hany ell boss

أنا معاكم فى وجهه نظركم .. بس بقولكم إنتم بتتكلموا ( كلام المدينة الفاضلة ) .. يعنى كلام زى الفل وجميل وأنا بشجع إنه يحدث ... ولكن للأسف مش بيحدث ولا هيحدث ( إلا فى حالات نادرة جدا ) . أنا بتكلم من واقع تجارب عملية فى الحياة .. يعنى مبنى على تجربة مش نظرى يعنى .. ده رأيى ... والله أعلم

يا خبر كل دى ردود ( اللهم لا حسد ) ربنا يزيد ويبارك .. :-) بصراحة دمكم زى السكر .. ضحكتونى كتيييييييييييييير مع إنى بخاف أضحك لحسن معرفشى أكشر تااااانى .. هع هع هع ** بمناسبة العروسة .. أناعاوزها شكل ( سمية الخشاب ) .. وجسم ( نانسى ) .. وفى شهرة ( أنجلينا جولى ) .. بجانب خفة الدم والشياكة والهزار والضحك والفرفشة .. وبس آه نسيت حاجة .. وتكون متدينة .. وبس كدة لا لا برده نسيت حاجة كمان معلشى .. وتكون ذكية وعندها سرعة بديهه .. وخلاص كدة كفاية يووووووو برده نسيت حاجة كمان .. وتكون طموحة .. ونشيطة .. وخفيفة الحركة أنا طول عمرى " قنوع " وأحب دايما أكون واقعى فى طلباتى ...!!! إيه رأيكم بقى .. بقية بياناتى ( فاصل .. ونواصل ) ... :-)

تسلم يا غالى

ده كلام كبير وجميل أوووووى .. بس للأسف كلام كتب .. لا يمت للواقع بأى صلة والواقع خير دليل على صحة كلامى

أنت بتعرف نفسك ولا عاوز تجوززززززز ؟؟؟ هههههههههه أهلا بيك يا هانى معنا فى أسره تجاره ويا رب تلاقى عروسه تؤ تؤ تؤ تؤ كدة تنسى رقم البطاقة يا هاني أخ فاتتنى دى .. جل مالا يسهوو .. وأنا أقول يا ربى ناسى حاجة .. ناسى حاجة !! هاخد بالى المرة الجاية يا " كبير " :-)

** كلام أغلب الإخوة والأخوات .. بصراحة جميل أووووى بس مش واقعى خاااااالص وذلك فى موضوع الرجل والمطبخ ده !! .. وأعتقد نسبة نجاحه ( 1 فى 10000 ) . وذلك لسبب رئيسى ألا وهو ( مساعدة الرجل للمرأة تنقلب حق مكتسب لها .. مش مجرد مساعدة ) .. عن تجربة مع ناس أعرفها يعنى كتييييييييير .. * الرجل أول ما يدخل المطبخ يساعد " مراته " .. بيغسل لها المواعين مثلا علشان عيانة هى شوية كام يوم .. تقوله أول يوم .. الآتى .. * الزوجة :- ربنا يكرمك ويبارك فيك يا حبيبى * الزوج :- على إيه بس يا حبيبتى .. ده واجبى وإنتى حبيبتى متأخرش عنك . * اليوم الثانى ( نفس اليوم الأول ) .. حبيبى وحبيبتى .. :-) * اليوم الثالث ( مفيش شكر ولا يحزنون ) * اليوم الرابع :- * الزوجة :- تدخل المطبخ تلاقى المطبخ مثلا " مبهدل " !! فووووووووووووووووزى * الزوج :- أيوا يا حبيبتى * الزوجة :- مافيش حبيبتى :-( * الزوج : ليه كدة بس يا روحى فيه إيه ؟؟ * الزوجة :- المطبخ مبهدل ليه ؟ * الزوج :- طيب وأنا مالى .. إنتى المسئولة عن النظافة وأنا بسعدك فى البيت " مسااااااااعدة " مش إجبارى يعنى !! * الزوجة :- تسكت " لقوة حجة الزوج " بس مع التكشيرة .. وضرب " البوووز " . * الزوج :- فى نفسه ( فى سره يعنى ) طبعا .. عيشة تقرف .. يا رتنى ما ساعدتها أنا كدة طوووووول عمرى " حمــــار بديل وطيب آخر حاجة " .. أهى جت على دماغى ** النتيجة النهائية :- -------------- نكد فى البيت كام يوم .. والسبب إنك حاولت تعمل شهم يا معلم .. إشرررررررررب يا فوووزى * دى قصص واقعية لكثير من البيوت .. شوفتها بنفسى إيه رأيكم بقى يا رجالة ... لسه عاوزين تساعدوا برده .. يبقى ساعتها متعيطشى وتيجى تشكلنا

آمييييييين وأنتى كذلك .. وكل مصر يااااااااااا رب

أنا قولت أقولكم الـ " c v " كامل ... علشان يبقى التعارف على ماية بيضا * مساء الجمال .. قصدى صباح الجمال :-) * أنا إللى تشرفت بيكم والله .. فرصة سعيدة جدا ....

أهلا بكم يا إخوانى الكرام .. أنا أول مرة أرى هذا المنتدى بجد والله .. تصفحته وجدته جميل وعرفت منه معلومات مفيدة .. أنا هانى - موظف - أعزب - ذكر " ههههههههه حلوة صح ؟ " - كلية تجارة تعليم مفتوح القاهرة - داخل تيرم ثالث ( مستنى النتيجة بتاعة التيرم الثانى ) آه يا بطنى !! كل ما أجيب سيرة النتيجة بطنى توجعنى .. حتى وأنا ماشى فى الشارع ألاقى البياع بيقول ( نتيجة 2012 ) بخمسة يا جدعان ... برده بطنى توجعنى هههههههههههههه مع إنها نتيجة العام الميلادى والهجرى .. ملهاش دعوة بنتيجة الدراسة .. بس نقول إيه ( جاتلى روشة ) . * المهم أنا لغاية دلوقتى مليش أصحاب خاااااااااااااااالص فى الكلية .. علشان كدة فرحت جدا لما لقيت فى منتدى للكلية هنا .. أهو برده لما الواحد يعوز حاجة ألاقى " حد يفيدنى " .. بجانب الصداقة الجميلة طبعا أخوكم / هانى .. والدلع / هانؤة .. والمستعار / هانوو .. والشهرة / هانى برده ........................ تحياتى