Honey Bunny

وانا كمان بحبك وبعتز بيكي جدا والله ويا رب دايما بخير و مبسوطة.

طيب خد الصورة دي حطها توضيح يعني هتعدي وايديها فيها ايه مثلا شبكة الداخلية " الكلابشات"؟ ...بطلوا افترا بأة

دي كمان غلط المفروض تصلي ركعتين شكر دلوقتي اني مش بدرسلك لانه بطريقتك دي حضرتك هتبقي معيد معايا في الليسانس 12 سنة علي الاقل

من فين عرفت اني ميس يا مستـــــــــــــــــــــر أحمد؟؟ بلاش المبالغة في استعمالهم خصوصا عند الكتابة باللغة العربية بلاش ندمر الاتنين ..ده حرام مش نتكلم عربي غلط وكمان انجليزي غلط

مش عارفة ليه الجزء ده من تعليقك محتاج حذف حمدي

أختي رحاب اولا ميرسي علي سؤالك واطمئنانك علينا ويا رب انتي كمان تكوني بالف الف خير عوزة اقولك انه أستاذ حمدي بريء من التهمة دي اذا كان فيه حد بيحذف مشاركات في المنتدي تعرفي انه انا ....حمدي لا يلجا للحذف الا في اضيق الامور ع الرغم انه صاحب المنتدي و مديره الا انه هو شخصيا مبيعديش من مقص الرقيب وده انا قلته قبل كده وده مش تسلط مني ولكن في بعض الاحيان يكون فيه موضوع ما ونلاقي الناس التزمت بسياق الموضوع وبعدين تيجي عشوائية التفكير زي مثلا " سلامات وطيبون" في اقسام من المنتدي زي المكتبة مثلا لا يعقل اننا نكون بنعاني الامرين من الموقع الرسمي ونيجي هنا عشان نوصل لمادة معينة نقعد نقلب عشر صفحات من ميرسي وشكرا عشان نوصل للينك لذلك انا بقفل الموضوعات اللي زي كده تيسيرا علي الناس وخصوصا اصحاب الانترنت البطئ او الديال اب وبرغم ذلكداؤكدلك اني محذفتش ايا من مشاركتك ويا ستي لا تحرمينا من جديدك

أدينا منتظرين يارب ولد...يا رب بنت....

معلومات قيمة يا محمد ...بارك الله فيك وطمنا علي نتيجتك

لا تعليق

هههههههههههههههههه والله رهيب يا محمد وايه عنوان الديوان الرومانسي ده؟

سيبها لله يا أحمد اتعودنا علي تـأخر ظهور النتائج لا أعصابي بايظة ولا ركبي سايبة الحمدلله أثق في نفسي ومستوايا جيدا بصرف النظر عن النتيجة كل المطلوب منك انك تعد نفسك للجاي و ان شاء الله ناجح

محدش قال انه الموضوع قديم وغير صالح يا اخت هينار واضح انك بتهدي النفوس ما علينا رد الاستاذ هادي بالنسبة لارتباط سويت متاخر جدا وده معني الكلام و ميتفهمش غير كده الا اذا كنتي مركزة علي فكرة واحدة

كل سنة وانتي طيبة دريم وعقبال المليون بصحة وخير وسعادة وايديكي مش فاضية يا ستي

ما شاء الله محمد كتابتك تنم عن شخصية ملتزمة وخلوقة ....بارك الله فيك واكتر منك وجمعك ومن تحب " رسول الله" دمت بخير.

هادي الموضوع بتاريخ 27-5-009 هتباركلها قريبا علي الزفاف ...... متأخر جدا التعليق

وااااااااااااو ايه ده كله سيبوني اعيش حياتي مع الصور دي بأة ....أنا مش هنا ميرسيي يا حمدي مغرقنا بجمايلك والله

السلام عليكم ورحمة الله وبركاته عودا حميدا ميشو و يا رب من احسن لأحسن حبيبيتي...انا بخير الحمدلله. بس انتي عرفتي انا رانيا ازاي؟ انا متخفية يا بنتي

السيارة و كما ورد في الزمخشري هي اما القافلة التي تسير او "اشارة لمجموعة من الكواكب" وطبعا بما اننا ملناش علاقة بالسماء في موضوعنا...يبقي لازم تحترم رؤية الناس دي هما شايفين انه دي تخلي بل وجحود وتعدي علي قدسية الجمل مش أكتر.

وعشان ندي الامور حقها السلطة مركزية ....بمعني أنه لا معني للقب وزير لانه ببساطة لا يملك من منصبه سوي لقبه !!!

انت محق حمدي ولكن اسمحلي ....تفشت النعرات القبلية وشملت ارجاء كثيرة من أمتنا الي حد المغالاة " ماتش كورة مسح سنين من التعاون السياس الاستراتيجي وتاريخ تشرف به الاجيال" ولما زارهم ساركوزي و رفض يعتذر عن التفجيرات النووية في صحراء الجزائر ومهازل الاحتلال الفرنسي قبلوها وهم اقل من ذلك ...نحن "الشعوب" من نصنع من الامعة بطل ونوليه امرنا نحن أشد اثما و جرما.

السلام عليكم و رحمة الله وبركاته: بداية أنا ضد مبدأ مساواة الرجل بالمرأة علي طول الخط ومن رفعوا هذا الشعار البغيض استهدفوا بيه امتنا وقيمنا الاسلامية تحديدا الهدف واضح و هو خلخلة استقرار الاسرة المسلمة ما يترتب عليه مجتمعات مفككة لا تقوي علي بناء جبهة داخلية قوية ضد هجماتهم "متعددة الاشكال" علينا و اقول لكي هند أذكر نفسي"أنثي" واياكي ان لكل من الجنسين مهام خصه الله بها و نحن هنا لسنا -في مجال للمقارنة والتعديد - وايضا لسنا في حرب! تعددين الامثلة بدءا بشجرة الدر كليوباترا حتشبسوت تاتشر ليفني ووووو نعم الامثلة كثر ولكن دعيني أذكرك : "لن يفلح قوم ولوا أمرهم امرأة" بل ان تولية شجرة الدر هذة جاءت مخالفة لرأي العلماء ولا ولاة الخليفة العباسي قد اعترض على توليها وأعلن ذلك سلطان العلماء العز بن عبد السلام رحمه الله، وكتب الخليفة العباسي في وقته كتاباً إلى أهل مصر يعاتبهم على هذا الصنيع، إذ لم يكن سلطانه عليهم كاملاً، لانفراد المماليك بمصر والشام في ذلك الوقت، قائلاً: (إن كان ما بقي عندكم رجل تولونه فقولوا لنا نرسل إليكم رجلاً)، وقد وصل خطاب الخليفة هذا إلى المماليك بعد أن مضى على تولية "شجرة الدر" ثمانون يوماً، اقتنع أمراء المماليك بخطئهم وقالوا: لا يمكن حفظ البلاد والملك لامرأة؛ فأشاروا على "شجرة الدر" أن تتزوج كبير المماليك، وهو "الأتابك أيبك" التركماني، وتتنازل له عن العرش، فقبلت ذلك وخلعت نفسها عن السلطة. الأمثلة كثر... تقارنين بتونس وبعض دول المغرب العربي؟ حسنا تلك الدول تسعي و تدفع في سبيل ذلك الرث والثمين لقاء انضمامهم للفرانكفونية ببكلمات اخري ليس لديهم اي انتماء للعروبة و لا عجب و لاضير في ذلك ... هم لن يزيدونا الا خسارا! وقياسا علي تلك الامور الشاذة لم لا نطالب بالمساواة في الخدمة العسكرية دون التفريق في التدريبات بين هذا وتلك؟؟؟

يا جماعة الرجاء الالتزام بجوهر الموضوع ....انا بحذف كتير من المشاركات اذا اخدت المشاركات منحي تاني وهضطر اسفة اني احذف كل المشاركات الخارجة عن سياق الموضوع بما فيها التنبيه ده انا بس حبيت الفت انتباهكم وده مش تسلط مني وانما تنسيقا لمواضيعنا.

بالنسبة لقصة ياسر: المخطئ الرئيس في نظري هو النهر بضفتيه ........حلل؟

أنا بحب الاطفال جدا ومش هيكفيني شيئ لتأديب الحيوان التاني ده. أسفة ده موقف مستفز ولابد للكبير من أن يرحم الصغير حتي يرحمه عندما يكبر. هكذا أمرنا ديننا الحنيف .