noura83

انا كمان جديده بس تابعى المنتدى ده لانه هيفيدك جدا لانهم هنا متعاونين جد انا كنت متلخبطه زيك كده بس واحده واحده الامور بتمشى ولو عندك اى سؤال بخصوص اى ماده اكتبيها هنا واكيد هتلاقى اللى يفيدك ويرد عليكى وانا هقولك انا ابتديت المزاكره ازاى يمكن ده يساعدك اولا بالنسبه للجرامر المزاكره هتبقى من الكتاب تترجمى الشرح اللى فيه وتزاكريه او تشوفى الشرح بالعربى فى كتاب تانى وتحلى تدريبات الكتاب بالنسبه للماده الثقافيه قريت هنا ان الدكتوره مش هتضيف حاجه جديده عليه يعنى مزاكره الكتاب برده مع الاستعانه باللى موجود فى صفحتك الشخصيه بالنسبه للترجمه انا عن نفسى بترجم القيطع بس مش عارفه ازاكر الشرح اللى على القطعه ازاى لان مفيش حاجه فى صفحتى ولسه مش عارفه اعمل ايه وبالنسبه للقراءه والفهم قريت هنا ان الدكتوره اديتنا ملزمه نزاكر منها وبرده مش عارفه احصل عليها ازاى بس ان شاء الله الامور دى برده هتتظبط ومعلش انا شكلى طولت اوى السلام عليكم

طيب انا زاكرت من الكتاب بس بالنسبه للتدريبات لو معرفتش احلها كلها هعرف منين الاجابه الصحيحه

ياجماعه انا مش عارفه ازاكر الجرامر من الكتاب ولا منين

اهلا بيكى عاشقه مصر انا زيك عضوه جديده ومبسوطه لوجودك معانا واحب اقولك ان كل اللى فى المنتدى هنا متعاونين جدا وهتستفيدى كتير من انضمامك لينا

ده ايه اللخبطه دى هو احنا ناقصين انا حسا انى توهت انا كنت ابتديت اظبط نفسى واركز على الكتب بس واضح انه مش هينفع ربنا معانا باه هى كل حاجه فى الاول بتبقى صعبه بس بتعاونكوا معانا هتبقى اسهل ان شاء الله

شكرا ياخالد ليك جدا انت ومارينا ورضا وربنا ينجحنا جمعيا ان شاء الله

شكرا ياجماعه ليكو جميعا على ردكو واهتمامكو بس ازاى الكتاب ملغى وده اللى انا استلمته واجيب منين ورق المحاضرات مع العلم انى صعب جدا اروح الكليه

السلام غليكم انا طالبه جديده معاكو وسجلت الخمس مواد تيره اول واول ما ابتديت المزاكره زاكرت كتاب القراءه والفهم وكنت فاكره انى لما اترجم الكلمات كلمه كلمه فى الاخر هفهم القطعه بتقول ايه لكنى بترجم القطعه لكن فى الاخر ببقى مش فاهمه القطعه بحس ان الكلام المترجم مش ماشى مع بعضه بشكل عام مش عارفه اعمل ايه وبعد ما كنت متحمسه ومتفائله جالى احباط ومش عارفه اعمل ايه معلش طولت عليكوا