ممكن نبدا مع بعض 2013

[عمرو الليثى 0]

ايه ممكن تقدر تغيره فى حياتك السنه دى فى اركان حياتك
انا السنه دى بدات ارتب حياتى بعد ما كنت عايش افكار سلبيه كتير حد عنده مانع نتابع مع بعض التغيرات ف حياتنا وايه ممكن نعمله او نتخلص منه ونتابع كل اسبوع او كل شهر

[KoTTa Koky 0]

موضوع مميز وجميل وعاجبنى وهشارك فيه

أنا السنة دى باذن الله نويت أكمل دراستى و أقدم فى التعليم المفتوح

فيه أمنية عندى نفسى أحققها .. مش هايأس

ووراكى وراكى لحد ما تتحققى

يا أنا يا هى بئة

يمكن الحياة اليومين دول فيها جزء كبير من الملل عندى

لكن متفاءلة جداا ان كله هيعدى بإذن الرحمن

إن شاء الله

[عمرو الليثى 0]

يا مسهل اول زبونه لقيتها ان شاء الله نكون كتير ونحقق مع بعض احلى الاحلام

[عطر الجنة 0]

انا بقى السنة دى بامر الله قررت اتخلص من عصبيتى واغيرمن اسلوبى ف التعامل مع اللى حواليا وتبعا وده الاهم انى احاول اوجد حاجة جديدة ف حياتى اسعد بيها جوزى تبعا ده بجانب انى احقق حلمى واكمل ف الكلية اللى كنت بحلم بيها وهى تبعا اداب انجليزى
وربنا يوفقنى واحقق كل احلامى

[KoTTa Koky 0]

pinkrabbet كتب:

يا مسهل اول زبونه لقيتها ان شاء الله نكون كتير ونحقق مع بعض احلى الاحلام

ما تقلقيش هتلاقى ناسى كتير فى التوبيك دا بإذن الله

[KoTTa Koky 0]

بإذن الله تقدرى تغيرى من نفسك فى كل اللى انتى عاوزاه يا عطـــر

و بإذن الله تحققى كل اللى بتتمنيه

أنتى جميلة بجد و تستاهلى بجد كل خير

[عطر الجنة 0]

KoTTa Koky كتب:

بإذن الله تقدرى تغيرى من نفسك فى كل اللى انتى عاوزاه يا عطـــر

و بإذن الله تحققى كل اللى بتتمنيه

أنتى جميلة بجد و تستاهلى بجد كل خير

ويا رب انتى كمان تحققى كل اللى بتتمنيه

[yassmin 0]

انا دايسه معاكو يا بنات ان شاء الله اكمل دراستي واسافر الامارات اكتر بلد بعشقها ويارب اشتغل ف مكان كويس وبراتب كبيررررررررررر ومش هنساكو ياجماعه ال محتاج شئ من هناك يقول بس حجات بسيطه يعني مش تفتحوها عالبحري هههههه
موضوع حلو والله احييكم

[عمرو الليثى 0]

الجديد فى الركن الروحى انى قررت ان تكون الصلوات كلها عندى فى مواعيدها من الفجر للعشا
وف الركن الصحى قررت امارس رياضه وحاتبع اسلوب انى اكون عاده استمر عليها 21 يوم لان اى حاجه باعملها الوقت ده بتبقى عاده دايمه ف حياتى وفيه شويه اركان فة حياتى لسه عايزه اصلاح شامل