الكمال لله

[alfahloy-alfahloy 0]

الكمال لله
..........

ماكو واحد كامل الربنة الكمال
المشكلة ماتدري بالحدبة الجمال
وچذب ماكو انسان خالي من العيوب
ما اذم غراب ما امــدح غـــزال
كلنه نفس المستوى وهاك الدليل
شمــا عليت يصير عالگاع الخيال
نعم بين الودام نشــوف الفـــروق
فرق بيت الصفنه عن بيت ارتجال
بيئتك تربيتك يأثـرن عليــــك
يسببن بعض التباين بالخصال
عندي ناس تفكـــر تناســب شريف
واكو تعوف الشرف وتدور الجمـال
وعندي ناس تبوگ من جيب الرسول
وعندي ناس تخاف حتى من الحلال
اثگــل شما بيك مو زين الخفيـف
الريــح لو هب يحترم بس الثگال
واسأل الملاح شيفيـد الشــراع
عيب ما تفتهم مو عيب السؤال
الوادي من يصبح جبل فد شي عظيم
والجبال ايسكتـن انولـدن جبــال
ولا تسل السيف مـن تدخــل مضيـف
علموني السيف ينســل بالقتال
ولا ترد فرحان فايز عالجبـان
نازل الشجعان واخسر بالنزال
العنده سيف مگابل يحارب شجاع
ومو شجـاع بعيـد رمّـاي النبــال
وصعب جــرح السمعه ما يرهمله خيط
تغلط النســـوان ونــذم الرجــال
الگاع تاخذ ثارهه تطم اليمــوت
تنخلق للدوس والذل ياهو گال
استحي من الفقرة لا تلبس جديد
راح ثوبك يفضح ثيـاب السِمــال
ولا تشيد قصــر يـم خيمـة فقير
وحرمة عاجر لا تراويهه الجهال
ولا تبوس ابنك اذا يمك يتيم
تجرح الحرمان بوسات الدَلال
المهم گلبك, شنهي مال وشنهي لون
المسلمين هواي ويأذن بلال
.....
للشاعر حسين السيد نور

[عزف الحروف 0]

يعطيك العافية واسعد قلبك

سعدت جداًبتواجدي بين طيآت متصفحك الرائع ..

سلمت يداك على هذا الطرح الرائع بروعتك ..


لروحك السعآدة ..

[alfahloy-alfahloy 0]

شكرا جزيلاً على المرور
جزاكم الله خيرا
تحياتى وتقديرى
** alfahloy **