جَوازهّ تقِليديَ

[shahnda 0]

~~~~~~~~
جَوازهّ تقِليديَ

~~




عاوز يجوزني وعينه عليها
لما انت قلبك مش معايا
متروح تحب فيها
الجواز مش لعبه علشان تلعب بيها
ولا تضحك علي نفسك
وتقول اني حبيبتك اللي شاريها
لا مش هصدقها كلمه منك لاني
عقله وكبيره
وكلامك المعسول المحفوظ دا مش
حساه في قلبي ولا دقيقه
علشان كد انسي اننا نجوز وعديها
ياما شفت جوازات بالشكل دا فشله
وقررت اني استحاله امشيها
اللي هياخدني لازم يكون بيحبني
ومشاعره واضحه مش مخبيها
وحتي من قبل ماتطلع من علي لسانه
كل حته فيا تدوب فيها
روح للي سبتها وكسرت قلبها
وراضيها
دا نعمه انت دلوقتي مش حاسسها
بس هتندم عليها
والعواقب هتكون بكره كتيره
دي من الاخر جوازه تقليدي
ومش اي حاجه من اللي حلمت
بيها

----
----------
تحياتي بقلمي

[Shaima 0]

والله ياشاهنده جواز تقليدي ولامش تقليدي كله في الأخر جواز،وصدق اللي قال الجواز زي البطيخه ياطلعت حمرا ياطلعت ..... إنت بقي عارفه.

[shahnda 0]

هههههه لالا انا احتج صعب اوي اشببهه الجواز عن حب
زي الجواز التقليدي لالا فرق شاسع والله
وانا عن نفسي فكره الجواز التقليدي مرفوضه تماما
والا كان زماني مجوزه من زمان بقي

[محمود سعيد77 0]

[Shaima 0]

أهنيكي يا شاهنده علي مشاعرك الحلوه،بس مش كل جواز تقليدي هو جواز عن غير حب ،وبعدين ماتفرقشي كتير بين إنك تقابلي الإنسان اللي هتحبيه بره البيت من إنك تشوفيه لأول مره جوه البيت،وبعدين الجواز عن الحب الحقيقي فعلآ نادر جدآ وصعب تلاقيه بسهوله ،فلو فكرتي بواقعيه وبعدتنا وتقاليدنا وأتمسكتي بدينك هتلاقي الأمور مختلفه،ده مجرد رأيي .....وأتمنالك الزوج الصالح.... أمين.

[shahnda 0]

شكرا حبيبتي ربنا يوفقني وكل البنوتات بس اهي احلام
بس انا من النوع اللى بيحب اتمسك باحلامى ومش في كتير بنات كد
بس ربنا يحقق احلامنا امين
شكرا ياقلبي لوجودك

[shahnda 0]

محمود سعيد77

نورتنى تسلم

[ATOMIX 0]

[KoTTa Koky 0]

ممكن أشارككــم النقــاش دا

أنا معترضة ومش معترضة

احنا آه طبعا مش هنقارن الزواج التقليدى بالزواج عن حـــب

لكن برده الزواج التقليدى فى منه كتيــــــــــــــر أفضل كتير من الزواج عن حب

الحب مش بئة موجود كتير الايام دى و صعب أنك تلاقيــه كمان

انا آه معترضة عن الزواج التقليدى تمامـــــــــــاً

لكــن نسبة نجاحه أكبـــر و مضمونة .. لأنك فى البداية بتقيمى شخص بعقلك
اذا كان ينفع تتعايشى معاه فعلا او لاء ..
لكن الحب ممكن يخليكى تتجاهلى حاجات كتير و تتعبى بيها بعد كدا
ومتقدريش وقتها تصلحيها او تعدليها حتى

........

بس دا ميمنعش ان كتاباتك حلوة وشيقة

[Shaima 0]

أهلآ بيكي ياKOTA KOKY أنا شايفه إإن رأيك قريب من رأيي ،بس علي فكره جواز الصالونات مابيكنشي قائم علي العقل فقط ،ممكن يكون شخص مناسب جدآ لكن البنت ماتحسش بأي عاطفه تجاهه وترفض الجوازه ،طبعآ أنا وكتير من البنات كنابنحلم نتزوج عن حب بجد ،بس طبعآ كل شئ مقدر أزليآ.

[shahnda 0]

KoTTa Koky

رايك حلو حبيبتي اوي
وانا معاكي طبعا
لاكن مش عارفه من كتر خوفي من الززواج ليكون فاشل
خاصتا ان الحب بيسهل كتير وبيخلي اي طرف من الاتنين يستحملو بعض
دايما بحس ان الحب هيدي الحياه لون مختلف
يعني مثلا في الجوازات التقليديه تحسي ان الشخص احتمال يندم علي
جوازه ساعات كتيره بينه وبين نفسه
لكن لما تاخد حبيبك ووتتجوزه بتكون الامور اسهل بكتير
واريح
ولا ايه؟
بدليل زي ما انتي قولتي
الحب بيخليكي تتغاضي عن عيوب كتيره
وهو دا الصح
لان بالعقل لو قعدتي تفكري هتحسي بكل عيوب الشخص وتتخنقي واحتمال ترفضيها اوي وهكذا..

[Shaima 0]

شاهنده عندك طبعآ حق ،أنا ماكنتش أعرف زوجي قبل كده ،لكن أول مره أتكلمت معاه أتمنيت إني أتزوجه وهو كذلك ،ولما إتخطبنا عملت مجهود جامد جدآ علشان أعرفه كويس وكنا الحمد لله متفاهمين ،وإرتبطنا ببعض جدآ مش هقدر أوصفلك كنت فرحانه جدآ لما عشنا مع بعض ،أنا فعلآ بحبه جدآ وعمري ما إتمنيت أني أحب وأتجوز حد غيره،عرفتي ليه بقولك مش مهم تعرفيه فين؟

[shahnda 0]

تمام هو نصيب طبعا وسبحان الله ما جمع الا ما وفق
ربنا مبينساش حد وهو عالم بالنوايا والنفوس
وربنا يوفق كل البنوتات بفارس احلامهم
وربنا يسعدك دايما حبيبتي
وفكرتك وصلتنى

[shahnda 0]

shahnda كتب:

KoTTa Koky

رايك حلو حبيبتي اوي
وانا معاكي طبعا
لاكن مش عارفه من كتر خوفي من الززواج ليكون فاشل
خاصتا ان الحب بيسهل كتير وبيخلي اي طرف من الاتنين يستحملو بعض
دايما بحس ان الحب هيدي الحياه لون مختلف
يعني مثلا في الجوازات التقليديه تحسي ان الشخص احتمال يندم علي
جوازه ساعات كتيره بينه وبين نفسه
لكن لما تاخد حبيبك ووتتجوزه بتكون الامور اسهل بكتير
واريح
ولا ايه؟
بدليل زي ما انتي قولتي
الحب بيخليكي تتغاضي عن عيوب كتيره
وهو دا الصح
لان بالعقل لو قعدتي تفكري هتحسي بكل عيوب الشخص وتتخنقي واحتمال ترفضيها اوي وهكذا..

تمام اوي كلامك حبيبتي تسلمي لسانك وايديك
ونورتيني بكلامك الحلو ده دايما