امتحان الجرامر ترم اول 10 - 7 - 2012

[shahy.mohamed.12576 0]

ايه رايكم في امتحان الجرامر امبارح ؟

[*maryam 0]

اقولك بصراحة اول مرة اخرج من امتحان معرفش انا عملت ايه واللي يسألني عملتي ايه مبقاش عارف ارد اقول ايه كلنا عملنا حادي بادي ما شاء الله علينا مع اني والله كنت مذاكرة كويس وداخلة متضمنة وخارجة مصدومة

[monamohsen 0]

امتحان فعلا غريب مش عارف انت حالل فيه صح ولا لأ
كمان كلماته صعبه ومتخصصه واعلى من مستوانا كتير

[monamohsen 0]

ممكن لو حد يقدر يجيب نسخه منه ولو حد يقدر يعرف الحلول الصح

[*maryam 0]

والله حتى لو عرفنا هو احنا هنفتكر عملنا ايه ما هو ورق الاسئلة خدوه ودبسوه مع ورق الاجابة عمري ماشوفت كدا في حياتي يدبسوا ورق الاسئلة مع الاجابة هو احنا اول مرة نمتحن

[rere_gis 0]

السلام عليكم و رحمه الله و بركاته
انا فعلا و الله زيكم مش عارفه الواحد حل صح و لا غلط ، وفعلا ما رفعليش ضغطى غير الورق اللى خدوه ده ، والله ربنا يستر ، انا عندى سؤال هو اللى ينزل فى الماده دى ماياخدش الترم الجاى مواد جديده الا اما يعدى منها و لا ممكن ياخدها مع المواد الجديده ، يا ريت اللى يعرف يطمنى ربنا يخليكم .

[monamohsen 0]

فى ناس بيقولوا انها بتاخد ورق الاسئله لان دايما عندها اخطاء سواء فى المحاضرات او فى التطبيقات وممكن يبقى فى اخطاء فى الامتحان ايضا

[monamohsen 0]

فى ناس بيقولوا انها بتاخد ورق الاسئله لان دايما عندها اخطاء سواء فى المحاضرات او فى التطبيقات وممكن يبقى فى اخطاء فى الامتحان ايضا

[منزهى 0]

السلام عليكم اعزائى اشرف يالتواصل معكم منزهى سنة اولى اداب ترجمة ترم اول

[mohamed alfarok 0]

[b]احنا اول مرة نسمع عن تدبيس ورقة الاسئلة مع ورقة الاجابة بس الاسباب ممكن تكون



اولا:- ان الامتحان ده هيكون دول عربية وخايفين من التواصل بين الطلبة

ثانيا:- انتم مين بتديكم لو الدكتورة نهلة فعلا اخطاها كتير جدا خصوصا فى الجرامر 2

اما لو ريم عاطر فى الترم الاول زى الفل ولا تياسوا كله بيعدى اللى هيركز هيتعب
[/b]

[heba mohammed 0]

طيب ما تقدموا شكوى يمكن يراعوا شويه في التصحيح ان الإمتحان مش قد مستواكم في الجرامر انا ترم2 والإمتحان كان جااي من الفضااء مش لينا خااالص

[*maryam 0]

ولا د. ريم ولا نهلة الدكتورة هدى عياد

كانت في ساعتها الشكوى دي خلاص بقى نخليها على ربنا وان شاء الله خير

[abo nooh 0]

أهلا فيك ومرحبا منزهي

[mohamed alfarok 0]

*maryam كتب:

ولا د. ريم ولا نهلة الدكتورة هدى عياد

كانت في ساعتها الشكوى دي خلاص بقى نخليها على ربنا وان شاء الله خير

[b]لالالالالالالالالالالالا



ولا فى اى وقت تنفع الشكوى

الشكوى لغير الله مزلة انا عملت حفلة الترم اللى فات على اهملهم فى مسالة اعادة الرصد والتصحيح بيقى ضربة حظ وايميلات وتليفونات لحد ماكلمنى شخص محترم جدا قاللى يااستاذ استعين بالله ولا ترهق نفسك من ساعاتها فهمت ودلوقت ان مطريها خالص ومفيش داعى لشد العضل

وكل عام وانتم بخير
[/b]

[mohamed alfarok 0]

*maryam كتب:

الدكتورة هدى عياد

[b]قصدك تقولى خالتى هدى عياد كانت بتدرس ترجمة ترم رابع بفضل الله وحسن ادائها انا كرهت ترجمة ترم رابع كنت حاسس اننا قاعدين على القهوة وهى بتشرح او فسحة وعندها اسلوب ينقط



انا مش بقول كده علشان احبطكم انا عايزكم تدعوا الليلة اول ليالى رمضان
[/b]

[abo nooh 0]

لاحول ولاقوة إلا بالله



رمضان كريم

[suha020 0]

ان شاءالله خيرنصبر وربنا يسهل

الله اكرم ياأخ خالد وكل عام وانتم طيبين جميعا ورمضان كريم

[abo nooh 0]

وانتي والجميع بخير وصحة وسلام

أوصى إخواني بالرجوع إلى كتاب الله ولكثرة تلاوته بالشهرالكريم

رمضان شهر القرآن الكريم