dalia

كده برضه؟ تشك في قدراتي وذكائي إلى هذا الحد يا سعادة مؤسس المنتدى....ده أنا مقموصة وزعلانة خالص مالص لا يا فندم، هي المادة 412، Essay Writing، دكتور على عبد العزيز... ماهو لو كان في حد معايا في التيرم السابع يعبرني، ماكانش ده يبقى حالي

أيوه كده شكراً على الرد السريع يا سعادة مؤسس المنتدى يبقى ألف ألف ألف ألف مليون مبروك للأخت توتا والأخ أحمد عبد الحليم والأخ حمدي توفيق....بالنجاح دايماً يا رب وعقبال الباقي إن شاء الله

السلام عليكم، واضح إن مافيش غيري في التيرم السابع هنا عموماً، كان عندي شوية أسئلة بالنسبة للتدريب ده ولو حد يقدر يساعد يبقى كتر خيره. التدريب بيقول: Analyse the following sentences, breaking them down to their component parts, deciding whether they contain one clause, two or more and what linkers are used: (هما تلاتين جملة، بس أنا حكتب الجمل اللي أنا شاكة في إجابتي عليها): 3. In all times and places, music has been a necessary part of the dance (Complex, 1 independent clause and 1 phrase) 4. The huge African elephants escaped from the Russian circus in the north of country (Simple) 5. In ancient times primitive people knew how to use fire to their benefit (Simple) 12. I have found the book I have been looking for everywhere (Complex, 1 Independent clause, 1 adj clause) 15. You must find out why he declined the job offer (Simple) 18. We made the scenery, the girls made the costumes, and everybody turned out for the amateur theatricals. (Compound, 3 independent clauses, 1 linker and) 21. Various people passed him, and he walked on, saying nothing (Compound, 2 independent clause, 1 linker and) 24. One day as the boy came by, the blinds were drawn, and the opportunity to indulge his longing seemed at hand. (Complex, 2 independent clauses, 1 dependent clause, 1 linker and) 25. He plucked a berry and ate it, but its taste was bitter, and he took no more (Compound complex, 2 independent clause, 1 dependent, 2 linkers and , but) 26. As he was about to turn away, the blinds of a window flew open, the old lady leaned out and cried "Now, you naughty boy, you have found your reward." (Compound complex) 30. "The divine", "The enchantress" , "The monster", "The unique", "The golden voice" - the strong feelings that Sarah Bernhardt aroused in her contemporaries have reverberated down the years, to the point where she now symbolises a whole period.

حمد الله على السلامة يا سعادة المدير وحشتنا يا فندم اقتراحك جميل جداً وعلى الله الناس تعمل بيه...بس اللي أنا ملاحظاه إن الأخوة الأفاضل اللي اتخرجوا يا أما مشغولين فمش بيشوفوا المنتدى ومش بيردوا ويقولوا هما مين...يا إما بقى خايفين من الحسد يا أحمد باشا

مشكورين جميعاً على مروركم الكريم

اللهم اني اعوذ بك فاعذني واستجيرك من جهد البلاء فاجرني واستغيث بك فاغثني واستنصرك فانصرني واستعين بك على امري فاعني واتوكل عليك فاكفني واعتصم بك فاعصمني وامن بك فامني واسالك فاعطني واسترزقك فارزقني واستغفرك فاغفر لي وادعوك فاذكرني واسترحمك فارحمني اللهم آمين

ربنا يقدر الجميع اللي عايزين يبقوا نباتيين، ومتشكرين جداً على الكتب الرائعة دي، مجهود جبار كالعادة أما بقى مين أحسن النباتي ولا آكل اللحوم، ففي مثل رائع بيقول "كل اللي يعجبك والبس اللي يعجب الناس" وعجبييييييييي

شكراً يا حمدي على الكتاب ده وربنا يجازيك كل خير إن شاء الله ده أنت زي ما تكون حاسس بيا والله بس لو فيها رزالة بقى، ممكن حد يلخصهولنا ويقولنا المفيد؟ هههههههههههههههه بهزر بهزر بهزر

طب احنا عايزين نعرف مين هم الأعضاء اللي الحمد لله اتخرجوا علشان نعرف نبارك لهم...مش ده الواجب برضه؟ عقبال اللي حيتخرجوا إن شاء الله السنة دي واللي بعدها واللي بعد اللي بعدها كمان

السلام عليكم أيها الزملاء الأعزاء لو ممكن الناس اللي بتحضر محاضرات الدكتور حسين محرم مادة 415 في الجامعة يقولولنا لو في حاجات مختلفة عن المحاضرات اللي على النت؟ لحد دلوقتي مافيش سيديهات ولا محاضرات تليفزيونية اتحطت على الموقع عن المادة دي. للعلم أنا مش بحضر علشان أنا خارج مصر بس حمتحن في مصر إن شاء الله وإلا كنت قمت أنا بالخطوة دي. جزاكم الله خيراً إن شاء الله

السلام عليكم، شيماء يا جميلة، اتكعبلت في المعلومات دي على النت، أرجو أنها تحل لك مشكلة الرومي ينقسم أسم الجنس إلى ثلاثة أنواع : 1 ـ اسم الجنس الإفرادي : وقد سبق تعريف ، وتوضيح ماهيته . 2 ـ اسم الجنس الجمعي : وهو نوع من أنواع جمع التكسير ، يدل على الجماعة ولا مفرد له من جنسه ، ويتميز مفردة بأن تلحقه تاء التأنيث ، أو ياء النسب . مثال ما تلحقه التاء : ثمرة : وثمر ، وجمرة : وجمر ، ولبنة : ولبن ، وزهرة : وزهر ، وشجرة : وشجر ، وورقة : وورق . ومثال ياء النسب : رومي : وروم ، وقرشي : وقريش ، وزنجي : وزنج ، ومصري ، ومصر ، وتركي : وترك ، وعربي : وعرب ، وجندي : وجند . وسم الجنس الجمعي يثنى ، ويجمع . نقول : شجرة : شجرتان ، وأشجار . وثمرة : ثمرتان ، وأثمار ، وتركي : تركيا ، وأتراك ، ورومي : روميان ، وأروام . 3 ـ اسم الجنس الآحادي وهو : علم الجنس . أي الاسم الموضوع للمعنى العقلي العام المجرد ، أو الحقيقة الذهنية المحضة ، ممثلة في فرد غير معين من أفرادها . مثل : أسامة اسم للأسد ، وثعالة اسم للثعلب ، وما شابه ذلك . للزيادة انظر بابه . وده الموقع اللي لقيتها عليه http://www.drmosad.com/index10.htm

حمد الله على سلامتك يا توتا والحمد لله إنك بخير!! طمنينا عليكي من فضلك

موضوع جميل ورائع، شكراً شكراً شكراً ربنا يحفظنا جميعاً ويحمينا من مرض العصر فعلاً اللهم ثبت قلوبنا على دينك، اللهم أنزل السكينة في قلوبنا، اللهم أنعم علينا بالرضا آمين

أخبارك جميلة زيك يا رحاب...ربنا يبارك لك ويسعدك دايماً يا رب الخبر ده أكيد حيفرح ناس كتير شيماء، وحشاني جداً

السلام عليكم رحاب، موضوع أكثر من ممتاز ومؤثر، أشكرك على الاختيار و المشاركة وأنا أؤيد الجميع في أننا يجب أن نبدأ بأنفسنا...ولا تنسوا "الساكت عن الحق شيطان أخرس" تحياتي للجميع

ربنا يخليك لينا دايماً

السلام عليكم ياسر، عجبني جداً الوش اللي بيتساءل بعنف ده حمدي، أشكرك على اهتمامك وبحثك والموضوع اللي انت أضفته مهم جداً على فكرة، لما الواحد بيحس إنه مش لوحده بيمر بتجربة معينة أو مشكلة ما، بتخفف عنه شوية. وأظن إن زي ما المواقع اللي انت جمعتها عامة بتقول، الواحد مش بيستمتع بالحياة أو أهه عايش وخلاص لأنه خايف يستمتع أو خايف يفشل...أعتقد أن العدو الأكبر هو "الخوف". وزي ما حد قريب ليا مرة قال لي، لو فضلنا خايفين مش حنعيش وأحياناً الخوف من الشيء بيكون أكبر من الشيء نفسه.

There is being ALIVE, and there is JUST LIVING....and the difference between them is A WHOLE LIFE

السلام عليكم، أماني العزيزة صدقيني كلنا مقدرين الظروف والوضع وربنا معاكي ومع كل الإخوة الفلسطينيين في كل مكان... إذا بتقبلي مني نصيحة صغيرة كأخت ليكي، أنا عارفة إنك مش حابة المجال وبيبقى صعب الواحد يهضم حاجة وهو عينه على حاجة تانية (الطب اللي كان نفسك فيه)...لكن يمكن الحياة علمتني إن مش كل حاجة الواحد بيتمناها بياخدها، وده بيبقى حكمة من عند ربنا. بس اتعلمت برضه إني ماستسلمش وأحاول أكيف نفسي مع الظروف. فليه مثلاً ما تفكريش في الترجمة على أنها باب تدخلي منه مجال الطب؟ أقصد بما أنك موهوبة أكيد (علشان تجيبي درجات عالية) في الترجمة وكمان بتحبي مجال الطب، تقدري تتخصصي في الترجمة الطبية، ودي مطلوبة في كل بلاد العالم...أنا مش بقول إن ده تعويض عن اللي كان نفسك فيه، بس زي ما بنقول في مصر "نمسك العصايا من النص" ربنا معاكي إن شاء الله، وزي ما مديرنا الجديد قالك هنا حتلاقي أصحاب واخوات كتير يقفوا جنبك ويساعدوكي ويسمعوكي في أي وقت...

ربنا يخليك لينا يا أحمد، دايماً تعبينك معانا بس أنا في رأيي إن المشكلة كلها إنهم ما كانوش عاملين حسابهم على الهجوم اللي حيبقى من طلبة الثانوية العامة اللي اتقبلوا السنة دي، ومع إنفلونزا الخنازير والأعداد الضخمة وطبعاً المدرجات اللي مش ممكن تساعي الطلاب الجداد والقدامى ربنا يسهل، هما بس لو يحملوا المحاضرات التليفزيونية على صفحات الدارسين والدكاترة يلتزموا بالمقرر اللي موجود فيها، أعتقد إن الدنيا ممكن تمشي تمام.

الخبر ده من جريدة الدستور: تأجيل محاضرات التعليم المفتوح لأجل غير مسمي بعد إعلان جامعة القاهرة رسمياً عن بدئها أمس مدير المركز : رفضنا المخاطرة بصحة الطلاب بعد توافدهم بأعداد كبيرة علي الجامعة أمس كتب ـ عبدالرحمن عبادي: قرر مركز التعليم المفتوح بجامعة القاهرة وفروعه بالمحافظات تأجيل بدء الدراسة المباشرة بقاعات الجامعات في أيام الجمع دون تحديد موعد محدد لبدئها فيما بعد. وقال الدكتور عوض عباس ـ مدير المركز ـ في تصريحات لـ«الدستور» أمس الجمعة إن قرار إلغاء المحاضرات لن يشمل المحاضرات التليفزيونية والمحاضرات التي يتم بثها عبر شبكة الإنترنت، مشيراً إلي أن إلغاء المحاضرات المباشرة جاء حرصاً علي الطلاب بعد أن فوجئ المركز بتوافد الطلاب بأعداد كبيرة علي الجامعة أمس في مشهد غير مسبوق منذ إنشاء التعليم المفتوح، وهو ما جعلنا نرفض المخاطرة بصحة «الطلاب». وحول الموعد الجديد لبدء المحاضرات المباشرة، قال عباس إنه لن يستطيع تحديد موعد محدد لعودة المحاضرات المباشرة قبل الانتهاء من إعداد جميع قاعات الدراسة بالكليات لاستقبال الطلاب بنظام جديد يقضي باستقبال طلاب التعليم بقاعات كل كلية تابع لها البرنامج الدراسي. وكان طلاب التعليم المفتوح قد فوجئوا أمس بإلغاء المحاضرات رغم الإعلان رسمياً عن بدء الدراسة والمحاضرات من أمس الجمعة 2 أكتوبر بعد أن أكد بيان صادر عن جامعة القاهرة ـ المركز الرئيسي لمعظم برامج التعليم المفتوح بمصر ـ انتهاء المركز من ترتيبات بدء الدراسة واتخاذ إجراءات مشددة لمواجهة تكدس الطلاب في وقت حضور المحاضرات المباشرة التي تتم في أيام الجمع، والإشارة إلي تقسيم الدارسين في مجموعات صغيرة داخل المدرجات. أ

ربنا يستر، دي حاجة مش مطمئنة خالص...المشكلة إني مش في مصر علشان حتى أروح وأفهم في إيه لو حد راح وفهم يبقى يقوللنا يا ريت

أبداً يا أحمد، كنت بوضب للسفر وبعدين رمضان بقى وانت عارف بس الحمد لله أخيراً رجعت عمان أهه وحرجع تاني أكيد إن شاء الله

هينار، فكرة أكثر من رائعة وفي وقتها زي ما شيماء قالت وجميلة وفيها خير لينا جميعاً شكراً بجد وربنا يسهل وأقدر أشارك معاكم، إن ما قدرتش، يبقى على الأقل حستفيد من المعلومات دي. ربنا يجازيكي كل خير

هينار، متشكرة يا حبيبتي والف مبروك على نجاحك أحمد، ربنا يخليك يا رب، على فكرة أنا في التيرم السابع كده لسه مش التامن بس يسمع منك ربنا ونخلص على خير جميعاً يا رب العالمين آمين