ciscoocean

May i aske to upload the Exam May i know what was the topic of.

إمتحان الجرامر 2013 _ داخل مصر

English Grammar_1 جـــرامـــــر مـــــــراجــــعــــة جــــــرامــــــــر _ 1

السلام عليكم يا جماعة إمـــتـــحـــان الــــــــــعربى _ ترم أول _ لغة إنجليزية _ داخل مـــــصــــر بالتوفيق إن شاء الله

السلام عليكم و كل عام و أنتم بكل خير أعزائى يا ريت ندخل الموقع دة قــــواعـــد اللغة الــعــربــيــــة و سوف نرى مع بعض الامثلة و الشرح المفسر بوضوح قواعد اللغة العربية و سيكون هناك تبسيط إن شاء الله بالتوفيق ....و دمـــــ تـــــم

و الله يا جماعة بالنسبة للعربى اللى فى الكتاب يعتبر مبسط جدااً و أكيد لو قارنا المحاضرات المكتوبة اللى على صفاحتنا مع الفيديوهات حنلاقيها شاملة مواضيع كبيرة بشرح أكيد حنستفاد منها, لكنها مش مقررة علينا و الموضوع كله محتاج تركيز فى اللى علينا دلوقتى عشان نبقى فاهمين و نقدر نركز كويس و منبقاش متلغبطين و لا قلقانين من مستوانا, و أنا الصراحة بقيت متلغبط فى تعليقات الدكتور على المذاكرة منين و كان بيأكد على أننا نذاكر من الكتاب و المحاضرات للناس اللى بتحضر و الإثنين محصورين فى نقط معينة و مش زى المحاضرات المكتوبة و لا زى الفيديوهات. بس أنا حابب إننا نركز فى اللى علينا حاليا و اللى المفروض اننا نكون مذاكرينه بالتوفيق

الموضوع مفيهوش لغبطة ... كان فيه زميل بيحاول ينزل التطبيقات العربى و مش قادر عشان الصفحة مش شغالة عنده و كان محتاج الفيديوهات ضرورى و زميل تانى قام برفع و نشر الفيديوهات.......مساعدة يا ريت نحاول نقرأ الردود عشان نبقى عارفين إحنا بنزل إيه و دمـــ ـتـ ـــم

صدقينى يا نهى , أنا نقلت المعلومة زى ما إنتى قرتيها بالظبط و مش فاهم فكرة إنى أختار بس الغلط ...!!! أنا مش موجود فى مصر أصلا و مش متأكد كمان من فكرة الامتحان خارج مصر و طريقته حتكون إزاى و سايبها على الله.

هية فى كل الفيديوهات اللى كانت بتشرح فيها كانت بتأكد على طريقة الإمتحان, و إنه حيكون نظام إختيارات و مش حيكون ليه إسلوب تانى و فى المحاضرات نفس المعلومة كانت بتقولها بإستمرار, و فى آخر محاضرة قالت طريقة الإمتحان الجديدة .....واوووووو مفاجأة , إيه رأيكم فى المفاجأة دى , أكنها عملت مفاجأة بإنها عملت عيد ميلاد لحد مثلا ؟!!! على العموم متقلقيش فكرة إنك إبتديتى تشكى فى قدراتك الفكرية و بالذات فى الجرامر .. الدفعة دى كلها كدة و حت الدفعات السابقة , ف دى سابقى فى حد ذاتها تتحسبلها إن فيه ناس كتير متفقين على مبدأ واحد , و إحنا اللى مستوانا الفكرى للأسف تحت قوى بالتوفيق إنشاء الله و متقلقيش إعملى اللى عليكى و أكيد إن شاء الله التوفيق حيكون رفيقنا

و الله و لا أنا كمان تفقت على كدة , و كانت فكرة الإختيارات بالنسبة ليه أحسن بكتير و مستعد ليها, لكن لقيت على جروب الفيس بوك و الكلام من Heidi Magdy و كانت حضرت المحاضرة الأخيرة و قالت الكلام دة, المشكلة كمان إنى بشوف المحاضرات اللى على الفيديوهات , بجد هية مش قادرة تشرح ... يعنى لو تشرح بالعربى بس يبقى أوكى و لو تشرح بالإنجليزى بس يبقى تمام مفيش مشكلة , لكن هية تايه و محسسانى إنها أصلا مش من هنا. و التدريس بجد ليه ناس تقدر توصل معلومة مش أنا دكتور يبقى من حقى إنى ادرس ... عندها معلومات و هية تمام بس مش قادرة توصل المعلومة و دى بجد مشكلة, أنا كنت شايف إن الجرامر مفيهوش مشكلة , لكن لما شوفت الفيديوهات بجد تهت و مش عارف أروح ....

الــجـــرامـــر ========= فيه معلومة عن الجرامر حبيت أنقلها و فى نفس الوقت عشان ناخد بالنا الدكتورة شرحت المحاضرة السابعة comparative and superlative و ER...ER structure وحلت بعض الجمل عليهم واتكلمت عن الامتحان وقالت انه هايجي 40 سؤال Choose على جزئين الجزء الاول تختار الاجابه اللي تكمل الجمله صح والجزء التاني هايبقى جمله غلط وتختار انهي جزء اللي غلط فيها about an hour ago · Edited · Like شكرا يا عطر على مجهودك بجد ...

تسلمى على المجهود يا عطر .... طمنينى وصلتى لحد فين فى المذاكرة أنا موجود.

اولا كل سنة و إنتى طيبة يا gina mikhail و تكون سنة سعيدة عليكم و علينا إنشاء الله بالنسبة للترجمة أنا موافقك, بس إيه رايكم إننا نشارك كمان بجميع المواد التانية و نعرف إيه اللى محتاجينه و أكيد حنلاقى حد أقوى من التانى فى نقطة معينة و الكلام دة فى أى مادة و اكيد نتمنى منه انه يشرحها بإختصار و بالذات ان الامتحانات خلاص قربت يا حلوين و النجاح كمان جنب منه علطول

حمدالله على سلامة مـــــــشــــــرفــــتـــــــــــنـــا

قـــبل ما تـــدخل الإمــتـــحــــان_ الدكتور إبراهيم الفقى الأحتياجات العشرة للأنسان_ الدكتور إبراهيم الفقى بالتوفيق

ايه المفاجآت الجميلة دى ....أغيب شوية ألاقى عــــطـــــــر الجــنـــة (( مـــشـــــــرفـــة )) طب المفروض تقولوا للأعضاء و نقولها المفاجأة فى حفلة كبيرة تليق بيها ... على العموم ........مــــــــــــبــــــــــــــــــــروك

تسلمى يا عطر على الأخبار ... حمد الله على السلامة و بجد الواحد حاطط إيده على قلبه لحد ما تيجى و تكتبى

تسلمى يا Yassmina على المعلومة ..بصى يا ستى احنا بنعمل ايه فى الترجمة أو دة اللى انا بعمله, بترجم القطعة و بعيد عليها مرة و اتنين و أول ما أحس إنها مظبوطة ... هقولك مظبوطة إزاى و دى وجهة نظرى, بشوف ترجمة الكلمات متناسقة و جاية فى تنسيق الجمل و لا لا , النغمة بتاعة الجملة جاية مناسبة بحيث إنك تحسى كدة ان الموضوع فعلا مش مترجم , تبسيط الكلمة و سهولتها للوصول إلى عقلية أى شخص, بمعنى مش بس المثقف هة بس اللى يقدر يفهم معنى الجملة , و كمان أنا عايز أى حد يقدر يفهم الجمل المكتوبة, آخر حاجة الإسلوب و دى بقى بتبقى زى البصمة بالضبط, يعنى حتلاقى كل الترجمات المكتوبة فى الدنيا حتكون بتوصل المعنى, لكن بعد أساليب , بمعنى تانى , كل شيخ و له طريقة , و إنتى و شطارتك بقى, يا إما الناس حتحب تقرأ ليكى الترجمة , يا إما هتقولك مش بطال كويسة و دة معناه إنك موصلتيش الإحساس المطلوب للقارىء. تعديل صغير, بعد كل اللى انا بعمله دة بعرضه هنا أو على جروبات الفيس بوك و الناس بتقولى إيه التركات اللى اقدر أصلحها , و الصراحة فيه ناس ساعدونى فى تصحيح بعض المعلومات و كان آخرهم gina mikhail , و دة لأنى بس بترجم و معنديش بعض أساسيات الترجمة,أنا مش بذاكر ترجمة, لكن بذاكر الكلمات و أبتدى ... أنا بس بحب أترجم. تمنياتى بالتوفيق

أعزائى عرضت لنا أخت متواجدة على جروب فى الفيس بوك محاضرات مختصرة و وجيزة فى النحو لغة عربية و يمكنكم تحميلهم من هــــــــــــن ـــــــــــــــــــــــــــا بالتوفيق

شكرا يا عطر على مجهودك . . تستحقى أكثر و أكبر من وسام حمدالله على سلامتك

اترجمتك ميزتها انها بسيطة و سهلة الفهم و انا كمان شايفة ان جملة( هجوم سورى صاروخى محتمل ) دى طويلة بس خفت احذف كلمة صاروخى على اعتبار انها معلومة مهمة بتوضح سبب ارسال بطاريات صواريخ أنا بشوف المعلومة لما بتوصلى و أفهمها بتبقى إزاى و أكيد الإعلام الموجود بيعرف يوصل المعلومة بأوضح الصور , نقطة تانية مش محتاجة أنك تخافى .. لانك بتوصلى معلومة بطريقة تقدرى انتى نفسك تفهميها و متبقاش عبارة عن لوغاريتم لان فيه كلمة موجودة لازم يكون ليها مقابل فى الجهة الأخرى . بالتوفيق يا gina mikhail و فى إنتظار قطع كتير للترجمة و مشاركات أكثر

أنا ترجمت القطعة بس شايف ان ترجمتك أوضح , لكن فيه نقطة "هجوم سورى صاروخى محتمل " الجملة فيها إطالة على القارئ " أا إختصرتها فى أن تكون " هجوم سورى محتمل " شكرا لإتاحة الفرصة لمشاركتك

The U.S. will send two batteries of Patriot missiles and 400 troops to Turkey as part of a NATO force meant to protect Turkish territory from potential Syrian missile attack, the Pentagon said Friday سترسل الولايات المتحدة الأمريكية دعما عسكريا إلى تركياعبارة عن إثنتين من البطاريات لصورايخ الباتريوت و أربعة مائة جندى ليكونوا من ضمن القوة العاملة للناتو فى تركيا و ذلك لحماية الأراضى من أى هجوم سورى محتمل

محاولة جيدة للترجمة بس لية ترجمت كلمة soldiers ضباط ؟ انا شايفة ان جنود افضل وكمان من خلال مذاكرتى فى كتاب الترجمة عرفت ان فى الانجليزى بنكتب وظيفة الشخص قبل اسمة لكن فى العربى الوضع معكوس فتكون الترجمة: بنيامين بن اليعازر ’ وزير الدفاع الإسرائيلى[/quote] شكرا يا جينا على النقاط التى ذكرتيها فى تعليقك .. بالنسبة لترجمة Soldiers _ جنود ..عندك حق ترجمتك صحيحة , بالنسبة للترجمة الثانية ..أنا بذاكر بس الكلمات و بدخل فى سياق الموضوع و بقدر ازاى انا أنى افهم الموضوع و على اساس فهمى للنقاط الموجودة ببتدى أترجم ...شكرا على نقطة وظيفة الشخص .. يلا يا جماعة عايز شوية نقد على الترجمة دة ...أنا كدة بعد كام معلومة مش محتاج انى اذاكر لا الكتاب و لا المحاضرات

أرجو رأيكم فى الترجمة (9) Hizbullah Forces Launch Attack Hizbullah forces launched an attack on 29 August against Israeli forces in the disputed Shebaa Farms region, wounding three Israeli soldiers. The disputed territory lies on the border between Lebanon and Syria and has been occupied by Israeli forces following the Israeli withdrawal from southern Lebanon two years ago. Israeli Defense Minister Binyamin Ben-Eliezer responded to the attacks by warning “I want to make it clear to the Syrians and Lebanese that they are playing with fire.” Israeli troops retaliated with artillery strikes aimed at suspected Hizbullah hideouts near the Shebaa Farms with no casualties yet reported. شن حزب الله هجوما يوم 29 أغسطس ضد القوات الإسرائيلية فى مزارع شبعا المتنازع عليها, و قد جرح ثلاثة ضباط إسرائيلين ,و تقع الأراضى المتنازع عليها على الحدود بين لبنان و سوريا و قد أحتلت من قبل القوات الإسرائيلية بعد إنسحابها من الجنوب اللبنانى منذ حوالى السنتين, و قد رد وزير الدفاع الإسرائيلى بنيامين بن إلعازر على الهجوم بكلمات تحذيرية تقول" أريد أن أوضح إلى اللبنانيين و السوريين أنهم يلعبون بالنار " و قد ردت المدفعية الإسرائيلية بضربات ثأرية تهدف لضرب المشتبهيين لحزب الله فى المخابئ قرب مزارع شبعا مع عدم ورود أية تقارير حتى الآن بوجود قتلى أو جرحى.