اللى جربها من طلبة ترم تانى يدخل يقوللنا

[نهى مجدى 0]

حد يا جماعة هيجيب ملازم مراجعة نهائية لترم اول ؟
ولو حد هيجيب من مكتبة اية ؟
وياريت لو حد ترم تانى جاب قبل كدة يقوللنا بتبقى حلوة ولا واية افضل مكتبة ؟

[*maryam 0]

انا عن نفسي مجربتهاش
بس كنت ناوية اجبها الترم ده من مكتبة الكابتن سألت طلبة قالولى دول مختصرين فيها كتيير ومش مفيدة
وغير كدا الدكاترة قبل كدا نصحونا منجبش اي ورق من برة المركز فا اكتفيت بورق المركز

[نهى مجدى 0]

انا برضوا مش مقتنعة خالص بالملازم
بس عشان بشوف زمايلى بس فى كليات تانى بيجبوها ويذاكروا منها وبينجحوا بس حاسة ان كليتنا مينفعش معاها بصراحة هى محاضرات وتظبيقات الكلية

[محمدعرفه 0]

انا جبت النهارده مراجعات نهائيه لأننى ابيض يا ورد

[نهى مجدى 0]

طيب قوللنا جبتها من مكتبة اية وجبت مواد اية
واية نظامها عاملينها ازاى ؟ وسعرها كمان معلش

[Ahmed Elwardany 0]

الموضوع بالنسبة لترم اول مش محتاج ملازم اوي
يعني عندك مثلا مادة القراءة و الفهم دي يعتبر مش مادة ولا بتتذاكر هي عبارة عن قطعة و الاسئلة اجابتها مباشرة جوة القطعة كل اللي هتعمليه copy and paste
بالنسبة للترجمة دي المادة الوحيدة اللي محتاجة ممارسة من كل حتة يعني هاتي حاجات بالانجليزي و حاولي تترجميها مستخدمة القواميس و الحاجات دي
النحو العربي خدي حصة او حصتين كل اخر ترم مع مدرس اعدادي او ثانوي يلخصلك كل كتاب الترم
الجرامر بالنسبة لي كان في الترم الاول سهل جدا بتاع ابتدائي و كدة يعني اللي فاهم جرامر شوية صغيرة هيعرف يعدي فيه
اصعب مادة هي المادة الثقافية حاولي تجيبي فيها مختصرات على اد ما تقدري و حاولي تعرفي من الدكتورة القصص المحذوفة و ذاكري اللي هي هتقول عليه و خلاص

[نهى مجدى 0]

فعلا زى ما حضرتك قلت بس انا مشكلتى فى الترجمة والجرامر عشان الوقط فقط والمذاكرة لازم منن السى دى انا عاوزة حاجة مطبوعة عشان كدة عاوزة ملازم وكمان النحو برضوا عشان يكون فى امثلة اكتر و كدة

[Ahmed Elwardany 0]

الترجمة ان شاء الله هتجيلك سهلة حاولي بس تعتمدي على انك تمارسيها بعيدا عن الدراسة و الملازم لان الترجمة معتمدة انك تجيبي قطع انجليزي و تتجرميها لعربي و العكس عادي ممكن تعملي كدة مع نفسك بأستخدام القاموس هتلاقيها سهلة ان شاء الله
صدقيني عايزة تشيلي هم بجد
شيلي هم المادة الثقافية لوحدها تخليكي تعدي تذاكريلها هي لوحده الترم كله
الجرامر سهل جدا بتاع ترم اول اسهل من جرامر اولى ابتدائي هتفهميه و هيبقى بالنسبة لك سهل
اما النحو فه انا قولتلك تعملي اية و هو دة اسلم حل والله
و سيبك من الحاجات المطبوعة و الملازم مش للترم دة على الاقل
اسمعي نصيحتي ليكي و هتكسبي ان شاء الله

[نهى مجدى 0]

Ahmed Elwardany كتب:

الترجمة ان شاء الله هتجيلك سهلة حاولي بس تعتمدي على انك تمارسيها بعيدا عن الدراسة و الملازم لان الترجمة معتمدة انك تجيبي قطع انجليزي و تتجرميها لعربي و العكس عادي ممكن تعملي كدة مع نفسك بأستخدام القاموس هتلاقيها سهلة ان شاء الله
صدقيني عايزة تشيلي هم بجد
شيلي هم المادة الثقافية لوحدها تخليكي تعدي تذاكريلها هي لوحده الترم كله
الجرامر سهل جدا بتاع ترم اول اسهل من جرامر اولى ابتدائي هتفهميه و هيبقى بالنسبة لك سهل
اما النحو فه انا قولتلك تعملي اية و هو دة اسلم حل والله
و سيبك من الحاجات المطبوعة و الملازم مش للترم دة على الاقل
اسمعي نصيحتي ليكي و هتكسبي ان شاء الله

ميرسي جدا على ردك
وربنا يسترها يارب وننجح كلنا