حلقه دراسيه ترم ثالث أداب E دور يناير 2013

[محبة نور الإيمان 0]

حابه استفسر عن قراءة وفهم في درس التضاد فيه فقره بعنوان بيقول فيها قد تكون لأسباب دلاليه او تخصيصيه أو قبليه وحاطط أمثله عليها كتيره خالص هل انا مطالبه بحفظ جميع الأمثله

[mahinoor 0]

marina كتب:

بالنسبة لعلم الترجمة 215 يستحسن تشوفى امتحانات الدكتور داخل مصر وخارجها لانة بيكرر قطع الترجمة unseen الا بيجبها اتدربوا علىترجمتهاهو بيغيرها مرة بيجيبالاجبها للبرة يجبها لداخل مصر وهكذا

شكراً يا مارينا على المعلومات المفيدة ... عندي سؤال محيرني جداً في مادة ESSAY
هو إن الدكتورة نزلت محضرات جديدة في مادة الإسي وشالت القديمة .... ماذا أفعل علماً بأن هناك بعض الإختلافات المهمة في الجديدة .... وجرامر ترم تاني أزاكرالترم الثاني فقط ولا الترم الأول والثاني .....شكراً

[ghadaekram 0]

دى اول مرة مرة اشارك معاكوا انا بصراحة اخدت بنصايحكو فى سنة اولى والحمد لله نجحت بتقدير وان شاء الله كمان السنة دى طولت بس كنت عايزة اشكركوا على المعلومات دى وبالاخص بيشو thanx

[المشتاقة للجنة 0]

السلام عليكم ورحمة الله وبركاته

ياترى عاملين إيه في المذاكرة,, ربنا يوفقنا جميعا

لو حد يقولي عناوين القطع المقررة علينا في الكمبرهنشن لأن المحاضرات عندي ما نزلتش كاملة

ياريت حد من زمايلنا اللي بيحضروا يفيدوني

وهل هما سبع قطع بس ولا فيه زياده

ربنا يبارك فيكم

[besho 0]

المشتاقة للجنة كتب:

السلام عليكم ورحمة الله وبركاته

ياترى عاملين إيه في المذاكرة,, ربنا يوفقنا جميعا

لو حد يقولي عناوين القطع المقررة علينا في الكمبرهنشن لأن المحاضرات عندي ما نزلتش كاملة

ياريت حد من زمايلنا اللي بيحضروا يفيدوني

وهل هما سبع قطع بس ولا فيه زياده

ربنا يبارك فيكم

بجد يا مشتاقه أنا ما أعرفشى لأنى دكتورها كان إتغير بس أنا عندى الكلمات بتاعة المحاضرات

ودى منقوله عن احد الزملاء وإنشاء الله هرفعهملك

[besho 0]

ghadaekram كتب:

دى اول مرة مرة اشارك معاكوا انا بصراحة اخدت بنصايحكو فى سنة اولى والحمد لله نجحت بتقدير وان شاء الله كمان السنة دى طولت بس كنت عايزة اشكركوا على المعلومات دى وبالاخص بيشو thanx

العفو يا ghadaekram وربنا يوفقك دايما

وانا تحت أمركم فى أى وقت فى اللى انا عارفه (بس اللى يرجع ليه الفضل بجد واحد إسمه كريم ربنا يوفقه)

[besho 0]

]دى كلمات الكمبرهنشنمنقول عن أحد الزملاء 4shared.com/office/vJRrIJji/comprehension_words__2_.html

[besho 0]

mahinoor كتب:

marina كتب:

بالنسبة لعلم الترجمة 215 يستحسن تشوفى امتحانات الدكتور داخل مصر وخارجها لانة بيكرر قطع الترجمة unseen الا بيجبها اتدربوا علىترجمتهاهو بيغيرها مرة بيجيبالاجبها للبرة يجبها لداخل مصر وهكذا

شكراً يا مارينا على المعلومات المفيدة ... عندي سؤال محيرني جداً في مادة ESSAY
هو إن الدكتورة نزلت محضرات جديدة في مادة الإسي وشالت القديمة .... ماذا أفعل علماً بأن هناك بعض الإختلافات المهمة في الجديدة .... وجرامر ترم تاني أزاكرالترم الثاني فقط ولا الترم الأول والثاني .....شكراً

محاضرات المقال القديمه هما الجداد بس الدكتوره منزلاهم مترتبين شويه

وذاكرى المحاضرات التلفزيونيه لأن الدكتوره شرحها كويس وفيه لينك كنت منزله باور بوينت للمقال هما هما اللى فى المحاضرات الجديده

أما الجرامر ف الدكتوره بتجيبه نظام تويفل

[besho 0]

]امتحانات الكمبرهنشن

4shared.com/zip/gs8XCMq2/Comprhension_3_Exams__4_.html

[المشتاقة للجنة 0]

يا جماعة هيا أماكن امتحان آداب انجليزي في الأقاليم نزلت ولا لسه؟؟

مفيش حاجة على صفحتي

[besho 0]

لسه

[المشتاقة للجنة 0]

صفحة 8 من الحلقة الدراسية مش راضية تفتح معايا يا ترى المشكلة دي عندي بس, أي صفحة من المنتدى بتفتح معايا عادي حتى الصفحات اللي قبل 8 لكن الصفحة دي كل اما افتحها تعلق,, مش عارفة المشكلة دي من عندي ولا إيه؟؟

[emy ahmed 0]

besho كتب:

emy ahmed كتب:

القراءه والفهم المفروض احفظ الكلمات اللي في المحاضرات ولا ما احفظهمش وهتجيب قطع مالهاش علاقه بيهم اصلا

دى يا إيمى كلمات الكمبرهنشن منقول عن أحد الزملاء

مش هتخسرى حاجه لو حفظتيهم ممكن يفيدوكى فى الترجمه

4shared.com/office/vJRrIJji/Comprehension_Words__2_.html

ميرسي يا بيشو بس انا مش عارفه احمل الكلمات دي هو انا لازم اكون مشتركه في الصفحه

[besho 0]

لا إدخلى على اللينك عادى وجربى تانى

[noha awad 0]

اماكن الامتحانات نزلت على الصفحة بتاعت كل طالب

[محبة نور الإيمان 0]

مفيش حد رد على استفساري يا ريت حد يرد عليه استفساري عن قراءة وفهم في درس التضاد فيه فقره بعنوان بيقول فيها قد تكون لأسباب دلاليه او تخصيصيه أو قبليه وحاطط أمثله عليها كتيره خالص هل انا مطالبه بحفظ جميع الأمثله

[محبة نور الإيمان 0]

يا رب يسهلنا ويوفقنا كلنا في جميع الامتحانات

[المشتاقة للجنة 0]

اللهم آمين يااااااااارب

[المشتاقة للجنة 0]

لو سمحتم حد يشرح الدرس ده في الـ comprehention مش فاهماه خالص

اللي هوا تقريبا تحديد نوعية كلام متعلق بجملة

(R) restatement

(I) inference

والنوع الثالث (NS) مش عارفة اختصار لــ إيه؟؟

مثال:

Jack has many friends. They go out together a lot. Jane is among his best friends.

1- Jack's friends are numerous >>> S

2- Dora is among his friends >>> NS

3- Jack is sociable person >>> I

[noha awad 0]

لو سمحتوا يا جماعة انا عرفت ان في مادة العربي المواضيع المقررة موضوع محمد عبدة وازمة عقل والفكر الانساني والعرب في الجزيرة العربية
وفية موضوعين ملغيين الشعر واصول التجديد وبين الفيلسوف والشاعر الناقد
فهل الكلام دة صحيح ؟ ياريت الناس اللي بيحضروا يردوا علية ضروري جدا لو سمحتم
انتوا عارفين خلاص الامتحان يوم السبت ان شاء الله

[المشتاقة للجنة 0]

ايوة فعلا الموضوعين دول محذوفين لكن النحو والثقافة المعجمية معانا يعني الموضوع بس هوا المحذوف

[المشتاقة للجنة 0]

الامتحــــــــــــــــــــــــــــــــــــــــــانات بعد بكرة,,, بالتوفيق للجمــــــــــــــــــــــــــــــــــــــــــــــــــيع ياريت نعلي الهمة ونجتهد في التنافس على التميز

وأهم حاجة ندعي ربنا ونتوكل ونعمل اللي علينا

بـــــإذن الله الامتحانات هتبقى جميلة,, أنا بشجع نفسي وبشجعكم معايا



ربنـــــا يوفقنـــا ونفـــرح بالنتايج

[mon mon 0]

السلام عليكم
انا ترم تاني ومحتاجة اعرف اذا كان ممكن اذاكر الثقافية 2 من التطبيقات بس يعني احفظ الاسئلة بس
ارجو الرد

[noha awad 0]

المشتاقة للجنة كتب:

ايوة فعلا الموضوعين دول محذوفين لكن النحو والثقافة المعجمية معانا يعني الموضوع بس هوا المحذوف

شكرا ليكي المشتاقة للجنة بس المادة دية طويلة وانا مش عارفة دكتورها امتحاناته سهلة ولا صعبة والنحو شامل كل حاجة والثقافة المعجمية هييجى إزاي في المتحان ؟ربنا يسترها معانا انا قلقانة جدا

[noha awad 0]

يا جماعة محدش يعرف الدكتور بتاع العربي مركزش على حاجه معينة أو ايه المهم أرجو أن تفيدونا

[محبة نور الإيمان 0]

السلام عليكم ورحمة الله وبركاته....
ازيكم عاملين ايه.. طمنوني عملتوا ايه في امتحان القراءة والفهم

[المشتاقة للجنة 0]

وعليكم السلام ورحمة الله وبركاته

ازيك يا محبة نور الإيمان

النهاردة كان امتحان قراءة وتعبير مش قراءة وفهم

هوا انتو الجدول في الخارج مختلف عنا ولا إيه؟؟؟

كان الامتحان كويس الحمد لله أسهل مما توقعته ربنا يستر عالامتحانات الجاية,,

إيه أخباركم انتو؟؟

[m.abdalla 0]

يا ريت لو حد عنده تطبيقات قراءة وفهم 3 يرفعها

[محبة نور الإيمان 0]

صح كلامك يا مشتاقه الجدول موحد كان غلط مني

[محبة نور الإيمان 0]

يا جماعه لو حد يعرف معلومات عن الدكتور او الدكتورة اللي بيدرس في الجامعة اعطونا معلومات ركز على ايه؟ في حاجه مهمه قالها عن الماده شاركونا

[محبة نور الإيمان 0]

قولولي هتذاكروا الكمبرهنشن من المحاضرات بس ولا هتذاكروا التطبيقات كمان

[m.abdalla 0]

حسب كلام الدكتورة في اخر محاضرةالامتحان
Unseen
لكن سهل اسهل من التطبيقات اللي كانت بتشتغل منها في المحاضرة
ياريت لو حد عنده التطبيقات يرفعهلنا او علي الاقل الكلمات

[محبة نور الإيمان 0]

m.abdallah يعني اذاكر من التطبيقات

[محبة نور الإيمان 0]

m.abdallah قولي عملت ايه في اختبار القراءة والتعبير

[Noni 0]

امنتحان القراءة والفهم هيكون فيه الكلمات اللي نحطها فجمل ؟؟
و هتذاكروا منين .. انا هحفظ من الكلمات اللي رفعتوها

[m.abdalla 0]

محبة نور الإيمان كتب:

m.abdallah يعني اذاكر من التطبيقات

مادة قراءة وفهم بتعتمد علي مستواكي عامة في الانجليزي زي مادة الترجمة كل اللي انتي محتاجاه تحفظي كلمات كتيير وتتدربي علي فهم القطعة والحل بشكل صحيح ولو فيه كلمات مش عارفاهاهاتبقي مشكلة . يعني احفظي كلمات كتيير وتتدربي علي امتحانات والاولي انك تحفظي كلمات التطبيقات اللي كانت شغالة منها الدكتورة بعدين احفظي اي كلمات من اي مكان،عشان كدة انا بسأل حد عنده التطبيقات يرفعهالنا؟

محبة نور الإيمان كتب:

m.abdallah قولي عملت ايه في اختبار القراءة والتعبير

تمام حليت كويس الحمد لله

Noni كتب:

امنتحان القراءة والفهم هيكون فيه الكلمات اللي نحطها فجمل ؟؟
و هتذاكروا منين .. انا هحفظ من الكلمات اللي رفعتوها

الدكتورة ما اتكلمتش عن تفاصيل الامتحان غير انها قالت هيكون سؤالين (قطعتين) علي ما اتذكر

[محبة نور الإيمان 0]

m.abdallah

[المشتاقة للجنة 0]

الحمد للــــــه كـــــــان امتحان النهاردة راااائع جدا على غير المتوقع,, عقبال البااااقي يارب,,, عملتوا إيه في امتحان الكبمرهنشن؟؟؟

[خالد سليمان 0]

امتحان اليوم كان ممتاز !

المشتاقة انتي بالإمارات ؟

[محبة نور الإيمان 0]

امتحان اليوم رائع
واللي بيسهل علينا في الامتحان ربي يسهل عليه هي دكتورة المادة اسمها شاهيناز

[المشتاقة للجنة 0]

خالد سليمان كتب:

امتحان اليوم كان ممتاز !

المشتاقة انتي بالإمارات ؟

أهلا أخ خالد,,

لا انا في مصــر

[المشتاقة للجنة 0]

محبة نور الإيمان كتب:

امتحان اليوم رائع
واللي بيسهل علينا في الامتحان ربي يسهل عليه هي دكتورة المادة اسمها شاهيناز

انتي متأكده انو هيا اللي حطت الأسئلة؟؟

انا فعلا لاحظت ان الأسئلة مباشرة,, وكنت خايفة أوي من سؤال التون بتاع الكاتب وسؤال الأوبنيون

عقبال الباقي يارب يبقى حلو زي اللي فات

بالتوفيق للجميع

[المشتاقة للجنة 0]

الســــــــلام عليكم,,,

لو سمحتو حد من زمايلنا اللي بيحضر يقولنا طريقة أسئلة المقال هتيجى ازااااي؟؟؟

ومين الدكتورة اللي هتحط الأسئلة, ربنا يكرمكم

[besho 0]

منقول عن أحد الزملاء وده شكل الامتحان

**شكل الامتحان
السؤال الاول هايبقا عباره عن 10 جمل واحنا نصححهم هاتبقا كاتبالنا المطلوب ف التصحيح بين قوسين

... السؤال التاني والتالت هايبقو عباره عن براجراف هاتجيبلنا اول جمله فيه واحنا نكمل الباقي
زي السؤال التالت في امتحان البيني اكتوبر 2012 كده

****مش هايبقا فيه شكل السؤال بتاع يجيبلك براجراف ويحطلك خط تحت بعض الجمل ويقولك حدد نوع الجمله الدكتوره قالت مش هايجي.....يعني السؤال التاني والتالت هايبقوا زي بعض نفس الشكل

[المشتاقة للجنة 0]

متشكـــــــــرة أوي يا بيشو

جزاك الله خيرا

[besho 0]

العفو على إيه لو فيه حاجه معاكى قولى ولو فى إيدى أى إفاده مش هتأخر

[المشتاقة للجنة 0]

موضوع كتابة مقال ده مخوفني أوي,, ربنا يستر

[besho 0]

دروس رخمة جدا ربنا يستر

[noga 0]

[i]حد عنده نماذج امتحانات منالسنة اللي فاتت او السنوات السابقة

[المشتاقة للجنة 0]

noga كتب:

[i]حد عنده نماذج امتحانات منالسنة اللي فاتت او السنوات السابقة

لينكات لامتحان البيني اكتوبر 2012

اول صفحه
http://www.ممنوع وضع روابط الفيس بوك /photo.php?fbid=10151067057271971&set=o.251524544895372&type=3

تاني صفحه
http://www.ممنوع وضع روابط الفيس بوك /photo.php?fbid=10151067058806971&set=o.251524544895372&type=3

تالت صفحه
http://www.ممنوع وضع روابط الفيس بوك /photo.php?fbid=10151067060331971&set=o.251524544895372&type=3