*maryam

يااااااااااااااااارب اللهم امين

السلام عليكم ورحمة الله وبركاته حبيت اقتبس ما قاله الاستاذ محمد والد مي رحمها الله لكي نحمد ربنا على كل حال ونتعلم من مي اللي كانت زي الملائكة الصبر و الرضا وطاعة الله والقناعة والدعوة الى الله ______________________________________________ يقول استاذ محمد : اهنئكم بالعيد وكل عام وانتم بخير ومعذرة اخواني اسألكم الدعاء بالمغفرة والرحمة لابنتي الحبيبة ذات ال25عاما امس هي ابنة عمري ولكنها في الواقع معلمتي علمتنى الصبر فقد ولدت بمشاكل عديدة في كل شيء واجريت له عملية colostmyثاني ايامها في الحياة ومضت بها السنون بلغ مجموع عملياتها35 عملية كبري منها استئصال الكليتين وعاشت علي الغسيل الكلوي 14 سنة الي ان انتهت الامور بتليف جميع الاماكن الذراعين والرجلين والرقبة والصدر والبطن ونفذ امر الله ىوم23/10/2012 لم اسمع منها شكوي بالم لم ار منها سخطا ولا تبرم لم اسمع منها سوي الحمد لله دائما وانا كأب اعتصر الما وعندما تسقط مني دمعة رغما عني شفقة عليها إذا بها تعطيني درسا بليغا بكل أدب ورقة في الصبر والرضا بقضاء الله يابابا احنا احسن من غيرنا وده امر ربنا لازم برضي به عن قناعة ورضا وده ابتلاء يابابا نصبر ونرضي عشان نفوز والرضا بالقدر من اركان الايمان لاتتعجبوا ياإخواني فرغم كل مشاكلها الصحية وتاثيرها علي بنية جسمها وزنها 35 كجم طولها 125سم عمرها 25 سنة إلا انها حاصلة علي بكالريوس نظم ومعلومات بتقدير جيد جدا وهذا هو الدرس الثاني الذى تعلمته منها قوة الارادة ومضاء العزيمة وكان املها التسجيل في الدراسات العليا ولم يمهلها القدر الدرس الثالث هو قوة الايمان وصدق محبة الله ورسوله والله والله مذ وعت ابنتي علي الدنيا لم تترك فجرا ولا اي وقت من الصلاة انما الصلاة لوقتها وقيا م الليل وصوم رمضان عدا ايام الغسيل الكلوي والتسبيح الدائم وقراءة القرآن وسورة الكهف كل جمعة وصلاة الضحي التي يغفل عنها الكثير ولا تتركني اسهو عن صلاة الدرس الرابع تمثلها للحديث الشريف اذا مات ابن آدم انقطع عمله إلا من ثلاث منها عمل ينتفع به فقد اسست صفحة علي النت اسمتها ياللا نقضي وقتنا في طاعة ربنا وصفحة أخري أسمتها احباب النبي بلغ عدد الجروب 1500 واكثر أطلت عليكم قلبي يحترق ونار بداخلي علي ابنتي ومعلمتي لاأذكيها علي الله ولكن أحسبها ان شاء في رحمته ولكن يااخواني اسالكم الدعاء لها بالرحمة ولي ولإمها بالصبر والتثبيت انا راض بقضاء الله لامعقب لحكمه ولا راد لقضائه ولكنها امامي وعن يميني وعن شمالي وحولي بصوتها ونظراتها وعواطفها لي وكلامها ارجوكم ارجوكم الدعاء لى بالتثبيت وان يطفئ بلطفه ورحمته نار قلبي انا لله وانا اليه راجعون _________________________________________________ ( الله عليكي يا مي في جنة الخلد ان شاء الله هتوحشيني يا قلبي اللهم اكتبلي رفقتها في الجنة واياكم ياارب ) مات القلب الحنون و النفس الراضيه بقضاء الله،،و البدن الصابر علي الإبتلاء ماتت الإبتسامة النقية،و الطيبة النادرة،و النية الصافية رب إجعلها آية لنا و حكمة و موعظه حسنه،،،

إن مرت الايام ولم تروني فهذه مواضيعي فـتذكروني ، وان غبت ولم تجدوني أكون وقتها بحاجة للدعاء فادعو لي كن فى الحياة كعابر سبيل واترك وراءك كل اثر جميل فما نحن فى الدنيا الا ضيوف وما على الضيوف الا الرحيل . . ياقارئ خطى لا تبكى على موتى فاليوم انا معك وغدا فى التراب فان عشت فانى معك وان مت فللذكرى ويا مارا على قبرى لا تعجب من امرى بلأمس كنت معك وغدا أنت معى اموت ويبقى كل ما كتبته ذكرى فـــــياليــــــت كل من قرأ مواضيعي يدعيلي ربي عندما تنتهي حياتي إجعلني ذكرى جميلة لمن عرفني ________________________________________________________ نفسى يارب تغالبنى وأجاهدها فتحاربنى أخشى أن أغيب فتغلبنى لولا رحمتك تقربنى من نورك فأمنح غفرااااااااانك خفف عن قلبى أوزاره وأمنحنى نورا وطهارة لأجاهد نفسى الامارة فتعود لظلك مختارة وتظل تسبح سبحــــــــــــــــانك لن أدع الارض لاعداءك أو تكتبنى مع شهداءك فأفوز بعفوك سبحـــــــــــــــانك حقق غايتنا المرجوة واجمعنا فى أوثق عروة أربطنا دينُ وأخوة وامنحنا العزة والقوة لنصد ونسحق من خانك سبحـــــــــــــــــانك ربى سبحـــــــــــــــــانك سبحـــــــــــــــــانك ما أعظم شـــــــــــــــأنك

شوفتوا قد ايه كانت طيبة وبتحب الناس الصور دي كانت منزلاها في صفحتي عالفيس

والله ما انا عارفة يا سارة مبلحقش افرح لا اله الا الله ده حال الدنيا ناس بتموت وناس بتتولد انا بقيت اخاف قوي يارب ونعمة بالله ربنا يطول في اعماركم في طاعته حضرتك تقصد أي رسالة؟ ونعمة بالله

الله يبارك فيكم والله ما عارفة افرح ولا اعيط اختي اتجوزت وصحبتي ماتت تاني يوم امبارح

الله يبارك فيكم وعقبالكم كلكم

لا حول ولا قوة الا بالله العلي العظيم ان لله وانا اليه راجعون ادعولها بالله عليكم

السلام عليكم ورحمة الله وبركاته حبيت انزل الموضوع ده لتشاركوني فرحتي اختي حبيبتي فرحها كان امبارح عقبال كل البنات والشباب ياااااارب

بسم الله الرحمن الرحيم ورقتـــــك هتتسحــــب إمتـــــى ؟ . . . . . تخيل إنك رايح تمتحن دلوقت دخلت اللجنة وأخدت ورقة الأسئلة بس المراقب قالك : خد بالك الوقت غير محدد فأنت قولت : يعنى ايه ؟ الوقت مفتـــوح ؟! قالك : لا الوقت محدود بس أنت مش من حقك تعرف آخره امتى متعرفش ورقتـــك هتتسحـــب إمتـــى ؟ ممكن نسحبها فأى وقت بس لما نيجى نسحبها مستحيل تتأخر لحظة واحدة . طب إزاى ؟!!!!!!!! هوا كده . المهم سعادتك بدأت تجاوب وبتبص حواليك فى اللجنة فلقيت ناس بتموت نفسها علشان تحل ومش مضيعة ثانية واحدة من الوقت وناس تانية بتلعب وتتنطط وغفلانة عن الوقت خالص فأنت قولت فى نفسك ما هو الحكاية سهلة ، أقوم ألعب شوية وبعدين أرجع أكمل وبعدين كده كده لسه بدرى مش معقولة الورقة بتاعتى أنا بالذات اللى هتتسحب دلوقتى ياترى لو ده حصل فعلا هتقول على نفسك ايه ؟! ؟! ؟! ؟! طب ما هو ده حاصل بالفعل !! كلنا فى الدنيا دلوقت فى إمتحان مفتوح ومفيش حد عارف ورقته هتتسحب إمتى مفيش إنسان يقدر يقطع بميعاد لحظة خروج روحه فالعاقل هوا اللى يستغل وقته صح ويخلى حياته كلها طاعة سواء عبادات أو معاملات أو مباحات .. واللى مبيفكرش اللى يغفل عن الإمتحان المصيرى ويضيع مستقبله الدائم ( الجنة ) علشان شهوات دنيوية فانية فياترى أنت عامل حساب سحب ورقتك ؟!! طيـــب مستنــــي إيــــــــه ؟؟؟ يارب أعنى على ذكرك و شكرك وحسن عبادتك.

انتي جريئة قويييييييييييييييي ههههههههه

الله يبارك فيكم جميعاااااااااااا وعقبال كل البنات والشباب يااااااااارب ألف مبروك فرح اختك يا مريم وجعل ايامكم كلها افراح لو هتعملوا كشري كثير انا هسيب المذاكره وطالع الفرح الله يبارك فيك اخي الغالي ههههههههههههههه اشمعنى كشري وفي الفرح كمان ياسلام اعملك مخصوص عشان تيجي من عنيا الاتنين طلباتك أوامر ومحشي كمان لو عايز يللا بقى يللا كلكم معزومين تشاركونا فرحتنا دي أول فرحة لينا

لا عليكى يا مريم .... واسعد الله أوقاتكى بالفرح دائمآ ... والف مبرووووك الله يبارك فيك اللهم امين

ياخبر ابيض كل ده شرحه دكتور النحو نسرين قامت بالواجب جزاكي الله خيرا يا نسرين

ادعولها بالله عليكم هتعمل عملية النهاردة

الله يبارك فيكم شكرا لكم جميعا وجزاكم الله خيرا اتمنى ان اكون عند حسن ظن الجميع لا تنسوني من صالح دعائكم

السلام عليكم ورحمة الله وبركاته انا بعتذرلكم يا جماعة لاني مروحتش الجامعة امبارح بسبب ظروفي هذه الايام (فرح اختي بعد بكرة ) وانا عارفة ان في ناس معتمدة على حضوري بجد اسفة جداا ولكن هتصل بصحابي اذا في حد راح منهم هسألهم خدوا ايه واقولكم لا تنسوني من صالح دعائكم

السلام عليكم ورحمة الله وبركاته الله يبارك فيكم جميعا اتمنى ان اكون عند حسن ظن الجميع

بعتلك لينك الاستاذ محمد الصفحة الشخصية في رسالة

الله يسلمك حبيبتي ياريت ليكون ليا الشرف طبعا ان اقابلك وهكون سعيدة جدا وجزاكي بمثله وأكثر ان شاء الله

ابعتي رسالة لأستاذ Mohamed Taha Mahmoud بطلب الانضمام للمجموعة ولو عايزة تشتركي في المحاضرات ابعتي ايميلك مع الرسالة

بعت لحضرتك اللينكات

الله يسلمك اخي الكريم اذا وجدت نظام السؤالين دول في احد التطبيقات يبقى هما كمان ملغيين يعني اقصد طريقة السؤالين دول مش السؤالين دول بعنهم

السلام عليكم ورحمة الله وبركاته انا اسفة اذا اتأخرت عليكم باللي خدناه امبارح كنت جاية تعبانة جداا اعذروني في محاضرة الكالتشر شرحتلنا درس العصر الحجري يونت1 وحلت معانا التطبيقات الخاصة بالدرس والسؤال رقم 3 و 4 محذوفين رقم 3 اللي هو كلمات ونبحث عن معني مقابل ليها في الدرس ورقم 4 الترجمة دول محذوفين اما القراءة والفهم انا كنت ضايعة في المحاضرة دي كنت تعبانة يعني ومش فايقة خالص وكنت هستأذن وامشي بس مقدرتش اقوم اصلا عشان كنت دايخة المهم انها شرحت القطعة دي SWITZERLAND وانا كنت ميتة ساعتها للأسف وعلينا احنا نحل الاسئلة المهم هبقى اشوف صحبتي اذا كانت قالت حاجة تاني في المحاضرة حاسة انها قالت حاجات كتير تانية وهقولكم عليها اما الجرامر الدكتورة اعتذرت عن المحاضرة

جزاك الله خيرا انا ضفت الميل الخاص بالمنتدى يا استاذ خالد