نكت مغربية مضحكة جدااااااا

[AmEr-Dz 0]

***سول الأستاذ واحد التلميد: باش كتحلم؟

قال ليه الدري: كنحلم نشد 10000 درهم ف الشهر بحال الوالد.

قال ليه الأستاذ: علاش باك كيشدهم؟

قال ليه الدري: لا، حتى هو غير كيحلم.

*****هادو جوج دراري كانوا مدابزين ف القسم.

جا الأستاد لقاهم ف ديك الحالة وسولهم: مالكم على هاد الصداع؟

قالوا ليه: لقينا 100 درهم، واتفقنا اللي قال أكبر كدبة ياخدها.

قال ليهم الأستاد: ما حشمتوش؟ أنا ملي كنت قدكم ڭاع ما كنت كنعرف أشنا هو الكدوب.

وهوما نيت يعطيوه دوك الدراري 100 درهم





****واحد المرا بدلات النمرة د التيليفون، وبغات تفاجئ راجلها.

مشات للكوزينة، وعيطات ليه، قالت ليه: ألو يا عمري.

قال ليها: عيطي من بعد، راه البڭرة ف الكوزينة.

 

***مبوق وقف مورا واحد مكلخ ف الڭيشي.

شوية بدا المبوق كيضحك.

سولو المكلخ: علاش كضحك؟

قال ليه المبوق: عرفت الكود ديالك.

قال ليه المكلخ: أشنو هو يالاه؟

قال ليه المبوق: نجمة، نجمة، نجمة، نجمة.

شبع فيه المكلخ ضحك وقال ليه: غلط، الكود ديالي هو 4011

 

****قالوا ليه : نوض تخدم

قال ليهم : علاش؟

قالوا ليه : باش دير الدار

قال ليهم : علاش؟

قالوا ليه : باش تزوج

قال ليهم : علاش؟

قالوا ليه : باش دير وليدات

قال ليهم :علاش؟

قالوا ليه : باش يخدموا عليك

قال ليهم :علاش؟

قالوا ليه : باش ترتاح

قال ليهم : راني هاكا مرتاح، علاش ندور هاد الدورة كاملة؟

****واحد المعلم سول واحد التلميد، قال ليه: أش بغيتي تكون فاش تكبر؟

قال ليه التلميد: بغيت نكون ولد الحرام.

قال ليه المعلم: علاش أولدي؟

قال ليه التلميد: حيت بابا فاش كيشوف شي حد عندو طوموبيل واعرة كيقول ليه: ولد الحراااااام

*****جوج رجال تلاقاو ف القهوة.

الأول سول التاني: مجوج؟

قال ليه: اه، مجوج بمرا.

قال ليه لاخور: علاش عمرك شفتي شي واحد مجوج براجل

قال ليه: اه

قال ليه لاخور: شكون؟

قال ليه: ختي.

10:36

[alfahloy-alfahloy 0]

تسلم ايدك على المجهود الكبير
في انتظار مزيدك
تحياتى

[Admin_Nb 0]

نشكرك على الموضوع   

ونتضر منك مواضيع اخر