منار عصام الدين

متشكرة جدا جدا يا star بجد انتي فدتيني اوي ربنا معاكي وينجحك يارب

ازيكوا يا جماعة عاملين ايه ربنا معانا كلنا يارب انا كنت عايزة استاذنكوا ممكن حد يترجملنا ال idioms الي في الكتاب صفحة 58 و 62 و 64 بجد مش عارفة معناهم خالص وفي الامتحان بنترجم ال idioms دل للعربي ولا للانجلش بجد اكون شاكرة جداااااااااااااااااااااااا لو حد فادني في الموضوع دة

ممكن حدي يجيبلي الاختبار بتاع تحليل النصوص دور يناير 2011 يعني يبقا ليه جزيل الشكر

بجد انا متشكرة للاهمام وربنا يوفقك ويينجحك يارب

ازيكوا يا جماعة اخباركوا ايه ان شاء الله تكونوا بخير البلد اخبارها ايه دلوقت لسة في بلطجية وكدة ولا خلاص انا كنت المفروض اني انزل مصر الشهر دة لكن بسبب البلطجية مش هنزل وطبعا مش هحضر محاضرات فممكن لو حد بيحضر يؤلنا المادة 423 والمادة 424 الدكتورة قالت ايه فيهم فعلا اليهايشارك هنا يبقا ربنا ينجحه ويؤفف جمبه لانه بيساعد غيره

ربنا ينجحنا كلنا ربنا معاكوا يارب

السلام عليكم ورحمة الله وبركاته ازيكوا يا جماعة عاملين ايه واخبار الامتحانات معاكوا السنة دي يارب ننجح كلنا ياسلام نفسي نطلع بيور من كل المواد كنت عايزة اسالكوا حد كان بيحضر المادة دي يؤلنا الدكتورة قالت ايه علي الكم الهائل من الكلمات دة الي في المحاضرات هايجي منه في الامتحان ولا لا اصل انا شفت بعض الامتحانات مافيهاش والبعض التني فيها فمتلخبطة بصراحة

طيب ياجماعة الكومبريهنشن ايه اخباره ايه الدروس المقررة فيه

اه فعلا عندك حأ انا اتلخبط بينها وبين الترجمة التتبعية اصل انا ضمة ترمين علي بعض وعندي مواد من ترمات مختلفة بعتذر علي الخطا دة

ازيكوا يا جماعة عاملين ايه كل سنة وانتوا طيبين امبارح كان اول يوم في المحاضرات ممكن الي راحوا يؤولولي الدكتور قال ايه في مادة ديكشيناريز كود 314 ربنا يجزاكوا الخير معلش انا مش بحضر لاني برة مصر مشكورين

يا جماعة بالنسبة للناس الي معاها ثقافية 2 انا كانت معايا الترم الي فات دة علي طول وحصل انهم اصدرو كتاب جديد غير الي كان معايا ومع بعض الناس بمعنى ان كان في ناس معاها الكتاب الجديد وفي ناس معاها الكتاب القديم فالدكتورة استغربت وقالت انها معندهاش فكرة عن موضوع تغير الكتاب وسابت المحاضرة وراحت تسال ولما رجعت قالت انها سالت وانهم قالوا لها ان الكتاب اتغيرفقالت لنا ان الترم دة الي احنا كنا فيه بس هو الي مقرر عليه القديم وكل الي معاه الكتب الجديدة يروح ويغيرها وان الترم الي جاي الي هو دة الي احنا فيه دلوقتي هيبداوا في الكتاب الجديد يعني المفروض ان كل الناس الي في الترم التاني دلوقتي ومعاهم ثقافية 2 يذاكروا المنهج الجديد او الكتاب الجديد انا طبعا امتحنتها الترم الي فات وكان سعتها لسة الكتاب القديم والحمد لله نجحت فيها ماتقلاقوش ذاكروا كويس وشدوا حلكوا وانا كمان هبتدي النهاردة مذاكرة ان شاء الله وبالتوفيق للجميع

انا كمان عندي مواد من الترم التاني معايا جرامر 2 ومعايا ترانسلاشن 2 وكمان معايا و كومبريهنشن 2 بس لسة مبتدية علي خفيف كدة

اه اسفة ربنا يجزاك الخير

شكرا علي التطبيقات ربنا يجزاكي الخير

بسم الله الرحمن الرحيم كل سنة وانتوا طيبين بمناسبة العيد الكريم خلص رمضان بسرعة اوي وماحسناش بيه ربنا يتقبل صيامكم وقيامكم

لاني مقيمة بالسعودية ومش بقدر انزل مصر مرتين في سنة واحدة فضميت ترمين علي بعض عشان امتحن مرة واحدة اخر السنة طبعا الموضوع صعب جدا وانا مش ضمنة اني انجح في العشرة انما علي قد المقدرة ربنا يسهل

حاضر من عنيا الاتنين بس اهم حاجة ان يكون نفس المواد بتعتي هي هي بتاعتكوا انا ضمة ترمين علي بعض باخد الخمس مواد بتوع الترم الأول مع كالتشر2 ونحو علي مستوى النص من الترم التاني ومن الترم الرابع فوناتكس ومن الترم السادس سيمانتكس وسينتكس ومن الترم التامن نصوص من الادب العربي المعاصر

بصي انا تقريبا عندي نفس مشكلتك بس انتي معاكي نحو علي مستوى النص ولا علي مستوى الجملة انا اصلي معايا الاتنين بس كل الصعوبات الي بوجهها دايما في العربي فربنا يستر

ربنا ينجحك مرسي علي الامتحانات والمجهود الرائع دة

معلش علي التاخير بصي يا جميل المقرر في كالتشر 2 هو الي في المحاضرات لا زيادة ولا ناقص بمعنى انك عندك كل الدروس الي في المحاضرات والتطبيقات مقرر مافيش حاجة متشالة انا هاقولك انا بذاكر المادة دي ازاي يمكن طريقتي تنفعك انا اول حاجة بقرأ الدرس وانا بقرأه بحط خطوط تحت الكلمات الي انا مش عارفة معناها وبعد ما اخلص اترجم كل الكلمات الي انا طلعتها وبعدين اكتبها بمعناها واحفظها بالكتابة كلها بعد كدة اقرا الدرس تاني طبعا هبقى فهماه كويس لاني عرفت الكلمات الي ماكنتش عرفاها وبعدين امسك برجراف برجراف اطلع منه اهم نقط واكتبها علي جمب واقراها لوحدها بعد كدة دة بيخلي الدرس زي المية بعد كدة حلي الاسالة الي في الكتاب وبعدين الي في التطبيقات وبعد ما تحليهم وتخلصي هاتي كل امتحانات المادة دي واتفرجي علي الاسالة الي جت في الدرس دة هتلاقيها كلها سؤالين تلاتة هماهما في كل الامتحانات وهتلاقيهم جايين ياامة من الكتاب يامة من التطبيقات بس كدة ولو محتاجة حاجة تاني اساليني وانا موجودة يا قمر

بصي يا اماني انا في واحدة صحبتي اتعرفت عليها في الجامعة النهاردة بالليل هتصل بيها اسالهالك هو انا عارفة انه مقرر اكيد بس هي حضرت امبارح والمفرود انه يكون اتشرح انا مارحتش لظروف صحية فانا هكلمها وارجع اقولك والنهاردة كان في مراجعات نهائية بكرة ان شاء الله اقولك اتقال فيها ايه لاني بردو هاخدها من نفس البنت

شكرا علي المجهووووود دة

بسم الله الرحمن الرحيم عندك حق يا ميستر حمدي لكن انا كل مشكلتي اروح فين لما اروح المركز طيب انتوا لما تعزوا تحضروا بتروحوا فين طيب المحضرات نظمها ايه ممكن اسال مين في المركز عشان اقدر اوصل للمعلومات الي انا عايزاها

ربنا يخليكي يا توته انا خلاص حجزت ونازلة الجمعة الي جاية ان شاء الله بس هشوفك ازاي اقصد اعرفك ازاي لو تتقدري تبعتي رساله علي الخاص وتديني ايمالك او موبايلك عشان اقدر اكلمك يكون كويس اوي

ربنا يخليكي يا حبيبتي انتي عندك حق انا فعلا فكرت كدة بس انا مش هاينفع اولد هنا لوحد وخصوصا اني معايا بنت تانية صغيرة انما انا اتوقع ان السنة دي بس هي الي هتكون كدة عشان ظروف الولادة وبعد كدة هنشوف قصة الامتحانات هنا ايه اخبارها لان النزول فعلا مكلف جدا ومتعب جدا جدا خاصتا لما يكون معاكي ولاد انا هاخد ايمايلك واكلمك