al3omda

الاخوة الافاضل عاوز اضيف ملحوظه مهمة جدا مذكرات الصقر والفيروز وغيرها من المذكرات التى تباع خارج الجامعة ما هى الا عبارة عن اجتهادات طالب موجود ضمن باقي الطلبة يقوم بكتابة ملاحظات الدكتور وحل امتحانات قديمة ثم يقوم ببيعها للمكتبات وهى ممتازة بلا شك ولكن ممتازة للطالب الذي قام بالمذاكرة ولا تصلح لطالب يريد لملمة المادة قبل الامتحان ببضعة ايام وانا واحد من الناس لم اعتمد عليها نهائيا سوي فى ثلاث مواد فقط وهى اساليب كمية الجزء الاول والثانى ومحاسبة التكاليف فى الترم الاخير تسويق لان كنت محتاج اشوف حل طالب مش حل دكتور والحقيقه انا هنا فى الكويت اقوم بالدراسة بمفردي لانى الوحيد فى هذا التخصص الرائع ولذلك كنت اقوم بدور الطالب والدكتور فى نفس الوقت ولكن لماذا انا لم اعتمد على الصقر والفيروز؟؟؟ لان الصقر والفيروز عبارة عن امتحانات قديمة وتدريبات وتطبيقات مكتوبة وكلاهما موجود عن حضرتك فى صفحتك الشخصية وكنت اتبع طريقة ممتازة للدراسة لكي لا اري منظر الكتب والمراجع بشكل بشع يبعدنى عن المذاكرة ...كنت اقوم بفتح المحاضرات المكتوبه التى قمت بطباعتها بعد ان شاهدت المحاضرات التلفزيونية وفهمت مضمون المادة كنت اضع خطوط عريضه بالمحاضرات المطبوعة واقوم بتلخيص المادة النظريه لعشرين سؤال تقريبا ثم اغلق المحاضرات المكتوبه لانها كلام كتير جدا سيشتت تفكيري واقوم بدراستها جيدا وفهمها وحل امثلة ثم اتقدم الي الامتحان وبتوفيق الله سبحانه وتعالي انجح بتقدير جيد في بعض المواد وجيد جدا فى البعض الاخر والحمد لله تخرجت من الكلية بتقدير عام جيد فانا انصح اخوانى باتباع هذه الطريقة فهى موفرة للوقت جدا جدا وبخصوص المواد العملية فهى عبارة عن طريقتين او ثلاثة يتم تكرارهم علي هيئة امثله فلو قمت بحفظ طريقة الحل بشكل سليم ستري المادة سهلة جدا وان شاء الله بالتوفيق

هههههههههههههههههههههههههههههه اللى عمل الموضوع ده مقدرش اقوله غير كلمة واحده بس يابن اللعيبه ...جبتها فى الصميم واللى مكتوب ده بيحصل بالحرف فعلا ههههههههههههه احنا اتفضحنا يا رجاله لازم نغير الخطه

تفضل اخى الفاضل هذا الرابط سيفيدك /t8698-topic#89090

ربنا يخليك يا عمور وعلي فكرة يا جماعة عمرو صديقي فى العمل

الحمد لله انا تخرجت من الكلية ولكن عاوز اقول حاجه مهمه جدا كانت بتحصل ايام الدراسة وهي ان ساعات بيكون مش جاى لى نوم نهائيا وبدور على طريقه عشان انام بيها مش لاقي لحد ربنا ما كرمني بطريقة جهنميه وهى انى كل ما اجب انام اجى قايل لما اقوم ازاكر واول ما افتح الكتاب القي النوم وصل ....ولو شبعان تلاقينى نفسي اكل ولو مش عطشان تلاقيني عاوز اشرب واعتقد فى ناس كتير هنا نفس حالتي ....ترويض النفس شي صعب جدا كنت عامل سيرك فى البيت عشان اعرف ازاكر

تسلم يا عمور وربنا يوفق الجميع

السلام عليكم ورحمة الله وبركاته اسمحولي اضيف مشاركة الاخت الفاضلة صاحبة الموضوع حضرتك عاوزة تكملي تعليم جامعى لغرض انك تفيدي بنتك ولا عشان انتى حابه اساسا الانجليزي؟؟؟ السؤال ده له اكتر من جواب وله اكتر من طريق ممكن نمشي فيه اولا: حضرتك لو شايفه ان الانجليزي صعب عليكي وانا بقول لحضرتك انه صعب طالما مش متعوده عليه ومش عارفه قواعده لان الكلية مدتها 4 سنوات اختى الفاضلة ومن الواضح انك متزوجه وعليكي مسؤلية بيت واولاد ..انا بتكلم على اساس حضرتك مش متاسسة كويس فى الانجليزي بالتالي هيكون مجهود كبير اوى على حضرتك عشان تكوني قويه فى الانجليزي وبعدين تدخلي فى مود الكلية والمواد وتندمجى مع التخصص.. ثانيا:ممكن حضرتك تدخلي اى كلية دراستها باللغه العربية ولنفترض تجارة اداب اجتماع حقوق اعلام..الخ وفى نفس الوقت تاخدى كورسات انجليزي فى معهد او مدرس انجليزي شاطر يبدء مع حضرتك وبالطريقه دى تبقي ضمنتي المؤهل العالي والقوة فى الانجليزي..ولو حضرتك مستعده تضحى بفلوس كتير فى سبيل تعليم الانجليزي بقواعده السليمة يبقي قدامك المعهد البريطانى هو غالي جدا لكن هتتخرجي بروفيسور انجليزي..وان شاء الله بالتوفيق

عنيا يا باشا وانا جاهز لاى سؤال

اختى الفاضلة الشهادة مكتوب فيها جامعة القاهرة كلية التجارة وقد حصل فلان الفلانى على درجة الدبلوم بنظام التعليم المفتوح

السلام عليكم ورحمة الله وبركاته دى اول مشاركة لى فى المنتدى واحب اجاوب علي بعض الاسئله فى المنتدى لو لم يضايق اى عضو وهذا بحكم خبرتى اربع سنوات فى كلية التجارة بس انا متخرج من الكويت شعبة التسويق وبخصوص اعتراف كل دول الخليج بشهادة التعليم المفتوح احب اقول ان الوزارات والهيئات الحكوميه فى دول الخليج لا تعترف بشهادة التعليم المفتوح بينما الشركات الخاصة تعترف بها بمنتهى السهولة وده لسبب بسيط جدا وهو ان دول الخليج بها جامعات خاصة منها الجامعة الامريكيه وجامعة الخليج والجامعة العربية المفتوحه وبما ان مصاريف جامعة القاهرة للتعليم المفتوح رخيصة نوعا ما مقارنة بباقي الجامعات فهذا يسحب البساط من تحت هذه الجامعات الكبيرة وسيتم توجه الطلاب لجامعة القاهرة خصوصا انها جامعة عريقه جدا ولها شهره عالميه وفوق كل هذا انها جامعة حكومية بنسبة 100% ولهذه الاسباب لا يتم الاعتراف بها فى الهيئات الحكومية واسف على الاطاله ونسالكم الدعاء