تعارف طلبة إعلام دور يناير 2013

[ATOMIX 0]

أهلآ بكل طلبة إعلام

مبروك النجاح للجميع ويارب من نجاح الى نجاح كل ترم

إن شاء الله نرجوا التفاعل والمشاركه مع بعضنا البعض فى كل ما

يخص المحاضرات والأستفسارات على كل ما هو جديد فى إعلام

بالتوفيق والنجاح

[احمد ياسين 0]

اكيد يا [b]DeTa [/b]

[ATOMIX 0]

أهلآ بيك أستاذ أحمد

[ali yusuf 0]

مشاركة قيمة DeTa ..ويارب يجمعنا دايما على الخير والإستفادة..وبالتوفيق للجميع

[wahid 0]

ان شاء الله يكون خبر

[remon adel 0]

منورين يا شباب وإن شاء الله تكون دفعة جميلة وبالنجاح للكل

[ATOMIX 0]

أهلآ بيك أستاذ

remon adel

wahid

[tiger4922 0]

انشاء الله انا رايح اقدم بكرا بس انا مش عارف ايه اللى هيحصل بالظبط وقلقان من موضوع المقابله ده ممكن حد يطمنى

[salama2000 0]

بعد السلام عليكم ممكن حد يفيدني ازاي اذاكر الماده الاعلاني الي باللغه الانجليزيه مع العلم ان مستو الانجليزي عندي ضعيف شويه

[salama2000 0]

الف مبروك للجميع ممكن نعرف ازاي ندردش ونتعارف عبر الموقع وذلك للاستفاده خصوصا وان من سكان الاقاليم والمنتدا منور بوجود يا اخ ريمون انا اخوك سلامه من المنيا واتمنا التعارف من الاستفاد في الدراسه

[remon adel 0]

ده نورك يا اخ سلامه ..... والمنيا احسن ناس وانشاء الله هنتعرف وهنستفاد دايما ...

[salama2000 0]

شكرا لك لردك اخ ريمون وفعلان كلنا هدفنا مشترك وهو الوصل لمستوا تعليمي افضل بس انا عندي مشكله واتمنا انك تساعدني لحلها بالنسبه للمواد المطبوعه باللغه الانجليزيه ما مادا التعامل معها انا بصرحه اللغه الانجليزيه عندبي تعبانه شويه اي نعم انا ممكن اترجم الكتاب علي النت بس ازي الواحد ممكن يجاوب علي اسئله الامتحنات باللغه الانجليزيه اتمنا منك النساعده واتمنا منك ان تترك لي اميلك في رساله شخصيه في المنتدا وشكرا لقبولك صدقتي اخيك سلامه المنياوي واسف لازعاجك

[NanY 0]

مـــــــــنورين يا جماعه ومـــــــــــبروك للكل وربنا يوفقنــا كلنا وتبقى ســـنه حــــلوه ولذيذه

ومـيرسى ديتا على الموضوع وتثبيته علشان كلنا نستفاد من بعض خلال السنه

ياريت لو حد يعرف اخر يوم يوم للتسجيل امتى يقولنا لانى انا اتقبلت بس لسه مش روحت اسجل وادفع المصاريف وباقى الاوراق وكده

[ATOMIX 0]

أهلآ بيكى يا Nany

أخر ميعاد للتسجيل 18-10 إن شاء الله .... بس ياريت متستنيش كتير وتتأخرى

فى موضوع التسجيل ... وبالتوفيق والنجاح

[NanY 0]

™ DeTa ™ كتب:

أهلآ بيكى يا Nany

أخر ميعاد للتسجيل 18-10 إن شاء الله .... بس ياريت متستنيش كتير وتتأخرى

فى موضوع التسجيل ... وبالتوفيق والنجاح

مــــــيرسى اوى انشاءالله مش هتأخر بالكتير اوى يوم الاحد هروح لان ايام إعلام تقريبا الاحد والثلاثاء والخميس

[ATOMIX 0]

أهلآ بيكم جميعآ شرفتم المنتدى

ali yusuf

salama2000

tiger4922

[osama22 0]

انا اسمى اسامة واحب ان اكون صديق للجميع

[ATOMIX 0]

أهلآ بيك يا أسامه نورت المنتدى

[salama2000 0]

شكر خاص مني للمشرف العام واتمنا من حضرتك المساعده وخصوصا في الكمنكيشن كما ارسل تحياتي لجميع اعضاء المنتداء الكرام واتمنا منهم ان نتوصل من اجل العلم والمعرفه والتقدم اخيكم سلامه المنياوي

[princess sarah 0]

السلام عليكم
انا كلية اعلام الترم الاول
كان عندي استفسار
من خلال الصفحة دي حضارتكم بتتواصلو مع الطلبة المستجدين ولا الطلبة القدامى بس ؟؟

[ATOMIX 0]

أهلآ بيكى الصفحه دى معموله لكل طلبة إعلام المستجدين والقدامى

[سيد المصرى 0]

اكيد طبعا ان شاء الله

[princess sarah 0]

thanx Deta
اتمنى تكون سنة خفيفة علينا ان شاء الله
ادعولي ربنا يشيل الخوف الي فقلبي من ناحية الدراسة لاني مش متعودة على دراسة مصر ومناهجها بحكم اني عايشة فقطر طووول عمري

[سيد المصرى 0]

انا اعلام ترم اول وكنت عاوز اعرف الدراسه هتبدأ من امتى

[ATOMIX 0]

أهلا بيك سيد المصرى نورت المنتدى

تبدأ الدراسة للفصل الدراسي سبتمبر 2012 إعتباراً من يوم الجمعة الموافق 28/9/2012

http://www.ou.cu.edu.eg/NewsDetails.aspx?NewNumber=1329&IsHomePage=1

[Mahmoud Elgendy 0]

السلام عليكم / انا اخوكم محمود الجندي مسجل ترم اول وان شاء الله بالتوفيق للجميع
وعايز اعارف جدول المحاضرت والمواعيد يااااااااااريت

[سيد المصرى 0]

ان شاء الله التوفيق للجميع

[princess sarah 0]

السلام عليكم
كنت عايزة خدمة منكم وياريت حد يساعدني
انا مقدمة اوراقي في مصر ولما رجعت قطر عشان اتابع في المركز الي موجود قالولي بما انك قدمتي ف مصر تابعي محاضراتك والحاجاات الي تلزمك من هناك ومليش اي متابعات معاهم الا اذا حبيت امتحن عندهم ادفع الرسوم بس محاضرات وحاجات زي كده لازم اخدها من مصر
وانا حاليا مش هينفع انزل مصر عشان احضر او اشتري محاضرات
لوو ممكن اي حد هيحضر بكرة او يجيب محاضرات لو ينزلها على المنتدى هكون شااكرة لييه جدااا لاني بجد مش حابة اضيع حاجة عليا على الاقل لحد ما انزل مصر

[عمرو الليثى 0]

هاى يا حلى اعلاميين ان شاء الله سنه حلوه اخوكم عمرو

[ATOMIX 0]

اعلامية قيد التنفيذ كتب:

السلام عليكم
كنت عايزة خدمة منكم وياريت حد يساعدني
انا مقدمة اوراقي في مصر ولما رجعت قطر عشان اتابع في المركز الي موجود قالولي بما انك قدمتي ف مصر تابعي محاضراتك والحاجاات الي تلزمك من هناك ومليش اي متابعات معاهم الا اذا حبيت امتحن عندهم ادفع الرسوم بس محاضرات وحاجات زي كده لازم اخدها من مصر
وانا حاليا مش هينفع انزل مصر عشان احضر او اشتري محاضرات
لوو ممكن اي حد هيحضر بكرة او يجيب محاضرات لو ينزلها على المنتدى هكون شااكرة لييه جدااا لاني بجد مش حابة اضيع حاجة عليا على الاقل لحد ما انزل مصر

أهلآ بيكى المحاضرات بتنزلك على صفحتك الشخصيه ... وانتى مش محتاجه انك

تحضرى ممكن تتابعى هم خدوا ايه اول باول ... وبالتوفيق والنجاح

[ATOMIX 0]

أهلى بيكى pinkrabbet

[princess sarah 0]

thanx deta

[shahnda 0]

اهلا بيكم وانا معاكم في اعلام اول سنه
وان شاء الله تكون سنه حلوة
بس حابه اعرف الجدول لاني هنزل يوم الجمعه الجايه وفي ناس
بتقول ان الحضور هيكون بعد الظهر؟؟؟
وساعات ايام تانيه بيكون الصبح
ياتري في حد يفيدني؟

[shahnda 0]

؟
؟؟؟؟؟؟؟؟؟؟؟؟؟؟؟

[salama2000 0]

مساء الخير اخت شاهنده وبالتوفيق ان شاء الله انا اخيكي سلامه من المنيا وانا كمان معاكي اول ترم اعلام ولتمنا ان يكون فيه ما بيناتواصل حتا نستفيد من الدراسه وخصوصا انني من سكان الاقاليم انتظر ردك وربنا يوفقنا جميعا

[salama2000 0]

كما احب ارحب بالاخ العزيز عمر واتمنا اننا نكون اصدقاء وارجو ان نتوصل من اجل النجاح اخيك سلمه المنياوي

[salama2000 0]

اسف اخيك سلامه المنياوي

[maspero2000 0]

الجمعة القادمة 5/10 من الساعة 1 ظهرا الى 2.30مقدمة فى الصحافة مدرج 28 اد محمود علم الدين
2.45 الى 4.15 مقدمة فى العلاقات العامة اد محمود يوسف
4.30 الى 6 مقدمة فى الاعلان د صفوت العالم ونتقابل على خير اخوكم ابراهيم محمد
على فكرة مدرج 28 كلية دار علوم ( المحاضرات مش فى كلية اعلام )

[shahnda 0]

ماسبيرو ميرسي اوي علي الاخبار
وشكرا علي اهتمامك
وان شاء الله موفق
شكرا تاني

[ساندى1 0]

السلام عليكم ورحمه الله وبركاته يارب تكون سنه خير علينا جميعا منورة يا شاهندة نتقابل بكرة ان شاء الله

[ATOMIX 0]

أهلآ بكم جميعآ فى المنتدى

أستاذ :maspero2000

أستاذه: ساندى


أستاذه : شاهندة

[ATOMIX 0]

[shahnda 0]

ههههه حبيبتي انتي ياساندى

حتي هنا بتزاكري احنا هنقر علييكي والله

ههههههههههه ميرسي ليكم علي الترحيب الحلو

ومنور سلامه وميرسي
DeTa

[shahnda 0]

بس انا مش هحضر تانى الا لما يفوت شويه
وانا بكرهه الزحمه وانهارده كان زحمه اوى

وكمان المواد نظريه سهله تتفهم
ولا ايه رايكم؟؟لازم نحضر؟؟؟

[maspero2000 0]

مين راح الكلية النهاردة وحضر

[NanY 0]

مــــــين راح النهااارده يا حـــلويين والنظام كان ايه

[NanY 0]

شاهنده انا عن نفسى مش هحضر دلوقتى خالص لان انا كمان بكره الزحمه وبكره كمان الصحيان بدرى فى الجمعه ال من 8 ل 11 دى صعب اوى انا هروح فى اخر شهر قبل الامتحانات عشان لو فى حاجه هتتلغى واعرف الحاجات المهمه مش اكتر انا شايفه ان المواد مش محتاجه حضور لو تابعتى محاضرات على صفحتك الشخصيه وذاكرتيها هتفهميها مش محتاجه يعنى

[amatallah.mohammed 0]

شكرا ليكي يا [b]marina
الحمد لله الدراسة ابتدت ولذيذة
[/b]

[amatallah.mohammed 0]

salama2000 كتب:

بعد السلام عليكم ممكن حد يفيدني ازاي اذاكر الماده الاعلاني الي باللغه الانجليزيه مع العلم ان مستو الانجليزي عندي ضعيف شويه

وعليكم السلام ورحمة الله وبركاته
انا حضرت اول محاضرة في المادة دي
هي محتاجة انك تنسي حكاية ضعيف شوية
وهتلاقيها سهلة خالص
كل اللي عليك نزل المحاضرات من الموقع
واحضر مع دكتورة سهير عثمان ماشاء الله شرحها حلو
وانسي الكتاب خالص
واي حاجة انا تحت امرك باذن الله

[amatallah.mohammed 0]

ازيكم يا شباب
اخبار الدراسة معاكم ايه

عايزين نتابع مع بعض وباذن الله نكون من الناجحين

عندي سؤال للناس اللي بتحضر

او حضرت المحاضرة الاولي في مقدمة في الفنون السمعبصرية والاذاعية
لدكتور خالد صلاح الدين

المحاضرة كانت بتتكلم عن الانتاج التلفزيوني

ودي مش المحاضرة الاولي في الكتاب ولا المحاضرات

فحد عرف يذاكرها

او التصرف ايه

انا حضرت باقي المحاضرات
واي حد عندده سؤال

علي الرحب والسعة