عايزه اعمل تأجيل

[NanY 0]

لو سمحتم يا جماعه حد يفيدنى فى الموضوع ده بليز

انا ترم اول وعايزه اعمل تاجيل ينفع ولا لا والتاجيل بيبقى للترم ولا السنه كلها

ولو عملت تأجيل المصاريف هتروح عليا ؟؟؟

ياريت حد يفيدنى فى الموضوع ده ضرورى ولو متعرفوش ياريت اى حد بينزل الجامعه وينفع يسألى اكون شاكره جداااااااااا جدااااااااا

[sandbad 0]

عليكم السلام
لو عملتى الفلوس مش هتروح عليكى خالص

بس لازم تروحى مركز الجامعة تعملى طلب بسرعة

[mik_eg 0]

لازم تروحي المركز وتعملي تأجيل

وهتدفعي مصاريف تأجيل 110 جنيه والفلوس الاساسية مش بتروح عليكي

. وممكن تأجلي مواد معينة او كل المواد.

وكمان وبتدخلي عادي الترم اللي بعده .

بس التأجيل لازم قبل معاد الامتحنات بيوم .

[islamy 7yaty 0]

بصى ياحبيبتى التاجيل ممكن يكون من على الصفحه الشخصيه ع الموقع اذا ماحبيتى تروحى المركز تاجلى وتمن التاجيل يتم دفعه عند اول تعامل مادى بينك وبين الكليه لاحقا ولكن القيمه الماليه للمواد سوف تظل والمواد هتدخليها تلقائيا التيرم القادم

اى سؤال انا فى الخدمه

[ebn_elshady 0]

[NanY 0]

ميرسى اوى يا جماعه انا رحت المركز وللاسف ملحقتش كانو بيقفلو ومش رضيو يدخلونى وعرفت من حد ان التاجيل فى المركز اتقفل ولو عايزه اعمل تاجيل اعملو من ع الموقع وفعلا ادفع 110 بس انا مش متاكده من كلامه صح او لا المهم طلعت وحجزت كل ملازم المنقذ واتضايقت ان التأجيل اتقفل
بس انتو كده بتقولو ان ينفع اعمل تاجيل لحد قبل الامتحان بيوم فعلا الكلام ده اكيد ؟؟؟
طيب لو انا عملت تأجيل مواد الترم ده هاخدها الترم الجاى يعنى يبقى معايا ال 10 مواد الترم الجاى؟؟؟؟؟
وهل لو انا اخدت الملازم وعملت تاجيل ينفع ابقى اذاكر المواد دى عشان اخفف من عليا ولا الترم التانى الدنيا هتتغيير والملغى ممكن الترم الجاى ميتلغيش وكده يااااااريت تفيدونى بسرعه عشان لو فعلا ينفع اعمل تأجيل والمقرر مش هيتغير فيه حاجه وينفع اذاكر من ملازم الترم ده يبقى كويس اوى والحق اعمل تأجيل

[shahnda 0]

لا ياقمر انتي الترم الجاي لو بدأتي
هتاخدي الترم اللي احنا فيه ده
والترم التاني الي احنا هناخده انتي هتاخديه السنه الجايه
يعني السنه بتاعتك هتبتدي من الترم الجاي
لو انتي قدمتي تاني بعد التاجيل
دا لو ينفع ليكي اساسا
لاني مره قدمت في تعليم مفتوح في نص السنه
وقالولي مش ليكي الا اول السنه
مش عرفه بقي
هتروح عليكي السنه ولا لا
الكلام ده لو انتي ثانوي عام
زيي

[NanY 0]

ميرسى شاهندا بجد انا احترت انا ملزمة المنقذ بتاعة الصحافه لسه جيالى دلوقتى 30 صفحه وكلها رغى اتصدمت بصراحه
وانا مقدمه بالبكالريوس مش بالثانويه معرفش بقى هى بتختلف ولا ايه

[shahnda 0]

والله معرف بس ابقي اتصل عليهم
خدي الرقم من علي النت من صفحتك واستفسري
وربنا معاكي
ولو في فرصه تزاكري حتي يبقي افضل وربنا معاكي وفي فاصل بين كل ماده وماده يومين او تلاته
يمكن يحصل نصيب وتعدي
بالتوفيق

[sara199 0]

الله يعينك ياناني ويسهل علينا كلنا

اه بجد انا كمان انصدمت وتوقعت ان الملزمه حتكون اسهل من كده
مش عارفه ازاكرها ابدا

[NanY 0]

ميرسى يا شاهندا فعلا ده ال هيحصل هحاول اذاكر وادخل الامتحان وخلاص وربنا يستر لانى مشغوله عشان فرحى فى اول شهر 3 ان شاء الله والامتحان جاى فى وقت تمااااااام اوى ربنا يستر بجد انا وصلت لدرجة ندم انى قدمت والله بسبب الزنقه ال انا فيها دى

[NanY 0]

sara199 كتب:

الله يعينك ياناني ويسهل علينا كلنا

اه بجد انا كمان انصدمت وتوقعت ان الملزمه حتكون اسهل من كده
مش عارفه ازاكرها ابدا

أمين يااارب يا ساره ويعينا جميعا يااارب

نفس ال كنت متوقعاه ان الملزمه هتبقى مختصره وبسيطه وسهله مش هتاخد معايا يومين بس طلعت اوفر اوى ومليااااانه رغى فى رغى وانا عموما مبحبش الصحافه نهائى الذ ماده السمعبصريه

[princess sarah 0]

يا جماعه سيبو الرغي الي في المنقذ لان في النهاية كل واحد هيجاوب من الفهم مش الحفظ المهم في المنقذ الاسئلة مش الاجوبة
اسئلة الامتحان في المنقذ يبقى ملناش دعوة بالاجابه المهم نكتب الي فهمناه ويكون شامل للفكرة المطلوبة وكل واحد وفهمه ناس فاهمه رغي ولت وعجن وناس فهمها في جملتين وشملت كل حاجة

[sara199 0]

يعني يااعلاميه ينفع لو كتبتلهم اربعة اسطر اختصار لعشره بس الفكره والمفهوم يكون صح؟ لا ينقصوني؟

[princess sarah 0]

لا طبعا ليه ينقصوكي المهم اجابتك تكون كاملة وشملت الفكرة المطلوبة تكتبيها بقى ف سطر ولا ف صفحة مش هتفرق ممكن انا اكتب عشر سطور بس مجبتش الفكرة المطلوبة كده مش هاخد علامة السؤال
وعلى فكرة كل ما كترتي كتابه كل ما زادت اخطائك اختصري المفيد وبس الرغي الكتير ممكن يخليكي تطلعي عن الموضوع وانتي مش حاسة

[sara199 0]

شكرا ليكي انا كنت فاكره اننا لازم نكتب كل الرغي اللي كاتبينو فالملزمه نفس ماهوا

[princess sarah 0]

العفووو
لا طبعا اصلا لو انتبهتي اجوبة الاسئلة المقالية نسخة من الكتاب والي اعرفه ان الي بيكتب بالنص مش بياخد الدرجة كاملة لانه مأثبتش انو فاهم حاجة في اي حاجة وممكن يعتبر غش لو تكررت الاجابة النصية