الى الاعلام(كلماتى/احمد ياسين)

[احمد ياسين 0]

الى الاعلام
ملوش لازمه بقى التسخين
ما كدا كدا
صحابى هناك بتنام جوا الميادين
مترحمنا كدا كفايا

ياعم برادعى انت وحمدين
دانا نفسى اشوف بلدى
ولو مره بلد فيها
حق ودين
ياعم اديب يا احسن جد ف بلدنا يقول مواويل
هيجى يوم وتعرف معنى كلمه ويل
ياست لميس كفايا ____
يا اعلام غاوى يخدعنا
عامل الحق
وهو زى ناس ابليس
ياجلاد حبا ارحمنا
من المقالات
يا مرسى يلا اسجنهم
دا اعلام كلو نفاق وعهات
يا اخوان سيبو مرسى يكون
رئيس واحدو بدون تقيد
دانا نفسى اشوف وطنى
ولو مره فى عمرى سعيد
وفيها ايه لو نبقى ايد واحده
وننده الحريه تيجى تعيش وسطينا
لازم يعنى مصالح شخصيه
كفايا بقى طلعوتو عنينا
يادستور فاضى من جوا
ومن برا ملكش هدم
متتكلم وقول الحق
وفوق حبه كفايا نوم
ياقضاه مصر يا شرفا
متتحدو عشان نعمل فى مصر جديد
وسبنا من نوادى الزند
دا فاضى بس للجرى ولعب الجودو والحديد
ياقنديل يلا عمارها
واحنا معاك بكل جهدنا وكفاحنا
ومين قادر يعمرها بروح بس غيرنا احنا
يا مرسى قول يمين للشعب
بائنك تبقى رئيس لينا
ويبقى الاخوان فى وطنا
يتعملو بردو زينا
انا نفسى اشوف مصر
عايش هنا وسطينا
دى مصر بلدنا
ام الدنيا
لازم نفديها بعنينا
كلماتى/ احمد ياسين

[ATOMIX 0]

[احمد ياسين 0]

شكرا اتو ميكس اسعدنى مرورك

[KoTTa Koky 0]

من كلامك حسيت انك معجب بــمرسى
يا ترى دا صحيح ؟؟؟؟

[احمد ياسين 0]

ههههههه هو انا مش اخوانى ولا حاجه
بس انا نفسى اشوف امان اعتقد ان مرسى خلاص
بقى واقع وانا لازم احترمه لاشنو صوره مصر
وبعدين مختيش بالك من الحتا دى
يا اخوان سيبو مرسى يكون
رئيس واحدو بدون تقيد
دانا نفسى اشوف وطنى
ولو مره فى عمرى سعيد
انا محايد ياكوكى انتى بقى تبع مين

[KoTTa Koky 0]

أنا قريتهــا

بس من وجهة نظرى

أنى لم أتقبل واحد مُخطـئ لمجرد أنى مجبرة أتقبله

أنا عارفة ان الواقفة دى مش هتغيره

أو هتعزله من المكان اللى احنا للأسف وضعنا فيه

لكن برده هو اتفرد أوووووى

و شاف نفسه أووووى

بس سؤالى بئــة ..

ليه الناس دى مفكرة أننا هـــُبل ؟ ليه الناس دى شايفة أننا ممكن نكون عبارة عن جيـــاد ؟

تفتكر ليه يا أحمد ؟ و تفتكر مين السبب لآنهم يتوقعوا دا ؟

****

انا مش مع حد

انا مع الصح فقط .. لا انا تبع تيار اسلامى

ولا تيار معارض

انا تبع حزب الحق

اللى للأسف مش موجود

[احمد ياسين 0]

بوصى يا كوكى الفكره كلها اننا شعب بجد سلبى
اللى انتخابو فى انتخابات الرئاسه 13 مليوم بس
من 90 مليون مصرى شوفى الفرق كام
وغير كدا بقى الاخوان واى حد مكانهم كل الاحزاب
والحركات بيهم مصالحهم الشخصيه اولا
سكوت صمت سلبيه ده شعار كل المصرين اللى بينتمو لحز الكنابه
اللى انا بقيت واحد منهم للاسف العصر الجى للاخوان
قدامك خمسين سنه بقى عشان تقوم ثوره تانى نكون احنا كبررنا وشعرنا شاب
والله اعلم هحيصل ايه سعتها
مفسى اشوف مصر فى اسبوع بس

ناسها زى الصنين بيبتكرو
ووزارئها زى الفرنسين بيروح الشغل بعجله
وشوارعها زى امريكا نظيفه
ورئسها زى رئيس السويد عادل
يااااااااااااااااااه حلم سهل مستحيل

[KoTTa Koky 0]

عمر ماكان فيه حاجة مستحيلة

ولا حتى صعبة بس الكل بيبص لغيره

مثلا زى النظافة

انت بتقول نفسى فى حين انك ممكن وانت ماشى فى شارع مش نضيف

وفى ايدك ورقة هترميها فيه

مش هتفكر انك ملكش دعوة بالمنظر دا وتبقى انت افضل

واحد غيرك جه عمل نفس الكلام

بقت كووووووسة مش شارع

ابدأ بنفسك أولاً

دا شعارى

[khaled38 0]

ما شاء الله على الحوار ده بجد الله عليكي ياكريمة وعلى فكرك بس يارب الكل يفكر كده ويبدأ بنفسه

[KoTTa Koky 0]

شمة ريحة تريقة
مش عارف لييييييييييه

[khaled38 0]

بالعكس انا باشجعك وعاجبني تفكيرك.والله ماتريقة

[KoTTa Koky 0]

أخجلتم تواضعــأً

[احمد ياسين 0]

هههههههه اكيد طبعا شعارك جميل وانا كاتب عليه قصيده
مش عارف نزلتها هنا ولا لا هشوفها لو منزلتهاش هنزلها اهداء ليكى
ولو نزلتها تبقى اهداء ليكى بردو
شكرا كوكى

[KoTTa Koky 0]

انا قبل ما أقرأها وشوفت العنوان بس

وقعت من الضحك

ميرسى ع الهدية يا ياسين تتردلك فى الأفراح ان شاء الله )