حلقة دراسية ترم أول أداب E دور يناير 2013 (الجزء الثانى)

[abdel3azizo 0]

It should be Henry not William

[gina mikhail 0]

امتحان طويل اوى و عايز حد حافظ كويس و كمان فية الغلطة بتاعة اسؤال d دى بس انا كتب على هنرى مش ويليام

[gina mikhail 0]

الامتحان كان فية تتكلموا عن stonehenge people

the charter of liberties

the central administration

the feudal system

[tota.tota 0]

طب الله يخليكم حد يحللنا بعض الاسئلة منهاا

[gina mikhail 0]

الامتحان دة مش عايز تفكير هو عايز حد يحفظ اجزاء كبيرة و يكتبها زى ما هية

[nour elgannah 0]

الحمد لله خلصنا الامتحان على خير بس فى ناس اتظلمت لان الحاجات اللى جت فى الامتحان من السى دى بتاع الدكتورة
والسؤال رقم d انا مش فاهمة عايزة نكتب عن مين بظبط اعتقد انها هتلاحظ ان معظم الناس معرفتهوش
وعايزة اشكر اوووووووووووووووى عطر الجنة على مجهودها الرائع معانا وكل اللى شارك فى الى افادة لينا بشكرهم جدا وربنا يسترها فى النتيجة وننجح كلنا ان شاء الله

[gina mikhail 0]

انا بردو عايزة اشكر عطر الجنة لان من غيرها كان فى حاجات كتير اوى هتبقى صعبة عليا و كانت هتفوتنى .

متشكرة يا عطر و يا رب اشوفك من الاوائل و تاخدى منحة كمان

[Laura easa 0]

Thanks to everyone who helped us with everything espically 3eter al gana w atomix

[fula free 0]

أناكمان عايزة اشكر عطر الجنة لان من غيرها كان فى حاجات كتير اوى هتبقى صعبة عليا و كانت هتفوتنى .

متشكرة يا عطر و يا رب اشوفك من الاوائل و تاخدى منحة كمان

[عطر الجنة 0]

الامتحان كله من السى دى ربنا يستر
وانا عاوزة اشكر كل اخواتى ف المنتدى واقولهم يا رب يوفقكم كلكم وتجيبوا امتياز
اما بالنسبة لشكرى فانا لا استحق اى شكر لاننى معملتش غير الواجب فكلكم اخواتى
ويارب نظل سويا ويديم المحبة والاخوة بين كل اعضاء المنتدى


خلصنا الامتحانات عقبال ما نعمل فرح بالنتيجة

[noura83 0]

يارب ياعطر نعمل فرح فعلا بالنتيجه ونفضل كلنا كنا مع بعض لحد اخر ترم وتفضل الروح الحلوه دى دايما بينا

[dodyrefaie 0]

شكرا لكل الناس اللي في المنتدي و بالاخص عطر الجنه و اتومكس فعلا انتو سلعدتونا كتير و في ميزان حسناتكو ان شا الله و عقبال مانخلص

[Laura easa 0]

الحمد لله الامتحانات خلصت دلوقتى انا سألت فى الكلية اليوم على امكانية الدراسة فى الصيف و لو ينفع اخد سنتين فى سنة قالولى لا مينفعش ممكن لو حد عنده دراية بالموضوع ممكن يفدنى.

[yassmin 0]

الحمدلله هنرتاح شويه من هم قلق الامتحانات دي اخيرااااااربنا يستر عالنتيجه

[ciscoocean 0]

عطر الجنة كتب:

الامتحان كله من السى دى ربنا يستر
وانا عاوزة اشكر كل اخواتى ف المنتدى واقولهم يا رب يوفقكم كلكم وتجيبوا امتياز
اما بالنسبة لشكرى فانا لا استحق اى شكر لاننى معملتش غير الواجب فكلكم اخواتى
ويارب نظل سويا ويديم المحبة والاخوة بين كل اعضاء المنتدى


خلصنا الامتحانات عقبال ما نعمل فرح بالنتيجة

السلام عليكم و رحمة الله و بركاته

أولا انا بشكر كل اللى فى المنتدى و على كل مشاركات الاعضاء اللى ساعدت ناس كتيرة قوى و وجهت ناس أكتر كانوا محتاجين مجرد ضوء...

شكر خاص جدا جدا جدا غلى الأخت عطر الجنة على المجهود المستمر الفعال و المساعدات اللى قدمتها لينا فى كل وقت كنا بنحتاجها كنا دايما بنلاقيها بترد بأكتر من اللى احنا عايزينه و مجهودها فى كتابة المحاضرات و تحميل الملفات و الاختصارات و كل ما نحتاجه فى التيرم و الوقت اللى بجد ضيعت منه كتير علينا ...شكر خاص بجد تستحقه و مهما قولت كلام مش حيكون شئ جنب اللى وفرتيه لينا من مجهود و وقت و دة بعد توفيق ربنا أكيد و نتمنى من ربنا اننا نكمل المشوار على نفس النهج لحد الليسانس إن شاء الله.

نيجى ل محمود .. بجد يا محمود مكانك انت فعلا تستحقه و اكيد أنت مدير شاطر و بشكرك على توفير كل المعلومات اللى كنا بنحتاجها فى سلسلة متكاملة , بجد تستحق مكانك و يمكن اكتر و ربنا يوفقك ان شاء الله .

أخير أنا بشكر الناس كلها و بتمنى لكل الناس التوفيق و آسف انى لم أذكر بقية الاسماء و أصحاب الملازم العربى

دمــــــــــــــــــ تــم

[yassmin 0]

كلام زي الفل تحيه للناس دي

[medhate 0]

السلام عليكم ؟؟؟؟
أنا بأضم صوتي للأخ ال سبقني ف الكلام ؟؟؟؟؟
أنا فعلاً سعيد إني عرفت المنتدى ده ؟؟؟ أسألأ الله عز وجل أن يبارك فيه وبكل من قام عليه وأن يبارك الله عز وجل فيكم جميعاً

[nour elgannah 0]

انا لقين اجابة السؤال d فى المربع اللى قالت علية الدكتورة فى السى دى

[medhate 0]

السلام عليكم ؟؟؟؟
نقول شوية فكاهة بعد الامتحانات علشان نغير الجو بتاع الامتحانات والمذاكرة ؟؟
انا قرأت القصة الطريفة دي ف منتدي وأضحكتني
فحبيت أنقلها للمنتدي دا عشان تضحكوا معايا اتمنى انها تعجبكم

قدم رجل عاطل عن العمل لشغل وظيفة منظف مراحيض

لمقابله مع مدير الشركه ..

قال المدير للعاطل عن العمل:

انك قبلت في الوظيفة لكن نحتاج بريدك الالكتروني

لنرسل لك عقد العمل والشروط..

فردّ الرجل العاطل عن العمل :

انه لايملك بريد الكتروني وليس لديه جهاز كمبيوتر في البيت..

فأجابه المدير :

ليس لديك جهاز كومبيوتر يعني انك غير موجود وان كنت غير موجود يعني انك لا تستطيع العمل لدينا !

خرج الرجل العاطل عن العمل مستاء

و بطريقه اشترى بكل ما يملك – وهو 10 دولارات- كيلو جرام من الفراولة

وبدأ بطرق الأبواب ليبيعها ..

في نهاية المطاف ربح الرجل 20 دولارا ..

بعد هذا أدرك الرجل ان العملية ليست بالصعبة ..

فبدأ في اليوم التالي بتكرار العملية 3 مرات..

وبعد فتره بدأ الرجل بالخروج في الصباح الباكر ليشتري أربعة أضعاف كمية الفراولة ..

وبدأ دخله يزداد إلى أن استطاع الرجل شراء دراجة هوائيه

وبعد فتره من الزمن والعمل الجاد استطاع الرجل شراء شاحنة

إلى أن أصبح الرجل يملك شركة صغيره لبيع الفراولة.

بعد خمس سنوات .....

أصبح الرجل مالك أكبر مخزن للمواد الغذائية..

بدأ الرجل يفكر بالمستقبل إلى أن قرر أن يؤمّن الشركة عند أكبر شركات التأمين

وفي مقابلة مع موظف شركة التأمين

قال الموظف : احتاج بريدك الالكتروني لأرسل لك عقد التأمين ..

فأجاب الرجل : بأنه لايملك بريد الكتروني وحتى انه لايملك كومبيوتر !!

رد موظف التأمين - مستغربا - :-

لقد أسست أكبر شركة للمواد الغذائية وبخمس سنوات

ولاتملك بريد الكتروني ماذا كان يحدث لو انك تملك بريد الكتروني !!

رد الرجل عليه :-
لو كنت أملك بريد الكتروني قبل خمس سنوات

لكنت الآن أنظف مراحيض الشركات!!

ان احيانا يمنع الله عنك امرا تحسبه انه الصالح لك

ولكنه سبحانه وتعالى يخبأ لك الافضل ..

وأحيانا يمنع عنك ميزه او شيء تحسبه خير

وقد يكون فيما بعد هذا الشيء سبب في تعاستك

فــ حمدا لله على كل حال.. وارض بقضاء الله في كل الأحوال

[medhate 0]

نيجي بقا للفكاهة الحقيقية ؟؟؟
مين فيكوا بقا معاه أيميل ؟؟ هههههههههههههههههه

[yassmin 0]

ايمييييييل ايه ؟؟؟؟

[medhate 0]

السلام عليكم ؟؟؟ مش قصدي إني عاوز أيميل حد ؟؟؟
يظهر إن حضرتك لم تقرأ القصة ال كتبتها الأول القصة بتقول انه بطل القصة لو كان عنده ايميل كان هيشتغل شغلانه مهينة شوية فبسبب انه ما كانش عنده اشتغل شغلانه أرقى شوية ؟ فأن بقا لما بأقول مين عنده ايميل قصدي اني أمزح ع القصة وفكرتها ليس إلا ؟؟؟؟
أرجو إني ما يكونش حد فهم القصة غلط ؟؟؟؟؟

[ATOMIX 0]

إنتهت الإمتحانات على خير والحمدلله

أحب أشكركم كلكم على تفاعلكم معانا طوال فترة الترم الأول وعاوزكم تعذرونى لو كنت

قصرت مع حد فى أى معلومه ، وإن شاء الله تفاعلنا ده هيستمر مع بعض فى جميع الترمات

لحد ما نتخرج كلنا ، ومش معنا إن الترم خلص وإننا فى أجازه إننا منتجمعش ،لا ... إن شاء الله

يوميآ كلنا هنتجمع فى غرفة الشات من بعد الساعه 10 مساءآ

أما بخصوص اللى عايز يقدم فى الترم البينى ويستغل الفتره دى بطريقه إيجابيه

فممكن يقدم لما يعلنوا وممكن نتشاور مع بعض الطلبه اللى فى الترم الثانى عشان يفيدونا

بأفضل المواد اللى ممكن تدرس فى الترم البينى .

عاوز أشكر عطر الجنه على مجهودها الرائع اللى بذلته معانا على مدار الترم

وبجد لولا مجهودها الرائع لكان فى ناس كتير تاهت ومعرفتش راسها من رجليها

، لأن أغلبيتنا يا مسافرين أو مغتربين أو شغالين

ومشغولين وطبعآ يصعب علينا الحضور ، فجزاها الله عنا خير الجزاء

وبالتوفيق والنجاح للجميع

[yassmin 0]

وجزاك كل خير ابو روان

[gina mikhail 0]

احسن حاجة حصلتلى السنة دى لحد دلوقتى انى شاركت فى المنتدى الجميل دة و اتعرفت على الناس الحلوة اللى فية.

تحية لكل المشرفين علية

[khaled38 0]

أتمنى التوفيق للجميع ولنفسي،وأتمنى أن يكون الغد أفضل من اليوم والأمس،وأتوقع أن يستمر العطاء بين الأعضاء ليأخذوا بأيدي بعضهم البعض حتى التخرج بإذن الله.

[medhate 0]

السلام عليكم ؟؟؟؟ الحمد لله
غن الواحد عرف المنتدى ده ؟؟؟؟ يعني نس
أل الله عز وجل التوفيق والسددااد لكل القائمين عليه ؟؟؟حضرتكم بتقولوا في ترم بيني ؟؟ انا مش عارف ايه معنى الكلام ده يعني إمته دا وبالظبط ف شهر كام ؟؟ وقبل امتحان الترم الثاني ولا بعد امتحان الترم الثاني؟؟؟
اعذروني لكل الاسئلة ؟؟

[Laura easa 0]

الحمد
لله الامتحانات خلصت دلوقتى انا سألت فى الكلية اليوم على امكانية الدراسة
فى الصيف و لو ينفع اخد سنتين فى سنة قالولى لا مينفعش ممكن لو حد عنده
دراية بالموضوع ممكن يفدنى.

[ATOMIX 0]

medhate كتب:

السلام عليكم ؟؟؟؟ الحمد لله
غن الواحد عرف المنتدى ده ؟؟؟؟ يعني نس
أل الله عز وجل التوفيق والسددااد لكل القائمين عليه ؟؟؟حضرتكم بتقولوا في ترم بيني ؟؟ انا مش عارف ايه معنى الكلام ده يعني إمته دا وبالظبط ف شهر كام ؟؟ وقبل امتحان الترم الثاني ولا بعد امتحان الترم الثاني؟؟؟
اعذروني لكل الاسئلة ؟؟

[center][size=25]الفصل البينى
[b]
تعريف الفصل البينى وضوابط التسجيل فيه

1 - تعقد الامتحانات البينية بين
الفصلين الدراسيين الأساسيين وذلك لخدمة الدارسين الذين قاموا بتسجيل عدد
من المواد أقل من الحد الأقصى المسموح التسجيل به فى الفصل الدراسى الواحد لتفادى تأخرهم فى الحصول على درجة البكالوريوس أو الليسانس .

2 - الدراسة فى الفصل البينى دراسة ذاتية أى يعتمد فيها الدارس على الكتاب والمواد العلمية الإضافية والمقررات العلمية التى تمت دراستها فى الفصل الدراسى السابق لها .

3 - يمكن للطلاب التسجيل فى مواد سابقة لم يتم التسجيل فيها
( مواد رسوب أو مواد جديدة لم تسجل من قبل ) بحد أقصى ثلاثة مواد دراسية .

4 - يجوز للدارس التسجيل فى مواد
من الفصل الدراسى الجديد ( القادم ) بحيث لا يزيد إجمالى المواد المسجلة (
من فصول سابقة ومن الفصل الجديد معاً ) عن ثلاثة مواد
وبحد أقصى مادتين جديدتين من الفصل الدراسى الجديد .

يلاحظ أنه

عند التسجيل فى الفصل الدراسى الأساسى التالى للفصل البينى يتم خصم المواد الجديدة
( والتى تم تسجيلها مقدماً فى الفصل البينى )
من الحد الأقصى المسموح بتسجيله فى الفصل الأساسى .

بمعنى

أنه
إذا كان الحد الأقصى للمواد المسموح التسجيل فيها فى الفصل الأساسى خمسة
مواد دراسية وقام الدارس بتسجيل مادتين منهم فى الفصل البينى ، فلن يتمكن
من التسجيل إلا فى ثلاثة مواد جديدة فقط فى الفصل الأساسى التالى للفصل البينى .

5 - لا يسمح لطلاب الفصل الدراسى
الثامن بالتسجيل فى الفصل البينى فى مواد تؤدى إلى تخرجهم حيث أن التخرج
والحصول على درجة البكالوريوس أو الليسانس مقصور على إمتحانات الفصل
الأساسى والدور الثانى فقط .

6 - لا يسمح بتسجيل التدريبات العملية أو مشروع التخرج بكلية الزراعة فى الفصل البينى
لما لهذه المواد من طبيعة خاصة .

7 - لا يجوز الإنسحاب أو التأجيل او الاعتذار فى الفصل البينى لأى سبب .

8 - إذا قام الدارس بتسجيل مادة جديدة فى الفصل البينى وتغيب عن الامتحان فأن هذه المادة ترجع إلى حالتها قبل الإمتحان
ويقوم الطالب بسداد كامل قيمتها عند تسجيلها فى التيرم الأساسى
مع إحتفاظه بالتقدير لهذه المادة بعد النجاح فيها .

9 - يجوز للدارس تسجيل مادتين فى نفس اليوم فى فترتين مختلفتين طالما قبل ذلك .

10 - التسجيل فى الفصل البينى لا يؤدى إلى تخرج الدارس قبل أربعة سنوات دراسية
ولكن يؤدى إلى تفادى زيادة مدة الدراسة عن أربع سنوات .

11 - تعقد إمتحانات الفصل البينى داخل جمهورية مصر العربية بالقاهرة فقط
أو لدى الوكلاء بالخارج
( إذا أدى عدد المسجلين طرف الوكيل إلى تغطية تكاليف عقد الامتحانات طرفهم بالخارج )

12 - لا يخضع التسجيل فى الفصل البينى لأى خصومات أو منح أياً كان نوعها .

الرسوم الدراسية للفصل البينى
[/b][/size]

[center]الرسوم		المصريين	الجنسيات الأخرى
داخل مصر	رسوم أى مقرر فى أى برنامج ( الرسوم شاملة رسوم التسجيل ورسوم الامتحان )	200 جنيه	200 دولار
خارج مصر	رسوم أى مقرر فى أى برنامج ( شامل رسم الامتحان )	150 دولار	300 دولار
	رسم التسجيل لجميع مقررات الفصل البينى	20 دولار
	رسوم إدارية لأى عدد من المواد	50 دولار

مواعيد التسجيل

يبدأ التسجيل للفصل البينى بعد إنتهاء إمتحانات دور ينايرمباشرة
ولمدة أسبوع واحد فقط

مواعيد الإمتحان



تعقد الإمتحانات على مدار خمسة أيام بواقع ثلاثة فترات فى اليوم
طبقاً لجداول الإمتحانات المقررة للفصل البينى .

تعقد إمتحانات الفصل البينى إبريل 2009
[/center][/center]

[ATOMIX 0]

Laura easa كتب:

الحمد
لله الامتحانات خلصت دلوقتى انا سألت فى الكلية اليوم على امكانية الدراسة
فى الصيف و لو ينفع اخد سنتين فى سنة قالولى لا مينفعش ممكن لو حد عنده
دراية بالموضوع ممكن يفدنى.

ضم الترمين بيجوز فقط للمقيمين خارج مصر ، وشروطه انه يجيب ما يثبت انه مسافر

وكمان بيمتحن الترمين مع بعض فى اخر السنه وبيمتحن فى القاهره

[مارفن 0]

هو احنا هنقدم الترم التاني امتي يعني ننزل نقدم وندفع الفلوس امتي والدراسه بتبدأ امتي

[khaled38 0]

بعد النتيجة ان شاء الله والنتيجة بتظهر اخر مارس او اوائل ابريل.

[samah hassanen 0]

انا زميله جديده في المنتدي ومعاكم في كليه الاداب انجليزي قسم ترجمه تيرم اول

من فضلكم لو فيه حد يفيدني هي نتائج الامتحانات حتظهر امتي

[khaled38 0]

اهلا بيكي ياسماح.ان شاء الله على اخر مارس او اوائل ابريل وبالتوفيق للجميع.

[noura83 0]

ياجماعه انا لسه شايفه اعتزار عطر الجنه عن دخولها المنتدى تانى وبجد زعلت اوى واتمنى انها ترجع عن قرارها ده

[Emy Salem 0]

noura83 كتب:

ياجماعه انا لسه شايفه اعتزار عطر الجنه عن دخولها المنتدى تانى وبجد زعلت اوى واتمنى انها ترجع عن قرارها ده

للاسف ده حقيقى و يا رب فعلا ترجع عن القرار ده .. لان عطر فعلا من الناس الممتازة .. و كتر مذوقة و حبوبة .. أنا فعلا زعلت و الله

[gina mikhail 0]

طب هى عطر مقالتش السبب

[dodyrefaie 0]

ايه دا بجد عطر مش هتتدخل تاني طب ليه كده

[fula free 0]

انا زعلت اوى لما عرفت ان عطر مش هتدخل المنتدى تانى بجد هى انسانة جميلة واتمنى ان تعود مرة اخرى انا اذا حليت ونجحت الفضل لربنا وليها وللمنتدى يااااااااااااااااارب ترجعى تاااااااااااااااااااااااااانى يااااااااااااااا عطر الجنة.

[عطر الجنة 0]

السلام عليكم ورحمة الله وبركاته
ازيكم كلكم عاملين ايه يا رب تكونوا بخير وحشتونى اوى اوى
ويا رب تسامحونى اننى زعلتكم بقرارى ده بس كان لازم منه لحاجة فى نفسى
ولكن بناء على مناقشة الامر مع زوجى والذى نصحنى بالا اترك المنتدى وبناءا على رغباتكم ساظل معكم باذن الله الى الليسانس وما بعده وان شاء الله نفرح جميعا بالنجاح قريبا وسابدا معكم بتنزيل مواد الترم التانى لمن يريد الاطلاع عليها مع انى عارفة انكم مش طايقين المذاكرة بس اهو اغلس عليكم شوية بقى
وعاوزة اشكر كل الناس اللى تاثرت بقرارى ودوروا عليا فعلا ونعم الاخوة ولعلمكم القرار ده خلانى عرفت حقيقة ناس كتير هنا ف المنتدى وسامحونى انى دايقتكم بقرارى ده

[medhate 0]

السلام عليكم ؟؟ الاستاذة الفاضلة عطر الجنة أنا سعيد جدا بعودتك للمنتدى ال كان هيخسر كتير هو واحنا كمان ببعدك عن المنتدى ( انا طبعا مش عارف ايه ال كان مزعلك بالظبط لكن لا تحسبوه شرا بل هو خير
دي القاعدة ال انا ماشي بيها في حياتي أو بمعنى أدق باحاول امشي بيها في حياتي
وأسال الله العلى القدير أن يسعدك انت وزوجك وأن يوفقك في حياتك القادمة
قولي آمين

[medhate 0]

هاقول قصة عن الحبيب صلى الله عليه وسلم ؟؟؟ يعني مش فاكرها قوي لكم فاكر ابعادها ؟؟؟ ان السول عليه الصلاة والسلام كان ف مجلس ف واحد آذاه بكلمة فقال عليه الصلاة والسلام ( لقد أوذى أخي موسي بأكثر من هذا فصبر ) وقال أيضاً ليس هناك أحد أصبر من الله يدعون له ولداً ويرزقهم ويعافيهم

إن شاء نكون كلنا استفدنا من الكلام الجميل ده وانا باقول هذا الكلام لنفسي قبل ان يقرأه أي حد لتفتكروني اني 100*100
لأ أنا مقصر جدا جدا جدا

[gina mikhail 0]

انا مبسوطة اوى يا عطر بقرار رجوعك للمنتدى و يارب يسعدك و يباركلك فى اسرتك واتمنى ان كلنا نفضل على اتصال ببعض حتى بعد التخرج

[gina mikhail 0]

انا بفكر اخد النحو 111 فى الترم البينى اية رأيكم

[yassmin 0]

عطر الجنة كتب:

السلام عليكم ورحمة الله وبركاته
ازيكم كلكم عاملين ايه يا رب تكونوا بخير وحشتونى اوى اوى
ويا رب تسامحونى اننى زعلتكم بقرارى ده بس كان لازم منه لحاجة فى نفسى
ولكن بناء على مناقشة الامر مع زوجى والذى نصحنى بالا اترك المنتدى وبناءا على رغباتكم ساظل معكم باذن الله الى الليسانس وما بعده وان شاء الله نفرح جميعا بالنجاح قريبا وسابدا معكم بتنزيل مواد الترم التانى لمن يريد الاطلاع عليها مع انى عارفة انكم مش طايقين المذاكرة بس اهو اغلس عليكم شوية بقى
وعاوزة اشكر كل الناس اللى تاثرت بقرارى ودوروا عليا فعلا ونعم الاخوة ولعلمكم القرار ده خلانى عرفت حقيقة ناس كتير هنا ف المنتدى وسامحونى انى دايقتكم بقرارى ده

فرحتيني كتير يا عطروتي نورتي المنتدي بجد ويارب تفضلي معانا ديماااااا

[yassmin 0]

:d

[dodyrefaie 0]

دا احسن قرار سمعتو يا عطر الجنه الحمدلله انك هتفضلي في الجروب

[fula free 0]

نورتي المنتدي يا عطروتي

[ATOMIX 0]

ختام الحلقة الدراسيه

أصدقائى الطلبة أود أن أشكركم جميعآ على تفاعلكم معنا على مدار الترم الأول

كما أود أخباركم بمعلومة مفرحة ؛ الآ وهى أن إجمالى مشاركاتنا

فى الحلقة الدراسية بترم أول وصلت الى 1983 مساهمة

وهذا يدل على أننا أصحاب أعلى مشاركات فى المنتدى منذ إفتتاحه حتى الأن

كما أود أرسل شكر خاص الى الأستاذه عطر الجنه على مجهودها الرائع فى مساعدتها

لزملائها على مدارالترم الأول

وأيضآ أود إعلامكم أننا سوف نتواصل مع بعضنا البعض فى الترم الجديد على هذا الرابط

حلقه دراسيه ترم ثانى أداب E دور يوليو 2013