rehab1976

شكرا سومة وعقبال النجاح للجميع يارب

شكرا رومانتيك كوين وأجازة سعيدة ليكى كمان يارب ولكل اللى خلصوا وبالنجاح والتوفيق من رب العالمين بإذن الله

السلام عليكم.. وصباح الخير أولاً ياجماعة أنا كنت بهزر معاكوا والله ومش قصدى حاجه وأنا عارفه كويس اننا كلنا هنا زمايل دراسة واخوات انشاء الله وأسفه مرة تانية إذا كان أى حد ماتقبلش هزارى وشكراً على المعلومة بخصوص الهاكر

لا لا لا لا لا لا لا ماينفعش كده ياجماعة إيه ده أنا عايزه أشوفكوا بتقطعوا شعر بعض بس يارب مايتطلعش حد أقرع علشان هو اللى هيكسب بهدي النفوس أنا طبعاً حد يفهمنى بقى ويقولى يعنى إيه هاكر ده ؟؟؟

السلام عليكم.. أنا بقى آخيراً خلصت امتحانات ترم أول النهاردة الحمدلله والشكر ليك يارب النهاردة كان حاسب آلى بصراحة الامتحان كان جميل جداً بس الله يسامحهم المراقبين قسماً بالله زى مايكونوا متعمدين يوتروا أعصابنا فى الامتحان ـ بصراحة هما فى أول اللجنة نبهم على اللى معاه برشام او أى حاجه تخص المادة تتطلع بره ـ فأول 10 دقايق اتعمل لواحد محضر غش واتحرم بكده من الامتحانات لمدة سنتين وطبعاً صعب على ناس كتير مننا بس هو اللى عمل كده فى نفسه ـ واللى اتكلم مننا وقال معلش سامحوه وحرام كده دى آخر مادة حرام ... إلخ اتعمله محضر مشاغبه وأول مرة فى حياتى اسمع عن محضر بالاسم ده داخل اللجان ده غير بقى تعالى هنا شوية وانت روح هناك ، وماتكتبوش حاجة على ورقة الأسئله إلا لما تكتبوا اسمكو بالكامل عليها ، وقوم أوقف كده ، وانتى أأقعدى عدل ، وإيه اللى تحت الورقه دى ورينى كده ورقة الاجابه ، يالهووووووووووى شييبوا أعصابنا وربنا من اول الامتحان الله يسامحهم بقى والحمدلله اننا خلصنا عقبال النتيجة بالنجاح والتوفيق يارب وعقبال الترم التانى إنشاء الله

أهلا بيكى مارينا اتشرفت بمعرفتك ياقمر

السلام عليكم ورحمة الله وبركاته أنا رحاب من المنصورة فى التيرم الأول بكلية التجارة جامعة القاهرة فرع المنصورة أتشرفت بمعرفتكم والمنتدى جميل فعلاً بالناس اللى فيه وربنا يوفقنا جميعاً يارب ومعرفة خير إن شاء الله

بس ايه مادة التفاضل دى..؟؟؟؟؟؟؟؟؟ انا اول مرة اسمع عنها ومش موجودة فى المواد المقررة عندى اللى انا سجلتها التيرم ده..!!!!!!!

السلام عليكم ورحمة الله وبركاته ،،، جزاك الله كل خير يا man_reda والله أنا كمان كان عندى نفس السؤال لأختنا بنت السلام والحمدلله أفدتنا افداكم الله_بس أنا ابيض من الصينى بعد غسيله فعلا فى كل المواد ماعدا الرياضة لحد فصل المحددات لحد وقتنا هذا وربنا_لأنى بشتغل وزوجة وأم وأولادى كان عندهم امتحانات الفترة اللى فاتت بتاعت ربع التيرم ونصف التيرم دى_فاياريت اللى يقدر يساعد أى حد فينا محتاج مساعدته أويديه أى معلومة يقول ومايبخلش علينا وربنا يجعله فى ميزان حسناته_لأن عن نفسى مش باخد دروس زى باقى زمايلى ولابقدر أحضر محاضرات وبجتهد إجتهاد شخصى من المحاضرات المكتوبة على صفحتى الشخصية والمحاضرات اللى بشتريها من مكتبة الصقر والفيروز_وربنا معانا جميعاً ويوفق الجميع ويحقق لكل واحد اللى بيتمناه يارب العالمين