Hussein1974

بصي ياجينا في قاعدة بتقول ان الطالب ممنوع ياخد مواد من تيرم اعلى الا اذا كانت مواد التيرم السابق ليها متطلب او متعارضة مع مواد تانية في الامتحانات. لانك ممكن ترسمي خطتك وتتفاجئي بان المواد ايامها في الامتحانات ورا بعض يعني كل يوم.فلازم يكون ادامك قبل ماتختاري حاجتين: 1-جدول الامتحانات ومش مهم يكون اللي جاي ممكن يكون اللي فات لان قواعد الجدول واحدة. 2-المواد اللي مسموحلك بتسجيلها ودي سهلة تعرفيها من صفحة المستويات الدراسية وكمان مارينا قالتلك على معظمها. في الحالة دي هاتقدري تختاري المواد اللي في بينها ايام كافية في الامتحانات وممكن تاجلي الباقي اما للتيرم البيني او تختاريهم وتعتذري عن بعضهم.

المحاضرات التليفزيونية بتيجي في قناة التعليم المفتوح وبتكون في صفحتك الشخصية بس طبعا في صفحتك الشخصية بتكون في متناول ايدك يعني في اي وقت عاوزة تشوفيها بتشوفيها. وعلى فكرة بالنسبة لاي مادة باذن الله هتلاقي هنا اللي يجاوبك ويفهمك اي حاجة صعبة لان المنتدى بصراحة مليان ناس كتير كويسة. وبالنسبة للنحو لو اداكي الدكتور سعد يبقى من حسن حظك لانه كان بيشرحلنا مادة النحو على مستوى النص تيرم تاني وكان ممتاز جدا واعتمدت على شرحه في المحاضرات التليفزيونية وكان رائع. وياريت بلاش كلمة الشكر يامريم.احنا كلنا اخوات.

يامريم انا في التيرم الاول امتحنت امتحان الترجمة كان دور يناير2010 وكانت القطعة من الكتاب صفحة 73 وكانت بتتكلم عن اتنين مسلحين اختطفوا حافلة ركاب.ودي قطعة موجودة صفحة73 وترجمتها موجودة صفحة162.ولكني ترجمتها باسلوبي لاني مكنتش مركز على ترجمات الكتاب.وجبت في المادة دي ممتاز الحمد لله. وامتحانات كتير حتى في تيرمات متقدمة بتيجي اجزاء كبيرة منها من الكتب والمحاضرات بدليل اني اتعودت اذاكر من المحاضرات التلفزيونية بس والحمد لله نجحت في 21 مادة لحد دلوقتي.ولكن طبعا في بعض اجزاء الامتحانات بيكون من بره الكتاب بس اللي فاهم كويس بيقدر يتعامل معاها. لكن انا متفق مع سومة في انك لازم تفهمي قواعد الترجمة وتدرسي كلمات كتير ورايي ان حتى لو القطعة جاية من الكتاب متعتمديش على حفظ ترجمتها لانك لازم يكون ليكي اسلوبك الخاص بيكي في الترجمة.

ربنا يديم روح المحبة والصداقة والتسامح بينا دايما. اقولكم حاجة بصراحة انا اول تيرم ليا احس بالفرحة الكبيرة دي لاني اول تيرم ناس كتير يشاركوني قلقي وفرحتي بالنتيجة واحس فعلا اني فرحتلهم زي مافرحت لنفسي.فعلا انتم كلكم حسستوني بطعم الفرحة.

يامريم اطمني على الاخر لان اول تيرم مش بيخرج عن المحاضرات والكتب،ولو جاتلك قطعة مثلا في القراءة والفهم من بره بتكون كلماتها سهلة،وبعدين لازم تفهمي انها اسمها قراءة وفهم يعني اهم حاجة الفهم وطبعا مع بداية الدراسة هتلاقي الموضوع بسيط بمساعدة الجميع هنا. اما النحو او القواعد الانجليزية او المادة التقافية او الترجمة فكلها من الكتب والمحاضرات ،لكن مع تقدم التيرمات بتيجي حاجات من برة الكتب. لازم تتاكدي ان اول تيرم فرصة كبيرة ليكي انك تجيبي تقدير فيه لانه بيكون امتحاناته مباشرة وارجعي لنتايج الزملاء هنا في التيرم الاول هتلاقي معظمهم جايبين تقديرات كويسة. بلاش تخافي زي ماكنتي خايفة قبل كده واطمني واجتهدي وخلي النتايج على الله.

أختي العزيزة،كنت أتمنى أن أحدًا غيرك يكتب هذا الموضوع،وكنت نويتُ ألا أدخل حتى يدخل عضو جديد ليشاركنا،ولكن أشكرك على هذا الزوق الراقي الذي أفادنا بدخول عضو عزيز على قلبي، ألا وهو محمد سعيد على الرغم من كونه بكلية التجارة ولا يدرس لغة عربية. فأهلا بك صديقي العزيز،وأرجو أن تستمر معنا ويشاركنا غيرك من الزملاء الأعزاء،فصدقوني مع بداية الدراسة سيعلم الكثير أهمية هذا الموضوع. وتنفيذًا لهدف الموضوع أحاول أن أجتهد في تصحيح ما أراه من أخطاء،وأنتظر الآراء،وكذلك تصحيح الغير لأخطائي اللغوية،وما أراه يتلخص في الآتي: 1-لم يلقى:لم يلق لأنه فعل مضارع مجزوم بلم و علامة جزمه حذف حرف العلة. 2-عظيم:عظيمًا لأنه خبر كان منصوب بالفتحة. 3-شملت أنواع:شملت أنواعًا لأنه مفعول به منصوب بالفتحة. تقبلي مروري أختي الكريمة،وأشكرك على هذه الكلمات المعبرة،المفسرة لأسمى معاني التضحية.

المنتدى دايما منور بوجودك يا صديقي العزيز.وربنا يبارك فيك وفي موضوعاتك المهمة الشيقة

موضوعك ده من اجمل واهم الموضوعات اللي كتبتها ياحواس.

العفو يانوران.ربنا يخليكي.

كلامك صح ياجلال وانا فاهم ان دي ممكن تكون طلبات من خريجي الثانوية الحديثة ولكن اذا فرضنا ان قرار دخولهم التعليم المفتوح خاطيء من الاساس(مع انى مش مقتنع انه خاطيء لانه بيفتحلهم فرص مش موجودة في كليات تانية وكمان دي مسالة عرض وطلب) ولكن لو فرضنا انه خاطيء فهل هؤلاء الطلاب ميعرفوش قوانين ونظم الدراسة في التعليم المفتوح قبل مايكتبوه في رغبات التنسيق؟ مش ممكن ميكونوش عارفين كل قواعد التعليم المفتوح لان التعليم المفتوح لو سالت عليه اي حد دلوقتى هايقولك نظام الدراسة فيه. يبقى بدل ماكانوا دخلوه وجايين دلوقتي عاوزين يغيروا نظام متوافق مع ظروف معظم اللي بيدرسوا فيه كانوا دخلوا كليات او معاهد تانية فيها اللي هما عاوزينه. وبعدين في طلبات ممكن متاثرش علينا ومش هاتفرق معانا زي اتحاد الطلبة والمصاريف ولكن زيادة ايام المحاضرات لاطبعا لان المعظم بيناسبه يوم الجمعة يعنى لو خلوه كذا يوم اللي بيحضر مش هايحضر.اما طلب الدراسات العليا فاحنا اصلا لينا تكملة ولكن في جامعات تانية يعني ممكن يكون الطلب انهم يغيروا النظام ويسمحولنا بالتكملة في جامعة القاهرة. عموما سواء قبلنا او رفضنا بعض الطلبات فده مش المبدا ولكن المبدا هو فرض التغيير بطريقة كن فيكون دي اللي بقت موضة.انا رايي ان النظام والمناقشة في عرض الطلبات افضل مع قبول اي نتيجة تحصل بعد كده. مش لازم اللي يتقال يتنفذ حتى لو هايضر ناس تانيين.

لو عاوز تكمل ماجستير ودكتوراه يبقى فى جامعات تانية غير جامعة القاهرة زى جامعة حلوان وحسب قواعد ولوايح الجامعة طبعا. لكن جامعة القاهرة لا.ودى كارثة طبعا.لاننا بناخد الشهادة من جامعة القاهرة يبقى ازاى منقدرش نكمل فيها.حاجة تجنن.

انا الطلب الوحيد اللي متفق معاه هو الدراسات العليا فقط. 1- الانتساب الموجه مش اقل مصاريف اوي لان الكتب لوحدها بره المصاريف وبرضو على حد علمي بيتكتب انتساب في الشهادة لو مجبتش جيد وحولت انتظام. 2-تخفيض المصاريف: ماهي المصاريف لسة مخفضينها بعد الثورة ومش عالية اوي. يعني بالمقارنة بالجامعات الخاصة تعتبر كلام فارغ. 3-انشاء اتحاد طلابي وزيادة المحاضرت:طيب ماهو معظم الدارسين مش فاضيين بدليل ان معظمهم مش بيروحوا يوم الجمعة كمان يبقى هايروحوا كذا يوم ويلاقوا وقت لاتحاد الطلبة. 4-تطوير المناهج:ازاي مش فاهم وهي المناهج دي مش مطورة ومش مفيدة؟طيب معنى كده ان كل اللي بيطلب التطوير جايب تقديرات عالية جدا وعاوز دراسة اكتر تطور.متهيالي لا. اما الدراسات العليا فمن حقنا نكمل زي اي خريجين من الجامعات وفي الجامعة اللي احنا متخرجين منها بالاخص مش نروح نكمل في جامعات تانية. انا رايي لما نطلب مطالب لازم نفكر الاول هل المطالب دي بتتناسب مع الاغلبية العظمى ولالا.مش كل واحد يجي في دماغه طلب يطلبه لمجرد انه مقتننع بيه.

عندك حق يامحمود لانهم لو راجعوا التصحيح يبقى ناس كتير اوي هايقدموا وكانها نتيجة جديدة وبعدين الدكاترة من المفترض ان تصحيحهم يتميز بالشفافية فطبعا مش ممكن يشككوا فيهم ولكن ربما يحصل خطا في الرصد بس. حتى الطلب اسمه اعادة رصد الدرجات وليس اعادة التصحيح.

معليش ياايمن اعمل اللي عليك واعمل اعادة رصد ولو طلع تقديرك زي ماهو ماعليك الا انك تحاول تنسى اي مواد فاتت وتفكر في اللي جاي وسهل تعوض بس تحاول تتدارك اخطاءك. ياجماعة في حاجات ربما تبدو للبعض هايفة لكن عليها اساس كبير في التصحيح. المسالة مش مجرد معلومة وبس لاننا بندرس لغة يعنى الدكتور بيحاسب على كل كبيرة وصغيرة في الاجابة فيما يتعلق بالاخطاء اللغوية سواء مادة عربية او انجليزية. يعنى مثلا لو بتجاوب على سؤال في موضوع قراءة مينفعش تكتب الاجابة صح كمعلومة وكلغة لا وتخرج تقول هاجيب ممتاز وتلاقيه جيد مثلا. عاوز اقول ان الاجابة اهم حاجة فيها تكون اللغة صح وبعد كده المعلومة ولو لاحظنا هنلاقي في مواد كتير مش بتعتمد على معلومات بقدر ماتعتمد على كتابة لغة صح واسلوب ومهارة الطالب. ونصيحة تانية متخلوش مقياس الاجابة بالكم المكتوب ولكن الاهم الكيف يعني هل اللي انت كاتبه ده صح لغويا ولالا ولو حتى كان قليل من وجهة نظرك ربما يكون للدكتور شيء ممتاز. واخيرا احب انبهكم ان في بعض الاسئلة بتطلب معلومة محددة فلازم نحاول نفهم ايه المطلوب من السؤال عشان منكتبش كلام كتير ملوش لازمة وتكتر الاخطاء اللغوية اللي تخسرنا درجات من غير داعي.

ههههههههههههههههههههههههههههه.انتم مالكم شاغلين نفسكم اوي كده بالموضوع ده ليه؟ شكل كده سومة من الاوائل ومخبية علينا لحد ماتتاكد.

ياجماعة حمدي كلامه صح. التقديرمن 65 الى اقل من 80 جيد ومن 80 الى اقل من 90 جيد جدا.

هههههههههههههههههههههههههههههههه.

لا انا باوطي صوتي كده وباعلي صوتي كده شفت بقى اني صوتي سواء واطي او عالي جميل وعذب وكله طرب

شفتك وانتي بتقولي عقبالي. عقبالك لوحدك؟ مااااااشي

مبسوطة ياسومة؟يالا خلي الجيران تحبسنا.

كده كويس يارضا ولا اوطيه كمان؟

بزعأ عشان الجيران يسمعوني طبعا .

يعني انا اقصد الصين احسن ولا الدكتور ابو سماعة؟

مشوفتيش تمثيلية دكاترة ناصف ابو الفضل لما قال للراجل انه دكتور قاله يعني انت اجدع ولا الدكتور ابو سماعة. دي جملة بتتقال على سبيل الهزار ياسومة.

هي مش الصين دي المفروض بالسين. طيب هي احسن ولا الدكتور ابو سماعة.