي اسمه بلاي ستيشن لو تعرفوه لعبة رعب كدة اسمها
Resident Evil
وليها عدة اجزاء كل ماينزل جزء جديد ينزلوه على اسطوانة لوحده
اللعبة عبارة عن انك بتلعب بشخص راجل او بنت وطول اللعبة بتحل الغاز زي مثلا باب مقفول محتاج مفتاح , باب مثلا بيبقى عليه اربع رموز فتحات كدة والمطلوب انك تدور عليهم وبعدين تحطهم عالباب علشان يتفتح وطول اللعبة بتقابل حاجة اسمها زومبي Zombie وتموتهم

انا هاحاول اعيش معاكو دور العبة دي علشان احاول اوصل واسهل المعنى والحفظ للمحاضرة دي

ودي صورة للعبة اللي هانلعبها



اول حاجة

اهم معالم شخصيته

1- الراجل اللي بنلعب بيه دخل غرفة ولقى طاولة عليها ورق كتييير كتيير اوي وقعد عالكرسي يقراهم واحدة واحدة واكتشفنا ان اللاعب دة كثير التطلع والإطلاع


2- دخل الأوضة فجأة واحد من الزومبي وضرب الشخصية والشخصية راحت واقعة عالارض وداخ لكن قام بسرعة ونفض نفسه وماسك ورقة في ايده وبالرغم من انه الزومبي ضربه ووقعه لكن لسة الشخصية واعي يدرك ما يطلع عليه


ايه رأيكوا بقى؟

شارك هذه المشاركه


رابط المشاركه
شارك
3- دخل الأوضة البنت اللي هاتلعب معاك وراحت قايلاله انت بتعمل ايه ايه اللي انت بتقراه دة انا عارفة كتاب فيه معلومات كتير اوي عن الكنز اللي بندور عليه راح قايلها لا مش عايزة اقرا كتب راحت قايلاله طب ايه رأيك في الإسطوانة دي نحطها في الكمبيوتر ونشوف هايطلع فيها ايه يمكن نلاقي مكان الكنز ولا حاجة راح زاققها وقايلها يا ستي ما تحكمنيش في اللي انا باعمله ودة بيعرفنا ان الشخصية حر الفكر لا قيد يمنعه من إعمال عقله


4- راحت البنت قاعده عالكرسي ادامه وقالتله طب خلاص انت حر انا هاقعد اقرا انا ومشهاقولك على مكان الكنز لو لقيت المكان في الكتاب وعامة انا احسن منك في القراية وعندي طول صبر , راحت البنت ماسكة كتاب ومسافة ما فتحت اول صفحة ولسة هاتقرا اول سطر راحت قايله اووف دة كتاب كبير اوي مش قارية حاجة وقفلت الكتاب والشاب لسة قاعد بيقرا في الكتاب ودة بيعرفنا ان الشخصية واسع الأفق يرى من التصورات ابعد مما يراه غيره

لأن للأسف لو تلاحظوا البنت غير واسعة الأفق وزهقت من قراية اول صفحة

3- وبعدين الراجل اللي بنلعب بيه راح ماسك الورق كله والكتب كدة بايده ومكوش ومحوط عليهم زي اللي ملهوف عالفلوس ادامه ومشعايز يسبها ودة بيعرفنا ان الشخصية محيطا بأهم ما تنتجه قرائح المفكرين الغربيين

انتهى المشهد الأول

شارك هذه المشاركه


رابط المشاركه
شارك
ايه رأيكوا في اللعبة دي؟

ايه رأيكو نلعبها كل يوم ساعة
انا عن نفسي هالعبها لحد مالاقي نفسي حفظت المشهد والنقط ثبتت في دماغي

يبقى بكدة يوم الامتحان مش هانمل ابدا وهانعتبر نفسنا بنلعب لعبة ونعيش معاها

شارك هذه المشاركه


رابط المشاركه
شارك
المشهد الثاني
أهم مجالات اهتمامه

1- راحت البنت خرجت من الأوضة وراحت غرفة رقم 113 لقت بنت تانية في الأوضة وادامها صندوق هي كمان بتدور على كنز راحت البنت اللي بتلعب معانا تتخانق معاها وبتقولها انا الصندوق دة كنت بدور عليه من زمان راحت قايلالها لا دة من نصيبي انا ردت عليها تقولها لا من نصيبي انا راح داخل الشخصية بتاعتا الأوضة وشافهم بيتخانقوا ومسافة ما سمع الحوار راح قايلهم لا انتي ولا هي , خلينا نتعامل بالعدل واحدة منكم تفتح الصندوق واللي يطلع تقسموه على بعض وبكدة نستنج ان الشخصبة من ملامحه نشر العدالة الإجتماعية بين الطبقات

2- وبعدين خرجنا من الأوضة لقينا راجل عجوز اوي وهدومه مقطعة وقاعد عالارض ماسك خريطة وعليها كلام والراجل كان عطشان اوووي وهايموت من العطش والخريطة دي فيها مكان فيه برادة مية بس الراجل مش عارف يقرا الكلام ومشعارف يقرا اسم المكان لأنه جاهل راح جاية شخصيتنا وعلمه ازاي يقرا وبكدة يكون الشخصية من مجالات اهتمامه نشر الثقافة بين الفقراء

3-
الراجل اللي بنلعب بيه اصلا مكتوب على التي شيرت بتاعه من ورا VIP بتوع مخابرات خرجنا من الفيلا لقينا رجال تانية بتوع مخابرات عمالين يتخانقوا مع بعض وتناقشوا في السياسة عن الوحش اللي هايهجم عالفيلا بعد شوية رحنا جايين وقلنالهم يا جماعة انتوا بتتخانقوا ليه الوحش مش جاي خالص وهدى الامر وصلح بينهم وبكدة يكون الإصلاح السياسي

4-
طبعا انتوا عارفين اشتغالات الالعاب دي والناس اللي بيعملوها وكل واحد عنده رأي ويلعبوا في الدين وينسبوا الكون لإله على على مزاجهم راح المخابرات اللي واقفين بيقولوا الوحش اللي هايجي دة واسمه Nemisis (تم التعديل - لا يجوز ادخال اسم الله في القصص والخرافات وحتى التمثيل او الاغاني)

, راحت الشخصية اللي بنلعب بيها قايلهم لا هذا اعتقاد خاطئ, الإله هو الله

وبكدة يعمل على الإصلاح الديني

شارك هذه المشاركه


رابط المشاركه
شارك
لو نستوا بقى كمان بعد اللعبة اللي انا عملتها دي
اشتريلك ميموري كارد لتخزين اللعبة وخزنها في المكان اللي انت وقفت عنده واما ترجع تشوف انت وقفت فين


شارك هذه المشاركه


رابط المشاركه
شارك
والله انا شايف ان النظام الجديد دة حلو اوي ومفييد جدااااا للناس اللي بتكسل تذاكر ولا حاجة وبتكسل تفتح المحاضرات وتتخض من الكلام الكتير مشعايز تذاكر من الكتب والورق خلاص افتح العبلك بلاي ستيشن شوية وهاتروح الامتحان عارف تحل عالاقل بعد اللعبة دي

شارك هذه المشاركه


رابط المشاركه
شارك
طب اتصدقوا والله اني نسيت اللي انا حفظته
بس عارفين باسمعهم ازاي؟

باتخيل خطوات اللعبة دي وبعدين باستنتج المعلومة او النتيجة اللي على كل خطوة
آه والله

يعني الخطوات مثلا

1- دخلنا لقينا كتب قعدنا نقراها
2- دخل وحش ضربنا وقعناا عالارض وقمنا تاني
3- دخلت بنت تقولنا نقرا ايه لكن احنا عايزين نعمل اللي احنا عايزينه ودي حرية الفكر
4- راحت البنت قعدة تقرا هي وزهقت من القراية
5- رحنا محوطين عالكتب بايدنا

6- البنت خرجت ودخلت غرفة تانية ولقت بنت واتخانقوا على الصندوق ودخلنا عشان نعدل بينهم

7- خرجنا لقينا راجل قاعد مشعارف يقرا اسم المكان اللي هايشرب فيه رحنا معلمينه القرياة ودليناه عالمكان

8- خرجنا حلينا مشكلة السياسة مع رجال المخابرات اللي برة
9- حلينا بردو مشكلة الفكر والاعتقاد الديني الخاطئ عندهم وقلنالهم ان الإله هو الله

شارك هذه المشاركه


رابط المشاركه
شارك
الدروس المستفادة من شخصية الإمام

(1)
دي بنجاوب عليها من المشهدين
الأول: بتاع لما دخلت البنت على الولد وهو قاعد بيقرا وقالتله اقرا كذا وقالها لا انا حر وبنستفاد من كدة حرية الفكر

الثاني: لما البنت زهقت من قراية الكتاب وقفلته واستنتجنا ان الولد بيتميز بسعة الأفق وخلقة اوسع من البنت

(2)
ولأن طول اللعبة الولد عمال يبذل جهد ويشتغل يدخل غرفة ويخرج منها ويدخل غيرها ويروح يقتل الزومبي ويدور على مفاتيح وحاجات ويقرا كتب ويتعب يبقى نستفاد من كدة
العمل وبذل الجهد من الشباب المبكر الى الشيخوخة

كيف كانت شخصيته مثالا للفكر المستنير والإصلاح السياسي؟

خلينا نقول السؤال دة بلغة اللعبة شوية
فاكرين الإصلاح السياسي دة بتاع انهي مشهد؟؟
لما خرج الولد لقى رجال المخابرات الفي اي بي بيتناقشوا عن الوحش نيمسيس اللي حطيتوا في الصورة وبيتخانقوا عودة يقول هايجي بعد شوية ودة يقول لا مش هايجي ولما جه الولد حل المشكلة بينهم وبكدة عمل على الإصلاح السياسي

يبقى ممكن نقول

كيف كانت شخصية الولد مثالا لفكر المستنير بتاعه اللي استخدمه في حل مشكلة رجال المخابرات؟

1- الولد ماكنش بيقف ويستسلم ويسبهم ويمشي يعني ويخلي الدنيا تولع في بعضها لما بيسمع رجال المخابرات بيقولوا مصطلحات وجمل ويرددوها ويتخانقوا بيها لا دة بالعكس كان بيفهمها واحدة واحدة ويدقق فيها وبيخزنلهم بكدة علشان يرد عليهم ويحل المشكلة
المصطلحات اللي هي كلمة نمسيس والجمل والعبارات اللي لما يقعدوا يقولوا:
نمسيس سوف يأتي بعد قليل
مش دي جملة بردو؟؟

يبقى شخصيته كانت
1- عدم الوقوف عند مجرد حفظ المصطلحات والتعريفات والجمل والعبارات
2- السعي وراء فهمها والتدقيق فيها وفهم مدلولاتها ومعانيها

انا جبت كلمة التدقيق فيها من عندي هههه , علشان بيدقق في كلامهم
شفتوا بقى العملية ماهي مش مجرد حفظ ازاي
اهو لما طبقنا الكلام على لعبة واتخيلناه بواقع لعبة لقينا نفسنا بنستنتج اللي بيحصل

تطبيق ذلك

حد بقى يعرف يقكرلنا في النقطة دي من خلال اللعبة؟؟
تعرف يا HAMDY
هههههههه
ماهي مابقتش قراءة وتعبير بقى ههههه ممكن تلعب معانا بردو ههههه
ازاي الولد كان بيطبق الكلام دة؟؟
يعني ازاي كان بيطبق شخصيته وازاي يحافظ عليها يعني لو قلناها بلغة اللعبة؟؟

الولد عايز يحافظ على شخصيته ويستمر على كدة يعني لما يشوف مشكلة يقدر يحلها , تفتكروا هايعمل ايه؟؟؟

(1) لما بيدخل الغرف بيقعد يقرا كتب كتير ويقرا صحف بتبقى مرمية على الطاولة ويشغل الكمبيوتر يتعامل مع ناس بتشتغل في الصحافة وفي نفس الوقت اهو بالمرة بيستفاد يمكن يقولوله على مكان الكنز ولا حاجة...

يبقى
(1) مداومة المطالعة والتعلم
(2) العمل في الصحافة

شفاوا ازاي في مشهد واحد بس وجملة واحدة استنتجنا نققطتين ازاي؟؟
مش لما الولد يفضل يقرا كتير دة هاقوي من شخصيته ويحافظ عليها وبالتالي هايقدر يحل المشاكل علطول؟؟

(3) الولد وهو بيقرا في الكتب دخل ثورة وكبشة وحوش زومبي كتير اوي راكبين عربية ( اللي هي بتبقى عاملة زي العربانة دي ام عجلتين) والولد قدر يموتهم وينتصر عليهم
يبقى
(3) مناصرة الثورة العرابية

(4) الولد بيعرف يموت الزومبي صح ويقضي عليهم؟ صح؟ بعد ما بيموتهم بيعمل ايه؟ بيفتي علي الوزير بتاع المكان ويقولهم انا موته بسهولة وهو اصلا كان عمال يرزع الزومبي ولا 20 طلقة هههههه , وبعد كدة الوزير بياخده ويقعدوا يعملوا اجتماع في غرفة المجالس القنونية والخيرية (فاكرينها دي لما قلناها في مادة الترجمة؟)
وبعدين فاكرين المشهد لما كان بيعلم رجال المخابرات الدين الصح ويفسرلهم القرآن لما اعتقدوا اعتقاد خاطئ يبقى ممكن نقول دة كله في:

جهوده في القضاء (على الزومبي اوعى تكتب دي ههههههه) , والفتوى (على الوزير) , والمجالس الخيرية والقانونية (في الغرفة) , ومشروعات اصلاح التغليم في الأزهر( في مبنى الفي اي بي) , وتفسير القرآن الكريم , والدفاع عن الإسلام

واحنا في اللغة العربية هانسمي رجال المخابرات دول
الشرقيين والغربيين وواحد منهم اسمه
جمال الدين الأفغاني
جوستاف لوبون
تولستوي
ولفرد بلنت
ادوارد براون

يبقى 5 رجالة في اي بي
يبقى
(5) مصادقة أفاضل الشرقيين والغربيين من امثالهم: جمال الدين الأفغاني وجوستاف لوبون, وتولستوي, وولفرد بلنت, وادوارد براون

طيب اللي بعد كدة ايه.....

رجال المخابرات بيتخانقوا مع بعض ودة يقول كلمة والتاني يقول كلمة ويرجع في كلامة يقول كلمة تانية يعني مثلا زي مايكون بيقول
نمسيس هايجي الساعة 5 , لا لا الساعة 6 وهكذا....
يجب بقى الولد اللي بنلعب بيه يهاجمهم ويحل المشكلة وبينقد المحاولات بتاعتهم اللي بيفكروا انهم بكدة بيصلحوا التعليم

يبقى نقول
(6) مهاجمة الرجعية السائدة في البيئات الأزهرية
(7) النقد الإصلاحي لمناهج التعليم


شارك هذه المشاركه


رابط المشاركه
شارك
المهم جه الولد قعد عالكمبيوتر تاني كالعادة بس النقطة دي ماقدرش افتي فيها بس هو قعد يتكلم مع ناس كدة في الدين ورفضوا رأي
يبقى
( 8 ) رفض العرف الشائع من تقليد اهل السنة دون دليل

والناي اللي بيكلموه عالكمبيوتر قعدوا كدة ينقلوا الكلام لبعض و يقولوله انت لازم الوقتي تخرج من الغرفة تروح عند المبنى الازهري (الفي اي بي) في شوية زومبي كدة مقررين عليك ومطلوب انك تموتهم , المهم الولد اعترض عليهم وقالهم لا انتوا كدابين انا لازم اتأكد من الوزير الاول و نفحص الكلام دة واشوف الكلام دة صح ولا غلط يبقى

( 9 ) معارضة المقررات النقلية الموروثة دون فحص ودراسة وتمحيص

بعد شوية الولد قعد يقرا كتاب شوية قبل ما يروح للوزير المهم الشيطان وسوسله ويقوله انك مابتفهمش حاجة ومابتفكرش صح وعمال يتحداه بالعلوم والعلم لكن الولد قدر ينتصر عليه ههههه
يبقى
( 10 ) الدفاع عن الفكر الحر ومناصرة العلوم العقلية

راح ماسك صحيفة لقى فيها حاجة غلط راح مصلحها وهايروح للوزير يتخانق معاه لكن الوزير راح داخل فجأة واختصر عليه المشوار راح الولد قايله ايييييه اللي انت عملته دة انت ازاي تكتب حاجة غلط في جريدة الوقائع المصرية؟؟؟!!!
طيب احنا لازم نعمل لائحة تحذير تخلي بالك وانت بتكتب وتقف عند حدك ومن هنا ورايح لازم تاخدو حريتكوا تشوفو الاول ايه الغلط وايه الصح وماتخافوش من حاجة فاهميييين؟؟

( 11 ) اصلاح جريدة الوقائع المصرية واصدار لائحة بإلزام الصحف (الوقوف عند حدود الوقار فيما تكتب) واطلاق الحرية لها في تبين الحقائق ووجوه الخطأ دون خوف

شارك هذه المشاركه


رابط المشاركه
شارك
ببساطة كدة المادة اسمها قراءة وتعبير
نقرا المحاضرة المكتوبة ونعبر ونحاول نعبر عن الكلام دة بواقع اي لعبة علشان نتشجع للمذاكرة

شارك هذه المشاركه


رابط المشاركه
شارك
لو دققتوا في الكلام اللي فات دة هاتلاقوا ان الاحداث مترتبة دة طبقا للعبة اللي انا عاملها
انما في المحاضرة المكتوبة هذا بالطبع الترتيب غير مقصود اصلا

تعالوا نشوف كدة

اول حاجة يطبق ويحافظ على شخصيته

( 1 ) انه يقرا كتب كتير ويداوم على كدة ويقرا صحف
(مداومة الإطلاع والتعليم والعمل في الصحافة)

( 2 ) وهو بيقرا دخل ثورة وحوش راكبين عربية
(مناصرة الثورة العرابية)

( 3 ) موتهم وقضى عليهم وفتى على الوزير انه موتهم بسرعة في مجلس القانون والخيري , وعمل على اصلاح التعليم في المباني الأزهرية (في اللعة في اي بي بتوع رجال المخابرات) , وتفسير القرآن والدفاع عن الاسلام
(جهوده في القضاء , والفتوى , والمجالس الخيرية والقانونية , واصلاح التعليم في البيئات الأزهرية , وتفسير القرآن الكريم , والدفاع عن الإسلام)

( 4 ) بعديها علطول رجال المخابرات دول الولد بيصادقهم وقلنا اساميهم
(مصادقة افاضل الشرقيين والغربيين)

( 5 ) والرجالة بيتخانقوا مع بعض ويتراجعوا في كلامهم والولد هاجم على ارلجعية السائدة دي
(مهاجمة الرجعية السائدة في البيئات الأزهرية)

( 6 ) وانقد الاصلاح لمناهج التعليم
(النقد الإصلاحي لمناهج التعليم)

( 7 ) بعدين قعد عالكمبيوتر رجال الدين صحابه كلموه ورفضوا مبدأ اللي هو
(رفض العرف الشائع من تقليد اهل السنة دون دليل)

( 8 ) والرجالة قالوله اخرج موت وحوش برة لكن ماصدقهمش الا اما يتأكد االول من الوزير
( معارضة المقررات النقلية الموروثة دون دراسة وفحص وتمحيص)

( 9 ) وبعدين قعد يقرا كتاب الشيطان وسوله ووهمله انه مابيعفرش يفكر وتحداه بالعلم لكن الولد انتصر عليه
(الدفاع عن الفكر الحر , ومناصرة علوم العقل)

( 10 ) وبعدين لقى خطأ في الجريدة واتخانق مع الوزير وقام هو بتصليح الخطأ وقاله احنا لازم نصدر لائحة بتحذر من اللي بيخطأ وانه يقف عند حده ومايخافش من حاجة وهو بيكتب وياخد حريته في التفكير
(اصلاح جريدة الوقائع المصرية وصدار لائحة بإلزام الصحف (الوقوف عند حدود الوقار فيما تكتب) واطلاق الحرية لها في تبين الحقائق ووجوه الخطأ دون خوف)

شارك هذه المشاركه


رابط المشاركه
شارك
يا جماعة اللي مش عاجبوا الطريقة دي عادي ما يفكرش فيها ويلخبط نفسه بيها وذاكروا بالطريقة اللي تعجبكوا بس هي عجبتني وقلت افكر في طريقة جديدة شوية علشان انا لقيت نفسي بدات اكسل عن المذاكرة ولقيت التيرم صعب شوية
لكن دةة طلع سهل الوقتي وممتع جدااا

شارك هذه المشاركه


رابط المشاركه
شارك
شفتوا بقى
لعبة خلتنا نذاكر مادتين في وقت واحد
لأن اللعبة بتتكلم عن حاجة واحدة وابطال اللعبة اللي هم
الولد والبنت والوزير ورجال المخابرات والزومبي ونمسيس

شارك هذه المشاركه


رابط المشاركه
شارك
مذاكرة النهاردة
بتاريخ
15/11/2011م

أهم جوانب حركته الإصلاحية

فاكرين لما الولد صلح المشكلة السياسي بين الجال المخابرات لما كان بيتكلمو في الدين وعن السياسي
مش كان بيكره الباطل ويثور عليه , وكان بيفهم المعاني والدلائل اللي كانوا بيقولوها رجال المخابرات , وكان وبيهاجم الرجعية (لما كان كل واحد بيرجع في كلامه) وكان بيدافع عن عقله لما جاله الوسواس , وكان بيدافع عن الدين ويصفيه من الشوائب والخرافات والاوهام بتاعتهم اللي كل واحد معتقد ان في اله غير الله

يبقى الإجابة
الثورة على الباطل , ومحاولة فهم المعاني والدلائل ومهاجة الرجعية السائدة والدفاع عن الفكر الحر ومناصرة العلوم العقلية والدعوة الى تصفية العقيدة من شوائب الأوهام والخرافات

من الآخر الاجابة هاتكون
رقم 2 في سؤال
كيف كانت شخصيته مثالا للفكر المستنير
ورقم 5 و 9 في السؤال
تطبيق ذلك


أهمية التربية في رأية

تفتكروا هاتكون التربية مهمة ليه في رأيه؟؟

مش لازم يكون في تربية صحيحة علشان يصلح المشكلة السياسية بين رجال المخابرات
ولازم يطهروا وينضفو المكان دة بتاع الفي اي بي من الناس ضعيفة النفوس زي اللي كانوا بيتخانقوا واللي عاملين نفسهم محترفين في السياسة

يبقى الإجابة

( 1 ) التربية هي السبيل القويم للإصلاح السياسي

( 2 ) أنه لابد من تطهير المناصب الحكومية من ضعاف النفوس ومحترفي السياسة , لكي يتيسر ان تنهض نهضة حقيقية شاملة

شارك هذه المشاركه


رابط المشاركه
شارك
مذاكرة النهاردة بتاريخ
16/11/2011م

معلش امبارح مكامتش اصل الكمبيوتر بتاعي الباور سابلاي انفجر وانا قاعد وديته عند المحل لسة شاريه جديد ب 5 دينار ونص وتاني يوم المروحة بتاعت البروسيسور جت في السلك قطعته وانفجر الباور سابلاي

السؤال بتاع النزعة الثورية

( 1 )
البنت اللي بتلعب معانا قابلت البنت التانية وفي ايدها كتاب قالتلها الكتاب دة بتاعي ردت التانية قالتلها لا دة بتاعي انا لقيته في الصندوق قالتلها لا انتي كدابة
انا لسة مطلعاه من المكتبة من شوية راح داخل الولد وقال للبنت التانية خلينا نقول الحق احسن الكتاب دة بتاعها فعلا...

( نشأ وفي نفسه الشوق الى نصرة الحق أينما كان )





( 2 )
خرج لقى شوية وحوش زومبي جامدة وبتفسد في المكان و بتستبد منه
( كان ثورة مشبوبة على الباطل والجمود والفساد والاستبداد )

( 3 )
وفضلت الوحوش تطلعله وتلازمه في كل مراحل حياته
( لازمته الثورة طوال فترة حياته كلها )

( 4 )
راح مستمر في الكفاح ومسك المسدس عشان يموتهم
( التزم طابع الكفاح المتواصل )

( 5 )
راح مموت وحشين وحصل على المثل الأعلى
( لم يذعن الى حكم الأمر الواقع بل كان يسعى الى تحقيق المثل العليا )

( 6 )
اتبقى اتنين فضلوا يطعنوا فيه شوية راح مستعمل هيلث فرست ايد عشان يعالج نفسه
( تعرض بسبب هذه الثورة الى حملات الطعن )

( 7 )
وهو طبعا كان بيحارب الوحوش دي من طفولته , والوزير قاله اتعلم من الكمبيوتر رفض وطبعا الكمبيوتر دة تعليم آلي
( نزع الى الثورة على الباطل منذ طفولته ونفر من التعليم الآلي في الكتاتيب )

( 8 )
راح متصل على الزعيم بيقوله الحقني يا جمال الوزير عايزني اتعلم تعليم آلي راح قايله سيبك منه وخليك بقدراتك احسن انت كويس كدة عالاقل بتعرف
تهاجم الرجعية وبتعرف في مناهج التعليم وصلحت الخطأ اللي في جريدة الوقائع المصرية ونشرت مقالة بتنقد الاعمال الباطلة بتاعت الحكام والباشاوات اللي برة

( اتصل في شبابه بزعيم الثائرين جمال الدين الأفغاني , ونمت نزعته في تهاجم الرجعية ومناهج التعليم )

( 9 ) اثرت حياته في اصلاح جريدة الوقائع المصرية , وفي نشر مقالات تنقد اعمال الاقطاعيين والحكام والباشاوات حين كان ينظر اليهم الناس وكأنهم من طينة
غير طينة الشعب المحروم المحكوم

شارك هذه المشاركه


رابط المشاركه
شارك
آخر سؤال بتاع اسس فلسفته
خدوا اهو كلمة سر عشان تعلموه بيها

البنت التانية بصت على الواد وفضلت باصة عليه عشان شكله جميل لكن الواد علشان محترم واخلاقه عالية تفوق حتى العلم والفن راح موطي راسه وباصص عالارض
( 1 ) هناك شئ فوق العلم والفن , وهو الأخلاق , او جمال الروح

طبعا الاخلاق دي بتخلي علاقته كويسة مع ربنا ومع الناس
( 2 ) تسلك الاخلاق للإنسان قاعده لعلاقة الانسان مع الله ومع الناس وتجعله يسعى الى عمل الخير

والبنت قالتله خلي بالك انا مش بابص عليك عشان اخد منك فلوس ولا حاجة لا عشان باودك وباعزك بسبب جودك وكرمك
( 3 ) عمل الخير ليس معناه ان يطلب الانسان مالا او صيتا ولكن الحب والمودة والجود

شارك هذه المشاركه


رابط المشاركه
شارك
ايه رايكوا من المذاكرة من اللعبة دي؟؟
حلوة بتسهل ولا معقدة؟

شارك هذه المشاركه


رابط المشاركه
شارك
عندى امتحان بينى قراءة وتعبير تيرم ثالث ولم ادرس اى شىء ودى اول مرة اجرب البينى ومش عارف اركز على اية الامتحان الاسبوع القادم

شارك هذه المشاركه


رابط المشاركه
شارك
فى حلقة دراسية لترم 3 دور ابريل 2011 حتفيدك فيها كل المقرر والمحذوف

شارك هذه المشاركه


رابط المشاركه
شارك
عربى ترم تالت

المواضيع المقررة

محمد عبده

ازمه عقل

العرب فى الجزيرة

الفكر الانسانى



دول اربع مواضيع بيجيب اتنين منهم فى الامتحان

وتراجعى بردو على منهج النحو كله

وعلى الكشف فى المعجم

وبيجبلك سؤال تكتبى مقال فى الامتحان فى موضوع من دول

شارك هذه المشاركه


رابط المشاركه
شارك
بسم الله الرحمن الرحيم

نبدأ الدرس الثاني بعنوان "أزمة عقل"


بين العلمي والعملي
من عنوان الدرس الظاهر ان الولد جاله ازمة عقلية من كتر القاعدة في الاوضة وبيقرا في الكتب ليل ونهار والبنت عمالة تعمل وتشتغل في قتل الوحوش وتزداد قوة والوزير بيكافكأها بفلوس على قد ما بتقتل , والولد قعدته كدة حابتله الفشل ومن كتر القعدة نسي ازاي يموت الوحش فالبتالي فشل
وكمان ماعرفش يحل المشكلة السياسية اللي حصلت بين رجال المخابرات مرة تانية ولا عرف يتكلم في النشاط الاجتماعي لما الوزير عمل اجتماع
ولا عرف حتى يرسم او يعمل رياضة
ماهو اتعود على القراية بقى وبقى حريص على التدقيق والصواب

يبقى

(1) الحرص على التدقيق والصواب
الرأي السائد ان العلم يعوق النجاح سواء في العمل او السياسة او النشاط الاجتماعي او الفني او الرياضي وان الساعات التي يقضيها العلمي يقفز بها العملي الى القمة مالا وجاها وقوة

ماحنا عرفنا بقى ان الساعات اللي بيقضيها الولد في القراءة بتقيضها البنت في العمل وقتل الوحوش وكسب المال والقوة اكثر فأكثر

شارك هذه المشاركه


رابط المشاركه
شارك
الولد: مابتفرحيش اوي كدة الواحد لازم يقيس نفسه الاول ويقارن بين نفسه وبين غيره هو يعني انتي العمل بتاعك دة هايعود عليكي بايه من النفوذ والمال والسلطان؟

البنت: لا ياخويا طب بص لنفسك الاول ولقعدتك دي بتقرا في الكتب والعلم بتاعك دة مايجيش لعملي حاجة عشان كدة انت هتاخذ المركز التاني بعدية لما يكافئنا الوزير

(2) معيار القياس
كم يعود هذا العمل على صاحبه من السلطان والنفوذ والمال؟ لا يعود العلم على صاحبه بشئ من هذا لذلك فهو في المرتبة الثانية بعد العمل


شارك هذه المشاركه


رابط المشاركه
شارك
مفاضلة بين الرأس والقلب

الولد: اااه منك ومن عملك دة وقلبك اللي بيخليكي تشتغلي دة انا عقلي عدو لقلبك دة ولوجدانك ومشاعرك ووجدانك غالبا علشان مشعايز اشوفك في الاوضة هنا تاني ومش هتكوني موجودة كتير هنا

البنت: يعني انت شايف انهي الاحسن والافضل في حالة المفاضلة بين الاتنين راسك ولا قلبي؟

الولد: لا راسي طبعا

البنت: لا قلبي انت عالم بس انا شاعرة وافضل منك ومش صدفة يعني لما نلاقي كم الف شاعر مقابل كل عالم واحد

يبقى
العقل عدو للوجدان ومشاعره وفي الغالبية للوجدان, وفي حالة المفاضلة بين الراس والقلب فالاختيار للقلب, وليست مصادفة ان نرى كم الف شاعر في مقابل كل عالم واحد

شارك هذه المشاركه


رابط المشاركه
شارك
المادي والروحاني

الولد دخل الاوضة لقى اجهزة الكمبيوتر والالات زادت وكترت بشكل غريب فالبتالي علوم الغرب اللي في الكمبيوترات هاتبقى كتير بردوا , وبما ان الكمبيوترات مالية الغرفة الواد بقى يلمس الاجهزة بايده من غير قصد (مادي لعين)
انما الواد والبنت ارواح اصفياء
كأن الكمبيوترات دخل فيها ابالسة والعلم اللي في الكمبيوترات شيطاني


لما كثرت علوم الغرب وأجهزته وآلاته قلنا عنه (مادي لعين) اما نحن فروحانيين انقياء اصفياء
وكأن العلم شيطاني واجهزته البسته الابالسة

شارك هذه المشاركه


رابط المشاركه
شارك
راح الولد قاعد عالكمبيوتر وقعد يكتب كتير بالكيبورد ويدندن ببقى كـأنه بيكلم حد

البنت: اييه انت بتتكلم مع مين؟ انت بتكلم الكلام اللي انت بتكتبه
تقولش العلم اللي دخل الكمبيوترات بقى عقل زي عقلنا وروح؟؟!!!!
لا لا لا مستحيل انت كدة بتقلل من قيمة روحنا
لأن مستحيل روحنا هاتقل لقيمة قذارة الصفائح اللي بتخرجها المصانه عشان تعملها عربية ولا طيارة!!!

هل يمكن اعتبار العلم الذي تجلى في الآلات عقلا قد تجسد او اصبح روح واصبح مشهودا بعد ان كان خافيا؟
هذا القول محظور لانه يستحيل ان تتدنى الروحانية الى دنس الصفائح التي تخرجها المصانه الى سيارة او طيارة

شارك هذه المشاركه


رابط المشاركه
شارك
شوفوا كدة الطريقة دي
او صعبة ووحشة ارجع للطريقة بتاعت الاستنتاج احسن

خرج الولد والبنت لقوا كثير من الناس الزومبي واقفين على الارض وبينهم واحد ذو الحكمة ومشعارف ينطق بها لسانه راح داخل مجموعة ناس زومبي دخل البلهاء قبل العلماء والزعيم بتاعهم قال للخدامين ( خذوا الرجل ذو الحكمة من بين الرجال دول وسدوا افواه المجانين ) راحوا الناس الزومبي يخشون على الموقف دة ولكن من ذكاء عقل الرجل ذو الحكمة هرب وفلت من ايدهم ونفذ الى اعماق الممر وهرب الى سطح الغرفة ولكن العلماء والبلهاء يريدون اخذ الامور بتاعتهم والناس الزومبي يريدون ارجاعه من السطح

دي عبارة عن مشهد حصل في اللعبةلو تلاحظوا الكلمات اللي بالون الاسود العريض لو جمعناهم على بعض تدينا الجملة اللي عندنا في الدرس

كثير من الناس على ان الحكمة ينطق بها البلهاء قبل العلماء (خذوا الحكمة من افواه المجانين ) والناس يخشون على ذكاء العقل لأنه ينفذ الى الأعماق ويريدون اخذ الأمور من السطح بالبركة

شارك هذه المشاركه


رابط المشاركه
شارك
راح الزعيم استخدم العقل ومسك دبوس وبدأ بشك واحد من الزمبي وقبل ما يستخدم الاعتقاد الزومبي عشان يهرب منه , والناس طبعا الزومبي يريدون ان يبقى مكانه راح الزومبي شاتم الزعيم
وقاله:

يــا قــاسي يــا نـــتن خالص
لاحظوا لو خدنا اول حرف من كل كلمة من اللي فاتت هانكون الكلمة
يقين
واللي بعديها
خالصا
راح الزعيم قاله:
شــوف وشــك احمر وئب
تاني لو جمعنا الحروف اللي بالاسود اول حرف من كل كلمة هنحصل على كلمة
شوائب

راح الزومبي بدأ في شك الزومبي وبعد كدة بدأ في البحث عن الرجل ذو الحكمة

راح الناس الزومبي قالوا
يـالهوي نــروح عــلى تــول و نــاكله اكل

لو جمعنا الحروف تاني هاناخد كلمة
ينعتون
قالوا للزومبي ماتخافش من الشك اهو خلاص مشي
الزومبي: ماخافش ايه بس دة كان قاسي مستقصي وخوض بالدبوس في دمي وفيما لا ينبغي عليه فعله

نكون بقى كل كلمة لونها اسود

العقل يبدأ بالشك قبل الاعتقاد ويريدون يقين خالص من شوائب الشك والبحث وينعتون الشك بأنه خوض فيما لا ينبغي

شارك هذه المشاركه


رابط المشاركه
شارك
طيب في طريقة احلى من كدة

الوزير ادا للولد والبنت مهمة
المهم خلصوا المهمة ورجعوا للوزير

الوزير: احسنتم الأعمال

انتوا ساعدتوا بعض ولا ايه؟؟

الولد: لا يا وزير انا استخدمت العقل
وقلت للبنت بس تجلب لي رصاص للمسدس

البنت: يااااه دة كان تعب وقلت للولد ليون ايه الشقاء اللي احنا فيه ده

لو خدنا بقى كل كلمة كبيرة بالترتيب نحصل على الجملة اللي في الدرس

اعمال العقل تجلب الشقاء

الولد: انا موتت زومبي والبنت ماعرفتش تموت التاني وفضل على قيد الحياة

البنت: ايوة والزومبي راح مسك فيا وكنت هاموت وجه الولد لحقني وقلتله تسلم ايدك

الولد: والزومبي ز امامهاكان واقف
رحت ضاربه في رجليه وهرب الى الذين يقبلونها كما هي
متعورة كدة
البنت: وانا جالي حالة عمى وصمم فجأة كدة

الحياة تسلم زمامها الى الذين يقبلونها كما هي عن عمى وصمم

شارك هذه المشاركه


رابط المشاركه
شارك
في شعر بقى تحت الجملة دي لو عايزين تحفظوه

الوزير: احسنت يا ولد , انت ذو عقل

البنت: ايوة يا وزير دة كان بيشقى فعلا ويموت زومبي كتير
وانا كنت في النعيممابعملش حاجة هههه

الولد: كتك نيلة انتي فاكرة اللي ما بيستعينش بعقله يبقى في نعيم لا لا لا
دة انتي باين عليكي اخو الجهالة
انما انا في الشقاوة والتعب ينعم


ذو العقل يشقى في النعيم بعقله اخو الجهالة في الشقاوة ينعم

شارك هذه المشاركه


رابط المشاركه
شارك
الولد: انا صاحب الشقاوة
البنت: انا صاحب النعيم

الوزير: بس يا ولد انت وهي انتو هاتتخانقوا لازم نستعين بمقاييس عشان نفرق مابتبقوش عاملين زي البهايم كدة

الشقاوة والنعيم بمقايسس البهائم

شارك هذه المشاركه


رابط المشاركه
شارك
حاضرنا الثقافي والعلمي

في الحلقة دي الولد الصغير ابن الواد هايظهر

ابن الراجل: انا باحبك اوي يا بابا

الراجل: ايه الرومانسية اللي انت فيها دي انت شكلك بتضحك عليا

الطفل: لا بجد انا بقالوهالك بمعنى الكلمة حات حضن يا بابا

الراجل: طب بس بس ايه الاندفاع اللي انت فيه دة انت عمال تدفع نفسك عليا كدة ليه
دة انت باين عليك عندك حب غريزي فعلا

الوزير: يلا يا راجل مش وقته الكلام دة يلا انا لقيت غرفة فيها جوهرة
قوم وروح هناك بس هاتلاقي شوية زوبمبي وزعيمهم الكبير
المطلوب قتل ازومبي الصغيرين والنفور من الزعيم

الولد: اخيرا وصلنا للغرفة

البنت: بص انا لقيت ايه لقيت ضوابط بتتحط عالباب انا هاحطها هنا

الولد: هاهاهاها الباب مافتحش الظاهر انك حطيتيهم غلط لازم نستخدم التفكير بتاعنا ونفكر
نستخدم التفكير العقلي وحدوده مش كدة ولا ايه

البنت: اهو فتح

المهم دخلوا

الولد: ايه دة في جوهرة ايه دة يا ولد انت رجعت للرومانسية تاني بتتزعق عليا بردو

البنت: دة المكان ضيق اوي

الولد: بصي فيه برواز متعلق مكتوب عليه القواعد والقوانين عند دخول الغرفة

البنت: ايوة دي وضعت علشان تضبط معايير الاخلاق والفنون
لازم ندخل محترمين ونحترم المكان وعندنا اخلاق مش ندخل بقلة ادبنا

الرومانسية بمعنى الاندفاع الغريزي والنفور من ضوابط التفكير العقلي وحدوده. جوهر الرومانسية ضيق القواعد والقوانين, ولو أنها وضعت لضبط معايير الأخلاق والفنون

شارك هذه المشاركه


رابط المشاركه
شارك
المدينة والريف

المهم الولد والبنت بصوا على برواز جوة الغرفة لقوا فيها مظهر ريفي حلو اوي
الولد: شوفي شوفي المظهر الريفي ومظاهر الارياف على طبيعتها مش احسن بردو من المدينة ومظاهر الحضارة بتاعتنا الوقتي!!!!!!!!!

البنت: انت هاتجيب الريف بالمدينة اللي احنا عاملينها؟؟
ياعم دة الريف فطرة وفيها شجر وبحار من صنع الله انما المدينة دي من تفكير العقل ونتاجه وعلومه

المظهر الريفي على طبيعته الاولية خير من المدينة وظواهر الحضارة , لأن الريف فطرة والممدينة من نتاج العقل وعلومه

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان

×
×
  • اضف...

Important Information

We have placed cookies on your device to help make this website better. You can adjust your cookie settings, otherwise we'll assume you're okay to continue.