Ahmed Elwardany

وصلت دلوقتي

مريم انا مش عارف اقول اية اكتر من شكرا حاليا بجد مش عارف اشكرك ازاي رغم اني لسة محتاج اعرف شوية حاجات و محتاجك معايا للنهاية و انا منتظر الجديد منك و انا كان ليا استفسار تاني بعتهولك في رسالة خاصة ارجو الرد عليه و انا هبدأ اتابع هنا كل يوم و هبدأ اذاكر ان شاء الله من النهاردة و دعواتكم ليا يارب و لينا كلنا ان شاء الله

السلام عليكم و رحمة الله و بركاته يا جماعة انا واقع في مساعدتكم انا الترم ده بالذات حصلتلي ظروف منيلة اوي ربنا يكون في عوني اتمنى دعاكم لي اتمنى من الاعضاء مساعدة ضرورية في مخلصات المواد الأتية القراءة و التعبير + مقال + القراءة و الفهم 3 و ذلك من حيث الملغي و المقرر و المهم و المختصرات و الملخصات و كدة انا عارف اني طلبت كدة من كام يوم و زهقتكو بس معلش انا مشكلتي اني لغاية دلوقتي مفتحتش كلمة و عايز أبدأ بس مش عارف ابدأ منين فه الحاجات اللي انا طالبها في ال 3 مواد دول هما اللي هيساعدوني انجز حتى لو مفيش حاجة دلوقتي اتمنى متابعتكم لي في الايام اللي جاية خلاص الامتحانات هتبدأ 24-6 + ان فيه حاجات في مادة المقال انا مش فاهمها ومش عارف اسأل فيها مين حاجات معينة جوة المادة زي run on و complete the pharagraph 5 sentence و الحاجات دي فه انا محتاج مساعدتكم بجد و انا واخد مادة من ترم رابع اسمها معاجم ربنا ما يوريكم صعبة جدا و بذاكرها معاكم لاني معاكو في ترم تالت اما بالنسبة للترجمة فه انا معايا ترجمة 2 مش هديلها اهتمام دلوقتي غير قبل الامتحان هراجع كام قطعة و ربنا يسهل انا شايف ان اصعب مادة دلوقتي هي المقال و دي مخلياني قافل من المنهج كل ما افتحها اقفل الورق تاني شكلها صعبة جدا اتمنى ملخص كبير ليها مع الملغي و المهم هي و العربي ( القراءة و التعبير ) شكرا جزيلا ليكم

[b]السلام عليكم و رحمة الله و بركاته ازيكم يا جماعة معلش انا مش متابع هنا كتير بس احب افيدكم كلكم في حاجة هتريحكو كلكو ان شاء الله بخصوص مادة علم الترجمة انا الترم اللي فات كنت واخدها لاني كنت نازل في مادة ترجمة واحد فه كل ترم باخد مادة من الترم اللي بعده انا معاكو في ترم تالت لكن اخدت مادة علم الترجمة الترم اللي فات و اخدت فيها امتياز و احب افيدكم فيها اولا المادة دي يعتبر اسهل مادة انتو ممكن تشوفوها في حياتكم كل ما عليكم تعملوه ان الامتحان بيجي 3 اسئلة سؤال منهم بيجيب فيه 10 idioms عليكم تحفظوهم و هما سهلين جدا السؤال التاني قطعة ترجمة صغيرة سهلة جدا السؤال التالت بيقول ان الكلمات مش بتدي دايما نفس المعنى مع اختلافها في الجملة عبر عن ده بمثال انتو كل ما عليكم توضحولو انكم فاهمين النقطة دي فه بتكتبوله كلمة run في كذا جملة مثلا مع اختلاف معنى الكلمة في الجمل بس و هو ده الامتحان[/b]

السلام عليكم و رحمة الله و بركاته ارجو الافادة يا اخواني في المادة الأتية من حيث المقرر و المحذوف و المهم و الغير مهم لاني حصلتلي ظروف جامدة و مذاكرتش اي حاجة الترم ده فه عايز مختصرات للمقرر و الحاجات المهمة و المحاضرات المحذوفة و الغير مهمة في مادة معاجم فقط و لكم جزيل الشكر

متشكر جدا يا انسة مريم و انا هتابع معاكو للاخر عشان اعرف الملغي والمقرر و المهم في الاخر و ربنا يوفقنا كلنا

السلام عليكم و رحمة الله و بركاته ارجو الافادة يا اخواني في المادة الأتية من حيث المقرر و المحذوف و المهم و الغير مهم لاني حصلتلي ظروف جامدة و مذاكرتش اي حاجة الترم ده فه عايز مختصرات للمقرر و الحاجات المهمة و المحاضرات المحذوفة و الغير مهمة في مادة معاجم فقط و لكم جزيل الشكر

السلام عليكم و رحمة الله و بركاته ارجو الافادة يا اخواني في المواد التالية من حيث المقرر و المحذوف و المهم و الغير مهم لاني حصلتلي ظروف جامدة و مذاكرتش اي حاجة الترم ده فه عايز مختصرات للمقرر و الحاجات المهمة و المحاضرات المحذوفة و الغير مهمة في مادة مقال و قراءة و تعبير فقط و لكم جزيل الشكر

متشكر جدا على الافادة يا مستر اتوميكس و ياريت لو قدرت تعرف اخر ميعاد للتسجيل و الايام و الساعات بس انا بجد متشكر على الافادة يا جميل

السلام عليكم كان ليا سؤالين اولا مواعيد تقديم الدور الحالي في اداب ترجمة لان انا داخل على ترم تالت كنت عايز اعرف مواعيد التقديم بالأيام و الساعات و هتبدأ امتى و اخر يوم امتى؟ السؤال التاني : ليه مبقوش يبنزلو على الصفحة الشخصية الكلام دة و يوافوني بالجديد و هل دة عندي بس ولا كل الناس كدة؟

بصي يا هنا انا روحت الترم اللي فات عشان اعمل اعادة رصد الراجل اللي جوة الشئون الإدارية نفسه قالي نصيحة مني متتعبش نفسك انا شغال هنا بقالي 20 سنة في العشرين سنة دول ما في واحد عمل اعادة رصد و حاجة اتغيرت بيلمو فلوس و بس مفيش دكتور مادة هيبقل على غرور نفسه انه يطلع غلطان قدام الطالب سواء الدرجات او في اعادة تصحيح الورقة نفسها لاني كنت ساعتها نازل في مادة ريحي نفسك و انسيى كلمة اعادة رصد دي من حياتك

حبيبي ربنا يخليك و لو عرفت تفاصيل اكتر انا منتظر ردك بخصوص اخر ميعاد و المواعيد بالساعات و الايام زي الترم اللي فات كانو منزلين كل حاجة على الموقع مش عارف المرة دي مالهم مش كاتبين حاجة ليه كدة

؟؟؟؟

هو انا ليه مش شايف الكلام يا جماعة؟؟؟؟؟؟؟؟؟

روح جامعة القاهرة في يوم قسم التعليم المفتوح جوه و على مكتب الأستقبال قولهم عايز اقدم هيدوك ورقة كبيرة فيها كل حاجة انت عايز تعرفها و انت كدة كدة قدمك وقت بتاع 3 شهور لان خلاص الدراسة بدأت تقريبا و مفيش تقديم دلوقتي انما في التلات شهور دور روح اي يوم جمعة مثلا بعد الظهر و هتلاقي كل حاجة انت عايز تعرفها في ورقة التفاصيل اللي هيدوهالك في مكتب الاستقبال و بالتوفيق ان شاء الله اما بالنسبة لي مثلا انا لما اخدت الورقة لقيت ان اقل حاجة انت لازم تدرسها 5 مواد و المادة ب 150 جنيه و معاك لحد 10 مواد انت و اختيارك بقى عايز تاخد 5 مواد اقل حاجة و تزود مادة مادتين براحتك معاك لحد 10 مواد ب 150 المادة ......

لا حول ولا قوة الا بالله !!!!!!!!!!!!!!

السلام عليكم و رحمة الله و بركاته انا كان ليا استفسار يا جماعة بسيط انا الصفحة بتاعتي مش عارف ليه مبقوش يبعتولي اخر اخبار التسجيلات و الحاجات دي من فترة كبيرة فه كنت عايز اعرف مواعيد و ايام تسجيل الترم التالت و اخر يوم في التسجيل هيبقى يوم كام و انا سمعت ان ينفع اختار مواد اضافية هل فعلا ينفع و اية نظام الموضوع دة لو حد عنده علم ياريت يقولي

انا مقفل الترجمة زيك يا محمد و جايب مقبول برضه مش عارف ازاي؟

هههههههههه خير إن شاء الله

انا عملت موضوع دلوقتي عن حل هذه المشكلة ادخلي على اللينك ده و اقري اللي انا كاتبه /t10806-topic

بالنسبة للمشرفة مريم و بخصوص قفلك لكل المواضيع اللي بكتبها فه انا مش عارف ارد عليكي لاني لسة موصلتش لعدد الردود المناسبة عشان اعرف ارد عليكي كويس بخصوص قفلك لكل مواضيعي و طبعا مش مستبعد انك تقفلي ده كمان

السلام عليكم و رحمة الله و بركاته مش هطول عليكو و هقولكو على الطريقة بما ان موقع الجامعة اعلن ان الدخول على الصفحة الشخصية هيبقى بمواعيد معينة بسبب الضغط على الموقع فه الطريقة انكو تتدخلو عادي تسجلو اليوسر و الباسورد هتطلعكم الرسالة اللي بتقول عفوا و ان مواعيد دخول الصفحات من 5 الى 8 صباحا و انتو واقفين على نفس الصفحة هتلاقو فوق كلمة الصفحة الرئيسية ادخلو عليها و ادخلو على تفاصيل اي موضوع اي خبر من الاخبار العمومية اللي بتبقى في صفحة موقع الجامعة هتلاقو ان الاكونت مستجل فوق و من هنا تقدروا تدخلو على صفحاتكم الشخصية بكل سهولة[right]

القلق مالوش لازمة الصبر مفتاح الفرج يا جماعة هو الموضوع موضوع زهق مش اكتر و لكن متقلقوش و ان شاء الله كله بالنجاح كلنا يارب

و هي النتيجة طلعت عشان الترم يبدأ؟؟؟؟

تمام بالنسبة لترجمة 10 من idioms عليا احفظهم كلهم و هما معايا و ساهلين ان شاء الله بالنسبة لاني ادخل كلمة في كذا جملة بمعنى مختلفة دي انا فاهمها كويس و ان شاء الله تكون سهلة ا اما بالنسبة لقطعة ترجمة اترجمها اوكي بس هل القطعة بتبقى مختلفة عن نظام الترجمة العمومي؟ و يعني اية un seen?