Hussein1974

لاشكر على واجب يانهى،احنا زملاء ونتمنى نقدر نفيد بعض بقدر الامكان. انا باذن الله تيرم سادس واتمنى يكون تيرم كويس لينا كلنا وربنا يكلل جهودنا بالنجاح والتفوق باذن الله.

اللى يقول يقول بقى.ساعتها هايبقى لا حياة لمن تنادى.

ياحواس ماهم بينتحروا عشان يعرفوا يناموا براحتهم من غير ماحد يقلقهم.

نورتينا يارباب وباذن الله بالنجاح والتوفيق. المحاضرات بتكون يوم الجمعة فى مقر المركز فى المبنى التعليمى 2 وبتبدا من الساعة 8 الصبح والجدول موجود على موقع المركز.

اهلا بيكى يارباب فى المنتدى وباذن الله تلاقى كل تعاون من الجميع والف مبروك على التسجيل.

عزيزى زيكة عندك حق فى كلامك طبعا ولكن عاوزك تتخيل اسلوب عرض الموضوع لو كان بدون ذكر التمييز بين الثانوية العامة والدبلومات تفتكر كان حد اعترض عليه؟ انا عن نفسى لو كان الاخ حسين قال عاوزين نرجع الانتساب بدون اسلوب التعالى اللى فى كلامه على الدبلومات الفنية كنت هاقوله ليك حق تطلب اللى انت عاوزه وتعرضه على من لهم القرار. كون اسلوب التعليم فى بلدنا غلط او حتى فاشل ده مش معناه اننا نقلل من بعض او نحاول نصادر على حقوق غيرنا. ولو الامر بعقد المقارنات ليه منقولش ان طالب الانتساب كان بيجيب 65% فى الثانوية العامة وربما اقل وبيدخل كلية وقسم مع طالب جايب 85%وربما اكتر. يبقى الطالب اللى كان بيجيب مجموع كبير كان وقتها لازم يقول بمنتهى التعالى والتكبر ازاى نتساوى مع طلبة جايبين اقل المجاميع. تفتكر لو حد دخل انتساب موجه ولقى واحد جايب مجموع كبير بيقول ازاى نتساوى مع بتوع الانتساب اللى جايبين مجاميع صغيرة ايه هايكون احساسه؟ الخلاصة مفيش اعتراض على حق اى حد فى طلب اى شيء ولكن يطلبه باسلوب ميجرحش حد. احنا بننصح وكل واحد حر فى فكره واسلوبه بس لازم يحط نفسه مكان غيره اولا.

اولا حمدا لله على سلامتك والف مبروك على البيبى السعيد. ثانيا انتى كده تيرم اول طبعا وباذن الله اللى بيحضروا يكتبوا اللى بياخدوه وانتى ركزى على محاضرات الفيديو على صفحتك. ثالثا التيرم البينى ده تيرم بين التيرمين الاساسيين ممكن عشان لو حابة تقسمى ال 5 مواد على تيرم اساسى وتيرم بينى يعنى للتخفيف وكمان لو معاكى اى مواد تانية ممكن تمتحنيها فيه بس المادة فيه ب 200 جنيه والامتحانات بتكون فى مدة قصيرة 5 ايام بس. عموما اهلا بيكى وباذن الله تلاقى كل افادة وتعاون هنا بس لازم تتابعينا اول باول.

هو الحضور طبعا مفيد و مهم خصوصا فى الترجمة التتبعية.

لا شكر على واجب بس على فكرة انا تيرم سادس لكن انتظرى لما حد من التيرم الاول يدخل وهايجاوبك على سؤالك. ونصيحتى ليكى مناهج القراءة والفهم والترجمة اهم حاجة فيها الكيف وليس الكم او التسلسل بمعنى انك الاول تفهمى اسس التعامل مع المادة وبعدين تدرسى المهنج بالطريقة اللى تعجبك.

اهلا بيكى فى المنتدى ونورتينا وباذن الله تاكدى انك هنا هتلاقى كل تعاون لان مبدا المنتدى قائم على التعاون بينا كلنا واى حاجة تحتاجيها اسالى عليها ومتشليش هم اى حاجة.

خالص الشكر والتقدير للأخ السيد رزق وللأخ حواس،فقصتك عزيزي سيد رائعة،وردك عزيزي حواس رائع أيضًا. بارك الله فيكما،وزادنا من أمثالكما.

مالها يعنى الثانوية العامة مش فاهم؟ماهى الثانوية العامة بقالها سنين سهلة جدا واى واحد يقدر يجيب فيها مجموع كبير حتى لو مش متفوق. ده غير ان اصلا الانتساب كان بياخد اقل المجاميع فى الثانوية العامة يعنى زيهم زى طلبة الدبلومات ويمكن المتفوقين فى الدبلومات افضل منهم كمان. اللى مينفعش فعلا اننا نتكلم عن الدبلومات كده كان الثانوية العامة دى دكتوراه.ده غير ان مدى نجاح الدارس فى الجامعة هو اللى يحدد هل يستحق انه يدخلها ولالا مش كونه معاه ثانوية عامة ولالا. وانا واثق ان اللى اتحرموا من فرصة الدراسة الجامعية ودخلوا برغبتهم التعليم المفتوح هما دول اقدر الناس على النجاح فيه وممكن التفوق كمان. لازم يكون عندنا ثقافة تقدير الاخرين واحترامهم ومنفكرش فى مصلحتنا على حساب مصلحتهم والتقليل من شانهم.

بتاخد الكارنيه بس.وربنا يوفقك

اهلا بيكى يااية فى المنتدى ونورتينا. اكيد فى تواصل بينا هنا جميعا وباذن الله نقدر نفيدك. انا حسين تيرم سادس بس معايا 4 مواد من خامس 312-313-314-315.

شكرا ليك ياحواس على مواضيعك ومشاعرك اللى نادر وجودها. وعلى فكرة اسمك اول اسم فيهم.

فعلا ياحواس موضوع مهم وحساس ومن خلال خبرتي في التعامل مع الناس اقدر اقولك ان الناس اللى ممكن يسلفوا حد مال بدون اي غرض وهما على يقين انه ربما ميقدرش يسدد المال ده قليلين جدا جدا جدا لابعد الحدود.وربما لاتجد شخص واحد فى اللى حواليك ممكن يسلفك جنيه واحد مهما كنت محتاج للجنيه ده ومهما كان الجنيه ده مالوش قيمة بالنسبة له. اما بالنسبة لتجاربي الشخصية فانا عن نفسي لو قادر اسلف حد باسلفه وبدون اي غرض وحتى لو عارف انه مش هايقدر يسدد وصعب اوي عليا اقول لحد كلمة لا او اطالب حد بدين حتى لو كنت محتاجه بس طبعا في حالة لو حد طلب مني فلوس اقدر اديهاله لان فاقد الشيء لا يعطيه. لكن لو احتاجت استلف عندى عقيدة راسخة اني مطلبش غير من شخصين اتنين او تلاتة محددين عندي بالاسم ومطلبش من غيرهم حتى لو مش هلاقي طلبي عندهم لاني مقتنع بشيء وهو ان محدش بيسلف حد غيري انا والاشخاص المحددين دول وبس وبقول كده مش لقلة الناس اللي يقدروا يسلفوا.لا.بالعكس انا اعرف ناس كتير جدا عندهم القدرة على كده بس عندي العقيدة انك لو طلبت منهم حاجة استحالة يسلفوك. دي عقيدتي ودي وجهة نظري وعارف انها ممكن تختلف مع اراء ناس غيري بس ده انا شفته في مواقف ادامي ومع ناس كتير ممكن تحتاج اقل القليل وللاسف متلقيش حد يساعدها الا اللي ظروفه بسيطة وعادية وصعب عليه يقول كلمة لا لحد محتاج. على فكرة محدش يستغل الكلام ده ويقولي سلفني تعريفة.خلاص؟

سلمت يمينك ياشادى.فعلا اقوال تستحق القراءة كثيرا وكثيرا.

ماهو فعلا الجدول اتغير ياسالي بس سومة تقصد انه لسة متغيرش في الصفحة الخاصة بالدارس.

على فكرة انا باكلمك في الدردشة.

وكمان دي بتسال على الامتحانات وازاي بتيجي يعنى عاوزة حد يكون درس المادة قبل كده او مذاكرها كلها. ماتذاكريها بقى ياسومة وتخلصي مستنية ايه.لازم تزنقي نفسك زيي.

مانا فاهم ياسومة بس باقولك انى لسة مدرستش اصلا نصوص ادبية 1 عشان كده مقلتش من الاول ان دي زي دى لانى اصلا لسة مشوفتش الاتنين.

انا نصوص ادبية1 لسة هاسجلها التيرم ده باذن الله اصل انا عندي شوية لخبطة في المواد.

اهلا بيكى عزيزنى في المنتدى ونورتينا. انا زميلك حسين برضو تيرم سادس بس المادة دى باذن الله هاخدها تيرم سابع. على فكرة اكيد اللي دخل قرا رسالتك مش بيدرس المادة او ممكن يكون واخدها ولسة مذاكرهاش وطبعا ميقدرش ينصحك بحاجة ميعرفهاش لان فاقد الشيء لا يعطيه. باذن الله يدخل اللي درس المادة قبل كده او ذاكرها ويفهمك اللي انتي عاوزاه لاننا هنا الحمد لله الكل متعاون وتاكدى انك هتلاقي المساعدة والافادة اللي تتمنيها. وربنا يوفقك ويوفقنا كلنا.

حاضر ياكوين هاعذره عشان خاطرك.