طلب عذر بدون اسباب

[moka koka 0]

السلام عليكم انا سنه اولى انا قدمت طلب عذر بدون اسباب التيرم الاول للست مواد

المهم انا عايزة اقدم عذر مرة تانية للتيرم التاني بس قالولى انه ينفع اقدم عذر لاربع مواد بس فانا قررت اقدم عذر للاربع مواد و ممتحنش الاتنين التانيين و هعتبر راسبة فيهم

سؤالي بقى دلوقت لما هيتأجلو الاربع مواد لشهر يناير هيعيدولي المادتين الي رسبت فيهم ؟؟

ولا هتروح عليا السنه كلها لاني شيلت مادتين ؟؟


و يا ريت لو في طريقة امتحن التيرمين في تيرم واحد حد يقولي عليها


و شكرا بس يا ريت تجاوبو على كل اسئلتي

[marina 0]

اهلا بيكى اولا مش حتقدرى تقدمى فى الترم التانى الا لما تخلصى الترم الاول فانتى لو عايزة تاجلىوتاجلى مواد ترم اول الستة



او تقدم تاجل للمواد الا حتاجلها من ترم اول ومينفعيش تسجلى فى ترم تانى الا لما تنجحى ى ترم اول لانها مواد كلها متطلبة

وهم مش حيعتبروك راسبة لانك اجلتى امتحانات



لو انت عايشة خارج مصر ينفع تضم الترمين وتمتحنهم فى مصر ودا يتطلب ورق اثبات انك عايشة خارج مصر غير كدة مينفعيش تاخدى الترمين مع بعض

[moka koka 0]

شكرا على اجابتك انا دلوقتي نزلت و امتحنت 3 مواد و اجلت 3

بالنسبة لل 3 الى اتاجلو دول هاخدهم مع مواد التيرم التاني بقى ولا ايه ؟؟

و بخصوص الامتحان العملى انا دخلت الموقع و لقيتهم منزلين جدول للامتحان العملي انا اصلا مخلصتش الست مواد الى عليا و معرفش حاجة عن الامتحان العملي يعني المفروض انزل تاني امتحن الامتحان العملي ولا ايه؟؟

[marina 0]

اولا حتاخدى 3 مواد الا اجلتهم

وبعدين حتاخدى من الترم التانى

باقى المواد لان اكيد الترم التانى فى مواد مكملة لترم الاول

بمعنى لو باقى المواد التلاتة من الترم الاول الا اجلتهم

لو نفترض مثلا اى اسم رياضة 1

وانت اجلتها ولها تكملة فى ترم تانى رياضة 2 مش حتقدرى تسجلى فيها الا لما تنجحى وتسجلى فى

رياضة واحد

فاهمنى يعنى حتسجلى من مواد الترم التانى الا غير

متطلب

[moka koka 0]

طيب اوك فهمت قصدك طب بخصوص امتحان العملي

ارجوكي قوليلي ايه نظامه لاني مش هقدر اسافر تاني في الوقت الحالي

[marina 0]

اولا هل انتى



مسجلة فى المادة دا



ولالا

ثانيا انا شفت الجدول ومكتوب الاستفسارعن اى معلومة

الاتصال بمنسق الاراضى

لاسف انا معرفيش ازاى التدريب دا فالافضل انك بعد العيد تطلبى المركز وتستفسرى عن الموضوع دا او تبعت رسالة من صفحتك لهم وتساليهم

[moka koka 0]

ازيك يا مارينا انا عارفة اني تعبتك باسئلتي

انا دلوقتي نجحت في مادتين من المواد التلاتة الي امتحنتهم و رسبت في مادة

و زي ما قلتلك قبل كده انا اساسا كنت مأجلة 3 مواد قبل كده و همتحنهم ع شهر يناير ان شاء الله

بس بخصوص المادة الي سقطت فيها لقيتهم كاتبين ع الموقع ان امتحانات الدور التاني للى راسبين في مقرر او اتنين ع شهر 10

وانا عايزة امتحن كل المواد سوا مينفعش امتحن المادة الى رسبت فيها مع المواد الى كنت مأجلاهم كلهم في شهريناير ؟؟

[marina 0]

الحمدلله ياحبيتى نشكر ربنا مفيش تعب ولا حاجة قدر الله وماشاء فعل


ينفع انت اصلا لما تروحى تسجلى حيطالبك الاول بتسجيل فى مادة الرسوب قبل التسجيل فى مواد موجلة او مواد جديدة

اما بالنسبة للى حيسجلوا مقرر او مقررين دول اللى مقرر تخرجهم ونص التنبية اهو

جوز للدارسين الراسبين في مقرر أو مقررين والمحتمل تخرجهم بعد نجاحهم في هذين المقررين التسجيل لامتحانات الدور الثاني سبتمبر 2012 امتحانات اكتوبر 2012 وذلك اعتباراً من يوم الثلاثاء الموافق 18/9/2012 حتى يوم الثلاثاء الموافق 25/9/2012 وسوف يتم إلغاء أي فواتير غير مسددة بعد هذا التاريخ.

[moka koka 0]

ميرسي ع ردك

منا اصلا مش هسجل في المواد الي مأجلاهم انا بس قدمت فيهم عذر و دفعت للعذر يعني انا اساسا متسجلة في المواد التالتة مش هروح اسجل فيهم

و كمان حاجة انا عايزة انزل مادة من التيرم التاني انا كل ده في التيرم الاول من سنه اولى

يعني مجموع المواد يكون خمسه ( تلاتة مقدمة عذر ليهم ) + ( واحدة رسبت فيها ) + ( واحدة جديدة من التيرم التاني )

فهل ينفع انزل مادة جديدة من التيرم التاني؟؟ مع العلم ان معنديش مواد متجزئه يعني ملهاش تكملة في التيرم التاني ؟؟

و انتي متاكدة 100 % بخصوص المادة الى رسبت فيها هتكون في شهر يناير مع الباقي ؟؟ اصلها مش نازلة عندي في الموقع لكن التلاتة الى قدمتلهم عذر نازلين ,, يا ريت تفيديني ضروري لان ده هيحدد موعد سفري

[marina 0]

ايوة ممكن تاخدى مادة من الترم الجديد وكمان ممكن لحد ست مواد يعنى بمعنى مادة الرسوب والتلاتة اللى ماجلهم وممكن مادة او مادتين من الترم التانى يعنى يبقى اجمالى المواد اللى معاكى 6 مواد

بالتوفيق والنجاح والتسجيل بدا من النهاردة

[moka koka 0]

انتي ساعدتيني كتير اوي يا مارينا و يا ريت تساعديني في الموضوع ده كمان

انا دفعة سنه 2011 و دخلت زراعه تعليم مفتوح

دلوقتي انا حابة اغير التخصص لحقوق .. و بلاقي في صفحتي خاصية اسمها (( طلب تغيير تخصص ))

فياترى هل في عوائق في الموضوع ؟؟ و ايه المطلوب ؟؟ و ينفع اصلا ولا لا ؟؟؟؟

و كمان حاجة دلوقتي بما ان حقوق بينطبق عليها الانتساب الموجه هل ده معناه انهم هيحسبوا الحضور و الغياب؟؟؟؟؟؟؟

و ردي عليا بسرعه الله يخليكي