حلقه دراسيه ترم ثانى أداب E دور يناير 2013

[سما سيف 0]

امتياز ان شاء الله يا مريومة برافو عليكى وعقبال بقية المواد

[*maryam 0]

هههههه الله يخليكي متنسيش مخدة الشرف

انا طلع عندي واحدة غلط بس اللي هي في السؤال التاني رقم 3 الحمد الله عشان بس اللي عايز يراجع يبقى عارف

يارب بس يكون في ضمير في التصحيح يا سما وانتي ايه الاخبار ضمنيني عليكي؟؟؟؟؟؟؟؟

[salah abd el aziz 0]

الحمد لله كله تمام ... عندي واحدة في الإعراب مش صح و نسيت واحدة في الأمثلة ...
بالنسبة ليكي مريم المثال
3- الطالبان يذهبون الى الجامعة ( فعل مضارع من الافعال الخمسة مرفوع )
تأكدي منه ....بيتهيألي مش صح .

[*maryam 0]

salah abd el aziz كتب:

الحمد لله كله تمام ... عندي واحدة في الإعراب مش صح و نسيت واحدة في الأمثلة ...
بالنسبة ليكي مريم المثال
3- الطالبان يذهبون الى الجامعة ( فعل مضارع من الافعال الخمسة مرفوع )
تأكدي منه ....بيتهيألي مش صح .

طب تمااااااام الف مبروووووك

اه ما انا قلت اني عندي واحدة غلط هي دي تركيب الجملة جيه غلط معايا

*maryam كتب:

انا طلع عندي واحدة غلط بس اللي هي في السؤال التاني رقم 3 الحمد الله عشان بس اللي عايز يراجع يبقى عارف

[salah abd el aziz 0]

أنا عملتها " مررت بالغلامين يأكلان الطعام "

[*maryam 0]

salah abd el aziz كتب:

أنا عملتها " مررت بالغلامين يأكلان الطعام "

اللي هي ( فعل مضارع من الافعال الخمسة مرفوع )

هي يأكلان صح بس مش عارفة بصراحة تركيب الجملة مظبوط ولا لا اتمنى تكون صح

[سما سيف 0]

1.
الأفعال الخمسة:


والأفعال الخمسة هي كل فعل مضارع اتصلت به واو الجماعة، أو ألف الاثنين أو
يأء المخاطبة وسميت بالخمسة لأن اتصال هذه الضمائر بالفعل المضارع تجعله يأتي على
خمس صيغ


فواو الجماعة للمخاطبين انتم
تذهبون


واو الجماعة للغائبين هم
يذهبون


ألف الاثنين للمخاطبين أنتما تذهبان


ألف الاثنين للغائبين هما يذهبان


ياء المخاطبة أنت
تذهبين يعنى انتى عملتى صح فى الفعل يذهبون بس الغلط اللى عندك الطالبان لانها مثنى والفعل جمع بس بيهايالى الفعل هوا اللى مطلوب وهوا اللى غليه الدرجة يعنى اطمنى

[Gaber 0]

الحمد لله الامتحان كان مش صعب عقبال الباقى

[*maryam 0]

تصدقي يا سما انا افتكرت حاجة دلوقتي انا في النقطة دي كتبت جملتين

الجملة دي اللي طلعت غلط ( الطالبان يذهبون الى الجامعة )

والجملة التانية ( انتم تذهبون الى المدرسة ) اعتقد دي مظبوطة اكيد هيشوف الجملة الصح منهم

طيب انتي مقلتليش عملتي ايه يا سما؟؟؟؟؟؟؟؟؟؟؟؟؟؟؟؟

[yassmin 0]

عملتي ايه يا مريم ان شالله كان كويس بالتوفيق للجميع

[*maryam 0]

الحمد الله يا يايسمينا كان جميل جداااااااا

وانتي ايه الاخبار انتي امتحنتي النهاردة ويوم السبت صح ها ايه الاخبار؟؟؟؟؟؟؟؟

[yassmin 0]

بتاع اليوم كان رائع الحمدلله تمام

[سما سيف 0]

خلاص كدة يبقى ما فيش مشاكل اكيد هايحسب الجملة الصح وانا الحمد لله الامتحان كا بانسبة ليه سهل وحليت كويس وخلصت بسرعة ربنا يستر بس على امتحان الجرامر لانى مرعوبة منه لان المادة دى بالذات بيبقى الواحد مذاكر كويس ويلاقى الامتحان فى الاخر جاى من المريخ وحتى بعد كدة ما بنعرفش نراجع لان ما حدش واثق من اجابته يعنى حاجة كدة ملهاش ملامح ربنا يستر

[*maryam 0]

ههههههههههههه لا المرة دي هييجي من زحل متقلاقيش

احنا مبنعرفش نراجع مش عشان مش واثقين في اجابتنا لا عشان ورق الاسئلة اصلا بيدبسوه مع الاجابة فعلا ملوش ملامح من اوله لاخره

[rana jasser 0]

الف مبروووك للكل ان شاء الله تكونو قدمتو كويس امبارح الحمدلله كان حلو الامتحان يارب الله ييسر الباقي



طمنوني كيف الغرامر معاكم

[*maryam 0]

الحمد الله يارنا ربنا يستراها من الجرامر اهو بنعمل اللي علينا وربنا يسهلها يارب

[rana jasser 0]

الحمد لله يااارب

عقبال باقي المواد

ان شاء الله الله معانا

هوه انا كان عندي سؤال هوه الامتحان رح يجي زي الترم الاول اختياري كلو ولا لاء

[salah abd el aziz 0]

يا جماعة وانا محتاس زيكو كده لقيت موقع للتدريب على الجرامر بس تحفة
http://www.englishgrammarsecrets.com/

[rana jasser 0]

salah abd el aziz كتب:

يا جماعة وانا محتاس زيكو كده لقيت موقع للتدريب على الجرامر بس تحفة
[url=http://www.englishgrammarsecrets.com/

http://www.englishgrammarsecrets.com/[/quote[/url]]



هوه هدا الموقع في كل الي بخص المقرر ولا لاء

الله يجزاكي الخير يارب

[raafat sadek 0]

ان شاء الله يكون الجميع موفق في امتحان grammar اليوم

[dinaar 0]

بالنسبة لإمتحان الـ Grammar النهارده :


هو فيه إيه ؟؟!!!!!! ^_^

[سما سيف 0]

ما حدش يسالنى خاااااااااالص على امتحان انهاردة هوا موش كفاية علينا اليوم الزحل دة منهم لله

[Gaber 0]

انا عيز اعيط :hang:

[*maryam 0]

ياجماعة هو الامتحان اللي امتحناه النهاردة ده كان ايه

[سما سيف 0]

الامتحان كان كل علامات الاستفهام اللى اخترعوها واللى لسة ما حدش يعرفها دى اللجنة كلها كانت بتبص لبعض وما حدش جروء يسال حد عن حاجة لان الوشوش باين عليها يعنى اللى انا يا دوب كنت عارفاه ادوات التعريف والجمع والمفرد غير كدة حادى بادى واحنا ونصيبنا بقى وهايبان دعا الوالدين فى الموقف دا بالذات ربنا يستر

[*maryam 0]

لا انا كنت دول الوقت مندهشة في الورقة ومش قادرة ابص لحد اصلا

[*maryam 0]

يااااااااااارب عديها على خير

[nesreeen 0]

الامتحان البشع من الانترنت في صفحه 8 و الحل في اخر صفحه

http://www.upcomillas.es/zonacursos/cur5990/modulos/mod014/toefl_practice/TOEFL%20Test%201.pdf

[*maryam 0]

شكرااا يا نسرين ربنا يكرمك جبتيه منين ده شاطرة

[nesreeen 0]

لاقيت الامتحان في جوجل دورت علي كلمات اللي كنت فاكرها لاقيتوا قدامي
بس للاسف انا بعد ما راجعت الحل لاقيت اجاباتي كلها غلط
حسبي الله و نعم الوكيل

[*maryam 0]

تسلمي حبيبتي الحمد الله رب العالمين ضمنتيني يانسرين انا كنت على اخري

[raafat sadek 0]

شكرا لكي أخت نسرين علي الرابط
ولا تحزني لعله خير -لا أـحد يعلم أين الخير
وها هو رابط امتحان اليوم

4shared.com/rar/m24dTY85/2013-01___.html

[Gaber 0]

يعنى بكده انتم تقصدوا ان تثبتوا ان الامتحان كان فوق مستوانا فعلا ؟

[dinaar 0]

مع إنى اتخنقت
بس شكراً ليكى يا نسرين ^_^
بعد مراجعة الإجابات اكتشفت ان عندى 8 غلطات والله أعلم
ياللا ربنا يستر بقى ...

[dinaar 0]

وفيه حاجة لاحظتها :

إن فيه أخطاء ف بعض حاجات .. يعنى الدكتور عدل ف بعض الجمل تقريباً

[nesreeen 0]

"too visible " why too is wrong while it is adverb describe adjective

[سما سيف 0]

بعد مراجعة اجابات الامتحان والشكر طبعا لنسرين انا لاقيت انى هانجح ان شاء الله بس ما تسالونيش عن التقدير

[dinaar 0]

nesreeen كتب:

"too visible " why too is wrong while it is adverb describe adjective

قاعدة so ...... that

[*maryam 0]

ربنا يعديها على خير ياااااااااارب

[rere_gis 0]

انا راجعت الامتحان لاقيت 18 بس صح ، لو سمحتم اللى يعرف النجاح من كام يقولى عشان ارفع بس انا شيلاها و لا لا

[*maryam 0]

بصي انا سمعت ان في درجتين رأفة يعني اللي يجيب 8 من 20 يدولوا درجتين وينجحوه والله اعلم

بس ان شاء الله خير يا ريري و الكلام د ه يكون صح بالنجاح بإذن الله

[raafat sadek 0]

الاخت مريم هي الدرجة من 20 ولا 40

[*maryam 0]

الدرجة من 20 والسؤال عليه نص درجة يعني تجاوب 20 سؤال يبقى 10 درجات

[rere_gis 0]

ربنا يطمنك يا مريم ة يكون كلامك صح يا رب
و متشكره على ردك عليا

[*maryam 0]

ياااااااااااااااارب

[Laura easa 0]

nesreeen كتب:

لاقيت الامتحان في جوجل دورت علي كلمات اللي كنت فاكرها لاقيتوا قدامي
بس للاسف انا بعد ما راجعت الحل لاقيت اجاباتي كلها غلط
حسبي الله و نعم الوكيل

ممكن تكتبى الموقع اللى للئتى فيه الامتحان

[nesreeen 0]

http://www.upcomillas.es/zonacursos/cur5990/modulos/mod014/toefl_practice/TOEFL%20Test%201.pdf

[ليلي لاشين 0]

يا جماعه ماده القراءه والفهم
بالنسبه للبراجراف

[salah abd el aziz 0]

لا حول ولا قوة إلا بالله ...
لقيت عندي في امتحان الجرامر 15 غلطة من 40 ...
منهم لله ..

[محبة نور الإيمان 0]

السلام عليكم
عاملين ايه في الترجمه .. انا حابه اعرف الترجمه بتذاكرها إزاي