dream

السلام عليكم سارة السؤال مش واضح هو لى انا ام لاحمد لو لييا انا طبعا موجودة عندى زى ما هى موجودة عندك وعندنا كلنا بالفطرة اما لو السؤال لاحمد فممكن نسمح له يجاوب رد يا احمد

السلام عليكم قلبى معاكى يا داليا حسين محرم امتحاناته كويسة ما تقلقيش وبالتوفيق لكل اللى خلصوا وبيغنوا لا مذاكرة بعد اليوم لعب الكورة اهم اهم

السلام عليكم من غير رخامة ولا حاجة سعادتك من حقك تسمعها مرتين والاسطوانة بتكون بصوت سعادته مع الاسف

السلام عليكم الحمد لله شهد شاهد يعنى انت بتطالب بوجود هذه الصفات فى الرجال وماااااااااااااالوا من حقك برضه

السلام عليكم طيب بص يا احمد انا اريد ذاكرة نحاسية وبارك الله فيما رزق فهل اكتفى بشرب الماء وموضوع الرموش ده بس

السلام عليكم ههههههههههههههههههه لسة فاضل لك فى الهدنه يوم يا باشا وعلى العموم اراهنك ومتاكدة من الفوز داليا طالما قلت علياء يبقى الموضوع بجد بصى يا ستى انا لم اقل ان الشهادة غير معترف بها الا فى التقدم للماجستير والكلام ده من كلية الاداب جامعة القاهرة نفسها وقالوا للناس روحوا العبوا بعيد انتم مجرد برنامج دراسى وليس منهج كلية وده اغضب الدكتور عنانى جدا واللى قال الكلام دة اكثر من دكتور وفى المحاضرات وانا سمعته بنفسى واصحابى سالوا قد يكون الكلام اتغير واذا اردت ان تسالى اسالى فى كلية الاداب مش فى المركز

السلام عليكم نفسى اصفق لكى يا داليا صدقينى واهى ارحم من اللى بنسمعه اليومين دول ايه سعادتك مالهم ادبيات المنتدى ما تسبونا نعبر يا ناس ولا هيبقى كبت فى كل حته وبعدين مش قادر تفهم كيف يشكو من الرضا دا الشكوى من الرضا اكتر من الجفا يا استاذ لان الجفا اهو الحال معروف زعل ونكد وخلاص لكن الرضا شوق وسهر ولوعة وخوف ورعب من الفراق شوف بقى تبقى فيه شكوى ولا لا

السلام عليكم هههههههههههههههههه لالالالالالا عيب يا جماعة ان قلت ما تخافشى وان خفت ما تقولشى دا احنا كلنا اخوات واصحاب ولا يهمك يا سارة وزى ما سعادة المدير قال لك قولى له هو مين علشان ياخد مخالفة المهم انت ولا تعكرى دمك وترجعى لنا بالف مليون سلامة ان شاء الله

السلام عليكم وماااااااااااااااااااااله براحتك يا استاذ وترجع بالسلامة

السلام عليكم لعلم سعادتك انا اعرف سيدات تجتمع فيهن تلك الصفات جميعها

السلام عليكم يا سيادة المدير كلامى كان واضح ان شهادتنا غير معترف بها لدراسة الماجستير فى جامعة القاهرة او غيرها وده كان رد على السؤال المطروح وبالنسبة للنقابة فللان لا توجد اساسا نقابة للمترجمين وهذا ليس معناه كما قلت سيادتك انها لاتذكر فى البطاقة لالالالالالالالالالا بل تذكر كمعلومة بالبطاقة وايضا يتم توثيقها من الخارجية وعلى فكرة التوثيق من الخارجية لا يمنح اى اهمية للورقة المصدق عليها وانما هو يعنى ان اختام الجهة المانحة لهذه الورقة هى اختام صحيحة هذا هو معنى التصديق وبالنسبة يا داليا و يا رانيا للشروط المذكورة للماجستير سواء بالقاهرة او عين شمس فهى لا تنطبق علينا ولا ينطبق علينا سوى شروط الدبلومات التطبيقية وفى النهايةالمهم هو المستوى يا حضرات وده هو الذى يفرض نفسه فى سوق العمل ومثال لذلك هل استطيع انا بهذا المستوى ان اتقدم لاى امتحان واقول شغلونى مترجمة !!!!!! وعلشان اكون صريحة اكتر لو جانى اى حد بمستواى ده علشان اشغله فلن اسلمه اكتر من البوفيه وهكون قلقانة كمان !!!! واخيرا خير يا استاذ احمد لماذا سوف تتغيب عن المنتدى

السلام عليكم ان شاء الله اى جديد هعرفه هبلغكم به على الفور

السلام عليكم هو فيه وعد بالاعتراف ده بس خلينا ننتظر

السلام عليكم طيب انت مشاغل وحمدى كمان مشاغل طيب يا مشغولين بالتوفيق ان شاء الله

السلام عليكم دى الحقيقة للاسف حتى الان

السلام عليكم ماشى يا سارة يا رب كل الناس تبطل تدخين وبالذات احمد حسب توصيتك !!! :D

السلام عليكم اخيرا ظهرت خزعبلاية جديدة والله معاكى حق احيانا حتى الرضا بيكون صعب

السلام عليكم شهادتنا غير معترف بها يا حضرات لان كلية الاداب تعتبرها برنامج دراسة وبالتالى لايجوز عمل ماجستير بها لكن المتاح هو دبلوم الترجمة وهو متاح لخريج اى كلية حتى لو لم يكن اداب والامل الوحيد امام من يريد عمل ماجستير هو فى التقدم لكلية اللغات والترجمة جامعة الازهر وفى هذه الحالة لابد من اجتياز المواد الشرعية او التقدم لكلية التربية لعمل دبلوم تربوى وليس ماجستير وبدا من التيرم القادم سيتم فتح دبلوم للترجمة التطبيقية بالجامعة المفتوحة ولكن بعين شمس وليس القاهرة وستكون على غرار الدبلوم التطبيقى بالجامعة الامريكية كما انه للاسف لاتوجد نقابة معترف بها للان للمترجمين الا انه مع قبول الدفعات الجديدة من الثانوية العامة بدون انتظار للخمس سنوات فاظن ان الوضع سوف يتحسن وبالنسبة لسوق العمل فان المستوى الشخصى هو الذى يتيح فرص العمل كما ان الحصول على التويفل والشهادات المعادلة له يفرق فى اى سيرة ذاتية

السلام عليكم لا للاسف لا توجد اسطوانة لتلك المادة لان الدكتور لم يسجل اسطوانة لها من الاصل بس هو كل اللى اهتم به الموضوعات التى ذكرتها قبل ذلك هو اكد عليها جداواعتبرها كادو لطلاب هذا التيرم ذاكروها كويس جايز يصدق وبالذات من ع ال ا بس اقول لكم حاجة دمكم عسل قبل الامتحان بيوم بتسالوا !!!!

السلام عليكم انت بتضحك يا مايكل علشان بتمنى اعرف احمل الكتاب وافتحه لالالالا اصل انت ما تعرفنيش انا يا دوب بعرف افتح الكمبيوتر وادخل على المنتدى ومستنيه وعد سيادة المدير انه بعد الامتحانات هيحاول يساعد امثالى من الجهلة

السلام عليكم ربنا يستر علينا كلنا يا احمد ومن غير ما يعمى حد ولا حاجة هو مش مطلوب منهم اكتر من ان يتقوا الله فينا

السلام عليكم انا هبدأ فى التحميل ان شاء الله هعرف وشكرا على مجهودك مايكل

السلام عليكم الله يسلمك يا احمد المنتدى منور بيكم وايه اخبار امتحاناتك اوعى تكون كتبت خزعبلايه ؟؟؟!!!

السلام عليكم مايكل اسألك سؤال سخيف هو انت ايه اللى سليم عندك ؟؟؟؟؟؟؟ طبعا الف سلامة عليك بس ليه مش بتفكر تدرس طب طالما من الواضح انك تستمتع بهذا المجال وواضح انك هتكون مبدع فيه

السلام عليكم الف سلامة عليك يا مايكل بس مش كل الناس تقدر تعالج نفسها كما فعلت انت وعلشان كده لازم نرجع للاطباءوفى الاخر من لم يمت بالسيف مات بغيره