Honey Bunny

نقطة مهمة: الخريجين من حملة المؤهلات المتوسطة مش هيكملوا دراسات عليا وفقا لكلام المسؤلين ودي حاجة تتنافي مع الكلام اللي بيتقال في بداية التقديم!

السلام عليكم الأخوة الأفاضل لا جدوي من الهتاف والمباحثات والمشاورات مع المسؤلين في ظل قانون استقلال الجامعات اللي هيحصل انك هتقابل مسؤلين كتير كل واحد فيهم له رأي ولما تبتدي توصل لنتيجة هيتغير المسؤل ونبتدي تاني من تحت الصفر الحل هو مقاضاة جامعة القاهرة ممثلة في مركز التعليم المفتوح لانهم غرروا بالطلاب والخريجين ووعدوا بما لن يفعلوا.... لما تكون جايب جيد جدا في ترجمة ويكون من حقك تكمل ماستر وفق القانون ويطلع قرار من وزير التعليم بذلك وتمتنع رئيسة قسم من تنفيذه بحجة عدم كفاية المقررات تبئا مهزلة لانه المجلس الاعلي للجامعات بيقول انها شهادة معتمدة ومعادلة في حد ذاتها! بالنسبالي وبعد اللي شوفته بنفسي من طريقة التدريس للنظامي في جامعة المنصورة لطلبة ماستر مش لازمني اكمل مع الاشكال دي مفيش شرح ومفيش اختيار مواد زي ما اللايحة بتقول حتي مادة البحث ما بتتشرحش.... الخلاصة بدل مقابلات المسؤلين اللي هيخدروكم بكلام خلوها قضائية افضل.

الجديد حول المؤتمر.

السلام عليكم المؤتمر انتهت فعالياته اليوم ولسة معرفش ايه تم فيه... بخصوص الكلام عن امتناع الكلية التي تخرجنا فيها من تسجيلنا بالدراسات العليا وانه امر خطير. ..ده اللي كنت اقصده من بداية كلامي...انا اتفهم انه اي جامعة اخري ممكن يكون لها معيار جودة مختلف عن الاخري وبالتالي يحق لها الامتناع..اما ان ترفضني الجامعة والكلية التي اعتمدت نتيجتي وهي بالاساس من تقدم بطلب بانشاء برامج مفتوح بمختلف اقسامها ثم تتركنا عرضة لتعنت مسؤلي الاقسام بحجة مناهج هم من وضعها او حجة مستوي طلاب متدني فعفوا...اذا كانوا بيشتكوا وعندهم ضمير زي ما بيدعوا فحصولي ع تقديرات مرتفعة ع مدار اربعة اعوام دليل ع اجتهادي وع احقيتي بالمواصلة في الدراسة..يعني اذا كانوا بيقولوا من كل الف طالب مثلا 10 حصلوا ع تقدير فدي في حد ذاتها شهادة بالكفاءة لهؤلاء المتفوقين وفي كل الاحوال ان يعامل الطلاب باعتبارهم فئران تجارب ....معيار الجودة من مناهج وتدريس وغيره يقرر قبل انتظام الطلاب ولا تقع تبعاته ع الطالب ويكون الضحية لاستهتار بهذا الشكل........عمليا فيه امتحان قبول لكل مرحلة علمية وبناءا عليه اللي بيتقال كلام فارغ لاني مش هعدي من كل المراحل دي وانا حد فاشل ...دي تصفيات لا يجتازها الا من هو جدير بها وعمليا ايضا من احصاءات عين شمس كلية الاداب فيها لم يحصل ع درجة الماجستير في تخصصنا منها سوي 8 منذ عام 2003 متخيلين؟ يعني الموضوع مش سهل اطلاقا ولا الناس دي عندها زحمة شغل عشان تسمعنا كلام فارغ ولا عندهم خطة بحثية من الاساس...احنا بنتكلم عن دراسات عليا مش درجة جامعية اولي فيها تكدس طلابي. واخيرا الله المستعان!

يفتتح د.مصطفي مسعد وزير التعليم العالي 10 صباح يوم الأحد 11 نوفمبر الحالي بقاعة المؤتمرات بالمدينة الجامعية للطلبة مؤتمر جامعة القاهرة حول نظام التعليم المفتوح في الجامعات المصرية وتستمر فعالياته علي مدي يومين بمشاركة نخبة من المتخصصين والخبراء وقيادات النقابات المهنية لمناقشة تجربة نموذج التعليم المفتوح في الجامعات المصرية من كافة أبعادها التعليمية والإجتماعية ومسارات تطورها منذ إنشاء نظام التعليم المفتوح في الجامعات المصرية وبدايته في جامعة القاهرة عام 1991 . وصرح د.حسام كامل رئيس جامعة القاهرة ورئيس المؤتمر أن الجامعة تستهدف من عقد المؤتمر وضع إطار لتقييم شامل لتجربة نظام التعليم المفتوح ووظائفه وكيفية تطويره وتفعيل دوره في التعليم والتدريب وإتاحة التعليم العالي لطلابه في سياق الجودة التعليمية والتدريب المناسب بما يحقق الأهداف المنتظره من هذا النمط التعليمي الهام وأوضح د. عبدالحميد أبوناعم مدير مركز جامعة القاهرة للتعليم المفتوح وأمين المؤتمر أن جلساته تتضمن عدداً من أوراق العمل علي مدار اليومين، وتتعلق بتطوير الهيكل التنظيمي لنظام التعليم المفتوح، وأساليب وطرق التدريس المقدمة للطلاب ، وتوظيف تكنولوجيا التعليم ونظم الإختبارات والتقييم في التعليم المفتوح ، وملاءمة سوق العمل لخريجيه ، ودور النقابات المهنية في تدعيم خريجي التعليم المفتوح ، وإستراتيجيات تطوير إدارة العملية التعليمية بنظام التعليم المفتوح . كما يتطرق المؤتمر إلي النماذج العالمية في مجال التعليم المفتوح وقال د. عادل مبروك مستشار مركز جامعة القاهرة للتعليم المفتوح ومنسق عام المؤتمر أن فعاليات المؤتمر تأتي في إطار رغبة الجامعة والمجتمع لإعداد تقييم متكامل لأداء منظومة التعليم المفتوح بعد مرور نحو 20 عاماً علي إنشائه في جامعة القاهرة والوصول بالمناقشات إلي نتائج تستهدف تطوير دورالتعليم المفتوح ووظائفه المنتظره في المجتمع . المصدر طبعا الغرض من نشر الخبر ده هو تنبيه للجميع اللي يقدروا يحضروا المؤتمر ويتكلموا عن مشكلة كليات الاداب و أقسام اللغات فيها علي وجه التحديد...مفيش تعميم علي الجامعات بأنه من حق خريجي أداب المتفوقين و الحاصلين علي التقديرات المطلوبة لاستكمال الدراسات العليا والتمييز الواضح بين خريجي مفتوح وانتظام وحجة الاقسام بأنه ما درسناه هو مجرد برنامج تثقيفي وليس أكاديمي ووزنه العلمي صفر الي جانب امتناع الجامعة التي تخرجنا فيها عن الموافقة لخريجي مفتوح المنظبقة عليهم الشروط من التسجيل في الدراسات العليا في ذات الكلية التي اعتمدت النتيجة ده كله معناه انه الطلاب دول اتنصب عليهم وانه الشهادات دي لا قيمة لها. يا جماعة كل اللي يقدر يتواجد في المؤتمر ويشارك ويعبر عن المشكلة دي لا يتردد.

أهلا نيرمين وكل سنة وانتي طيبة ‏ انا هجاوبك ع الجزئية الخاصة بكيفية الترجمة اولا لازم يكون عندك وعي بقواعد اللغة المترجم منها واليها وعندك المام بقواعد الجرامر والنحو عوزة أقول انه الموضوع مش قوالب بتترص جنب بعضها وخلاص اللغة لازم تنقل الاحساس والموقف مش مجرد وحدات تتلزق جنب بعضها بترتيب سخيف لا يكسر زي ما بنقول انجليش يبقي فاعل فغل مفعول وعربي فعل وفاعل الخ لا بالعكس الكتابة لها تنويعات كبيرة جدا يجب اتقانها والا الموضوع يكون ممل ورتيب جدا ‏ ‏ ل لموضوع ‏ بقية ‏ ان شاء الله لما أدخل من الديسك توب

ع اي حال انا متابعة معاكم ان شاء الله و أتمني الاجتماع يثمر عن شيئ مفيد لينا كلنا مش قرارات عشوائية ينتج عنها تمييز داخل النظام الواحد زي ما بتوقع انا لانه المعروف انه النليات هي اللي ببتقدم بطلب لفتح برامج تعليم مفتوح بها وبناءا ع ضلك المفروض يلتزموا بالقواعد والحقوق المترتبه عليه محدش غصبهم واحوال السادة الاساتذة المادية ملهاش علاقة بالمخرج الاكاديمي اذا اعتبرنا انه ضميرهم ‏ صاحي

تنظيف جيوب المواطنين*‏ قطع ال إي فايف وحروفه....‏ خلاص مش عارفة اميز حروف الموبايل المنمنمة دي أكتر من كده هتحول هههههههههه

متفقة معاكي في الرأي أصلا كان مفروض يكون الهدف من المقابلة الشخصية والامتحان التحريري اللي بيوقع ع طلاب الترجمة قبل الالتحاق بمثابة تصفيات عشان منرجعش نحط واحد فاهم مع ‏ الف من اللي مش فاهمين ونرجع نقول ده نظام فاشل الهدف من الامتحانات دي فعليا كان تنزيف جيوب المواطنين مش احتبار قدرات وزي ما ذكرتي لما كل مرحلة ليها اختبار وتصفيات ليه السخافة؟ي انا مش مستغربة ولا أول مرة أعرف ريما لكن مصدومة والله العظيم!‏

وبصرف النظر عن اي شيئ وكل اللي قلته سابقا التعليم حق مكفول للجميع وليس مقتصرا ع فئة محددة لأجلها يهمش باقي الشعب الدولة بتقبل الطلاب الوافدين من دول عربية معندهاش الميكس الغريب ده في المرحلة الثانوية زي هنا معني ذلك انه بلدنا لا تحترم أبناءها كباقي الدول ليه؟!‏

ريما طلاب النظامي منهم كتير جدا لا يفقهوا شيئ عن قواعد الإملاء في اللغة العربية وأنا شخصيا دارسة ثانوية عامة واعلم تمام العلم ما أقول بالعكس دي احتسب ميزة للمجتهد من المفتوح انتي درستي الدبلومة وتعلمي بشكل أفضل انه مواد الدبلومة هي ذاتها ماكان يدرس لنا في الليسانس مع اختلاف تناول كل دنتور للمقر وتعلمي أيضا انه الطالب الشإوف للعلم لا يكتفي بكام ورقة في المحاضرات ويمكن بيطلع ع ألكتاب كله من فرط فضوله وانا شخصيا مثال حي ع ذلك ومعني انه تقديراتي مرتفعة معناه اني مش فاشلة غير كده الدراسات العليا هي اختيار شخصي مش معقول هنفرضها علي الجميع سواء نظامي او غيره دي قدرات شخصية وفردية واختيارية في الوقت ذاته

ثالثا عيب ع مؤسسات تمثل أرقي طبقات المجتمع ‏ أنها لا تحترم القانون الطالب لايصح أن يكون ضحية طوال الوقت وفقط فأر تجارب بنجرب فوبنتلاعب بسمتقبل وأعمار الناس؟ فين المسؤلية؟ هو الطالب اللي بيحط النظام التعليمي و المعايير الأ كاديمية الحاكمة لهذا النظام؟ أم هي الجهات الحكومية المخولة بذلك؟وده اساسا يكون وقته قبل انتظام الطلاب بالدراسة مش بعد ما يتخرجوا يصدموهم. ولما يكون فيه معايير أكاديمية محترمة تطبق ع الجميع مفروض ميكونش فيه النعرات الفارغة دي. اما بخصوص الدكأترة فنظرتهم لينا لا تتعدي الخزنة ‏ اللي ‏ بتدر المال ع الجامعة واعضاء هيئات التدريس ليس إلا!‏

أهلا ريما وكل سنة وانتي طيبة ‏ اولا بخصوص نظرة الدكاترة ففيه تناقض واضح هو هو نفس الدكتور اللي بيدي اباع سيئ هو اللي قيم ادابة امتحاني وجبت امتياز و جيد جدا أزن ‏ مش هيديني التقديرات دي جزافا ولا يعقل اني ‏ امارس الظلم واعمم.‏ ثانيا ‏ الثانوية ‏ العامة ‏ ليست ‏ مقياسا ‏ للدراسات العليا ع الاطلاق.‏ المعيار هو تفوق الشخص في المجال الذي درسه. تعلمين أن الكثي من النظاميين لايحضرون من الأساس والكثير يرسي لعدة سنوات بالسنة النهائية وحدها؟ ومع ذلك تعطيه الكلية الأولويه!‏ وكأن علي الدولة أن تسقيه العلم بالملهقة كطفل مدلل هذا ضد تكافؤ الفرص ريما و ضد مبدأ الكفاءة. لا أقول ألجميع يسجل بالدرلسات العليا ولكن أقول من تنطبق عليه الشروط

طبعا لازم ضغط لانه مفيش اي نوع من التعامل المحترم الشيئ اللي بيروج له بشدة حاليا هي سياسة الصوت العالي والشللية اذا كان ده اللي هيحقق مطالبنا يبقي خلاص ما دام ده الاسلوب الواجب ‏ اتباعه!‏

ع اي حال ربنا ييسر ونشوف الجلسة دي هتثمر عن ايه لاقينا اننا مظلومين مينفعش نسكت ومينفعش سلبية نهائي حرام لاننا ضيعنا سنوات في الدراسة و ضغوط نفسية ومادية وامتحانات وفي الآخر ملناش لازمة ولا حقوق مينفعش خالص سلبية في حاجة زي دي يا اخوانا!‏

والله يا أخي سألت في دي كمان قالوا شهادتكم ‏ معادلة ومعتمدة من تلقاء نفسها هيعادلوا المتعادل ‏ اولريدي يبقي بننفي انها معادلة....ههههههههه

والدليل ع ذلك انه خريجي اعلام مفتوح وتجارة وحقوق بيكملوا عادي جدا مفيش غير أداب ودار علوم اللي في المشكلة دي لتعنت مسؤلي آداب اما بخصوص جامعة المنصورة فدي مهزلة المهازلة لانهما مبتقباش خريجي مفتوح من الأساس علما انها فتحت برامج تعليم مفتوح بكلياتها وبتتوسع فيه بشكل ملحوظ الأولي ع دفعة تجارة مفتوح اترفض تسجيلها هي ‏ كمان ودي تجارة هنقول ايه؟ برنامج ثقافي ده كمان؟!‏

لاء القانون واللوائح الداخلية للكليات لاتمنع ما دمت حصلت ع جيد فأعلي وشهادتك معتمدة من المجلس الاعمي للجامعات مفيش في القانون ما يستثني ملاب ‏ مفتوح اطلاقا مسؤلي الجامعات هما اللي ممتنعين عن تنفيذ القانون بكل بجاحة

غير كده انا مش فاهمة ليه التعنت ده وكأنهم هينعموا علينا بالدرجة الموضوع مش سهل اطلاقا لانه اذا عديت من امتخان القبول وانا فاشل بحسب نظرتهم لينا مفيش مجال أعدي من مواد التمهيدي واذا عديت من مواد التمهيدي وانا فاشل تاني ونظرتهم ليا هي هي مش هعدي من الذيسيس اي منطق ده ‏ اللي يقول انه واحد فاشل يعدي من كل المراحل دي؟!‏ مش عارفة ايه كمية الغباء اللا متناهي دي!!!‏

بالضبط كده مفيش غير حلوان ولما هتروح للمجلس الاعلي للجامعات هيقولوا ده حقكم لكن منقدرش نعملكم حاجة احنا لا نتدخل في شؤن الجامعات! ودي مشكلة فردية حلوها ‏ امنتم بمعرفتكم معني ذلك انه ده نصب باسم ‏ مؤسسات الدولة لانه جامعة القاهرة ذكرت في كتيب القبول الخاص بيها انه خريج التعليم المفتوح منها ‏ شأنه شأن الخريج النظامي وله نفس الحقوق ومؤهله له نفس القوة القانونية للمؤهلات الممنوحة ‏ بجامعة القاهرة ومع ذلك بيتعمل فينا كده

الدبلومة من الاصل تؤهل للماجستير مش من السنة اللي فاتت وتقدر تعمل سيرش ع موضوعاتي وتعليقاتي هنا وهتعرف ثانيا انا خريجة السنة دي واللي بقوله حصل السنة دي مش قديم ريما ممكن يكون الامر ملتبس عليها من كتر السخافة اللي أكيد شافتها لما اتخرجت

يعني دبلومة الترجمة الممنوحة من جامعة القاهرة تؤهل للماجستير وهيدرسها الطالب النظامي وآخرين من خريجي الجامعات الخاصة والاستثمارية من الحاصلين ع مقبول و طالب المفتوح المجتهد اللي ممكن يكون حاصل ع تقديرات عالية مش مقبول عشان يطلع من المطب ده ويعرف يكمل ماستر هيدرس الجميع في ‏ الحالة دي منهج ومقرر واحد لكن المسؤلين هيوافقوا لكل الفئات دي ‏ تكمل لو جابوا جيد فأعلي و هيمنعوا خريج مفتوح حتي لو حصل في ذات الدبلومة ع امتياز!!!‏

الأخ خالد سالم جزاك الله خيرا ع كلامك وتشجيعك ليا عوزة أقول انه تخصصنا تابع لكليات الآداب او كلية الألسن في مصر ‏ او لغات وترجمة أزهر لكن المشكلة هي نظرة الاساتذة نفسهم للنوع ده من التعليم بيفضلوا طاالب نظامي فاشل حاصل ع مقبول ‏ في ‏ اربع ‏ سنين او يزيد ورافضين تماما واحد اجتهد دون اي مساعدة هل ده يليق او يتوافق مع مبادئ العدالة او تكافؤ الفرص ‏ أو حتي الكفاءة؟ انا بحاول من يوليو الماضي اخد حقي اللي اقرهولي القانون في حال تفوقي ‏ وتفوقت ومفيش فايدة لا أدمية البشر بتحترم ولا القانون يطبق ‏ وان طبق يكون التطبيق انتقائئ!‏ فيه ناس متعرفش تعيش من غير علم ودراسة انا من ‏ النوعية دي والله المستعان لاننا أمة لا تحترم علم ولا طلاب علم!!!‏

جزاك الله خيرا خالد ده واجبي ولا داعي للشكر

الاخ K Salem و الأخ خالد انا بجد مش داخلة عشان انشر الاحباط في جنبات المنتدي وبعتذر عن فظاعة اللي ذكرته ‏ لكن دي الحقيقة وكل قصدي انه أنبه زملائي واللاحقين عشان منكررش المآساة دي يا ريت تشوفوا المنظور الايجابي ‏ في كلامي لانه انا شخصيا مش عارفة أشوفه ان وجد أصلا بحاول اصبر واهدي نفسي لكن قدراتي خانتني في الموضوع ده تعبت بصراحة سامحوني معلش وانتبهوا لمستقبلكم المسؤلين منفصلين تماما عن مشاكل الناس اللي هما أصلا سببها!‏